|
|
 الزواج العرفي ما أحلاه
|
بالمناسبة وأنا أطالع اليوم صحيفة الراي العام قرأت عمود الأستاذ الفاتح جبرا بعنوان إيجابيات و ورد فيه:
Quote: صرح مدير احدى الجامعات بأن إحدى إيجابيات فرض الزى الموحد للطالبات أنه سوف يقوم بتقليل حالات الزواج العرفى بين الطلاب .. (أقطع دراعى لو بس اعرف العلاقة شنو) !!
|
يا أخوانا هو الناس بتتزوج الملابس ولا من بداخل الملابس ؟
حسب علم البلاغة في اللغة العربية الوزير يكون أطلق الملبوس وأراد اللابس فتكون العلاقة ملبوسة
مع تحياتي
عاصم فقيري
|
|
 
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
يا ود فقيري
سلام
الناس قلوبا طارت ... العرفي ده قالو ستره ... تحت .. تحت ..يعني انت تقوم تقنقرو فوق بوست قدر الليله وبكره وتقعد تتمطق تقول احلاه وما احلاه
والرجال حريمهم ساكنات معاهم في حوش البكري ده ...ودايرهم يجوا عليك ... كيف يعني؟
بعدين مدير جامعة البخت دا حكايه بنات جامعتو بقت فساتين وبناطلين ...واللا الراجل تطير في عيشتو بشوف في الفيل وبطعن في ضلو
كان الله في عون بنات السودان اكان قرن ووب واكان ما قرن ووبين
| |
|
|
|
|
|
|
|
|
|
Re: الزواج العرفي ما أحلاه (Re: محمد مصطفي مجذوب)
|
Quote: بعدين مدير جامعة البخت دا حكايه بنات جامعتو بقت فساتين وبناطلين ...واللا الراجل تطير في عيشتو بشوف في الفيل وبطعن في ضلو
|
يا محمد مصطفى هو الزي الموحد دا شنو ما يكون البيقولوا عليهو كارينا داك كمان
وبعدين البنطولون دا هن مرقنبو قرنبو !
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
عاصم ..سلامات ..
| Quote: الناس دي بفتش للزواج العرفي في عضمو وما لقتو ولا شنو يأ أخوانا ممكم نوريكم دربوا |
انا شوف لي مسيار ...
ـــــــــــــــــــــــ
افتقدناك يوم امس ياحبيبنا ..
| |
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
Quote: صرح مدير احدى الجامعات بأن إحدى إيجابيات فرض الزى الموحد للطالبات أنه سوف يقوم بتقليل حالات الزواج العرفى بين الطلاب .. (أقطع دراعى لو بس اعرف العلاقة شنو) !!
|
صاحب البوست سلام
أسع مدير الندامه دا لو قلت ليهوا طلع لي عشره فتيات فقط متزوجات عرفي حايقعد يتلفت أنا ماعاوز القول الظاهره دي مافي لكن لو حسبنها لا تتعدي أصابع اليد بطبيعه الحال حواء السودانيه خوافه لاتجروا أن تسلك طريق وعر مثل هذا وهي تعرف مسبقا نتائجه فمجتمعنا وأخواتنا بخير لو عملنا مقارنه مع بقيه المجتمعات .
ودي
| |
|
|
|
|
|
|
|
|
|
Re: الزواج العرفي ما أحلاه (Re: عادل الباهي عبدالرازق)
|
السلام عليكم إخوتي
يا عاصم فقيري، كيف مافي علاقة بين الزي الموحد و تقليل فرص الزواج العرفي؟؟؟ أكيد الزي الموحد ح يكون حسب النظرة "الإسلاموية" ساتر و بيغطي و "موحد" زي هدوم المدارس حقت بناتنا أسي، بالرغم من إنو البنات بيتحايلن مرات على القصة دي، بشوية "تحزيق: للبنطلون، و تضييق للإسكيرت، و تقصير "للبلوزة"، بس المهم في نهاية المطاف، ما في لفت أنظار بألوان براقة و "فاضحة"...
كان الله في عون شباب السودان يا رب
| |
|
|
|
|
|
|
|
|
|
Re: الزواج العرفي ما أحلاه (Re: نوسة)
|
Quote: انا شوف لي مسيار ...
ـــــــــــــــــــــــ
افتقدناك يوم امس ياحبيبنا .. |
يا فايز ود القاضي
سلام
المسيييييييييييييار دا كلنا دايرنو لكن ما بالطريقة دي !
أرجو أن تكونوا إستمتعوا بليلة الأمس وقضيتوا وقت جميل
وليك وحشة يا ود القاضي
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
Quote: صاحب البوست سلام
أسع مدير الندامه دا لو قلت ليهوا طلع لي عشره فتيات فقط متزوجات عرفي حايقعد يتلفت أنا ماعاوز القول الظاهره دي مافي لكن لو حسبنها لا تتعدي أصابع اليد بطبيعه الحال حواء السودانيه خوافه لاتجروا أن تسلك طريق وعر مثل هذا وهي تعرف مسبقا نتائجه فمجتمعنا وأخواتنا بخير لو عملنا مقارنه مع بقيه المجتمعات .
ودي |
عادل الباهي
سلام
فعلاً أخي مازال السودان بخير بالمقارنة بمجتمعات أخرى خصوصاً في الحتة بتاعت العرفي دي لأها برضو بتحتاج لمسكن ومصاريف!
مع خالص ودي
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
Quote: السلام عليكم إخوتي
يا عاصم فقيري، كيف مافي علاقة بين الزي الموحد و تقليل فرص الزواج العرفي؟؟؟ أكيد الزي الموحد ح يكون حسب النظرة "الإسلاموية" ساتر و بيغطي و "موحد" زي هدوم المدارس حقت بناتنا أسي، بالرغم من إنو البنات بيتحايلن مرات على القصة دي، بشوية "تحزيق: للبنطلون، و تضييق للإسكيرت، و تقصير "للبلوزة"، بس المهم في نهاية المطاف، ما في لفت أنظار بألوان براقة و "فاضحة"...
كان الله في عون شباب السودان يا رب |
سلام يا نوسة
تعرفي الزي المدرسي ذاتو جذاب خاصةً للرجال البتكون مراهقتهم على كبر زي ناس فايز ود القاضي بموتوا في اللابسة زي مدرسي
مع تحياتي
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
هاهاهاهاهاها
يا ود فقيري ضحكتني ياخي و أنا حزينة و الله...
طيب يا يمة البنات تطير عيشتن؟؟؟ يلبسن شنو؟؟؟؟ خيمة زي ناس طالبان و لا شنو؟؟؟
هم الرجال ديل طيب ليييييييه الحكومة ما بتفرض عليهم "غض البصر"""؟؟؟؟؟
مفروض يعاقبو حسب "طول النظرة" و "جر النور" موش؟؟؟
| |
|
|
|
|
|
|
|
|
|
Re: الزواج العرفي ما أحلاه (Re: نوسة)
|
Quote: هاهاهاهاهاها
يا ود فقيري ضحكتني ياخي و أنا حزينة و الله...
طيب يا يمة البنات تطير عيشتن؟؟؟ يلبسن شنو؟؟؟؟ خيمة زي ناس طالبان و لا شنو؟؟؟
هم الرجال ديل طيب ليييييييه الحكومة ما بتفرض عليهم "غض البصر"""؟؟؟؟؟
مفروض يعاقبو حسب "طول النظرة" و "جر النور" موش؟؟؟ |
سلام يا نوسة
تعرفي بصراحة هي مسألة الزي موحد أو غيره أو غيره ما هي الحل وزي ما قلت ليك كل موديل عندو ناسو المكتولين فيهو
حتى العباية دي تعرفي في ناس بتجننهم !!
عشان كدا القصة ما قصة لبس القصة قصة فهم واللبس المعقول السوداني الأصيل المعتاد مع إنو المعتاد دي الآن أصبحت حمالة أوجه
نحنا لمن نرجع في إجازات بنتخلع من المطار شاينهم كلهم بمافيهم ضاباطات البوليس والجمارك بالنسبة لينا موضة ومتجدعات
عشان كدا القصة ما قصة لبس والموضوع ليس في نوع الزي الشغلة عاوزة ليها فهم
بس قولي لي يجيبوا من وين ؟
مع تحياتي
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
كويس يا فقيري، إنت جبت التايهة، قول لي كيف؟؟
براك قلت إنتو لمن تجو من برة "بتنخلعو" من لبس الموضة؟؟، موش؟؟
بس ناس السودان بالنسبة ليهم الشي دة بقى عادي، موش كدة؟؟؟ يعني القضية كلها منكم إنتو يا مغتربين السعودية بالتحديد، بلد التكميم و اللفلفة،،، بتنخلعو من كل شي بتشوفوهو، ياخي دي قصة صعبة خلاص، هاهاهاهاها
طيب الحل شنو؟؟؟؟
أتفرجو بس على القنوات العربية كويس، عشان تتعودو و كدة، و ربنا يرحمنا جميعاً و يغفر لنا... و قنوات عربية ليه صحي؟؟؟ شوفو زول و هارموني و النيل الأزرق، و ح تتعودو بعد شوية و تبقو زينا كدة، كان شفت زول عريان في الشارع، ما بعاين ليهو مرتين، بحترم حرية تعبيرو المحضة... لووووووووووووول
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
Quote: نحنا لمن نرجع في إجازات بنتخلع من المطار شاينهم كلهم بمافيهم ضاباطات البوليس والجمارك بالنسبة لينا موضة ومتجدعات
|
انت عارف يا ود فقيري نحن (الدهمة) الملفلفة بتجننا .
بس الله غالب .
| |
|
|
|
|
|
|
|
|
|
Re: الزواج العرفي ما أحلاه (Re: مصعب عوض الكريم علي)
|
Quote: انت عارف يا ود فقيري نحن (الدهمة) الملفلفة بتجننا .
|
يا مصعب يا أخوي ديل نحنا لكن في ناس مغتربين وهم جوا السودان لا بيشوفوا لا بيسمعوا
ديل ياهم البطالبوا بإغلاق الجامعات وتوحيد الزي وما شابه ذلك
أخير نحنا خلعة ساكت ويومين تلاتة بنتعود
| |
|
|
|
|
|
|
|
|
|
Re: الزواج العرفي ما أحلاه (Re: نوسة)
|
Quote: في 4 دقائق 20 واحد بالتمام فتحوا الموضوع لكن واحد علق مافي
الناس دي بفتش للزواج العرفي في عضمو وما لقتو ولا شنو يأ أخوانا ممكم نوريكم دربوا |
الأخ عاصم فقيري
تحياتي
لقيناك جبت عنوان جاذب
| Quote: الزواج العرفي ما أحلاه |
وبصراحة منتظرين التوضيح
ما عندنا النية
لكن من باب الشمار ليس الا
| |
|
|
|
|
|
|
|
|
|
Re: الزواج العرفي ما أحلاه (Re: البشير دفع الله)
|
يا نوسة
ما أنا عارف إنو المسألة جايا من أخوانا المعانا هنا ديل
لكن برضو أقول ليك حاجة مهم جداً
تعرفي الأصل في إنو الواحد تعجبو الحاجة المثيرة والمسألة زيها وزي التذوق لأي شيء آخر
يعني أذواق ناس ولا بمنعها الحجاب ولا الزي الموحد
وآه من البيلبسن يونيفورم كاكي بتاع ضباط لو كانن في السلاح الطبي أو سلاح الصاعقة حتى
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
Quote: الأخ عاصم فقيري
تحياتي
لقيناك جبت عنوان جاذب
Quote: الزواج العرفي ما أحلاه
وبصراحة منتظرين التوضيح
ما عندنا النية
لكن من باب الشمار ليس الا |
أخونا البشير سلام وشوق
أولاً قبل ما نخش في الموضوع جوالك رايح مني أرسله لي في الخاص
وبعد داك
يا البشير عاوزين نقول المسألة بتاعت الزواج العرفي دي ما سببها اللبس يعني البنات لو لبسن زي مدرسي موحد إذا كانت في ظاهرة بتاعت زواج عرفي فإن الزي الموحد لن يمنع من ذلك ولا رياك شنو!
كدي نجيك بالدرب البتعرفو
بالحديث النبوي عنه صلى الله عليه وسلم
قال: تنكح المرأة لأربعة؛ لمالها وجمالها ولحسبهاولدينها فأظفر بذات الدين تربت يداك (أو كما قال)
صدق رسول الله صلى الله عليه وسلم
يعني اللبس هنا يكون عشان يحفز على الزواج العرفي ونفترض إنو موجود كواحد من المحسنات الجمالية طيب ما يكون محفز ومشجع
للزواج الشرعي .. ليه يعني العرفي ؟
مع تحياتي
_______________________________
أدينا التلفون ما تنسى
| |
|
|
|
|
|
|
|
|
|
Re: الزواج العرفي ما أحلاه (Re: نوسة)
|
يا نوسه يا ست البنات
سلام
قالوا الفال تحت اللسان وان شاء الله بره وبعيد... انتي ما عارفه ناس طالبان ديل بسوي شنو.. والقريتو عنهم (الله يعز السامعين والبقرو) خلي راسي لي هسع مفتوح ... قال مسلمين ... قال
وبعدين يا بت اللخو الكلام علي الشماعه ما هو كلام عبايه واللا محزق واللا ملزق واللا موحد.. قولي يامعين )
اكان الواحده صرو ليهو نصها في زرده لامن نفسا ينقطع ...اكان كانت شبه روحها ... اللا اكان يتولاها ربك بي رحمتو ... ورحمتو واسعه
بس اهلنا من زمان قالو ( السمح .. سمح .. حتي قام من النوم)
بعدين الزي الموحد ده دايرين يصرفوهو ليهن واللا ياهو يقولو لينا امشوا كوسوهو من التاجر الفلاني والتاجر العلاني ..
ما برضو بي قروش والناس غلابا .. الواحده هسع بتنستر بي فستان اختها وبي توب جارتا ويوم الحفله ده كفحك ولفحك
المدير ده اكيد ما عندو بنات ولا عندو اخوات ... دحين اليجي يسألنا نحن العندنا كوم لحم عشان نشوف بصارتو انو نحن نتخارج كيف
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
| Quote: المسيييييييييييييار دا كلنا دايرنو لكن ما بالطريقة دي |
الحايشك منو ؟!!!!
| Quote: تعرفي الزي المدرسي ذاتو جذاب خاصةً للرجال البتكون مراهقتهم على كبر زي ناس فايز ود القاضي بموتوا في اللابسة زي مدرسي |
هههههه اقعد ادسا ورا ود القاضي لامن حكومتك تفهمها وانت تفهم حاجة ...
| |
|
|
|
|
|
|
|
|
|
Re: الزواج العرفي ما أحلاه (Re: amir jabir)
|
وعليكم السلام يا ود جابر
إنت البوست دا نكتوا من وين جبتوا هنا الجماعة كلهم في البورد خايفين قالوا زوجاتهم معاهم بيتصفحوا البورد ما قادرين يعلقوا على راحتهم
شفت آخر ما وصل إليه الراجل السوداني من الحضارة !!
أنا ما قاصد الخوف طبعاً
مع تحياتي وإحترامي لك أخي أمير جابر
عاصم فقيري
| |
|
|
|
|
|
|
|
|
|
Re: الزواج العرفي ما أحلاه (Re: Asim Fageary)
|
Quote: في 4 دقائق 20 واحد بالتمام فتحوا الموضوع لكن واحد علق مافي
الناس دي بفتش للزواج العرفي في عضمو وما لقتو ولا شنو يأ أخوانا ممكم نوريكم دربوا |
بالله ورينا عضمو اشان كدو زاتوا
نحن فى الانتظار اى راغبة تكلم فقيرى وسيط ممتاز واذا اختلفنا ما بيكلم زول.
فقيرى تحياتى لك والله تعرف كل يوم ينط لينا مدير من مدراء الزمن العجيب
باراء ومواقف تحير السفهاء.. برضو الاسبوع قبل الماضى طالب امام جامع
بعدم خروج النساء من منازلهم..
ربك يهون
| |
|
|
|
|
|
|
| |
Asim Fageary
محمد مصطفي مجذوب
فايزودالقاضي
عادل الباهي عبدالرازق
نوسة
البشير دفع الله
amir jabir
عبد الواحد أبراهيم
منصوري
فيس بوك
تويتر
انستقرام
يوتيوب
بنتيريست