|
سـهرة أبو عركــي أجمل عيديه من تلفزيون السودان !!!
|
في خطوه غير متوقعه وغير مسبوقه من تلفزيون السودان, أبو عركي ينثر الفرح والحب في أجمل عيديه للشعب السوداني, يحلق بنا عاليا ويغنّي بأجمل وأنقي صوت لم تغيره السنين, صوت قوي وحضور مدهش وسهره ولا في الأحلام,,
حقيقي سهره مدهشه تدمع لها الأعين من الفرح ,,,
|
|
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: Yassir Tayfour)
|
ياسرنا,, حمد الله علي السلامه, وعيدكم سعيد انت والمدام وكل أمنياتكم محققه انشاء الله,
ماحضرت حفلة عركي يا ياسر؟ طيب نص عمرك ضاع, كانت فرح مجاني معبأ بأناقه تم توزيعه علي الحضور وعلينا المشاهدين عبر الشاشه, سعاده غير متوقعه من تلفزيون السودان العودّنا علي أحادية الفكر والتوجه,
ياربّي يكونو ناويين لينا علي شنو الناس ديل يا ياسر؟ لووووووووول
--- كان نفسنا نودعك لكن دايما تأتي الرياح بشنو كده ما عارفه ههههههه
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: Amany Elamin)
|
أبوعركي مثال للفنان الملتزم لفنه المتكامل, ابتداءا من الفل سوت مرورا بالكلمات البديعه البتلمس المواطن البسيط, الي اللحن الجميل والصوت القوي,
شكرا للفنان أبو عركي علي الفرح الذي أصبح معدوما في بلادنا, زرعته فينا بعودتك عبر تلفزيون السودان, ذكرتنا بالتلفزيون زمان, وذكّرتنا بتسجيلاتك القديمه الياما حفظناها قبل أن يخطو الشيب ويداهم وجهك الوقور ومهموم دائما,
وبالجد كنت واحشنا جدا في الشاشه يا فنان :)
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: Amany Elamin)
|
عيدنا يا اماني عديناهو شغالين، كالعادة.. ___ تخيلي عندي، لحمة قاعدة في التلاجة ليها إسبوعين تقريباً، كبيت ليك عليها بصلة وتوم وبهارات، وبامية صغارة، وفركتها، حقيقة ما فركتها، النار تكفلت بذلك، ومشيت البقالة جبت لي كيس أنجيرا.. وأكلت منها وسوف أترك الباقي لبكرة، لو ما جاني واحد زي رايح ليهو عيد.. والحمد لله الذي لايحمد على "اللغاويس" غيره.
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: Amany Elamin)
|
الأخت أماني عيد مبارك عليك وكل أهل الحوش حقيقي هي أجمل عيدية للشعب السوداني، ذلك المبدع ، الهرم الشامخ ، الخلوق ، المتواضع لدرجة تخجل ، عمانا الفرح الحقيقي في دار الإتحاد بأم درمان عندما علم الجميع تلبية أستاذنا لرغبة جمهوره ومحبيه بعد غياب دام لسنوات مضت كالعادة كان متألقاكبدر ليلة تمه ،،
شكرا أستاذي أبوعركي على هذه العيدية الجميلة
التي ستظل عنوان بهيج لكثير من الأقلام والقوافي وتبقى شعلة نور في زحمة الزمن الخرافي هلّ عيد السعد بيك و بيك محى ويا عوافي
عام سعيد ومبارك للجميع
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: طارق ميرغني)
|
Quote: تخيلي عندي، لحمة قاعدة في التلاجة ليها إسبوعين تقريباً، كبيت ليك عليها بصلة وتوم وبهارات، وبامية صغارة، وفركتها، حقيقة ما فركتها، النار تكفلت بذلك، ومشيت البقالة جبت لي كيس أنجيرا.. وأكلت منها وسوف أترك الباقي لبكرة، لو ما جاني واحد زي رايح ليهو عيد.. والحمد لله الذي لايحمد على "اللغاويس" غيره. |
ياسرنا معليش علي الرد المتأخر, بس الغيّبني من البورد أمبارح برنامج الضحيه والذبائح وصينية الفطور واعدادها .. اكسترا .. اكسترا .. طبعا لايخفي عليك انه اجازتنا العيد ده طوييييييله وبرامج التلفزيون ممتعه جدا
عيد الضحيه من الحاجات النادره البتذكرنا بضرورة القيام بواجب الحمد والشكرعلي وجودنا داخل السودان, فسبحان الذي لايشكر علي التواجد داخل السودان سواه
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: Amany Elamin)
|
....
أبو عركى وجه شكر كتير و كرر شكره لكل الناس الطيبوا خاطرو و ألحوا عليه بالعودة للمسرح القومى والإطلالة من خلال الشاشة الأولى و حقيقة عودة أبو عركى كانت هى العيد بذات نفسو ، و يقينى أن فنان بقامة أبو عركى يسمو بفنه فوق كل الترهات من أجل الوطن.
لشدما أكبرته عندما قال بأنه نتاج لكل السودانيين و أنه مجرد ولد لبت المنا و البخيت و إحتفى بنا جميعا بأكثر مما إحتفينا به .
عودا حميدا فناننا و موسيقارنا الكبير أبوعركى البخيت فما أحوجنا لفنك الجميل و نحن نخطو داخل النفق .
شكرن كتير Amany Elamin على هذه المساحة
....
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: طارق ميرغني)
|
البحراوي الأصيل طارق ميرغني,, وانت بألف خير و نوّرت البوست,,
شكرا علي الفيديوهات, نحمد الله علي نعمة التوثيق لهذا الجمال,
وشكر خاص علي أغنية فرح ناعم تحديدا, لأنها أخذت لبّي تماما في الحفل, وبهرتني كلماتها وألحانها وأدائها,,
مشكور,,
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: Emad Ahmed)
|
الأخ عماد أحمد ,, هلا بيك وكل ينه وانت بصحه وسعاده,, Quote: والشكر الجزيل للشاعر الرقيق عبد الوهاب هلاوي وللمخرج شكر الله خلف الله اللذان قادا المفاوضات مع أبو عركي ليعانق معجبيه بعد غياب طويل عن الشاشة . |
لهم الشكر أجزله حتي يستغيثوا, أسعدوا الملايين من أبناء الشعب في أحلي عيديه في أمسيه غير مسبوقه,
وشكرا ليك علي الصور البتورينا مراحل الفنان عركي الفنيه والعمريه (يا ملك التوثيق),
تسلم :)
| |
|
|
|
|
|
|
Re: سـهرة أبو عركــي أجمل عيديه من تلفزيون السودان !!! (Re: yasir tamtam)
|
الفنان ياسر تمتام,
مشكور علي مشاركتنا الفرحه وعلي كل كلمه جميله كتبتها في حق الفنان أبو عركي, وهو أهل للثناء والاحتفاء بفنه,,
Quote: الأخت أماني عيد مبارك عليك وكل أهل الحوش حقيقي هي أجمل عيدية للشعب السوداني، ذلك المبدع ، الهرم الشامخ ، الخلوق ، المتواضع لدرجة تخجل ، عمانا الفرح الحقيقي في دار الإتحاد بأم درمان عندما علم الجميع تلبية أستاذنا لرغبة جمهوره ومحبيه بعد غياب دام لسنوات مضت كالعادة كان متألقا كبدر ليلة تمه ،،
شكرا أستاذي أبوعركي على هذه العيدية الجميلة
التي ستظل عنوان بهيج لكثير من الأقلام والقوافي وتبقى شعلة نور في زحمة الزمن الخرافي هلّ عيد السعد بيك و بيك محى ويا عوافي |
شكرا لأبو عركي, وشكرا ليك علي مشاركتنا الاحتفاء به, كل سنه وانت طيب , وكل أيامك أعياد انشاء الله,
| |
|
|
|
|
|
|
|