كتب الكاتب الفاتح جبرا المتوفرة بمعرض الدوحة
|
Re: الهزيمة لكل بيت سودانى و ليس لامة للهلال (Re: Wasil Ali)
|
الاخ واصل ، كل عام و انت بخير و الاسرة الكريمة ، عندما ترفض المشيئة الربانية ، نقول قدر الله ماشاء فعل، رغم مريختى فان اقول ان فريق الهلال لم يكن فى يومه.
ادخل المدرب يوسف محمد مخصوص للضربات فكان سبحان الله ، ( العظم التحبو يخنقك)
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Wasil Ali)
|
شنو يا عم واصل طوالى دخلتو فى الحكم ؟؟؟ ادوهو لبكره بس طيب ، كان ما عاد ليكم ضربة جزاء !!!
الا يدخل ليكم الكورة بيدو يعنى ؟؟؟
حبيبنا هجو نشكر مشاعرك الجميلة ، فانت انسان من الزمن الجميل
و لكن هولاء لم يأتو لحوار
ديل اترشووووووووووووووووووووووووووووو بس
فاليوم يوم فرحة عشان فلسفتهم الفاضية دى ، ياهو صفرهم الما بيفارقهم
و يبقى اكبر انجاز لهذا الفريق الفاشل فوزه على المريخ العظيم
و الذى يحتم عليه القدر ان يلعب فى ارض واحده مع هولاء
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: abas)
|
بصراحة متناهيه ، ميشو ده ينفع جوكى بتاع سباق و ليس مدرب كرة قدم ، لعب فى تونس متحفظا ، و حرم اليوم علاء الدين من القيام بدوره الهجومي ، يعنى برضو لعب نوعا ما بعقلية المدافع . هيثم مصطفى غير كرته التى صدتها العارضة لم يكن فى احسن احواله.
الجوكى ميشو للاسف حاول فقط امتطاء الهلال لخلق اسم له ، هذا الرجل مثل الاعب السودانى لا يعرف يتصرف تحت الضغط.
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Abdlaziz Eisa)
|
سلامات يا هجو خروج الهلال غصه في حلوقنا الهلالاب لانه حقيقة لا يستحق الخروج. الهلال افتقد لدرهم الحظ الذي يحتاجه اي قريق ليتوج بطلا. لا اظن ان ميشو درب لاعبيه علي اداء الضربات الترجيحيه لو انه فعل لسحب المعز محجوب وادخل جمعه كما فعل ريكاردو في 2007 امام نسارو النيجيري عندما سحب المعز وادخل ابو بكر الشريف الذي قام بصد ثلاثه ركلات كانت سببا في تاهل الهلال لدور الاربعه. كما سمح ايضا ليوسف محمد بلعب ضربه جزاء وهو الذي اطاح بالضربه التي سددها اما نسارو بنفس الطريقه وبالكربون من طريقته في اضاعه ضربة اليوم وكذلك السماح لكاريكا بالتسديد وكاريكا اضاع عددا من الضربات في بطوله الممتاز وان كان قد احرز اهداف من بعضهم اما بعد ان يصدها الحارس او تصطدم بالقائم. كل هذه الاسباب تجعلني اشك تماما ان ميشو عمل حساب لضربات الجزاء وانا كنت قد كتبت ان المباره قد تحسم بضربات الجزاء في بوست: الهلال السوداني X الصفاقسي التونسي وقد صدق حدسي
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Omar Bob)
|
هجو سلامات وكيف الاحوال .. أدهشنى الهلال بالمستوى الذى ظهر به .. وحزنت جدا لضياع الفرص ونجاح الصفاقصى أن يقود المباراة لضربات الجزاء .. وده مهم, فهزيمة الهلال اعلنت بنسبه كبيره عند نهاية الشوط الثانى .. واخالفك الرأى تماما فى تقديرك لقدرات ميشو .. عندما تحكم السيطره على المباراة وتضييع فرص سهله ويصرف الحكم ضربة جزاء وترتد كره من العارضه أمام فريق كالصفاقسي وفى مناسبه كهذه .. فلا يمكن ابدا ان يلام المدرب المدرب يا عزيزي احكم السيطره تماما على المباراة أمام مدرب كلوشانتير, وحتى قد طاف بذهنى وأنا أشاهد انفعالات لوشانتير قبل طرده ان ميشو افقده صوابه .. المباراة من ناحيه تكتيكيه فاز بيها ميشو بنتيجه كبيره .. وحتى البدلاء ما نزلوا من ايقاع الهلال وبالتالى لا يمكن الحكم بخطل التغيير والذى تحكمه اشياء غير منظوره لنا.. ولكن المنظور لا يفيد بخطأ التغييرات على المستوى التكتيكى والشكل العام ..
تحياتى وكل عام وانت بخير .. وحندقهم دق العيش يوم الخميس .. وبي ميشو حنرشو
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: محمد حيدر المشرف)
|
اخي الكريم د. محمد حيدر المشرف ، كل عام وانت بالف خير و الاسرة الكريمة و القابله على عرفات باذن الله ، اسمح لى ان اختلف معك ليلة امس كان الصفاقصى فى اضعف حالته ، و هنا يظهر فشل ميشو ببساطة شديدة ، مثل هذه المباريات بحاجة الى اهل الخبرة و القوة الجسمانيه ، بعد خروج سادومبا تنفس دفاع الصفاقصى الصعداء ، فقد انزل لعيبة صغار يحملون ضغط المدرجات و قبله توتر الطاقم الفنى ، علاوة على قلة الخبرة وفرصتى دقائق الاخيره لوجدها مهند او سادمبا ربما تغير الموقف ، سادومبا كان كثير الحركة بدون كوره وكان مصدر خطورة ، وهو ايضا متمكن مع مهند الطاهر فى الضربات الثابته ، حتى فى اخر الدقائق لم يستفد الهلال من اجدى الضربات الثابته ، لقد جبن امس ميشو فى عدم اخراج هيثم فقد كان ومنذ مباراة تونس فى حالة توهان ، لم يلعب امس سوى كورة العارضة و قبلها كورة الهدف . اما بقية المباراة فقد كان غير هيثم الذى نعرفه .
المدرب الناجح هو الذى يستفيد من التبديل ، اما الضغط فكان طبيعى لانو الهلال لاعب فى ملعبو وكذلك إنكماش التوانسه مع خندقتهم جعل الهلال فى حالة هجوم غير مركز.
يوم الخميس باذن الله الجماعة جاهزين للذبح و السلخ كمان ، و اثر الهزيمة و الخروج سيكون عليهم و بالساحق و الماحق باذن الله.
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Omar Bob)
|
الاخ الكريم عمر بوب كل عام وانت بخير ، و عيدك مبارك و الاسرة الكريمة ، فعلا هذا الرجل اقل من قامة الهلال فى كل شىء ، ميشو رجل يحب الاعلام بصورة غريبه ، و قد صور له الاعلام انه قد كسب المباراة فلم يضع فى حسبانه ابدا ، ان الكورة ممكن تصل الى ضربات الترجيح ، عمر يا خوى زولكم ده ذى ما قلت اريد ان يضيف الى HIS C.V اسم بطولة عشان ينتقل بيها الى منتخب افريقى ، وإلا ما صبر على الهلال وهو لم يدفع له حتى هذه اللحظة جزء كبير من مستحقات عقده.
تعرف على المستوى الشخصى لا الوم المعز ، بقدر لومى لمدرب جاهل يخرج احسن لاعبين تخصصا فى ضربات الجزاء و تبقى على المباراة 12 دقيقة .
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Abdlaziz Eisa)
|
مرحب يا عبدالعزيز يا خوى ، عيدكم مبارك و القابله على عرفات ، تعرف يا صفوة فعلا و بعيدا عن المكاواة ، لحظة دخول التوانسه فرحين و يرقصون فى استاد الهلال ، و الله حارة بالحيل ، صدقنى نحن الصفوة اكبر من مهاترات البعض ، و حتى اللغة التى يستخدمنا البعض هنا ، حقو ما تغيرنا لانو الصفوه صفوه ، تعرف انا متاكد انكم بتحاولوا ترفع ضغطهم فقط ومن باب المكاواة ، يا صفوه التوانسه ما بستاهلو يفزوا على اى فريق ناهيك عن فريق سودانى.
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Hassan Senada)
|
هجو
سلامات.
* الهلال كان مسيطر على المبارة سيطرة تامة والمعز محجوب حارس الهلال كان عبارة عن ضيف للمبارة ولم يختبر إلا في ضربات الجزاء. * بصمات المدرب ميشو وضحت في مستوى الهلال. ولكن مازال ينقص الهلال اللاعب الذي يحرز الاهداف. لقد خلت الملاعب السودانية مؤخرا من مثل هذا اللاعب. * الفريق التونسي ظهر بمستوى متواضع جدا ولقد كان منتظرا الهلال يحرز فيه هدف أخرا ويخرجه من البطولة في أي وقت، وضربات الجزاء أتتهم كهدية من لاعبي الهلال. * التحكيم كان دون المستوى ولم يحتسب الحكم ضربتي جزاء للهلال. * هيثم مصطفى كان عبئا على الفريق، وعطائه دون المستوى يجب أن يعتزل في أقرب وقت. * أخطاء المدرب بتغير اللاعب سادومبا لأنه كان يزعج دفاع الصفاقصي بكرة أو بدونها. * معلق المبارة الاسموا سوار الذهب هذا طريقة تعليقه سخيفة ويحاول جاهدا لكي يغير لهجته السودانية. أتمنى أن تغيره قناة الجزيرة فورا. * مساعد مدرب الهلال طارق أحمد أدم كان صوته عاليا طول المبارة وهو يقوم بتوجيه اللاعبين داخل الميدان. هل هذا هو نفسه طارق أحمد أدم لاعب الهلال السابق الهادي!! * مازال الهلال من دون بطولة قارية أو خارجية.
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: Deng)
|
الاخ الفاضل هجو
كل عام وانت بالف خير
حقيقة باسم كل الهلالاب نشكرك على مشاعرك النبيلة .. نحن قد نرضى بالمزاح الظريف والمكاواة غاذا انهزم الهلال ولكن نرفض مسألة الفرح الهستيري التي قام بها جمع كبير من المحسوبين على المريخ ...
فليطمئنوا اننا لن نسلك سلوكهم خاصة وان فريق المريخ في هذه الايام يحدث عن نفسه ..
الهلال عظيم يا هجو ..
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: علاء الدين حيموره)
|
سلام ياهجو وعيدك سعيد يا هجو ياخ انا سفيان ده سوداني وعندي بيت و أسرة ولا اتهزمته ولا حاجة فما تدخلني سااااااي كده مع المهزومين ديل .
ويا (هجو*) افرز
Quote: مسألة الفرح الهستيري التي قام بها جمع كبير من المحسوبين على المريخ |
يا علاء سلام وعيدك سعيد (ده لو ممكن تسعد بعد الحصل أمس)
اها يا علاء انا مريخابي اصلي ولا محسوب ولا حاجة يعني عديييييل كده مريخابي صفوة وفرحته وهللته ووزعته حلاوة وكنت مشارط هلالابي علي انهم طايرين والشُراط كان 300 الف جنيه سوداني بالقديم لما خلصت المبارة اتصلته عليهو لقيتو قافل تلفونو مشيت ليهو في البيت وعفيت ليهو ال300 كاااااااااااااااااااااااااااك . الصفر حار والله .
ــــــــــــــــــــــــــــــــ * على نسق يا ديجانقو بتاعة د/ حسن موسى.
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: سفيان بشير نابرى)
|
الاخ / سفيان
كل سنة وانت طيب ..
Quote: اها يا علاء انا مريخابي اصلي ولا محسوب ولا حاجة يعني عديييييل كده مريخابي صفوة وفرحته وهللته ووزعته حلاوة وكنت مشارط هلالابي علي انهم طايرين والشُراط كان 300 الف جنيه سوداني بالقديم لما خلصت المبارة اتصلته عليهو لقيتو قافل تلفونو مشيت ليهو في البيت وعفيت ليهو ال300
|
ياخ ما تفتل بوست اخونا هجو .. الراجل جاء يرطب على الناس شوية تقوم تشترا ليه ...
نحن على يقين تام بان اكثر الاخوة في المريخ كانو فرحين بالخروج ودي ما عايزا اثبات لانو الفرح كان هستيري ..
فصفة محسوب على المريخ دي بنطلقها على الذين لا يروق لنا فرحهم بخروجنا ونحترم كل الاخوة الذين وقفوا معنا ..
ان شاء الله الهلال تاني ما يفرحك يا سفيان ..
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: khaleel)
|
Quote: أكد مراسل صدي الملاعب قبل قليل تقدم الهلال بشكوى للمراقب قبل المباراة طاعناً في مشاركة اللاعب صاحب القميص رقم 4 لإيقافه مرتين في البطولة والتي حسب قانون الكاف يجب أن يقف لمباراتان فهل سيكسب الهلال الشكوى؟؟؟؟ اتمنى ذلك
|
والله يا خليل تحنن يا حليلك
حقو الواحد يتمني معاك كااااااااااااااااك
| |
|
|
|
|
|
|
Re: الهزيمة لكل بيت سودانى و ليس لامة للهلال (Re: محمد الامين احمد)
|
كل عام و الجميع بخير ، نسال الله العليى القدير ان يكون العيد القادم سوداننا بخير ، و منتخبنا الوطنى صعد على الاقل لنهائى كاس افريقيا القادمة باذن الله .
اشكر كل الاخوة المتداخلين و اعتذر للبعض عن عدم تمكنى من الرد عليهم بسبب ظروف العيد . ولو مد الله فى الاجال لابد من العودة ، و عيدكم مبارك .
| |
|
|
|
|
|
|
|