|
|
 كليك .. لو لقيتوا الريموت ده بتعملوا شنو
|
كل سنة و انتو طيبين و انشا الله تامين ولامين
فلم جميل جدا لآدم ساندلر بتكلم عن واحد مشغول في شغله شديد و ما مهتم باسرته كفاية
ولقى ليه ريموت كنترول ممكن بتحكم بيه في سير حياته .. يعني ممكن يعمل فورورد لاي مرحلة
و يمشي لي قدام بس طبعا كده بكون فوت كل الاحداث و ممكن يشوفها لكن ما بقدر يغير فيها
و بكون كسب انه عرف مستقبله .. الفلم جميل و الفكرة ممتازة شديد ...
السؤال رايكم شنو في ريموت زي ده .... يوديكم قدام و يوريكم الحاصل عليكم شنو
و يديكم فرصة تشوفوه امبارح و تقيموا تصرفاتكم ...
|
|
 
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: Nada Jamma)
|
المانجيلة ندى
كل عام وانتم بخير
المستقبل نتوقعه أم ننتظره ام ندعه يأتي كيفما يكون ام نشارك في صنعه ؟
الماضي فرصة جيدة لالتقاط الأنفاس للسير نجو المستقبل ...فصراع الماضي والآتي صراع قديم يشكل ديمومة الأجيال دون تناسخ .
هذه مجرد خواطر لا ترقى للحقائق العلمية المجردة ...وإن شئت سمها خطرفات ريموت
تحياتي
| |
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: عبدالرحمن الحلاوي)
|
الارباب عبد الرحمن ..
كل عام و انت و الاسرة الكريمة بخير و صحة و سلامة .. و ربنا يحقق الاماني
(( المستقبل نتوقعه أم ننتظره ام ندعه يأتي كيفما يكون ام نشارك في صنعه ؟))
كلام مهم جدا و سؤال في الصميم .. اتمنى لو نعرف ليه اجابة
و في انتظار المزيد من الاضافات القيمة
| |
|
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: اساسي)
|
| Quote: شاءت حكمة الخالق ان يخص ذاته العليا (فقط) بعلم الغيب والمستقبل دون اي من مخلوقاته لحكمة يعلمها هو , واعتقد جازما ان معرفة المستقبل لو امكنت رغم ( اغراءاتها ) لفسد الامر |
هذا المنظور الديني لمسألة المستقبل ..وقد افرد لدراسات المستقبل مراكز أبحاث وهي قائمة في مجملها على تحليل البيانات المتوفرة من الماضي المنظور ..فمثلا درء الكوارث كالزلازل والسيول والأمراض كله قائم على ذلك ولكن معناه كشف الحجب ووقف المقادير الإلهية التي تنظم هذا الكون ( وكل شيء عنده بمقدار ) بل الغرض هو التحوط والاستعداد لمواجهة ما يحدث في المستقبل بإفتراض ( إن وقعت الواقعة فهل نحن مستعدون ...) فمثلاً شق المجاري قبل موسم الخريف لا يعني العلم بالمستقبل بأن الأمطار ستكون غزيرة وسيترتب عليها ضرر أو نفع !! آسف للإطناب في شرح الفكرة .
| |
|
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: عبدالرحمن الحلاوي)
|
الاخ اساسي كل عام و انت بخير ...
اتفق معاك انه الغيب بيد الله عز و جل و معاذ الله انه نفكر في غير ذلك
لكن زي ما قال الارباب عبد الرحمن ( و على فكرة ارباب دي من الالقاب المتدوالة في اسرتنا ) نحن بنتكلم
عن المستقبل كحلم يراودنا دايما و بنعمل حاجات كتيرة عشانه بدون معرفة النتائج بصورة اكيدة
و الموضوع مجرد خيالات و كلنا بنتخيل مستقبلنا بشكل معين .. حبيت اعرف شنو الحاجات النفسنا نشوفها
في مستقبلنا .. ده ما بيعني انه احنا حنمشي حقيقة او بنطلب اننا نشوف الغيب .. هو مجرد خيالات و احلام ...
و في انتظار اضافاتك ........
| |
|
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: Nada Jamma)
|
سورة البقرة آية 25 (يعلم ما بين ايديهم وما خلفهم ولا يحيطون بشيء من علمه الا بما شاء).
وفي سورة الانعام الاية 59 (وعنده مفاتح الغيب لا يعلمها الا هو)
في سورة هود الاية 23 (ولله غيب السموات والارض واليه يرجع الامر كله)
ولكن يدور في ذهني سؤال هل ما قاله سيدنا عمر في شأن الصبي الذي دخل عليه في وقت القيلولة أو يا سارية الجبل يدخل في محتوى التنبؤ بالمستقبل ؟؟
فالقرأني قطعي الدلالة في مسألة علم الغيب ...فهل أغلق القرآن الباب أمام توقع النتائج المبنية على الفرضيات والاحتمالات ؟؟؟
| |
|
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: عبدالرحمن الحلاوي)
|
الاعزاء طويلي العمر ندى وعبد الرحمن
نهار الخير (تحية جديدة)
بصراحة شايف كلامكم اتغير شوية عن مسألة الغيب , في البداية كان الموضوع عن ادراك المستقبل ومآلات التصرفات الفردية وامتلاك ريموت لتحريك الزمن لرؤية الواقع الجديد , الان الموضوع بقي زي عبد الرحمن ضرب لي مثل بتاع خيران وصرف صحي وامطار متوقعة وشتان ما بين المثالين , لكن يا عبد الرحمن خلينا نتغالط شوية زاتو في مثالك الضربتو دا , لو كانت المحلية تمتلك ميزانية مع بداية الخريف تكفي لمشروع واحد فقط , اما ان تحفر خور لتصريف الامطار او تنشئ مستوصف طبي , فقاموا قدس الله سرهم ناس المحلية مشوا بكلامك دا وحفروا الخور , وقومي يا المطرة اعملي رايحة وما تغشي المحلية الحفرت خورها في انتظار الخريف وشختت للمستوصف , اها الشفع العيانين ما اكلوا تبن
تحسس العالمين من الامثلة الدينية مدعاة للاستغراب , في النهاية الكنداكة ندي طرحت الموضوع المتقتبس من فلم كوميدي طرحت موضوعها في نفس القالب الفكهاي ومن هذا الباب جاءت مشاركتي اعلاه الا ان امر جديتك المطلقة في الموضوع توجب الحذر في الرد , علي العموم انا اصر علي وجهة نظري في انه لو امتلك الانسان ريموت لافسد الامر , تخيلوا هذا الريموت لو وقع في يد مجرم او حاكم ظالم او زول ما عنده زمة وضمير وبعدين ياخي النفس امارة بالسؤ , انا غايتو لو الريموت دا وقع في يدي بسك سوق الاسهم ومحل القروش
لكن مسألة الغلاط حتي في الاحلام دي اعجبتني جدا
الارباب فكها شوية اديتني احساس كاننا بنناقش نظرية التطور الداينمكي واركلوجيا الاحداثيات
| |
|
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: اساسي)
|
| Quote: الارباب فكها شوية اديتني احساس كاننا بنناقش نظرية التطور الداينمكي واركلوجيا الاحداثيات |
يازول خت الرحمن في قلبك ..انا زاتي حالي حالك ...يمكن مسارات فهمي غلت وصدقني لا شفت الفيلم ولا شي علا الفكرة مخمرة في رويسي المصلع دا وقلت أدخل بمداخلتي ديك لتأسيس نقاش معرفي نفيد ونستفيد ...ماد ام كوميديا رويحتو مااارقة من تلكم نظريات ( عرب الله في بلد الله )هههههههه
| |
|
|
|
|
|
|
|
|
|
Re: كليك .. لو لقيتوا الريموت ده بتعملوا شنو (Re: عبدالرحمن الحلاوي)
|
صباحاتكم خير ....
و الله الموضوع بصراحة بحتمل الاتنين .. انه نهزر و نضحك بيه .. او نتناقش للفائدة
البوست بوستيكم و زي ما تحبوا و انا معاكم ..
لكن بالنسبة للحتة بتاعت لو وقع في يد تاجر مخدرات او مجرم .. لو ما بنفع يغير ماضيه
بس حيشوف مستقبله مش كويس برضه انه بسرعة شديدة يصل لي انه نهاية اعماله دي ما خير
الارباب عبد الرحمن انصحك تحضر الفلم مبااااااااااالغة .
| |
|
|
|
|
|
|
| |
عبدالرحمن الحلاوي
اساسي
فيس بوك
تويتر
انستقرام
يوتيوب
بنتيريست