|
أسفي عليك ..حبيب الروح
|
بهديك.......
آهة زول مجروح
يسامر في نجوم الليل مستني سوادو يروح
قلبو حب.....
وما بعرف البوح
حليل قليبو.... مات من تعبو
حليل حبيبو تاه بين الرمش و الروح
حليل ريدو ما لحق الروح قبال تروح
شوقو و حنينو همسة أمل و راي مطروح
أريتو ما عرف الهوى ولا عرف العذاب و النوح
مشتت في دنيتو وين يمشي و ين يروح
منقوش في جبينو غدر الزمن و كل الما بروح
ربي ليهو.... لا عرفوهو.... لا شافو السوتوفيهو
أيامو ... و شهورو و سنينو..... و الكملت عليهو جروح
بالضياع حكموهو و أسروهو..... في سجن الممكن و المسموح
دفن بأيديهو كلمتو.... بسمتو.... رقتو..... روعة طلتو....
أسفي عليهو مات بين ايديهو حبيب الروح
|
|
|
|
|
|