|
|
|
 Re: اهداء للمريخاب بمناسبة فرحتهم برفض شكوي الهلال (Re: khaleel)
|
خليلنا السمح
شكرا على الإهداء
شوف بالله ، نفسي الأمّارة بالسوء ، لامن قريت العنوان قلت خليل
قطع شك حا يهدي لينا رائعة الشيخ طه (الكواكب احتفلوا بالقمر)
وفي النهاية تكون الهدية للهلال ، زي صاحبنا النسّاي الجاب بيبسي لضيفو وشربو والضيف يتفرج،
بس مقلبتني ، وكعادتك ، أشّرت لينا شمال ولفّيت يمين،
عن نفسي ، لم أفرح لرفض شكوى الهلال - التي لا أعرف لها سببا - بس يا خلي عندي عقيدة
إنو المريخ بدون الهلال لاوجود له والعكس صحيح،
وقبل هذا وذاك كلا الفريقين من مواليد المسالمة 
| |
  
|
|
|
|
|
|
|
 Re: اهداء للمريخاب بمناسبة فرحتهم برفض شكوي الهلال (Re: khaleel)
|
** الباشمهندس خليل.
** صباحك خير..
## الاهداء لود عبداللطيف بصفته مُحلل رياضى ولاعب كُره سابق تسابقت أندية القمه (هلاريخ) لتسجيله ولكنه فضل الغربه عليهما..
** والله باخليل أشعر بالخجل على مابدر من بعض المنفلتين من جمهور المريخ والهلال..
** هذا الجمهور الذى تجرد من أبسط مقومات الرياضه "الأخلاق" ..
** ود عبداللطيف مُمكن تعتبره :- أبييى أو "كشمير"
(ودام الود بيننا مع الامانى بجمهور يعرف أخلاق الرياضه)
(ابو محمد فؤاد)
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
خلي يا جميل..
أمانة في (ظومطك) الناس (الظكرطهم) ديل كلهم
فيهم زول كرُور؟؟
موش كلهم صفوة الصفوة زاتها ؟؟
غايتو يا خليل نحن كصفوة..والله كتلنا فيك كتلة صعبة خلاص..
عندك مكاواة ذات نكهة فريدة .. ولكنها موجعة حد النزف..
أتذكر تماماً تعليقك على خروج المريخ من مجموعات الأبطال سنة مازيمبي العجفاء ديك ياخ..
المهم..تعليقك كان :
| Quote: روِّح يابا وابقى قفاك لا تعاين.. |
تصدق بالله يا خليل؟؟ قول لا إله إلا الله..قلتها؟؟ أيييييييييييوة..عليك نور..
لو تصدق يا شباب عمري.. تعليقك عمل فيني عمايل عجيبة خالص..
أقلها الضحك والبكاء في آن معاً..
عشان كدا نحن محبتنا ليك أشهدنا عليها ربنا..
ولم تأتِ من قبيل تكسير التلج والدنيا شتاء
وشتاء بلادي كروياً لا يعرف أي ثمار غير هلال مريخ..
وخروج يا ولدي دوماً يتكرر من خلف الأبواب..
والشعب الصابر يا ولدي..لا يقنع أبداً يتعشم..
قد يأتِ الفرحُ بذات مساء لشفاهِ أدمنها الإحباط..
هسي يا خليل كلامي الفوق دا ما شعر تفعيلة عديل؟؟
أححححححححححححححح
استغفر الله العظيم..
قول يا لطيف.. والخير قدام إن شاء الله..
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
Quote:
** والله باخليل أشعر بالخجل على مابدر من بعض المنفلتين من جمهور المريخ والهلال..
** هذا الجمهور الذى تجرد من أبسط مقومات الرياضه "الأخلاق |
صباح الخير ابو محمد
اندهش جدا
اين الكرة التي نتعصب لها
والله لولا ظروف الغربة والسلوي في تشجيع الفريقين
لما اعرناهم اتنباها
تحياتي
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
Quote: بصراحة بصراحة يا محمد مرتضي
عجبتني الزول الوسيم
ومشيت مكتبة الفرجوني ولقيت عيدالكواكب
وقلت اهي مناسبة |
يعجبك الخير يا خِلِّي،الزول الوسيم.. ، ود المحرب قال لي دا ما الفرجوني ولسه عندي معاهو كلام.بس لكن بطريقتك دي ، لاشعوريا ، ستكشف للزرق حقيقة مريخيتك،
أها شايف ، هسه واحد قال لي أتاريهو خليل غواصة نووية في المحيط الأزرق !!
الطرفه القديمه تقول ناس البوليس زمان بيوزعوا ليهم مناديل برتقاليه ، يقوم بوليس سري يطلع منديلو
في المحطه الوسطى يمسح جبهتو ورقبتو من العرق ، أها هسه تهدي لينا كده في العلن؟
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
| Quote: اهداء للمريخاب بمناسبة فرحتهم برفض شكوي الهلال |
هو كمان يعنى كان فى شكوى !!!
و الله يا ابو الخل سويتوهو ( أفرش ! ) و ( تخين ! ) !!!
ما فرحنا : لكن ! خجلنا ليكم ...
.....
الأغنية طبعا من روائع ود القرشى للأستاذ عثمان الشفيع و بالعود على سلم المرحوم خوجلى عثمان و آداء أحمد الفرجونى ...
....
كسرة :
قلت لى راجى ما بجيب قون فى الهلال ؟؟؟
و لا نخلى الحكايه مستوره !!!!
.......
تحياتى لك خليل و أُسرتك الكريمة و كل عام و أنتم بخير ...
( عبدالماجد)2
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
خليل
مقبوله منك وعقبال ما نردها ليك في شكـوى قادمــة
أصلو شكواتكم دي ما اظن تنتهي يا ما حا نشوف شكاوي وبكاوي
والسنة الجاية انشاء الله خطوة للأمام
ونحن بعد انتهاء عام الرماده دا ما اظن تاني تمر علينا الظروف دي
ومن بدري بنحسم الممتاز
ونتمنى ان نهديكم اغاني تبكــي بس
أبومصطفى
أبومصطفى
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
| Quote: انا راهنت علي الممتاز ياخي وليس كاس السودان |
حكايتك دى ! ذكرتنى حكاية واحد قريبنا فى البلد أعلن إنو تاب من ( الشراب ! )
قام جا ( الخرتوم ! ) ( الزمن داك ! ) زاير أولاد أهلوا ! الماقصّروا فيو !
صاحبنا اليوم الأول ضرب ( العشا ! ) الما خمج و ختوا قدامو كباية لبن قدر ( الكتلة ! ) ...
بعد ما الجماعه إتأكدوا إنوا العم إتعشى و إتخدّر و نام ! مشوا على ( الكورنا ! ) !
و داك يا ( ويسكى ! ) و ( عود ! ) و ( كونياك ! ) , بعد شويه إلا و ( عمك ! ) جا إتحكّر وسطم !!!
يا عم ( فلان ! ) إنت ما تبت من الحكايات دى !
رد ليهم ! لا أنا تبت بس ! من ( العرقى ! ) !!
......
كااااك يا خليل NO WAY
عبدالماجد
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
خليل
تحياتى
شكراً للإهداء والإختيار ما فيه كلام .. عثمان الشفيع غناهو كلو مميز
الشعر .. والشعرالمغنى يعبر أحياناً بما يمر به الشخص من خواطر وأحاسيس .. يعبر عن الحزن والفرح ..
وكفارة رفض الشكوى لاحظت مدى تعليق آمالك عليها . لا أعتقد أنه بحصافتك يفوت عليك إستحالة قبولها
ولكن طغت عليك آمال البطولة التى تكاد تكون فى متناول اليد فى منافسة هذا العام حتى النهائي
فرقها حمام ميت .. هاردلك ..
الأقمار عليمة .. والهلال به العليمين ..لكن من وهم الناس بالشكوى الفالصو ليس عليماً !
ياخى الشفيع دا خرافى ..
كدى حضر لينا أغنية بمناسبة الرياضة الجماهيرية - 2
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: نادر الفضلى)
|
Quote: وكفارة رفض الشكوى لاحظت مدى تعليق آمالك عليها . لا أعتقد أنه بحصافتك يفوت عليك إستحالة قبولها
ولكن طغت عليك آمال البطولة التى تكاد تكون فى متناول اليد فى منافسة هذا العام حتى النهائي
فرقها حمام ميت .. هاردلك .. |
صباح الخيرات
نادر الفضلي
هل تفتكر ممكن نقابل فرق ضعيفة بهذا المستوي
اقواهم كان الصفاقسي وكان جاهزا للذبح
لكن نعمل شنو مع ناس ديمبا وبشة
رفضو ان يمنحونا الفرح
وكما قال الرشيد كسلا
وزي ما تضيع من المسكين تذاكر سفره للرحمة
تحياتي
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
هديتك مقبولة يا صاحبي
وبدوري اهديها لاخوي
عيسى الهاشماب مدرب
حراس الهلال الرافض
يرفع تلفونو كلو كلو .
اكتر حاجة عجبتني في البوست ده
الجزء ده من المداخلة دي :-
Quote: عن نفسي ، لم أفرح لرفض شكوى الهلال - التي لا أعرف لها سببا - بس يا خلي عندي عقيدة
إنو المريخ بدون الهلال لاوجود له والعكس صحيح، |
مُش يا عالم قلنا ليكم صفوة !!!؟
يا مولانا كيفك .
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
أووو حبيبنا خليل
كيفك آ زول وكيف كيفك !
تصور يا صديق أنا فقدت اجمل تسجيل للغنيه دى ..
كان المرحوم خوجلى عثمان بشيل مع الشفيع ..
يا سلاااام يا خليل ياخى ..
متعه ما بعدها متعه .. غنا الا تسمعو بالليل ..
غايتو ..
المهم : موضوع الشكوي ده ما تابعتو الا من عناوينك فى المنبر ..
والظاهر انك كنت عاصر عليهو شديد ..
وكم كنت مشفقا عليك يا صديقى من تكرار خيبة الامل ..
ذكرتنى زمان عندنا صاحبنا جا من السعوديه فى اجازه
وكان عندنا معلومه انو ( زولتو ) عرسها فى ذات اليوم ..
دسينا منو الخبر لكن تمت تسريبات كشفت الموضوع ..
وزولنا ده حنيييين والموضوع جرسو ليك جرسه شديده ..
بالتأكيد وقفنا معاهو Full options وما قصرنا كلو كلو ..
تانى يوم حبينا نرفه عنو وكده ..
سقناهو الريفيرا ..
واحنا داخلين اتفاجأنا بذات ( الزوله ) لابسه الزفاف وداخله مع العريس لقاعة الاعراس
( طلع عرسها الليله ما امبارح )
تاااانى وقفنا معاهو و.. Full options
سلام يا صاحبي ..
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: سيف الدولة كامل)
|
يا فنى قول وأنصفنى ديمة
يا لحنى أشدو شعراً قويما
تصور الأقمار عرفت غناى
نزلت من السموات تسمو حداك
وإزدانت الحفلة والنورتجلى
يا الله زيد فى الحب والعفة ديمة
*************************
دا الدهب المجمر بجماله أنضر
دا الكل يحكى لونه ما أحلى نوره
وشهدت إستعراضاً كان عظيما
وسعدت والأقمار زايدانى ريفه
خليل الله يديك العافية
الشفيع دا لما يفتح حسه حاجه كده ما بتتوصف روعتها
أسأل الله الرحمة لعثمان الشفيع ومحمد عوض الكريم القرشى
وخوجلى عثمان
ما عندك الشفيع وخوجلى فى يا إله فنى؟
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: نادر الفضلى)
|
Quote: ويظل الهلال سيد البلد في حدقات العيون.
بعيدا عن المهاترات التي تضعف روابط المحبة
بين جمهور العملاقين, وعقبال الكأس القادم.
|
سيف الدولة
ملك الامم
نعم يظل الهلال في قلوبنا ويظل المريخ هو ملح الارض
وننتظر الفرح في العام القادم
ان كان في الكاس باقي
تحيات شديدة
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
Quote: اشهد انك اول من اعطانا البشارة بقرب طيرانكم من
الكونفدرالية حينما اعلنت رجفتك صراحة من الصفاقسي يا خليل
اها من اليوم داك نحنا عارفنكم طايرين طايرين |
شكرا خالد
ياحبيبي كل شيء بقضاء
ما بأيدينا خلقنا تعساء
ربما تجمعنا أقدارنا
ذات يوم بعد ما عز اللقاء
فإذا أنكر خل خله
وتلاقينا لقاء الغرباء
ومضى كل إلى غايته
لا تقل شئنا فإن الحظ شاء
| |
|
|
|
|
|
|
|
|
|
Re: اهداء للمريخاب بمناسبة فرحتهم برفض شكوي الهلال (Re: khaleel)
|
Quote: كيجا
خليك طموح ياخ
ممتاز قول كاس العالم للاندية |
ابو الخل
دي المنافسة الممكن مع كاس السودان وكاس الانقاذ البتلمنا بي الهلال
التانيات ديل انتو ما قدرهـم لسع بدري عليكم عشان كدا
ما تبارونا بنوديكم ... التوج
انت عارف يوم مباراة نهائي السودان لما قلت ماعندك نفس انا قلت خلاص قطع شك المريخ فائز عشان كدا انا تاني بتفائل بيك، لاني ذاتي ما كنت ناوي احضر لكن قلت الكوتش ابو الخل لما قال كدا اكيد حلـم بكابوس
مع تحياتي
أبومصطفى
| |
|
|
|
|
|
|
| |
khaleel
Mahmoud Mustafa Mahmoud
محمد المرتضى حامد
عبدالكريم أحمد الامين
Ashraf el-Halabi
عصام دهب
نيازي مصطفى
keiga2000
alsngaq
سفيان بشير نابرى
محمد حيدر المشرف
سيف الدولة كامل
معاوية محمد الحسن
فيس بوك
تويتر
انستقرام
يوتيوب
بنتيريست