كتب الكاتب الفاتح جبرا المتوفرة بمعرض الدوحة
|
|
 نرجو تخفيض صوت التلفزيون واسمعنا من التلفون..أطرش إنت؟؟
|
في البرامج التفاعلية التي تعتمد على اتصالات المشاهدين والمشاركين..
هنالك (لازمة) ثابتة..
المذيع/ة أو مقدم/ة البرنامج بعد امتعاض وصرة وش أحياناً..:
- ممكن تخفض صوت التلفزيون وتسمعنا من التلفون؟؟
يأتيك بعد فترة كدا..صدى قدر الكتلة: مومكين تخافيض صوووت التليفزيووون وتسماعناااا مين التليييفووووون؟؟
- السلام عليكم... ممكن أشترك؟؟
- أيوة ممكن بس نرجوك لو سمحت الله يهديك ممكن تخفض لينا صوت الـ...
تيت تيت تيت تيت
المذيع/ة أو مقدم/ة البرنامج..يبدو إننا فقدنا الاتصال..
بتاع الكونترول قاعد يعمل شنو في الحالة دي؟؟
مفروض قبل يدخل المكالمة للاستدويو يقوم بتوعية المشارك ..
موش كدا؟؟
أطرش إنت ياخي؟؟
|
|
  
|
|
|
|
|
|
|
|
Re: نرجو تخفيض صوت التلفزيون واسمعنا من التلفون..أطرش إنت؟؟ (Re: Mahmoud Mustafa Mahmoud)
|
الاخ محمود
لك التحيه
Quote:
بتاع الكونترول قاعد يعمل شنو في الحالة دي؟؟
مفروض قبل يدخل المكالمة للاستدويو يقوم بتوعية المشارك ..
موش كدا؟؟ |
ممكن تكون كده وممكن لا
لما الكنترول يستلم المكالمه مابظهر صدي الصوت بالنسبه ليهو لانو بستلما مباشره من التلفون
بتاع المتصل غرفة الكنترول مابكون فيها مايك المايك بالتأكيد بكون في الاستديو فلما يدخل صوت
المتصل على المذيع وكون انو المتصل فاتح التلفزيون بتحصل الحاجه دي .
على حسب ماقلت انت مفروض انو مهندس الصوت ينبه المتصل لكن ذي ماذكرت ليك فوق واضيف عليها
انو مهندس الصوت بكون مركز شديد في الفيدرات القدامو وحتى لو قال للمتصل خفض صوت التلفزيون
المتصل دا بيكون ملطوع فتره طويله وبكون عاوز يتابع لانو مرات المتصل القبلو بكون سأل نفس السؤال
انا بفترض انو المتصل مفروض يكون عارف الحاجه دي لانها بتتكرر كثير وفي كل البرامج التفاعليه
الحاجه دي مافي تلفزيونا بس في كثير من التلفزيونات بتحصل.
عموما الشغل على الهواء دا مرات كثيره بجيب الهواء والناس الفي الكنترول ديل بكونو عايشين على اعصابم
في الاستديوهات الكبيره بكون في شخص مسئول من الاتصالات دي غير مهندس الصوت بكون عندو وقت انو يفهم المشاهد الحته دي
وبسأل المتصل من نوع السؤال قبل مايدخل المكالمه الاستديو,بس ما في كل التلفزيونات . اتمنى اني اكون وضحت ليك
| |
|
|
|
|
|
|
|
|
|
Re: نرجو تخفيض صوت التلفزيون واسمعنا من التلفون..أطرش إنت؟؟ (Re: خضر الطيب)
|
مرحب بالإعلامي المتخصص الأخ خضر الطيب..
شرفتنا ياخ..
Quote: انا بفترض انو المتصل مفروض يكون عارف الحاجه دي لانها بتتكرر كثير وفي كل البرامج التفاعليه
الحاجه دي مافي تلفزيونا بس في كثير من التلفزيونات بتحصل. |
ما ليك حق والله يا خضر في افتراضك دا..قول لي لييييييه؟؟
حتى لو قلنا إنها بتتكرر..ما فيها حاجة أن يتكرر معاها التنبيه والتوجيه والتوعية..موش؟؟
Quote: عموما الشغل على الهواء دا مرات كثيره بجيب الهواء والناس الفي الكنترول ديل بكونو عايشين على اعصابم
في الاستديوهات الكبيره بكون في شخص مسئول من الاتصالات دي غير مهندس الصوت بكون عندو وقت انو يفهم المشاهد الحته دي
وبسأل المتصل من نوع السؤال قبل مايدخل المكالمه الاستديو,بس ما في كل التلفزيونات . |
طيب كويس...ودا تقريباً هو هدف البوست دا..صعبة يعني للدرجة دي؟؟ يوجهوا المتصل توجيه إن شاء الله شديد اللهجة زاتو
(يلا اسمعنا من التلفون عشان ما نضطر نقطع ليك المكالمة ونتيح فرصة الإتصال لغيرك..سمح)؟؟
| Quote: اتمنى اني اكون وضحت ليك |
خالص..
لكن لو لاحظت لكلامي..التوضيح بتاعك دا مفروض تقولوا للزملاء الفنيين المختصين..يعني الواحد خلااااااص مقددها ومجضم ليك
الجهاز دا ومتدرب عليهو ومهتم خالص بجودة أداء الجهاز أكتر من جودة رسالته ورسالة البرنامج ورسالة القناة؟؟
شكراً على المشاركة..وحاول تسمعنا من التلفون بالله يا خضر..
| |
|
|
|
|
|
|
|
|
|
Re: نرجو تخفيض صوت التلفزيون واسمعنا من التلفون..أطرش إنت؟؟ (Re: Mahmoud Mustafa Mahmoud)
|
حبيبنا محمود
Quote:
مرحب بالإعلامي المتخصص الأخ خضر الطيب..
شرفتنا ياخ.. |
اذا كنت انا اعلامي متخصص فانت مشاهد متخصص
دا برجعنا لي هنا :Quote:
ما ليك حق والله يا خضر في افتراضك دا..قول لي لييييييه؟؟
حتى لو قلنا إنها بتتكرر..ما فيها حاجة أن يتكرر معاها التنبيه والتوجيه والتوعية..موش؟؟ |
انا لما قلت الكلام دا لاني عارف انو المشاهد اصبح واعي اكثر من ذي قبل
في بداية التسعينات انتشرت القنوات الفضائيه وبقى المشاهد بقارن
وبعرف الفرق بين الغث والسمين , ماعاد المشاهد احادي النظره
واصبحت الخيارات مفتوحه قدامو ,احساس المشاهد بانو الماده القدامو دي مريحه
او غير مريحه دا في حد ذاتو وعي متقدم ماذي زمان لما كان الاتجاه واحد مجرد قناه
محليه .
Quote:
طيب كويس...ودا تقريباً هو هدف البوست دا..صعبة يعني للدرجة دي؟؟ يوجهوا المتصل توجيه إن شاء الله شديد اللهجة زاتو
(يلا اسمعنا من التلفون عشان ما نضطر نقطع ليك المكالمة ونتيح فرصة الإتصال لغيرك..سمح)؟؟ |
في حقيقه اكيد انت مابتجهلا وهي انو الشخص المتصل دا بتكون المكالمه محسوبه عليهو ومرات بكون ملطوع في الخط
اكثر من نص ساعه وفي الغالب مابكون واحد بكون عدد من المتصلين ملطوعين على الخط هو بكون عاوز يوصل سؤالو دا
والناس في الكنترول بيكونو مركزين مع البرنامج عشان يتجنبو الاخطاء البتحصل .
انا كان عندي برنامج تفاعلي في قناة الام بي سي , كنت بجي من الرياض لي جده حته اسمها البيوتات التجاريه في حي السلامه
انا بكون متوتر من ما اتحرك لحدي ما اصل الاستديو وانت عارف المتصلين السعوديين ممكن يحصل منهم شنو .
البرنامج دا كان لي صالح قناة طارق السويدان وهي قناة كويتيه كانت بتبث من القاهره , مفروض انحنا نتابع مسيره
البث دا من جده مرورا باتحاد اذاعات الدول العربية في تونس والقاهره مقر الاستديوهات بتاعة قناة الرساله
وانتهاءا بالتلفزيون القدامنا وكميه من الشاشات , ياخي دي حرب اعصاب , كانت مدة البرنامج دا ساعه , والمشكله التانيه
الشيخ الدكتور البقدم البرنامج دا كان زول اخلاقو ضيقه جدا وبتظهر على الهواء لما يتضايق ,تعرف انا بعد البرنامج دا
انتهت الدوره الاولى منو قلت ليهم انا ماعاوز اشتغل البرنامج دا وكل الناس المعاي قالوا نفس الكلام .
في ظروف صعبة جدا بنعيشا على الهواء الله لا وراك ليها .
Quote: خالص..
لكن لو لاحظت لكلامي..التوضيح بتاعك دا مفروض تقولوا للزملاء الفنيين المختصين..يعني الواحد خلااااااص مقددها ومجضم ليك
الجهاز دا ومتدرب عليهو ومهتم خالص بجودة أداء الجهاز أكتر من جودة رسالته ورسالة البرنامج ورسالة القناة؟؟ |
الشي البتقدر تعملوا قبل اللحظه دي كمخرج بكون في اجتماع قبل البرنامج بساعه بعد كلو شي يكون جاهز الناس بتتكلم
وبتكون حريصه انو البرنامج دا يمشي على خير لانو برنامج على الهواء لكن ياحبيب ماتنسي مفاجآت الطريق دي بتجي غصبا عن كل التيم العامل
واي زول بحاول يبذل جهدو لتفاديها لكن مرات ذي مابقولو الميته مابتسمع الصيحه , الشغلانه معقده شويه .
| Quote: شكراً على المشاركة..وحاول تسمعنا من التلفون بالله يا خضر |
وشكرا ليك انت يامحمود ولي وعيك كمشاهد ودا برجعناللحته الاولى اللي انا ذكرتها حتة وعى المشاهد
| |
|
|
|
|
|
|
|
|
|
Re: نرجو تخفيض صوت التلفزيون واسمعنا من التلفون..أطرش إنت؟؟ (Re: خضر الطيب)
|
وجع..
أمانة يا خضر ما نجضتني نجاض قبورة..
ياخي دا الكلام ولا بلاش..
شكراً على الحصة المجانية دي..
والمستفيد منها قطعاً ما محمود براهو..
أرجو أن تمتد الفائدة لتشمل حتى الأخوة بتاعين الكونترول والمخرجين في قنواتنا...
وأخشى ما أخشى أن يتخذوها ذريعة لمزيد من عدم المهنية والتنازل عن دورهم الذي ظللت أطالب به
من بداية هذا الخيط..والله من وراء القصد وهو يهدي السبيل..
شكراً مجدداً يا أستاذ..وبالله تعال طوالي بي جاي..
| |
|
|
|
|
|
|
| |
Mahmoud Mustafa Mahmoud
خضر الطيب
فيس بوك
تويتر
انستقرام
يوتيوب
بنتيريست