|
|
 الى مؤيدي حركة العدل والمساواة في البورض..ارحمونا
|
دا ما كضب! دا مرض عديل!
ياخي ارحمونا كل يوم نشحن رصيد ونضرب لحبايبنا من لهفتنا في نيالا وزالنجي وغبيش
وكلو يطلع كضب ساكت
ياخ اعصابنا ياخ
العدل والمساواة دي ما عندها ناس غير ديل يجيبوهم لينا؟
مرض الله يمرضكم
|
|
 
|
|
|
|
|
|
|
 Re: الى مؤيدي حركة العدل والمساواة في البورض..ارحمونا (Re: عبدالفتاح أبوشيمة)
|
محمد يوسف الزين كيف حالك
أمس كنت بتكلم مع صديق عنده أخوه شغال في المجال الطبي في نيالا سالته عن اخبارة وتوجست لمن عرفت انو كان اخر اتصال بيهم طول شوية المهم قلت ليه يا أخي قريت في سودانيز اون لاين خبر هجوم ومحاصرة وكدا على نيالا طوالي قال لي ياخ ناس سودانيز اون لاين ديل كضابين وبرضه ارتاب رفع تلفونه اتصل في اخوه لقاه مطمئن وطمنه واداني سلمت عليه وسالته قال لي دا كلام بعيد من نيالا ونيالا مافيه الحبة والحياة عادية بعد داك ما تتخيل منظري بقى بايخ كيف ######يف رغم أن موقن تماما بي كذب الناس ديل
أحترموا أهل الناس وما تخلعوهم في الفاضي في ناس مرضى وفي ناس مساكين وفي أمهات وأباء
على الأقل احترموا المنبر دا وسمعته
| |
|
|
|
|
|
|
|
|
|
Re: الى مؤيدي حركة العدل والمساواة في البورض..ارحمونا (Re: محمد يوسف الزين)
|
طيب
هسع نقول للصواردي يبلع البيان دا وللا كيف
دي مش معارك وللا حولية
Quote: الخرطوم: (القوات المسلحة)
اعلن المقدم الصوارمى خالد سعد الناطق الرسمى باسم القوات المسلحة عن تدمير القوات المسلحة لفلول حركة العدل والمساواة المتمردة فى مدينتى بوبا وفوراوية بولاية شمال دارفور واجبرتها على الهروب تاركة ورائها عدداً كبيراً من القتلى والجرحى
واوضح الناطق الرسمى فى بيان اصدره امس ان القوات المسلحة استولت على 21 عربة مسلحة وكميات كبيرة من الاسلحة والذخائر واحتسبت ثلاثة شهداء وعدداً من الجرحى
واكد الناطق الرسمى عبر البيان ان دخول القوات المسلحة لهاتين المنطقتين بالقرب من الحدود السودانية التشادية حقق الامن والاستقرار بالمنطقة وبدأ المواطنين الرجوع الى مساكنهم بعد طرد المتمردين منها
واضاف البيان ان القوات المسلحة ستظل ترصد وتتعقب فلول الحركة التى اخذت تنتهج اسلوب الانتشار فى مجموعات صغيرة فى ولايات شمال وجنوب دارفور وجنوب كردفان متفادية معسكرات القوات المسلحة ومستهدفة الاطواف التجارية وغير ذلك من ممتلكات المواطنين
وفيما يلى تورد (القوات المسلحة) نص البيان:-
بسم الله الرحمن الرحيم
ايها المواطنون الاحرار
تمكنت قواتكم المسلحة الباسلة اليوم 7/11/2010 من تدمير فلول حركة العدل والمساواة المتمرده فى مدينتى بوبا وفوراوية بولاية شمال دارفور واجبرتها على الهروب تاركة وراءها عدداً كبيراً من الاسلحة والذخائر واحتسبت قواتكم المسلحة ثلاثة شهداء وعدداً من الجرحى
ايها المواطنون الاحرار, ان دخول قواتكم المسلحة الى هاتين المنطقتين بالقرب من الحدود السودانية التشادية قد حقق الامن والاستقرار بالمنطقة,وبدأت وفود المواطنين ترجع الى مساكنها بعد طرد فلول المتمردين منها.وستظل قواتكم المسلحة ترصد وتتعقب فلول هذه الحركة التى اخذت فى هذه الايام تنتهج اسلوب الانتشار فى مجموعات صغيرة فى ولايات شمال وجنوب دارفور وجنوب كردفان متفادية اى معسكرات للقوات المسلحة مستهدفة الاطواف التجارية وغير ذلك من ممتلكات المواطنين |
البوست لاخونا معاوية عوض الكريم وقاعد في وش البورد
| |
|
|
|
|
|
|
|
|
|
Re: الى مؤيدي حركة العدل والمساواة في البورض..ارحمونا (Re: محمد يوسف الزين)
|
الاخ محمد يوسف
| Quote: هل اجتاحت الحركة شمال وغرب كردفان |
دي حقيقة وكان بناقشوها في تلفزيون المؤتمر الوطني امبارح وعلى ما اعتقد الشروق
نعم، كردفان بها حراك عسكري لا تخطئة العين وتحديدا حركة العدل هي المحرك الاساسي
اما فيما يخص البوست الفوق دا حقيقة لم ادخل عليه، لانه عوانه بغنيك عن زيارة البوست
ليس لانني لا احترم الاخ سيف، لا بل اكن له كل احترام وعلاقتي معه جيدة، لكن مثل هذا العنوان
لا يستهويني، بل يستهوي الذين في قلوبهم شوية رجفه. ودا نوع من الاستفزاز الاعلامي
والحرب الكلاميه والدعائية والبروباغاندا، وله الحق في استعمالها، طالما ان المعركة
قائمة والجبخانة مدورة والرجال تموت، فماذا يضير اضافه بعض الاخبار وان كانت بغرض الترويع؟؟؟
تلك هي الحروب وهكذا تدار
| |
|
|
|
|
|
|
|
|
|
Re: الى مؤيدي حركة العدل والمساواة في البورض..ارحمونا (Re: أحمد ابن عوف)
|
شكراً احمد بن عوف على الرد
Quote: ودا نوع من الاستفزاز الاعلامي
والحرب الكلاميه والدعائية والبروباغاندا، وله الحق في استعمالها، طالما ان المعركة
قائمة والجبخانة مدورة والرجال تموت، فماذا يضير اضافه بعض الاخبار وان كانت بغرض الترويع؟؟؟
تلك هي الحروب وهكذا تدار |
اسمح لي اقول ليك انو دا وسيلة غير شريفة
الحرب خدعة هناك في المعركة وللاعداء (اللي هم الحكومة والجيش بتاعها في الحتة دي) ، ما للمواطنين.
يعني هسي في القيادة العامة بيكترثو لكلام ناس اون لاين وبعداك يرفعو التلفون يدو التعليمات للحاميات والقوات الموجودة في كردفان انو في متحرك تابع للعدل والمساواة في شارع بارا!
الحروب لا تدار هكذا ولا أي حاجة ، والبيانات الصحّـافية (الحاء مشدودة) تروع المواطنين ولا نرى لها مكاسب أخرى.
المهم..الحمدلله انو الرسالة وصلت
وشكراً على الردود والشرح
| |
|
|
|
|
|
|
|
|
|
Re: الى مؤيدي حركة العدل والمساواة في البورض..ارحمونا (Re: EMU إيمو)
|
طالما البوست مفتوح لمناقشة الدعاية والدعاية المضادة والحروب الاعلامية
فهذا نموذج كويس يا اخ ايمو
Quote: الذين تحركوا بالقرى الغربية لغرب كردفان كان هدفهم النهب والسلب وقد فعلوا
حيث نهبو الدقيق والزيت والسكر والسجائر من الدكاكين بالمجرور وأمليلاية. |
تااااااني، تاااااني دايرين تدوروا الاسطوانة المشروخة بتاعت النهب المسلح وقطاع الطرق
لمن اصبح علينا صباح ولقينا 5 مليون دارفوري بايتين بره بيوتهم و ما يقارب الـ 300 الف ماتو!!!؟؟
وبعد داك عيييك، ابوجا والدوحة والقاهرة وطرابلس و26 الف جندي اممي عشان شوية قطاع طرق؟؟؟
تاني دايرين تنقلوا نفس الاسطوانه لكردفان، انهم عصابات نهب مسلح ودي مشاكل عادية
في مسارات الرعي وحاجة عادية وبتحصل منذ زماااان بين الرعاة والمزارعيين
ياخي اعترفوا مره واحدة انو في ثورة في البلد، الغطغطه غير ما بتودي لمزيد من الهلاك
مابتعمل حاجة
في ثورة مسلحة في البلد، شرقا وغربا ووسطا وقريبا شمالا، اها، اكان اهلي النوبيين في الشمال
رفعوا السلاح منو تاني بصدقكم انهم قطاعين طرق وبتاعين نهب مسلح
| |
|
|
|
|
|
|
| |
محمد يوسف الزين
أحمد ابن عوف
Mohammed Awad
هشام كمال عبادي
عبدالفتاح أبوشيمة
محمد الامين محمد
EMU إيمو
saif massad ali
الصادق الزين
فيس بوك
تويتر
انستقرام
يوتيوب
بنتيريست