|
كتب الكاتب الفاتح جبرا المتوفرة بمعرض الدوحة
|
|
 Re: ياناس هوي شنو موضه مشينا حفل تعارف وعقدوا لينا ؟؟ (Re: amir jabir)
|
المشكله يا أمير مافي وجود بنت الحلال المشكله في الموضه الاصبحت بكثره في الخرطوم والمتخوفين منها كثير من الشباب الواحد عاوز يطلع السلم دا Step by step لكن الناس الكبار ديل دائما لاينظرون الي الامام بعاينوا تحت أرجلهم . عاوزين يخلصوا بغض النظر عن مساويء عقد القران بدون ما الطرفين يفهموا بعض .
Quote: المشكلة تبقى فى المثل نسيبتك نسبة ومصيبتنا مصيبة توكل على الله يا رجل لو بقيت يتيمة تبقى فى حق
مشكلة امها فى مشكلة |
 شكلك ممكون وصابر
| |
 
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: انس التوم احمد)
|
Quote: الاخ العزيز
عادل الباهي
كل عام وانت بخير
والله صدقني كده احسن
لانوا الشغلانية لمن
تتطول بتحصل
عوارض |
العزيز أنس التوم
وأنت بالف خير ياحبيب
لو عقد قران وطوالي بيسلموك زوجتك مافي مشكله لكن المشكله الولد يعقدوا ليهوا بدون مايكون جاهز وينتظر الاهل أكتمال بقيه المراسم والعادات صاحبنا يقوم يدخل علي بنت الناس بحجه هي زوجته بدون علم الاهل والاقدار مامعروفه ياتوفي يا حصل طلاق أها بنت الناس بتروح في الرجلين ساكت .
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: عادل الباهي عبدالرازق)
|
سلامات ود الباهي ..
عندي نقطتين في الموضوع ده :
الأولى: أنا متأكد تماما إنو فترة الخطوبة وللا فترة العلاقة العاطفية السااااي دي بين الطرفين
في الغالب الأعم بتكون فترة نفاق عاطفي .. جديع كلام وكتيل عيون وسبسبة
وكل طرف بحاول يظهر حاجاتو الكويسة بس .. يعني تلقى الراجل (عامل فيها) أبو الكرم وأبو الشهامة
وأرجل راجل في الدنيا وأحن وأعطف من مشى على هذه الفانية .. وعامل فيها البين قوسين دي معناها إنو الزول
ممكن حقيقة يكون شهم وكريم وشجاع......إلخ .. لكن دايما قدام الطرف التاني تلقاهو زايد الحاجات دي عشرين كوز موية
والبت برضو تلقاها عاملة فيها ست مطبخ مبااالغة .. وشريك أساسي في مؤسسة الزوجية .. وحنونة وذات مشاعرة ملتاعة
تعشق الحياة الزوجية .... pla pla apl ...
ومع نهاية فترة العسل البتكون حوالي شهر أو شهرين .. تكتشف إنك أحسن منها في المطبخ .. وفي غسيل العدة وإنها زولة
إتكالية بنسبة 100% .. وهي برضو مع أول ملف تكتشف إنك بتحب القروش زي عيونك مثلا .. .. وكدة
عشان كدة بقول ليك فترة العلاقة والخطوبة هي أخصب الفترات عشان الناس تظهر موهبة التمثيل وتمارس النفاق في أكثر صوره
عهرا وعري ..
الحاجة التانية: نعم نحن مسلمين ونعتز ونفتخر باسلامنا ونسئل الله أن يميتنا على دين سيدنا محمد ..
لكن الخواجات ديل عندهم حاجة انا متكيف منها جدا ..
إنو أي جوز فيهم عندو فكرة زواج وكدة .. تلقاهم عايشين مع بعض في بيت واحد فترة طويلة جدا من الزمن .... ليه؟؟؟؟؟!!!!
عشان الحياة مع زول في بيت واحد لفترة طويلة مهما كنت بارع في التمثيل والنفاق .. لكن حقيقتك بتظهر وبتعرف لو الزول/ة
دي ممكن تقضي معاهو باقي عمرك الجاي وللا ما ممكن ؟!! وفي ناس كمان متطرفين اكترمن كده .. يقوليك نحن نجيب طفل أول
بعد داك نفكر في الزواج .. برضو عشان تشوف الطرف التاني دي ها يتعامل كيف مع البيبي ده ونفسياتو ها تكون كيف بعد ما يخلّف
هل هو بنفس الحاجات الزمااااان ديك وللا اتغير .. حتى بعد داك يفكر جادي إنو يتزوج من الطرف التاني ..
..
عشان كده نصيحتي ليك ..يا حبة
يا تتزوج زي زواج الناس الكبار ديل .. بلا عرفة بلا حب بلا خطوبة بلاش كلام فارغ .. وطبعا قبل كده لازم تستخير وتفوض أمرك لله
يا كمان تعمل فيها خواجة 
| |
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: ابوبكر قسومة)
|
Quote: تعرف يا ود الباهي الموضة دي بالذات بتنفع معاك أنت,,..لينا سنين بنسمعك تقول بدور العرس ,وما حركت ساكن,,,عشان كدة يا خوي أعمل حسابك يومك التمشي لي حفل التعارف ده تكون مالي يدك تب,,لانك - قطع شك- ما بتمرق منهم ساكت .
أوعي يكونوا دبسوك؟
|
ود قسومه ياحبيب
سبب واحد يخليني أمشي حفل تعارف ولاحفل تنكري مافي والله لو خدروني رجلي مابشيلا مالي ومال دقوهوا وشالوا قروشوا الموضوع دا كلوا سلبيات ومستحمي
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: احمد الزبير)
|
Quote: ود الباهي سلام
ومرور للسلام
انت هنا
وايه اخبار هناك
السميته ام سيسي
والتانيه شنو مش عارف
وستهم
لك التحايا |
العزيز أحمد الزبير
كل سنه انت والاسره بالف خير
ياحبيب من نعمه الله علينا النسيان ، فسامح من ظلمك وأدعوا له بالهدايا وأستغفر الله وتوب اليه فيمن ظلمت
الدنيا آخره كوم تراب .
مودتي
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: محمد النيل)
|
العزيز محمد النيل
Quote: انتو كمان???!
دى افة والله
وكبكبة وخفة ساااى
الخطوبة مرحلة هامة لكن باصولها وقواعدها
شكرا للموضوع الهام اخ عادل
اتمنى ان يجد النقاش الكافى |
زي ماتفضلت وقلت بالجد أفه مشكله السودانيين ديل حاكوا حاكوا بيتبعوا بعض في كل شيء وبدون دراسه الاثار الجانبيه للشغلانيه دي ، أنا بعرف صاحب شاف ليهوا بنت في المواصلات المهم مشي للتعارف عقدوا ليهوا وبالفعل تم الزواج لكن بلاهي قبل ان يكملوا عامهم الاول طلاقين ولو مشيت ليهم زياره في البيت لازم تكون عامل تأمين علي رأسك او لابس هلم بلاهي اليوم كلوا كواريك ومشاكل وطوه طايره وكفتيره في الجوء وكل واحدفيهم يداعي في المأذون
نفسي بس أعرف سبب الاستعجال شنو ؟
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: محمد عمر جبريل)
|
أهليين حبيبنا محمد عمر
أنا متأكد أيضا أن فتره الخطوبه كل طرف بيحاول يتجمل للآخر لكن ليس هناك ضرر سوف يقع علي أحد الاطراف لكن موضوع العقد سلبياتوا كثيره خاصه للبنات لو أخذنا الشغلانيه بنظريه حسابات لو بعد عقد القران مباشره بيسلموا الشاب زوجتوا مشكله مافي أنشاءالله أسكنا في تحت شجره لكن يعقدوا لي وبعد العقد يقول ليك أجهز وتعال كمل مراسم الزواج دي مربط الفرس . أسع لو قمتا في لحظه ضعف وأثناء الطلوع والدخول مع البنت دخلت عليها والبنت حملت وانا ماشي في الشارع دا في حادث سير توفيت هل أهلي ولا المجتمع بيصدقوا الطفل دا من صلبي دا السؤال او حصل طلاق قبل أكتمال مراسم الزواج والبنت في نظر الناس عاقدين عليها لكن مع وقف التنفيذ دي من سلبيات العقد في حفل التعارف الموضه الماشا الايام دي .
Quote: عشان كده نصيحتي ليك ..يا حبة
يا تتزوج زي زواج الناس الكبار ديل .. بلا عرفة بلا حب بلا خطوبة بلاش كلام فارغ .. وطبعا قبل كده لازم تستخير وتفوض أمرك لله
يا كمان تعمل فيها خواجة |
كان بقت علي الاوربيات أحسن لي أكمل دراستي
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: عادل الباهي عبدالرازق)
|
Quote:
يعني عشان العريس يتدبس وماينط ولاشنو ؟ |
الأخ عادل الباهي عبد الرازق
كل سنة و إنت طيب و ربنا يحقق أمانيك
تعرف موضوعك ده جد مهم لأنو أعتقد الظاهرة دي
بقت شئ عادي و المفاهيم بتختلف من ناس لناس
في ناس فعلاً عشان العريس ما يغير رأيو
و في ناس تقول لا أحسن يتعارفوا في نطاق العقد
على راحتهم تماماً برضى الأهل و عدم إعتراضهم
على إعتبار إنهم في حكم الزواج
شخصياً ما بحبذ الفكرة حتى لو كان
الناس بتعرف بعض حق المعرفة
و القسمة ما بتنضمن ممكن في آخر اللحظات
الموضوع ينتهي و السبب القسمة
أياً كان المُعوق
فالمشكلة في عدم تفاهم الطرفين و ممكن ينفصلوا
لكن المشكلة بشوفها للبنت غير لأنها حتحمل
لقلب مُطلقة
و ممكن ما تحمل لقب مُطلقة و واحد من الطرفين
أو الإتنين يحسوا إنهم ما ليهم رغبة في المواصلة
بس بسبب الكُبار يرضوا و يكملوا مراسم الزواج
بدون قناعة
على أي حال طبعاً هي قسمة و نصيب
لكن العقد قبل الزواج ما من أنصاره إلا في حال
وجود العريس في دولة بره السودان لإجراءات الإقامة
تحيّاتي و كل تقديري
كل الود و الإحترام
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: هالة الأقرع)
|
الاخت هاله
وانت وأسرتك بالف خير وربنا يحقق أمانيك ويوفقك
شكرا لمداخلتك القيمه وحقيقه اامن علي كل مازكرتيه وبالجد ظللت منذ فتره ليست بالقصيره أرصد وأتتبع هذه الظاهره المتفشيه وكل الحصيله التي خرجت بها ليست في صالح كل الطراف وغالبا يقع الطلاق وتحمل البنت لقب مطلقه لايدها ولاكراعا ، المفروض المجتمع يكون أكثر أيجابيه في محاربه هذه الظاهره اللهم الا أذا كان العريس خارج السودان لاجراءات الاقامه زي ماتفضلتي .
فائق شكري وتقديري الاكيدين
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: عادل الباهي عبدالرازق)
|
والله ياعادل الباهي أكراما لمشاركتكم لنا في بوست بيان هام لأهل توتي لما شفت البوست بتاعك دا قلت أدخل أسلم عليكم وأشارك بالرغم من أن لي رأي مخالف تماما في مسألة الزواج دي لأني أعتقد أن المغتربين يواجهون مشكلة حقيقية في إختيار الزوجة خاصة وأن العملية تتم أثناء الإجازة والتي لا يكون الإنسان مهيأ فيها تماما لإتخاذ قرار مصيري مثل هذا ولذلك لا بد من التفكير الجاد في إيجاد حل لهذا المشكلة المستعصية ولابد من مشاركة خبراء وعلماء نفس وعلماء إجتماع وعلماء دين لأن الحل ربما يتضمن عمل عقد زواج تجريبي لا تترتب عليه أية إلتزامات حتى يتأكد الطرفان من إمكانية إستمرار الحياة أو المفارقة بالتي هي أحسن قبل حدوث أي نوع من أنواع الضرر والمسالة تحتاج لبحث فقهي وعلمي مكثف
ولولا أنني مشغول بموضوع نزع توتي كنت سأسترسل معكم في الحديث لكن نحن هسع في أراضينا والدفاع عنها وموضوع العرس دا ما شاغلنا لما نثبت الأرض ولا كيف؟؟؟؟؟؟؟
تحياتي ومودتي
عمار زكي
توتي
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: عمار زكي)
|
العزيز عمار زكي
حياك الله
Quote: والله ياعادل الباهي أكراما لمشاركتكم لنا في بوست بيان هام لأهل توتي لما شفت البوست بتاعك دا قلت أدخل أسلم عليكم وأشارك بالرغم من أن لي رأي مخالف تماما في مسألة الزواج دي لأني أعتقد أن المغتربين يواجهون مشكلة حقيقية في إختيار الزوجة خاصة وأن العملية تتم أثناء الإجازة والتي لا يكون الإنسان مهيأ فيها تماما لإتخاذ قرار مصيري مثل هذا ولذلك لا بد من التفكير الجاد في إيجاد حل لهذا المشكلة المستعصية ولابد من مشاركة خبراء وعلماء نفس وعلماء إجتماع وعلماء دين لأن الحل ربما يتضمن عمل عقد زواج تجريبي لا تترتب عليه أية إلتزامات حتى يتأكد الطرفان من إمكانية إستمرار الحياة أو المفارقة بالتي هي أحسن قبل حدوث أي نوع من أنواع الضرر والمسالة تحتاج لبحث فقهي وعلمي مكثف
ولولا أنني مشغول بموضوع نزع توتي كنت سأسترسل معكم في الحديث لكن نحن هسع في أراضينا والدفاع عنها وموضوع العرس دا ما شاغلنا لما نثبت الأرض ولا كيف؟؟؟؟؟؟؟
تحياتي ومودتي
عمار زكي
توتي |
ليس المغتربين وحدهم من يعانون في أختيار شريكه الحياه حتي الذين بالداخل يعانون الامرين ، كل الدنيا بتحاول تختصر مراسم وتكاليف الزواج الا في السودان
كل يوم الناس طالعين ليهم ببدعه تزيد من تكاليف الزواج وياريت لو كانت بدعه مدروسه ولها أيجابيات أسع عقد القران وحفلات التعارف دي بتزيد التكاليف وترهق كاهل أهل العروس .
مرور مقدر وربنا ينصر أهالي توتي ياعزيز .
| |
|
|
|
|
|
|
|
|
 Re: ياناس هوي شنو موضه مشينا حفل تعارف وعقدوا لينا ؟؟ (Re: عادل الباهي عبدالرازق)
|
سلام يا ود الباهي
وكل سنة وانت طيب
والسنة الجاية وانت متدبس في عرسه كدا (بيان بالعمل لبوستيك دا)
| Quote: عشان العريس يتدبس وماينط ولاشنو ؟ |
وليه ما يكون سببها عدم الثقه فى عرسان الايام ديل " اولاد الزمن دا "
ورغم اهمية فترة الخطوبة لتعميق التعارف بين الشاب والشابة وتعرف كل طرف على الآخر
معرفة وثيقة ولكن في نفس الوقت الكثير من الزيجات تُثبت انه ليست
فترة الخطوبة فقط هي العاصم من حالات الطلاق
فكثير من الحالات تمت فيها خطوبة واستمرت
لعام وعامين ووو ... ولكن ما ان تم الزواج حتى بدأت الخلافات
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: mayada kamal)
|
ود الباهي سلامات...
أنت صدقت إنو تعارف؟؟؟
أول تبادي تعارف بين منو ومنو؟؟
يا زول الجماعة ديل بيكونوا متعارفين...
ومتحاورين.. وخلاص كل شيء تمام.. إلا دي
موضة تحايل...باستخدام "باركوها سيستم"
وطبعا فيها تذاكي على نفقات العقد التقليدي...
أدي كل الطبخة يا عزيز...
في الزمن ده باقي ليك في تعارف.. وين مع الفيس بوك
وبادو وغيرو....
تحياتي..
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: محمد الجيلى)
|
الاخ محمد الجيلي
تحياتي
Quote: الخطوبة شرعية في الدين الإسلامي وهي فترة تعرف أكتر
لمّا تتوج بالعقد بيكون أحسن برضو :)
|
أيه الضمان بعد العقد ماتحصل خلافات او أكتشف أنوا حياتنا مع بعض مستحيله بسبب طبائعنا أو أفكارنا ليه الناس ماتخلي خط رجعه يكون لا ضرر ولا ضرار يعني خطوبه فقط لو توصلنا بعدها الي نتيجه العقد ملحوق عليهوا والا كل حي يروح في حال سبيله وأصلا في الخطوبه ليس كل من لبسوا دبلتين يمكن أن يتوجوا حبهم او مجهودهم بدخول القفص الذهبي ،وأيضا في حاله الخطبه موضوع الاستمرار في يد الولد والبنت ليه الناس تستعجل وتسلب الناس حق أتخاذ قرارهم بأنفسهم .
مودتي
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: Kamal Karrar)
|
العزيز كمال كرار
كل سنه وانت بالف خير
Quote: أنت صدقت إنو تعارف؟؟؟
أول تبادي تعارف بين منو ومنو؟؟
يا زول الجماعة ديل بيكونوا متعارفين...
ومتحاورين.. وخلاص كل شيء تمام.. إلا دي
موضة تحايل...باستخدام "باركوها سيستم"
وطبعا فيها تذاكي على نفقات العقد التقليدي...
|
كلامك سليم مائه المائه كنت قد حضرت دعوه حفل تعارف في وقت مضي ولم يمضي علي حضورنا سوي نصف ساعه الا وأتوا بالماذون لعقد القران حتي العميان يدرك تماما أن الشغلانيه مترتبه مسبقا ومع مرور أشهر من العقد كل ما التقي العريس لاحديث له الا أنه أتورط عاوز يتحلحل ومالاقي طريقه بسبب العقد تصور شاب مقدم علي أكمال مراسم الزواج وكرهان ليك شريكه حياته هل زواج مثل هذا يمكن أن يستمر او هل هذه بيت يمكن أن يكون بئيه خصبه لتربيه أطفال .
| |
|
|
|
|
|
|
|
|
|
Re: ياناس هوي شنو موضه مشينا حفل تعارف وعقدوا لينا ؟؟ (Re: mayada kamal)
|
Quote: سلام يا ود الباهي
وكل سنة وانت طيب
والسنة الجاية وانت متدبس في عرسه كدا (بيان بالعمل لبوستيك دا)
|
سلام مياده
وأنتي بالف خير وربنا يحقق أمانيك
التدبيس بالعرس مابناباها لكن التدبيس بعقد قران دا المستحيل بعينه .
Quote: وليه ما يكون سببها عدم الثقه فى عرسان الايام ديل " اولاد الزمن دا "
ورغم اهمية فترة الخطوبة لتعميق التعارف بين الشاب والشابة وتعرف كل طرف على الآخر
معرفة وثيقة ولكن في نفس الوقت الكثير من الزيجات تُثبت انه ليست
فترة الخطوبة فقط هي العاصم من حالات الطلاق
فكثير من الحالات تمت فيها خطوبة واستمرت
لعام وعامين ووو ... ولكن ما ان تم الزواج حتى بدأت الخلافات |
طيب يامياده لو أصلا مافي ثقه في العريس او مامسئول هل عقد القران بيصلح حاجه في الحاصل أنا بشوف زي العريس الخائفين منو ينط يعقدوا ليهوا ويسلموا زوجتوا لكن عقد قران حته واحده كده مش ممكن برضو ينط والخسران العروس سوف تحمل لقب مطلقه بجداره نتيجه التسرع .
| |
|
|
|
|
|
|
| |
عادل الباهي عبدالرازق
amir jabir
انس التوم احمد
محمد عمر جبريل
ابوبكر قسومة
محمد النيل
احمد الزبير
mayada kamal
هالة الأقرع
Kamal Karrar
محمد الجيلى
فيس بوك
تويتر
انستقرام
يوتيوب
بنتيريست