*ابو شامة يخرج افضل لاعبيه خوفا من جمهور الهلال *اللاعب قصي كتم انفاس هيثم مصطفى و شل حركته و لعب معه بالعنف القانوني لكن هيثم اللاعب الكبير المحمي من الحكام وو الإتحاد و الجمهور و مدربي الفرق المنافسة لا يجب اللعب معه بعنف قانوني حتى *حكام سيحة يصرون على اهداء الدوري للهلال و يرهبون لاعبي الفرق المنافسة بالكروت الملونة التي تختفي عند استحقاق لاعبي الفريق الأرق لها *على مجلس المريخ التحرك مبكرا لحماية مكتسبات فريقه و المطالبة بحكام اجانب للقمة *مستوى التحكيم الذي اعتاد التحيز للهلال و حماية لاعبيه حتى من العنف القانوني لايمكن السكوت عليه و ينذر بكارثة إذ لا يمكن التنبؤ برد فعل الجماهير المريخية وهي ترى الحكم يذبح لاعبيها امام اعينها *هل سيتحمل الاتحاد مسؤولية اي احداث عنف ناتجة عن فقدان الصوة لأعصابها نتيجة ظلم الحكام * * * * نق نق نق نق بلا بلا بلا بلا مؤامرة مؤامرة مؤامرة
_ + ()
11-10-2010, 07:51 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
لاعب الهلال الفتوة علاء الدين يوسف انقض بوحشية على لاعب حي العرب المسكين وكاد أن يهشم ضلوعه أمام الحكم الذي اكتفى بالابتسام!!!
واصل لاعبو الهلال إضاعة الوقت بالاحتفال بأهدافهم وبطريقة دخيلة على مجتمعنا المحافظ. على سادومبا أن يعلم أن الرقصات الإفريقية لا تلاءم ثقافانا العربية، وأعجب لمدثر كاريكا الذي يستجيب لسادومبا ويشاركه حركاته الغريبة.
على كروجر أن يعلم أن الانتصار في مباراة يؤخذ بحُمرة العين، ولذلك عليه أن يبعد اللاعبين المساكين مثل سعيد السعودي وعبد الحميد السعودي وفيصل العجب، ولو كنت محله لمنحت شارة الكابتنية للتونسي الشرس هيثم المرابط.
حكم المباراة المسكين لا يستطيع إشهار بطاقة ملونة للكابتن المفتري الذي يهابه الجميع. ونتمنى أن يستجلب الاتحاد العام حكام أجانب لمباراة القمة بشرط ألا يكونوا على شاكلة السعودي عبد الرحمن الزيد مشجع الهلال السعودي الذي ذبح المريخ عام 2000 وهو يرفض احتساب ضربة جزاء واضحة ارتكبها مجاهد مع المغربي الزنزون، واعترف بها مدرب الهلال فوزي المرضي بذكاء.
11-10-2010, 10:31 PM
ALGARADABI
ALGARADABI
تاريخ التسجيل: 12-30-2004
مجموع المشاركات: 5236
Quote: لاعب الهلال الفتوة علاء الدين يوسف انقض بوحشية على لاعب حي العرب المسكين وكاد أن يهشم ضلوعه أمام الحكم الذي اكتفى بالابتسام!!!
واصل لاعبو الهلال إضاعة الوقت بالاحتفال بأهدافهم وبطريقة دخيلة على مجتمعنا المحافظ. على سادومبا أن يعلم أن الرقصات الإفريقية لا تلاءم ثقافانا العربية، وأعجب لمدثر كاريكا الذي يستجيب لسادومبا ويشاركه حركاته الغريبة.
على كروجر أن يعلم أن الانتصار في مباراة يؤخذ بحُمرة العين، ولذلك عليه أن يبعد اللاعبين المساكين مثل سعيد السعودي وعبد الحميد السعودي وفيصل العجب، ولو كنت محله لمنحت شارة الكابتنية للتونسي الشرس هيثم المرابط.
حكم المباراة المسكين لا يستطيع إشهار بطاقة ملونة للكابتن المفتري الذي يهابه الجميع. ونتمنى أن يستجلب الاتحاد العام حكام أجانب لمباراة القمة بشرط ألا يكونوا على شاكلة السعودي عبد الرحمن الزيد مشجع الهلال السعودي الذي ذبح المريخ عام 2000 وهو يرفض احتساب ضربة جزاء واضحة ارتكبها مجاهد مع المغربي الزنزون، واعترف بها مدرب الهلال فوزي المرضي بذكاء
ود الريح والله مبالغة عمود كوبي بيست لأب شيبة
بس ناقص شلوت أسامة التعاون(في منطقة حساسة) + موقف جاكسون + أي حاجة يحشر فيها مدينة النيل
ابو حتحوت صباح الخير ، اوعى تكون البنيه مساهره بيك الايام دى ، معليش يا هندسة بصراحة رأيك شنو فى ضرب هيثم مصطفى للاعب بورسودان بالكوع ؟، و عندما تجاهل الحكم الامر ، اخد الاعب حقه بيده فى اللعبه البعدها .
11-11-2010, 05:56 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
صباحك خير يا هجو ما شفت اللقطة القلتها الشفتو هيثم راجع بعد لعب الكورة و اتصادم مع اللاعب و الاتنين وقعوا الإعادة وقفت قبل اللطة نفسها حتى الرشيد علق وطالب المخرج يجيبها لو عندك ليها فيديو نزلها
11-11-2010, 06:22 AM
هجو الأقرع
هجو الأقرع
تاريخ التسجيل: 07-19-2006
مجموع المشاركات: 9056
المريـخ غني بكاساتـه والهلال 80 سنة يبحث عن ذاتــه
في ضربات الجزاء دي معاك دونا عن باقي الكتاب الوصيفاب ابوشيبة احسن حاجة فيه ماعندو الحركة بتاعة التاريخ و البكاء على الأطلال
قردابي .. التسجيلات و باصات الوالي
هلا رشوان ... الانا شفتو هيثم راجع بعد لعب الكورة اصطدم بقصي و الاتنين وقعوا لو فيها اعتداء والحكم قريب كان مفروض ياخد آكشن اما ضربة الجزاء فما شفتها
تنظير ... البلابلابلابلا دي يعني خارم بارم زي خارم بارمك القادينا بيه
بت الشيخ شكرا على المرور
الله يبارك فيك يا فاضلابي الحاصل انو بالنسبة لابوشيبة وحسب نظرية المؤامرة كل الحكام و اداريين الاتحاد العام و مدربي الفرق المنافسة و الشفع البجيبو الكورة كلهم يا هلالاب عديل يا متحيزين للهلال و الهلال كل سنة برشكم و يشيل الدوري بسبب هدايا الحكام والمريخ مكتوب و معيون و اتنين جنيه تذكرة باصات الوالي غالية
ود الريح مبالغة يعني عادي ممكن ابوشيبة لو يوم مشغول يستعين بيك لكتابة عموده
اهلا حيدر بشير ابوشيبة مقتنع تماما انو اي شي وراه مؤامرة لصالح الهلال حتى تأجيل المباريات بسبب المشاركة الافريقية ح يجي يقول ليك حي العرب ضمن مقعده وغير منافس على المراكز المتقدمة عشان كدا لعب ببرود و استفاد الهلال
11-11-2010, 06:14 AM
omer osman
omer osman
تاريخ التسجيل: 06-09-2007
مجموع المشاركات: 15218
لاعب فريقو ما مهمة بالنسبة ليه نتيجة المباراة خالص و يلعب بعنف زي دا مع هيثم المقبل على مباراة افريقية مهمة وكان ممكن يؤدي لإصابته يكون مالو في رأيك؟ قرار ابوشامة كمدرب ما بيطعن فيه كونو هلالابي ابدا كان ممكن يفقد لاعبو بالكرت الأحمر بدون مناسبة مادام انفعل بدون مبرر
اكيد دا ما التيم الح يلعب قدام الصفاقسي بدليل مشاركة التاج و جمعة و النعيم لكن نفس النشكيلة اضيف ليها محمد عبد الرحمن ونادر الطيب و صدام ممكن نطقطقكم بيها عادي
هجو يا عمك ... شهود شنو يا حاج كورة هي ولاّ قضية في محكمة خلاص المهم يكونوا شهود عدول موظفي دولة ومشهود لهم بالسمعة الطيبة
11-11-2010, 06:48 AM
عبدالمجيد المقابل
عبدالمجيد المقابل
تاريخ التسجيل: 02-01-2010
مجموع المشاركات: 1099
Quote: المهم اذا ده الفريق الحتلعبوا بيهو قدام الصفاقسي وبالدفاع ده صدقني الضحك شرطكم ..
ود البشري سلام, شفتا كيف !!! ناس جنابو بتكلمو عن كورة الصفاقصي و عاملين غمرانين من مباراتنا معاهم !! ياخي مداخلتك دي يا جنابو أحبطت الوصيفاب , كان تقول ( المهم اذا ده الفريق الحتلعبوا بيهو قدام المريخ وبالدفاع ده صدقني الضحك شرطكم ) لكن إنتا زول عاقل وعارف قدر فريقك ( بارك الله في رجل عرف قدر فريقه) معليش يا ود البشري ردينا لجنابو قبل ردك ليهو =
Quote: صباحك خير يا هجو ما شفت اللقطة القلتها الشفتو هيثم راجع بعد لعب الكورة و اتصادم مع اللاعب و الاتنين وقعوا الإعادة وقفت قبل اللطة نفسها حتى الرشيد علق وطالب المخرج يجيبها لو عندك ليها فيديو نزلها
غايتو التحتها خط دي التوانسة أتهموا بيها حكم مباراتهم مع مازيمبي
..
11-11-2010, 09:35 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: الإعادة وقفت قبل اللقطة نفسها حتى الرشيد علق وطالب المخرج يجيبها
وبين الشوطين الرشيد قال لـ(مخرجنا مبيوع) ليه ما عدت اللقطة مخرجنا قال ليو اللحظة ديك الكاميرا إنتقلت (للرفيق الأعلى يا ربي!) المهم يا ود البشرى: مبيوع بالغ وكوع سيدا بالغ وأبو شامة بالغ بالغ هيثم المراقبة اللصيقة طلعته من طوره يا بو حميد
11-11-2010, 04:44 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
دياب يا عمك شنو تخذلني كدا وين الـ " وبرضو كااااااااااكـ " الشهيرة
يا حلبي ما قصة مراقبة لصيقة واضح انو قصي جاي متقصّد ضرب هيثم و اثارته الواحد ما داير يكون سيئ الظن لكن الوسط الرياضي بتاع كماين العرقي دا اتوقع منو اي شي ممكن جدا يكون محرش من وصيفابي على اساس هيثم عندو انذار اولريدي و يفقدوا الهلال في كورتهم
سلامات يا ALGARADABI، وإن شاء الله منصورين يوم الأحد.
--------------------------------
يا ود البشرى
حصل يوم اتخيّلت أبو شيبة ده هلالابي؟
هاك اتخيّل...
حملات المريخاب الحاقدين على الصنديد علاء الدين يوسف لن تنفع مع هذا الولد النجيض. كرة القدم لعبة الرجال وعلى لاعبي الفرق الأخرى أن يخشوشنوا امتثالاً لأوامر الرسول الكريم.
كان واضحاً أن لاعب حي العرب الضخم قصي محرّش من جهة يهمّها أن يُطرد هيثم مصطفى ولا يشارك في مباراة القمة. قصي ظل يلاحق هيثم بطريقة سخيفة جعلت هيثم يحاول أن يبعده عنه بلُطف فسقط قصي ليوحي للحكم بأن هيثم اعتدى عليه لإكمال المخطط المكشوف، لكن الهلال محظوظ بوجود لاعبين (بِورّو الحكام العين الحمرة).
العلاقة بين لاعبي الهلال في أفضل حالاتها "ما شاء الله"، والدليل هو احتفالاتهم عند إحراز الأهداف بالرقصات الإفريقية الرائعة التي تؤكد أن السودانيين عرب ممزوجة بى دم الزنوج الحارة.
الهلال بحاجة لحارس مرمى مجنس وقلبي دفاع وظهيرين أيسر وأيمن وصانع ألعاب صغير السن ومهاجم ضخم الجثة مثل الثور النيجيري إينرامو.
في مباراة جزيرة الفيل، حاول المدافع إبعاد الكرة من أمام لاعب المريخ راجي الذي سقط بطريقة يحسده عليها عادل إمام، فما كان من الحكم المسكين إلا الاستجابة لزعيق جماهير المريخ خوفا من أن يفتكوا به ومنح المريخ ضربة جزاء مضحكة.
11-12-2010, 05:40 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
غايتو يا ود البشرى أجمل حاجة عجبتني في أبو شيبة ده إنو إتكلم عن التسجيلات القادمة وحدد ما يحتاجه المريخ من لاعبين وعددهم بالضبط حداشر لاعب والأجمل إنو ما شطب ولااا زول للحداشر ديل كلهم حولهم لي فريق الشباب ..
تخريمة : يا ود الريح بالله بين الفقرات دي حاول أحشر ليك حاجة عن الحرامية وعن ناس الأقاليم الزاحمين العاصمة خصوصا واليامات دي العيد على الأبواب الزول ده جنننو الخرطوم الفاضية ايام العطلات العيدية
11-20-2010, 06:47 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
- الفاتح النقر ملك تقفيل اللعب ز الذي يفرض رقابة لصيقة على مفاتيح لعب المريخ في لقاءاته يترك البرنس بدون رقابة حرا ليفعل ما يشاء - اشراك خمسة من لاعبي الخرطوم في الوسط ليوحي بتقفيل منطقة المناورة للمتابعين لكن بدون ادوار رقابة حقيقية على مفاتيح لعب الهلال - الفاتح النقر و غيره من المدربين ذوي الميول الزرقاء يلعبون دور الكومبارس للهلال و يؤدون ادوارهم ببراعة في تعطيل المريخ و تسهيل مهمة الهلال للفوز بالكاسات - هذا احد الادوار في المؤامرة العالمية السرية لفرض السيطرة الهلالية على الساحة -أما الحكم فكالعادة صافرة ذات اتجاه واحد في صالح الهلال - صرف تلاتة ضربات جزاء للخرطوم و عطل اتنين و ستين هجمة بفاولات و حالات تسلل من خياله و تغاضى عن سبعة وعشرين مخالفة ارتكبها مصارع الهلال علاء الدين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة