|
|
|
 Re: تجتوج يعود مرة اخرى في قناة زول ليمارس المسخ (Re: الحاج احمد مصطفي)
|
Quote: هبالة
عوارة
حلاقة شعر لا يناسب سنه
شكل قميء في مجمله
لا يشبه السودانيين
قبل سنوات مضت
ظهر في تلفزيونات الخليج اضحكهم علينا
لا نرضى به ايتها القناة
اوققوا هذا الهراء |
لا فض فوك اخي زمراوي
انه العباطه والهبل تمشي على قدمين
فاقد تربوي استغل عبطه للكسب الرخيص
ضاربا بسمعة السودانيين عرض الحائط
معا لوقف هذا المسخ والهبل
| |
  
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: Deng)
|
| Quote: هل كان تجتوج يقدم فنه للأطفال أم للكبار؟ |
سؤال في الصميم
اجد اطفالي مستمتعين جدا بتجتوج وفقراته التي يقدمها في نيكولودين على الرغم من اني شخصيا اراها مملة
البرنامج موجه للاطفال وعلينا ان نحكم اطفالا فيما اذا كان ما يقدمه تجتوج مسيخااو غيره
اعتقد انك ظلمت الرجل وحكمت عليه بوجهة نظر الكبار
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: محمد إبراهيم علي)
|
Quote: اجد اطفالي مستمتعين جدا بتجتوج وفقراته التي يقدمها في نيكولودين على الرغم من اني شخصيا اراها مملة
البرنامج موجه للاطفال وعلينا ان نحكم اطفالا فيما اذا كان ما يقدمه تجتوج مسيخااو غيره
اعتقد انك ظلمت الرجل وحكمت عليه بوجهة نظر الكبار |
ياخي اولادك ممكن يستمتعوا ياي حاجة ذات فائدة
انت لا تعلم مقدار الالم الذي ممكن يصيب اطفالك اذا واحد من العرب البدو
في بلاد الخليج وضحك فوقه عشان واحد زي دا
لنا تجربة فابني رفض المدرسة من جراء ما كان يسمعه من التلاميذ حتى الاساتذة
كلماااااااات غياظة مثل (((( آآآآآآآآآآآآي ..... يا زووووول))))
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: Zomrawi Alweli)
|
الاخ زمراوي
سلام
مع اني لا احب تجتوج
لكن ااااااااااي ويا زول ويااااااااخي البقولوها لينا ناس الخليج دي ما جات من تجتوج
ارخي اضانك لاقرب حوار عفوي بين اتنين سودانيين واحب كلمة ااااي ويااااااخي ويا زول بتجي كم مرة
دا كلامنا ونحن مفروض ما نخجل منو
ما هم بقولوا احبج لاحبك واليحر للبحر وما بخجلوا منها
نحن نخجل ليه
خليك معتز بنفسك
وكل ما يقوله اهل الخليج عنا هو فينا ويجب ان نفخر به لا ان نخجل منه
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: محمد إبراهيم علي)
|
Quote: سؤال في الصميم
اجد اطفالي مستمتعين جدا بتجتوج وفقراته التي يقدمها في نيكولودين على الرغم من اني شخصيا اراها مملة |
محمد ابراهيم علي
ســـلام وكل عام وانت بخير
وهل سألت نفسك ما الذي يمكن أن يقدمه لهم من معلومه مثل هذا التجتوج
شخص غير مؤهل وغير مختص في الاعلام او برامج الاطفال
سيرته الذاتية تقول أنه كان يعمل طباخا في الخليج
ثم فجأة تحول الى ارجوس يتعابط ليضحك الاطفال
ياااااخ أولادك اشتري ليهم بلي استيشن بدل الهبل دا
احتراماتي
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: الامين موسى البشاري)
|
| Quote: سيرته الذاتية تقول أنه كان يعمل طباخا في الخليج |
الامين الاتهامات المجانية دي مفروض انت بالذات ما تطلع منك (المرصد مر من هنا) لووووول
التاج ده اول مرة اشوفو كان يمكن في نهاية التسعينات في قناة عجمان (مش متاكد) ولما سالت منو عرفت انو خريج جامعة ام درمان الاهلية
اها شفت انت وقعت في شنو في ايام التشريق دي
يعني الراجل ده شغال مذيع حوالي 12 سنة وتنقل فيها في كم قناة من بينها ام بي سي
يعني البوست بتاع اخونا زمراوي كان ممكن يكون مفيد للتاج جدا لو نقدناهو بقصد الاصلاح
لكن ان ننتقص من قدر الراجل ونشتمه وهو يحاول ان يقدم شيئا قد نراهو غير مفيد
ليس كل ما نراهو في التلفزيون يجب ان يكون مفيدا انا شخصيا لا ابحث عن الفائدة او زيادة المعرفة في التلفزيون بل ابحث عن التسلية فقط
ارجع لكلامي الاول هو ان تحاول ان ترى ما يقدم في برامج التلفزيون المخصصة للاطفال بعيون الاطفال
يعني اسي انا القدامك ده لا اطيق ان اشاهد برنامج جنة الاطفال في التلفزيون السوداني واراها (عوارة) مع اني زمان كنت ببطل اي حاجة واقعد انتظر البرنامج وانفعل معاهو واغني معاهم
لو بتذكر كان في واحد زمان اسمو عزوز بمثل في جنة الاطفال اها الزول ده لما خش كلية الهندسة بعض زملاءه كانو بسخرو منو ومن العوارة البعلمها في التلفزيون
مع انو انا بتذكر انها كانت فقرات ممتعة لنا ونحن اطفال (شفت كيييف )
بعدين لما ربنا يسعدك وتجيب اطفال حتعرف الفرق بين عيون الاطفال وامزجتهم وعيون الكبار وامزجتهم
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: Zomrawi Alweli)
|
التاج خريج ودارس للإخراج في جامعة غربية أعتقد أنها أمريكية...
وعمل في مجاله في عدة قنوات
عاش بالخليج
وذهنيته عربية غير جادة كسائر الأخوة العرب... ونحن أكثر جدية
بالمناسبة محبوب جدا لأطفال الخليج والعالم العربي ...
أحد المعلقين الكوينين أتذكر حينها أتصل هو وزوجته بالقناة شاكرهم على تواجد التاج بهذه القناة والذي يفرح طفله بصورة لا تصدق
فبمجرد رؤيته يضحك طفلهم الصغير ..وكذلك والدة الطفل تحدثت عنه بسعادة بالغة ...
بصراحة أنا لا اطيقه وأراه يتهابل وربما تسبب في إيذاء الكثير عبر توجيه سهام السخرية من قليلي العقول في الدول العربية
وهؤلاء لا فكاك منهم سواء ظهر التاج أو لم يظهر ...
يا ترى هل الوعي سيسهم مستقبلا في ذلك إن وعيت هذه الشعوب
أم أن تدخل سفارات المؤتمر الوطني سيحد من ذلك ...
أم نحن...؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: othman mohmmadien)
|
الأخ الكريم Zomrawi Alweli
والأخوة الكرام
وددت ابداء رأيي في الموضوع دا والتعليق علي بعض التعليقات ،
اعتقد انو من الظلم وعدم الانصاف اختصار مجهود السيد تجتوج في الهبالة والعبط ،
ودا في رأيي ناتج عن تصورنا كسودانيين لما يجب ان يكون عليهو السوداني ،
ودي حسب رأيي مسألة غير قابلة للتحقق في ظل الوضع السوداني المأزوم في اكتر من ناحية ان لم يكن في كل نواحيه ،
الرجل يقدم فقرات للاطفال ،
طيب يعني مفروض يعمل شنو؟ ماهو دا واحد من طرق التخاطب مع الاطفال وطريقة محببة وجميلة في رأيي، ومحبوبة للكتير من الاطفال فيما اري ،
مرة من المرات قبل سنين طويلة قريت - ان لم تخني الذاكرة - في لقاء مع تجتوج - واظن اسمو تاج الدين - قريت ليهو ما معناه انو اباء الاطفال واولياء امورهم دايما بيشكروه علي اسعاد اطفالهم وكذا ،
اما السودانيين فدايما ما بيرسلوا ليهو الفاكسات والاتصالات التي فحواها: ياخ ما تبطل العوارة دي ، ودا شنو دا ياخ البتسوي فيهو دا ..... الخ !
طيب:
Quote: شكل قميء في مجمله
لا يشبه السودانيين |
اعتقد انو التعليق علي اشكال الناس بالطريقة دي غير محبذ ،
بالاضافة لانو الزول دا بيشبهنا كسودانيين ،
لاحظ هنا انو دي فكرة العرب في مجملهم عن أشكالنا كسودانيين : اي انو شكلنا قميء في مجملو ....
Quote: كنا نتحاشى الردود من زملائنا في العمل
عندما يسخرون منه ويقولون انه سوداني عبيط |
الناس ديل شايفننا عبيطين في غالب الاحوال ،
لكن اذا اخذنا الموضوع بحسن نية فهناك كم هائل لا يستهان به من العبطاء في القنوات الخليجية ، هل ح يهتم الناس ديل بتعليقاتكم كسودانيين عن الموضوع دا ؟
| Quote: بالعكس شوه صورة الانسان السوداني المهذب الراقي |
والله يا اخي الكريم اذا الصورة دي لا زالت موجودة فما اظن زولنا دا ح يشوها !!!!
Quote: فاقد تربوي استغل عبطه للكسب الرخيص
ضاربا بسمعة السودانيين عرض الحائط |
أهو اتضح انو ليس فاقدا تربويا ! قصدي من المداخلات القريتا في البوست دا .
مرة تانية يا جماعة ارجو ان تتحسسوا سمعتكم جيدا !
Quote: لنا تجربة فابني رفض المدرسة من جراء ما كان يسمعه من التلاميذ حتى الاساتذة
كلماااااااات غياظة مثل (((( آآآآآآآآآآآآي ..... يا زووووول)))) |
لكن يا اخي الكريم دي كلماتنا ودي لغتنا !
مسألة الاستهزاء بينا باستعمال الكلمات دي أؤكد ليك انها ما جات مع السيد تجتوج : شخصيا درست المرحلة المتوسطة في الخليج في الثمانينات من القرن الماضي وكانوا بيستعملو نفس الكلمات للأستهزاء بينا !!!
أها شفت كيف ؟
دا بيذكرني اول ايام قناة زول في ناس في المنبر دا اعترضوا علي الاسم وقالوا انو الخليجيين ح يهزأوا بينا !
في واحدة من الصفحات الفنية في جرايدنا هنا كان في تحقيق اعترضوا فيهو ناس علي استخدام القناة لشخص اسود في شعارها للاشارة للسودانيين !
Quote: أحد اصدقائي اتصل بي ياهي انت واقع في تجتوج سلخ مالك
الزول دا متزوج مننا
وبيني وبينك انا زاتي بتحرج من العبط بتاعو
قلت ليه لو قدرت تتصل عليه خليه يبطل العباطة
فقال والله فترنا منو |
وضع طبيعي للأسف في السودان دا !
قصدي ان تجد من يحارب التميز مغلفا ذلك بشتي المسميات .
آخر حاجة عندي تساؤل هنا : هل استمعتم يوما الي سياسيينا وهم يتحدثون ؟
أود ان اختم اخيرا بمداخلة الاخ othman mohmmadien
Quote: وهؤلاء لا فكاك منهم سواء ظهر التاج أو لم يظهر ...
يا ترى هل الوعي سيسهم مستقبلا في ذلك إن وعيت هذه الشعوب
أم أن تدخل سفارات المؤتمر الوطني سيحد من ذلك ...
أم نحن...؟؟؟؟؟؟؟؟؟؟؟؟؟؟؟؟؟؟؟؟؟؟؟ |
مع كامل احترامي وتقديري .
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: الوليد محمد الامين)
|
أخي محمد إبراهيم علي
Quote: لو بتذكر كان في واحد زمان اسمو عزوز بمثل في جنة الاطفال اها الزول ده لما خش كلية الهندسة بعض زملاءه كانو بسخرو منو ومن العوارة البعلمها في التلفزيون
مع انو انا بتذكر انها كانت فقرات ممتعة لنا ونحن اطفال (شفت كيييف )
|
كلية الطب وليست الهندسة
وهو طبيب كبير الآن
أسمه عبد الباسط سيد صالح
تحياتي
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: othman mohmmadien)
|
Quote: أحد المعلقين الكوينين أتذكر حينها أتصل هو وزوجته بالقناة شاكرهم على تواجد التاج بهذه القناة والذي يفرح طفله بصورة لا تصدق
فبمجرد رؤيته يضحك طفلهم الصغير ..وكذلك والدة الطفل تحدثت عنه بسعادة بالغة ...
بصراحة أنا لا اطيقه وأراه يتهابل وربما تسبب في إيذاء الكثير عبر توجيه سهام السخرية من قليلي العقول في الدول العربية |
اخي عثمان محمدين
شكرا للمداخلة
اولا نحن السودانيون لم نتأذى الا من الممثلين الكويتيين
هل نسيت كيف صور الممثل داود حسين بالفنانين السودانيين
حيث يمثل ان الفنان السوداني عندما يريد ان يغني يصيح
بصوت طرازاني ليحشد الفرقة الموسيقية خلفه
ووقتها كيف قامت الدنيا ولم تقعد في الصحف السودانية
ومثل هذا التجتوج يؤطر ما يذهب اليه مثل هذا الداؤد.
هل لابد لهذا التجتوج ان يمثل دور العبيط كي يضحك الاطفال
اولم ير مستر بين كيف يضحك الكبير والصغير دون ان يلبس اللبس المهرجل؟؟
على قناة الزول ان يوقف هذا العبط كي لا يشاهده اطفالنا
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: عمر عبد الخالق سعيد)
|
| Quote: التحية للفنان تجتوج (صديق الاطفال) |
التحية للفنان تجتوج
الذي اعرفه عن الفنان تجتوج أنه شخصية محترمة و محبوب من الاطفال و أهلهم
كما أنه ساعد الكثير من السودانيين في الإمارات و الخليج بمعارفه الكثيرة للأسر الكبيرة و الشيوخ في الإمارات .
التاج سوداني اصيل مثله مثل بقية السودانيين أنعم الله عليه بهذه الموهبة فإستغلها أحسن إستغلال بعمل يجلب الفرح للأطفال.
بالإضافة لعمله في القنوات الفضائية في نهاية التسعينيات و بداية الافية الجديدة كانت كثير من الاسر الإمارتية (والوافدة) الغنية يطلبون منه ان يأتي و يقدم فقرة خلال حفلات ميلاد ابنائهم و وصل سعره في الليلة الواحدة و لمدة ساعتين فقط 5 الف درهم.
قالوا ليك و الله الطفل ما يرضى ابدا لو ما التاج جاء و كان أحيانا يحضر حفلتي عيد ميلاد في اليوم الواحد.
أما عن إستهزاء هؤلاء الإعراب منا كسودانيين فهو حاصل قبل و بعد التاج و هو ليس سبب فيه.
دخلت من قبل و كنت أعمل في الشارقة بمشادة مع زميل لنا مصري.
قال لي المصري: إيه ده السوداني الاهبل الإسمو تجتوج
رديت عليهو : أهبل كيف يعني الراجل فنان و ممثل.
المصري : فان أيه يا عمك ده واحد أهبل و عبيط
رديت : عبيط ليه ، و أهبل إيه ، إيه فرقو من إسماعيل يس
المصري : يا راجل حرام عليك ! إسماعيل يس ده راجل ما فيش منو ده راجل عبقري.
رديت و إمعانا في إغاظته: عبقري إيه و ليه ؟؟؟ عشان مصري يطلع عبقري و التاج عشان سوداني يطلع أهبل.
و أضفت : الإثنين إستغلوا إمكانيات عندهم. إسماعيل يس راجل شين و قبيح و جضومو كبار و يحركهم و ينفخهم بهبالة مستغلا رغبة ناسكم الهبل في عوارته.
التاج راجل ضخم الجثة و مرح و الاطفال يحبون هذه الصفات و ربنا فتحها عليهو في الإمارات و إستفاد من هذه الصفات.
و بعدين التاج أحسن و أشرف من إسماعيل يس بتاعك ده
رد علي المصري بزعل شديد: قصدك إيه !!
قلت ليه: قصدي إنو التاج ما مثل مع البنات العاريات بالمايوه على البلاج وفي أحواض السباحة. و الإنتو بتسموه فن ده إحنا بنقول عليهو سخف و قلة أدب.
خليت ليك المصري ده ما عارف يرد و يقول اي حاجة.
التحية للتاج وهو يمتع الاطفال اينما كانوا
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: عمار يس النور)
|
عمار يسن لك التحية
حاولت تدافع عن تجتوج وتجيب مقارنة بينه وبين اسماعيل يسن
هل حصل هذا التجتوج وظهر في تلفزيون السودان ليكون معروف لدينا قبل غيرنا؟
واذا انت تعتقد هذه الهبالة يجلب السعادة للاطفال فعلى الاطفال السلام؟؟
ليست لي عداوة شخصية مع هذا التجتوج وانما انتقده لمحاولته
انتزاع الضحك من الاطفال بحركات تهريجية
هذا التجتوج لم يصنف كفنان منولوجست او كوميدي ولم يتخرج من هذه المدارس
مجمل القول ان هذا التجتوج يبعث على الضيق في نفوس اطفال السودان قبل الكبار بصفة عامة
وخاصة عندما يتكلم باللهجة المصرية.
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: Zomrawi Alweli)
|
الأخ زمراوي تحية طيبة و كل عام و أنت بخير
| Quote: حاولت تدافع عن تجتوج وتجيب مقارنة بينه وبين اسماعيل يسن |
أنا لم أقارنه بإسماعيل يس بل أردت ان أرد على المصري الذي هاجم التاج فقط لانو سوداني.
| Quote: ليست لي عداوة شخصية مع هذا التجتوج وانما انتقده لمحاولته |
نعرف انه لا توجد عداوة لك مع التاج و لكنك لم تنتقده بدأت كلامك عنه بأستهزاء و لم تنتقد أداءه وهذا ما كتبت :
Quote: هبالة
عوارة
حلاقة شعر لا يناسب سنه
شكل قميء في مجمله
لا يشبه السودانيين |
أما الهبالة و العوارة فهي مقبولة للأطفال و كذلك الحلاقة
أما شكله القمئ فهو ما خلقه به الله و قولك انه لا يشبه السودانين فأقول لك انه يشبههم فهو أسمر مثلنا فالسودانيين عموما سمر و سود.
وقد اوضحت لك انه يشبه السودانيين في اخلاقهم فهو اخو اخوان كما ذكرت لك و قد ساعد الكثير و الكثير من السودانيين في الإمارات وهذه هي اخلاق السودانيين.
Quote: هذا التجتوج لم يصنف كفنان منولوجست او كوميدي ولم يتخرج من هذه المدارس
مجمل القول ان هذا التجتوج يبعث على الضيق في نفوس اطفال السودان قبل الكبار بصفة عامة
وخاصة عندما يتكلم باللهجة المصرية. |
لا يحتاج ان يتخرج من هذه المدارس لينجح.
التاج نجح لسنيين عديدة في تلفزيونات الخليج و عنده جمهوره و محبيه كما ذكرنا لك. أطفالي كانو يحبونه و هم سودانيين بالطبع ولا يبعث اي ضيق في نفوسهم.
كان التاج يقدم فنه للأطفال ووجد قبولا جماهريا منقطع النظير فاي نجاح يحتاج أكثر من هذا.
كما قلت لك ان هؤلاء الإعراب لا يحتاجون لسبب كي يسهذؤا بنا.
الخليجيون لا يسخرون منا نحن السودانيين فقط . فهم يسمون الحمار (المصري) وهذا منتهى السخافة و قلة الادب. لا أحد ينكر ان لمصر دور كبير في تعليم هؤلاء العرب البدو.
تحياتي لك و لزوارك الكرام
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: عمار يس النور)
|
نقلا عن صحيفة الرياض الالكترونية
حديث الصورة تجتوج.. نرجسية بـ "البشاميل"!!
الرياض - ممدوح المهيني:
انظر إلى المذيع تاج السر.. تفحصه جيداً.. نح رقصاته الثقيلة وترددات صرخاته الضاحكة.. من المؤكد أنك سترى فيه شخصية إعلامية ناجحة قفزت بسرعة لتسنم أعلى الدرجات في النجومية الإذاعية.. تلك الوردة التي تقطفها وقدماك ملطخة بالدماء. لابد للإنسان من جوانب نهارية إيجابية وجوانب ظلامية سلبية ولأن نهار "تجتوج" أطول بكثير من ليله القصير فإننا سنقلب الآية.أغلب المذيعات التي رافقن تجتوج في تقديم البرامج لا يشعرن بارتياح تجاهه.. إحدى هذه المذيعات والتي نعتها تاج السر ب "أم عباس" أجابت على سؤال أحد المتصلين عن غيابه عن الشاشة بأنه ذهب ليتاجر في الخضار واللحوم!!مذيعة أخرى قدمت معه البرنامج الجديد في ال mbc توقفت فجأة، أظن أنها لم تخرج على الشاشة بعد حلقة قدمتها مع تجتوج لم يترك لها فرصة للتنفس والتقاط الوهج المبثوث حيث داوم على لطمها وخطف الكلام من على عتبة فمها، وتسابقا بشكل فاضح على الرد على اتصالات المشاهدين والتي غالباً ما تكون من نصيب تجتوج الذي يخرس الفتاة بطريقة فكاهية مبطنة بخبث عندما يقول لها بنبرة كوميدية "سيبيني.. أتكلم با بنت" وترد الفتاة بضحكة مغتصبة وجبين مقطب وخدين محتقنين.أما أكبر نقاط تاج السر المضيئة تكمن في قدرته على إنجاح أي برنامج يتولى تقديمه، الناس تتابع برنامج شخصيته وليس البرنامج الذي يقدمه، أصناف المجتمع المتعددة تابعوا بشغف برامجه التي قدمها للأطفال، الآن رجال لا تدخل المطبخ إلا لشرب الماء.. تتلذذ لبشر البطاطس وتقطيع البصل وعصر الليمون وحشو الكوسة في برنامجه المطبخي على ال mbc الذي يعرضه ظهر كل خميس.تاج السر.. ينتقل من الجد إلى الفكاهية بدون تعثر وبطريقة لينة ومرنة.. لا يخل بالأركان الأساسية لبرامجه ويطليها بطلاء جميل براق ليكون في النهاية البناء متيناً ويسر الناظرين وهذه معادلةجد صعبة. شخصية إعلامية فريدة لها نكهتها الخاصة وحضورها اللطيف.. قد تكون نرجسية ولكنها على أي حال نرجسية ب "البشاميل"!!
----------------
تاج السر فنان وفنه هو من يتحدث عنه
| |
|
|
|
|
|
|
|
|
|
Re: تجتوج يعود مرة اخرى في قناة زول ليمارس المسخ (Re: عمر عبد الخالق سعيد)
|
الحبيب عمر عبدالخالق
التحية لك كميات
انا انتقد التجتوج لانني ومثل كثيرون لا نستصيغ هذا النوع من الهزل لانه يستخدم شكله لانتزاع الضحك امالكنته المصرية فهذا ما يزيد من حنقنا...
دعوهذا التجتوج في خليجه يضحك اطفاله واتمنى ان لا تتبنى قناة زول لاستجلابه ويجعلنا نزيل تردد القناة من تلفزيوناتنا..
| |
|
|
|
|
|
|
| |
Zomrawi Alweli
الحاج احمد مصطفي
الامين موسى البشاري
بشير حسـن بشـير
Deng
محمد إبراهيم علي
المعتمد
othman mohmmadien
خالد حامد الجزولي
عمر عبد الخالق سعيد
عمار يس النور
نيازي عبدالله مرحوم احمد
فيس بوك
تويتر
انستقرام
يوتيوب
بنتيريست