|
|
 الجرسة شنو يا هلالاب .. بديتو النبز تموه ليكم .. بديتو الدق تموه ليكم .. بديتو الغلب تموه ليكم
|
واي واي في شنو ؟
ما علاء الدين وعمر ومساوي بضربو في اللاعبين ليهم خرتمية سنة هسع الدق في الكورة بقى ليكم حار ؟
ما الكورة الفاتت دي مارقين لينا لاعبين مصابين ( النفطي ، نجم الدين )
ما مدين لاعب بنية جوه الميدان في مباراة سابقة ( مصعب عمر )
ما خصيتو لاعب جوه الميدان في مباراة سابقة ( سفاري )
النبذ ما بداه جمهوركم من مباراة الممتاز
وبداه بلافتات في مبارات السودان
وكت يردوه عليكم يحرقكم
؟؟؟؟؟؟؟
!!!!!!
البنابز بنابزوه
والبدق بدقوه
وكما تدين تدان
|
|
  
|
|
|
|
|
|
|
|
Re: الجرسة شنو يا هلالاب .. بديتو النبز تموه ليكم .. بديتو الدق تموه ليكم .. بديتو الغلب تموه ل (Re: وليد محمد المبارك)
|
ازيك يا وليد
ياخي دا اول بوست بتاع كورة ادخلوا من المبارة الفاتت، وانا زول هلالابي يعني سيد بلد
اها يالحبيب، الجابني هو موضوع الدق الفي الكورة دا، ياخي الكاس يطير ودي رياضة
فيها غالب ومغلوب، وانا زول رياضي شاركت في خرتمية منافسة قبل كده، وبعرف اتقبل الهزيمة
كيف وافرح بالانتصار كيف.
لكن يا اخوي والحق يقال، من اول عشرة دقايق ولعيبة المريخ قلبوا الكورة حاجة تانية وبقت
فرجة بايخة، الفرجة بقت في مشاهدة مبارة صراع عضلات وارجل وفقدت نكهتها الفنية، ولمن الحكم
طرد بله جابر في الشوط التاني حتى شوية قلت الحكم دا داير يستعدل المبارة ونشوف لينا
كورة، وكان مفروض من اول نص ساعة الحكم يطرد على الاقل اتنين لو ما تلاتة من بتعين الكراتية
الجوه الميدان ديل.
مبروك عليكم الكاس، لكننا فقدنا متعة الرياضة والمنافسة.
الاشكالية يا وليد وزي ما بتنوس مع واحد امبارح، الاشكالية ليست هذه المبارة، الاشكالية
انو فريق المريخ او الهلال نموذج لما يجب ان تكون عليه الكروة في السودان، وثقافة داخل
الملعب يجب ان تتعلمها الفرق الصاعدة والاجيال الصاعدة من المستويات الاخرى.
هنا بتلقى المصيبة، لو في لاعب بحلم انو يلعب في المريخ وشاف المبارة دي، بقول ايواااااا
انا لازم اثبت لناس المريخ ديل عشان بسجلوني اني زول خطير وبحش الكرعين بالجوز، وبضرب
في الركب والانكل والسلسلة الفقرية زاتو.
وبي كده حنبدأ تاني في مسلسل انهيار الكورة في السودان والتمثيل الخارجي لانو برة اللعب
بقى نضيف الى حد بعيد.
وتأكيدا على كلامي دا، شوف العنف الاتولد جوا الميدان انتقل وبسرعة للعنف عند الجماهير في المدرجات؟؟
هسع زي ما قلت ليك، اي لاعب درجة تانية وللا ليق ح يفترض ان الدق هو البنفع اللاعب جوه الميدان.
تحياتي
| |
|
|
|
|
|
|
|
|
|
Re: الجرسة شنو يا هلالاب .. بديتو النبز تموه ليكم .. بديتو الدق تموه ليكم .. بديتو الغلب تموه ل (Re: وليد عبد اللطيف)
|
العزيز وليد سلامات .... وكل سنة وانت طيب ...
من المؤسف ان تصل الامور لهذا الحد من الهتافات والهتافات المتبادلة والخروج علي السلوك الرياضي ... يجب ادانة الهتافات ضد راجي قبل ادانة الهتاف ضد هيثم مصطفي ... من يستنكرون الهتاف ضد هيثم ولم يستنكروه ضد راجي هم شكراء اصيلين في هذه المهزلة الاخلاقية ... يجب ان يتوقف الناس عند هذا السلوك حتي لا يتفاقم الامر ....انا عن نفسي ساتوقف عن تشجيع كرة القدم والي الابد اذا ما استمر مثل هذا السلوك في الملاعب غض النظر عن الفريق الذي ينتمي اليه اللاعب او الاداري ... لان متعة كرة القدم لن تتحقق بالتقليل من شان الآخرين والاساءة اليهم .... متعتها في تشويقها واثارتها في اهدافها ... وسر جاذبيتها في تحقيق البطولات .... يجب ان تظل كرة القدم كرة القدم .... ولا نامت اعين الجبناء ... وهم هنا صحافة المشجعين التي ظلت تصب النار علي زيت التعصب وتغذيه بشتي عبارات التقليل من الآخر .. واحتقاره دون مراعاة لروح التنافس الشريف ... حتماً سينصلح الحال يوماً ما ويذهب هؤلاء الي مزبلة التاريخ ...
شكراً وليد لوضع الملح علي الجرح
| |
|
|
|
|
|
|
|
|
|
Re: الجرسة شنو يا هلالاب .. بديتو النبز تموه ليكم .. بديتو الدق تموه ليكم .. بديتو الغلب تموه ل (Re: زهير الزناتي)
|
مرحب زهير الزناتي
حبابك ياخ
ويديك العافية على الكلام الواضح
| Quote: من المؤسف ان تصل الامور لهذا الحد من الهتافات والهتافات المتبادلة والخروج علي السلوك الرياضي ... يجب ادانة الهتافات ضد راجي قبل ادانة الهتاف ضد هيثم مصطفي ... من يستنكرون الهتاف ضد هيثم ولم يستنكروه ضد راجي هم شكراء اصيلين في هذه المهزلة الاخلاقية ... يجب ان يتوقف الناس عند هذا السلوك حتي لا يتفاقم الامر ....انا عن نفسي ساتوقف عن تشجيع كرة القدم والي الابد اذا ما استمر مثل هذا السلوك في الملاعب غض النظر عن الفريق الذي ينتمي اليه اللاعب او الاداري ... لان متعة كرة القدم لن تتحقق بالتقليل من شان الآخرين والاساءة اليهم .... متعتها في تشويقها واثارتها في اهدافها ... وسر جاذبيتها في تحقيق البطولات .... يجب ان تظل كرة القدم كرة القدم .... ولا نامت اعين الجبناء ... وهم هنا صحافة المشجعين التي ظلت تصب النار علي زيت التعصب وتغذيه بشتي عبارات التقليل من الآخر .. واحتقاره دون مراعاة لروح التنافس الشريف ... حتماً سينصلح الحال يوماً ما ويذهب هؤلاء الي مزبلة التاريخ ... |
| |
|
|
|
|
|
|
|
|
|
Re: الجرسة شنو يا هلالاب .. بديتو النبز تموه ليكم .. بديتو الدق تموه ليكم .. بديتو الغلب تموه ل (Re: عبداللطيف خليل محمد على)
|
وليد
حقيقة لفترة طويلة يتعرض لاعبي المريخ لعنف شديد من لاعبي الهلال خاصة علاء الدين يوسف و عمر بخيت بل تعدى ذلك للاعتداء بالبونية (علاء الدين يوسف حين ضرب مصعب على مشهد من الجميع) ، المريخ تفوق كورة و أحرز هدفين ملعوبين.الف مبروك للصفوة.
Quote: أمير الجمري
نرفض العنف الغير قانوني
نرفض الضرب بلا كرة
نرفض الملاسنات الغير اخلاقية داخل وخارج الملعب
نرفض الهتافات المؤذية والجارخة ضد اللاعبين في اعراضهم واهليهم وسلوكياتهم الخاصة .
لكن برضو نقول :
كاك صغيرونة كدي عشان ما يطلّعوا فيها بيان |
كلام رائع و أشاركك الرأي.
لكن برضو اختلف معاك في حاجة أقول كااااااااااااك كبيرة عشان يطلعوا بيان تاااني
تحياتي
| |
|
|
|
|
|
|
| |
وليد محمد المبارك
المكاشفي الخضر الطاهر
وليد عبد اللطيف
أحمد ابن عوف
زهير الزناتي
osman righeem
ابراهيم محمد الحسن
امير عوض الجمري
عمر التاج
إدريس البدري
عبداللطيف خليل محمد على
فدياس نجم الدين
الحاج حمد الحاج
Abdlaziz Eisa
alsngaq
خالد عبد الله محمود
فيس بوك
تويتر
انستقرام
يوتيوب
بنتيريست