|
|
|
 Re: لبنى حسين، سماهر عركي و النظام العام (Re: Showgi Omer)
|
ما موضوعك بس المنتهي بإنتهاء مراسم كتابة العنوان لكن موضوع الجماعة ديل (المؤتمر الوطني) ذاتو إنتهى من بدري، هو موضوعهم كان شنو؟ لو مذكر ذكرني ينوبك ثواب لكن أعتقد كان دين وشريعة فتمخض وأصبح فساد وسرقة وحروب وفقدان البلاد لثلث مساحتها
عركي عاد للشاشة البلورية وبشروطو هو، تذكر معاي يا شوق لمن كان الطيب مصطفى يلزم المغنيات الأثيوبيات بإرتداء الحجاب عشان يغنن في تلفزيون من عرق جبينا وخدمة يمينا، ولمن كان بعرض المسلسلات المصرية ولمن يجي مشهد فيو ممثلة كاشفا وجهها يقوم يشوش على وجهها أها بت عركي دي هزمت الطيب مصطفى لا أثيوبية ولا مصرية وشدة ما شعرها ما محجب لمن ممشط وفق تسريحة بوب مارلي وتريسي تشاب مان، وتعزف على الإيقاعات. بمهارة كمان.... عفيت منها ومن أبوها ومن أمها وليهم حق يفخروا بيها وبأنفسهم.
عارف موضوع السهرة ذكرني نكتة أنحكيها ليك: قالوا في دباب (كوز إنتحاري) ضربو لغم في آوائل التسعينات ودخل في غيبوية لمن فتح سنة 2006م لقي روحو في السلاح الطبي وجنبو دباب معاش سأله طوالي قال ليو الشيخ وين (ويعني حسن الترابي) زولو الممارضو قال ليو الشيخ في السجن، قام قال ليو والجنوبيين ديل ماخلاص بقو يدفعو الجزية، قال ليو والله أنحنا البقينا ندفع ليهم هم الجزية (نصف عائدات النفط وإبتداء من 9 يناير 2011م سترتفع نسبة النصف إلى 70%) شفتا الدنيا بتتغير كيف تقول لي مشروع حضاري وهي لله؟!!!!
ليك شوقنا يا شوق
مرتضى جعفر
| |
 
|
|
|
|
|
|
|
 Re: لبنى حسين، سماهر عركي و النظام العام (Re: Murtada Gafar)
|
شوقينا الخلانا في العيد و مضي إلي بلاد( ذي ما بقولوا تموت من البرد شيطانها)
بالتاكيد يا شوقي أبو عركي قامة سامقة في سماوات الإبداع الفني في السودان
والتحية لاسرته المبدعة.
----------------------------------------------------------
أسمح لي يا شوقي اسلم علي الزول دا ياخ...
العزيز جدا مرتضي جعفر:
أخر مرة إتلاقينا أظن كانت في داخلية الرازي.
• مشروعهم يا مرتضي (الحضاري) وزبده المتسخ كدواخلهم الشوهاء و مياءه الآسنة ,لن تغسل بين
ليلة إنقلاب معتمة وضحي فراغهم الكبير , ألوان حياتنا البهيجة وفطرتنا السليمة .
المرة دي يا مرتضي : لن يذهب الزبد جفاءً ولوحده وإنما ستذهب كل تلك البرك الاسنة التي ظلت زمنا
ليس بالقليل تعفن حقول مجتمعنا السوداني النضرة و انهر وجدانه العذبة.
ويا مرتضي تحاياي العطرة للاسرة الكريمة.
---------------------------------------------------
شوقي تخريمة : طمنا علي النسيب أرجو يكون بخير.
مرتضي عبد الجليل
| |
|
|
|
|
|
|
|
|
Re: لبنى حسين، سماهر عركي و النظام العام (Re: مرتضي عبد الجليل)
|
مرتضى عبد الجليل يا دكتور يا فنان
بالضبط آخر مرة في سطوح داخلية حسيب وبحضرة الراحل عماد الأمين وأعتقد معتز نجيلة كان في الإخراج
كيفك يا زول عارف مرتضى عبد الرازق بتاع توثيق مرة إتلمينا في كافتيريا قانون مرتضى جعفر ومرتضى عبد الرازق ومرتضى التجاني ومرتضى الأمين (قانون) ومرتضى عبد الجليل قال نتصور لكن الزمان داك الصور بس في الأستديو وبقروش وطلاب من فئتنا ما بيكون شافو ليهم كاميرا يا زول البركة في الشوفة وأخبارك.
يا شوق آسفين على السلام والمقالدة دي
التحية مجدداً لعفاف الصادق حمد النيل وأبوعركي البخيت وسماهر أبو عركي وبالحيل الجنيات الغابت جابت
مرتضى جعفر
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: Showgi Omer)
|
الاستاذ شوقي،
كل عام وأنت بخير ...
طلّـة الاستاذ ابو عركي بالأمـس نقلتنا لعوالم أخرى ظننا
أنها استعصمـت بالبعد عنا حتى في الخيال ...
ولا أجد كلمات تصف حقيقة شعـوري و سعادتي
وأنـا اراقب-اسمتع-اندهش-انبهر بعزف سماهر
واندماجها في حالة اشبه بالتجلي ..
يا بركة العيد، و تسبيح الملايكة و الصالحين،
ودعا الأمهات في هدب الليل قبيل الفجر،
البنت دي تباريها السعادة شقيق تقبل ...
فردت قدامي مساحة أمل قنعت منها لي زمن،
فرّت لي الأمل سجادة خضـراء في وسط الصحرا
و الحجر والسكـة البتحرسها ثعابين ...
أسرتني تلك النظرة الندية في عين ابيها --
تلك نظرة التي تتخللها إيماءة رضا عميق،
بتحكي كل الحاصل...
بتحكي ليه ابو عكري طــل تـاني،
وليه (غـاب) من الأسـاس،
وبـين الغيـاب و الحضـور قصـة وطـن!
__________
(المادة 152 من القانون الجنائي السوداني) زي (قميص عثمان) يظهر و يختفي بحسب الجو العام ...
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: عزاز شامي)
|
اخي شوقي
كل عام وانتم بالف خير
| Quote: بت عركي دي هزمت الطيب مصطفى لا أثيوبية ولا مصرية وشدة ما شعرها ما محجب لمن ممشط وفق تسريحة بوب مارلي وتريسي تشاب مان، وتعزف على الإيقاعات. بمهارة كمان.... عفيت منها ومن أبوها ومن أمها وليهم حق يفخروا بيها وبأنفسهم |
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: طارق ميرغني)
|
شكرآ شوقى وكل عام وانت بخير..
سماهر وأخوانها نتاج أسرة جميلة حميمة..بدآ من الزولة القوية د/عفاف الصادق حمدالنيل منتهى بالخاتم(سيزار)
كم أسعدتنا عودتك يا عركى لقد أضفت للعيد رونقأ أخر...
سماهر أمتعتنا بأقاعاتها الحارة..كنا نحتاج لمثل هذا فى ذلك الوقت..
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: ismeil abbas)
|
شوقى خاطب اولى الالباب وبطريقه لم يسبقه عليها احد .عركى وكريمته عادا بنا الى زمن يصفه البعض بالجميل. والتلقائيه التى بدت بها سماهر تعوز الكثيرين من فتيات بلادى والعسم الذى اصاب الكثيرات كان هو العماد الذى اتكا علىهالنظام فالعسم مرتبط بالصمت حيال البؤس ولو كان فى كل بيت سماهر وشوقى لهزمنا تهومات التخلف وحتما سنفعل يا ابو الشوق...
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: abubakr salih)
|
يا مر وينك ياخ
أنا القصة الحيرتني في الموضوع دا المسساسكة بتاعة "الجماعة ديل" للنساء بدعوى أن ملابسهن تجرح فطرتهم السليمة و نفس اللِبِس دا ويمكن أجرح –ليهم طبعاً – يسمحوا بيهو في التلفزيون القومي البشاهدوهو ناس القرى و الحضر وزوبعة البنطلون الشهيرة لم تزل عالقة بالأذهان.
| Quote: هو موضوعهم كان شنو؟ |
الجماعة ديل قصتهم زي قصة تيس نفيسة الجابتو لي غنمها عشان يعشرٍنْ و يزيد الخير، جات الصباح لقتو يرضع في اللبينة الموجودة.
تحياتي للعزيزة سامية قسم و الود طالع.
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: Showgi Omer)
|
الصديق مرتضى عبد الجليل، أنا كابس عليكم نهاية الأسبوع و الأمور كلها تمام .
شكراً عزاز شامي ويبدو أن الموضوع بالضبط كما تفضلت بكتابته أدناه
| Quote: (المادة 152 من القانون الجنائي السوداني) زي (قميص عثمان) يظهر و يختفي بحسب الجو العام. |
شكرا يا إسماعيل عباس، فعلاً الأستاذ أبو عركي مبدع و يبدو أن كل الأسرة كذلك كما ذكر هو في في حلقة العيد، لكن ما أردت عرضه هنا للنقاش هو قصة الخيار و الفقوس الحاصل بالنسبة لي لبس النساء في السودان، دايرين نعرف هل القانون اتغير ولا بينصح و يجن؟
شكرا للأستاذين طارق ميرغني وأبو بكر صالح على المرور و يا أبوبكر أنا والله ما عندي فيديو لكن لو لميت فيهو بجيبو هنا.
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: Showgi Omer)
|
الأخ شوقي
تحية طيبة
لم يكن المقصود من أمر الزي وجه الله أصلا فقد كان متاجرة بالدين مثلها مثل مظاهر "المشروع الحضاري" الأخرى تستخدم عند الضرورة.. وقد اقتضت الضرورة هذه الأيام الظهور بمظهر الحرية والانفتاح والتمدن ترغيبا في "الوحدة" بعد أن ادت هذه السياسات الرعناء والتزمت الديني لتنفير الجنوبيين عن التوحد مع وطن تحكمه هذه الحكومة المتمسحة بالدين والتي تغمطهم حقوقهم الأساسية..
ولو تذكرون فقد احتفل تلفزيون المشروع الحضاري منذ أعوام خلت بالعيد السادس لاستخراج البترول وجلب لهذه المناسبة راقصات من الهند وبعض الدول الآسيوية الأخرى وكن حاسرات الرأس كاشفات البطون وقد كان خليفة المؤمنين "عمر البشير" يتكشم في الصفوف الأمامية..
الفنان ابوعركي عاد بشروطه مرفوع الرأس وقدم ابنته الموهوبة متحديا بها مشروع الانقاذ فهزمتهم في عقر دارهم .. لم ير الشعب في سماهر، الأنثى التي تتحجب خلف الأحجبة المزركشة الصارخة المبالغة في اظهار مفاتن وجهها بالمساحيق ويديها بالحناء والذهب كما تفعل مذيعات المؤتمر الوطني في هذا الجهاز الموبوء، ولكنه رأى فيها فيها إنسانة موهوبة وإبنة ملتزمة حق لأبيها وحق لنا أن نفخر بها ..
عمر
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: Hafiz Bakhit)
|
عيدية لصاحب البوست
والقابلة تتحقق الامنيات
| Quote: هو موضوعهم كان شنو؟ |
1/ عدم الموضع
2/ مركبات نقص
3/ عقد نفسية من كل ما هو جميل
4/ والاهم من ده كلو كان موضوعهم
( قيقم ) المنتوج الفنى الغنائى لثورة (النخاس )
ولا كـــــــــــيف ؟؟؟
تانى عيدية لصاحب البوست والقابلة تتحقق الامنيات جلها
قاسم المهداوى
مؤسسة المهداوى للدعاية والاعلان والطباعة
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: Showgi Omer)
|
الأخ شوقى
نعم العنوان يلخص
فصول الرواية و أبطالها.
ولى وقفة مع تعبير الصديق دكتور
ممد بابكر فكلمة " معسم" تشرح غيبوبة
الوطن منذ الخاتم من يونيو 1989 حين اختلف
الزمان والمكان ولميعد السودجان هو السودان .
Quote: شوقى خاطب اولى الالباب وبطريقه لم يسبقه عليها احد .
عركى وكريمته عادا بنا الى زمن يصفه البعض بالجميل. والتلقائيه
التى بدت بها سماهر تعوز الكثيرين من فتيات بلادى والعسم الذى اصاب
الكثيرات كان هو العماد الذى اتكا عليه النظام فالعسم مرتبط بالصمت حيال
البؤس ولو كان فى كل بيت سماهر وشوقى لهزمنا تهومات التخلف وحتما سنفعل يا ابو الشوق... |
| |
|
|
|
|
|
|
|
|
|
Re: لبنى حسين، سماهر عركي و النظام العام (Re: Nazar Yousif)
|
| Quote: لم يكن المقصود من أمر الزي وجه الله أصلا فقد كان متاجرة بالدين مثلها مثل مظاهر "المشروع الحضاري" الأخرى تستخدم عند الضرورة |
معلوم يا أخي عمر عبد الله ولكن مزيد من البراهين للذين في قلوبهم غشاوة.
قاسم المهداوي، حافظ بشير ونزار يوسف عيدكم مبارك و شكر جزيل لـ محمد حيدر على الفيديو.
| |
|
|
|
|
|
|
| |
Showgi Omer
Murtada Gafar
ismeil abbas
د.محمد بابكر
abubakr salih
Omer Abdalla
Hafiz Bakhit
قاسم المهداوى
محمد حيدر
Nazar Yousif
فيس بوك
تويتر
انستقرام
يوتيوب
بنتيريست