|
كتب الكاتب الفاتح جبرا المتوفرة بمعرض الدوحة
|
|
 Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: محمد مكى محمد)
|
أهلين أستاذنا الكبير
محمد مكى محمد
..
تقرير أعد وتم رفعه قبل قرن وشويه
لاحظ الدقة واللغة المكتوب بيها التقرير
كلام مضبوط ومصطلح واضح بشكل يعجبك
وقارن حالنا في الزمن الأغبر دا وكمية الهرجلة
بعد التقدم الكبير والتقنية الحاصلة في مجال كتابة التقارير
واضح أنو ما إستفدنا إي حاجة
ده بس في نوع اللغة ورصد المعلومات الإحتشدت بيها الوثيقة
على العموم
حسب قرايتي للتقرير فيهو معلومات ممتازة تصلح وتنفع رغم قدمها
وكمان لم تقارن ما آل أليه حالنا التعيس
علماً أنوالوثيقة ما خلصت ولسه فيها كمان وكمان
غايتو فيها العجيب والمثير وخصوصاً لما تكون في مخيلتك الأمور الحاصة الآن
تابع معانا باقي الوثيقة ونتمنى مشاركتك وإضافتك
خالص تقديري لمرورك الكريم
| |
 
|
|
|
|
|
|
|
|
Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: عبد الناصر حسن أحمد)
|
الأخ : أحمد أمين
في الباب السابع
من التقرير الكلام عن مشروع الجزيرة الحالي
ويبدو أنو الإحتلال في ذلك الوقت نشن علي منطقة الجزيرة
وما فايت عليهم أهمية المنطقة ومشروعها المروي ..
الأدهى والأمر يسلفونا قروش وهم محتلين أرضنا بالكامل وبي فوائد 8% كمان
شوف الكلام ده كيف
هسى وبعد قرن ونيف من الزمان عاوزين يبيعوا المشروع وبشرط جزائي 25%
زمان داك كان إحتلال طيب نقول شنو علي الجماعة ديل
حكمتو بالغه
شكراً علي مرورك الكريم
| |
|
|
|
|
|
|
|
|
|
Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: عبد الناصر حسن أحمد)
|
يا هلا عزيزنا الغالي
الشايقي
| Quote: يا ريت تمدنا برابط التقرير الكامل.. |
في الحقيقة الوثيقة أنا حفظتها عندي في الجهاز لفترة ليست بالقصيرة
أمكن سنتين ونص ولا تلاتة ما عارف والله .. والنشط ذاكرتي عليها الوثيقة
المعروضة هنا عن إعانة ساكني المدينة المنورة عن ملحق جريدة حضارة السودان
فكرته في البداية أجيب الرابط مع بعض المقتطفات من التقرير وأعرضو للمقارنة والنقاش
وتأكيد صحة المعلومات الواردة في التقرير أو مدي تطابقها مع ما لدينا من وثائق تاريخية
لكن فشلت كل محاولاتي وقدر ما حاولت الروابط أبت تشتغل معاي وأهو ركنت لفكرة رفع التقرير
صفحة صفحة مع رجائي أن لا تكون مزعجة .. لكن ليك علي أجيبو من لغاغليو
بس أصبر لي شوية
العزيز الشايقي
المعروض هنا في البوست الجزء الثاني فقط من التقرير علماً أنو التقرير كاملاً عن مصر والسودان معاً
وبالطبع الجزء البتكلم عن مصر أكبر بي كتير عن ما يخص السودان .. أهو قربنا نخلص يدك معانا بس
خالص تحياتي وسعيد بمرورك
| |
|
|
|
|
|
|
|
|
|
Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: عبد الناصر حسن أحمد)
|
الأخ : حسين نوباتيا
سـلام
شوف بالله عليك الزمن دلك
حالتنا كانت زينه ومرفهين في معيشتنا
نلبس تمام وناكل تمام ونبنى ونعمر بيوتنا
ونساءنا لهم حظ عظيم من الحلى والزينة
ده كلوا وراتب البالغ فينا 5 قروش من العملة المصرية
صرفوا علي الصحة والتعليم والبنية التحتية من سكك حديد ومواصلات
الكلام عن الأمن عجيب لأنو الجرائم كانت قليلة وبنتمتع بقوانين
سامية مبنية علي الشرف وعزة النفس كانو مستغربين مما لدينا من خلق كريم
والإغتصاب نادر والزنا يكاد لا يعرف تماماً
تصدق دا كان إستعمار وجيش إحتلال جاي أصلاً لنهب خيرات بلدنا ..
يا أخينا
الأن لو دايرين نقنع لينا زول جواهو فكرة أنو الأنجليز
كانو أحسن لينا من الجونا بعدهم
نقنعوا كيف بعكس الفكرة .. مع الحاصل هسا
صدق حميد لما قال
ما كنا قايلين في حياتنا
يجينا أقسى من المضى
ساعة مروق الإنجليز
قلنا الظلم فات وانقضى
تاريهو كمتر .. وقام دقون
حلفا وعشر .. معيوقة نال دمسيس ... ضريسا
وشوك جمال
الله يا رب كربك كرب ..
خالص تحياتي
| |
|
|
|
|
|
|
|
|
|
Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: عبد الناصر حسن أحمد)
|
الأخ عبدالناصر
أولا مرحب بيك في عالم سودانيز أونلاين وقد اطلعت على هذه الوثيقة من موقع فور سيرد قبل سنتين تقريبا وبالبحث في نفس الموقع يمكن الحصول على الكثير فيما يخص السودان مثلا اكتب مصر والسودان ..www.4shared.com/search
وقد أهداني الأخ محمد عثمان العبدلابي خريطة للسودان للعام 1904 أعدها مكتب الاستخبارات في الخرطوم وهي خريطة فيها التوزيع الإثني لعموم السودان وموضح فيها خطوط التلغراف وآبار المياه والحدود بين المقاطعات أتمنى أن أتمكن من رفعها للزملاء للاستفادة منها ...وقد لاحظت فيها مثلث حلايب داخل السودان !!
شكراً على رفع هذه الوثيقة ونتمنى أن تواصل الجهد وهناك كثير من الوثائق والمخطوطات التي لم تتوفر في دار الوثائق السودانية أهمها على الإطلاق وثيقة محمود السمرقندي والتي تقبع في مكتبة السليمانةي في تركيا ولم اجدها في مكتبة الإسكندرية ...تقبل مروري
| |
|
|
|
|
|
|
|
|
Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: عبدالرحمن الحلاوي)
|
ترحب بيك العافية
أستاذ : عبدالرحمن الحلاوي
| Quote: وقد اطلعت على هذه الوثيقة من موقع فور سيرد قبل سنتين تقريبا |
تأكيداً لكلامك أنا برضو أطلعت وأحتفظت بيها تقريباً في نفس الوقت كما ذكرت سابقاً المدهش
في الموضوع ذكر على الموقع المنشورة فيهو الوثيقة أنو مصدرها الهند . وده الموقع مع بعض
الكتب التاريخية عن السودان http://www.al-mostafa.com/ - البحث برضو بكلمة السودان
المؤسف أنو بعض الروابط ما شغاله .. ولا الحكاية عندي أنا بس ما عارف
| Quote: وقد أهداني الأخ محمد عثمان العبدلابي خريطة للسودان للعام 1904 أعدها مكتب الاستخبارات في الخرطوم وهي خريطة فيها التوزيع الإثني لعموم السودان وموضح فيها خطوط التلغراف وآبار المياه والحدود بين المقاطعات أتمنى أن أتمكن من رفعها للزملاء للاستفادة منها ...وقد لاحظت فيها مثلث حلايب داخل السودان !! |
التحية ليك وللأستاذ : العبدلابي وأرجو أن تتمكن من رفع هذه الخريطة المهمة
ولو تعذر ذلك ممكن نساعد قدر المستطاع لأنها ممكن تساعد أكتر في فهم الوثيقة المنشورة .
| Quote: شكراً على رفع هذه الوثيقة ونتمنى أن تواصل الجهد وهناك كثير من الوثائق والمخطوطات التي لم تتوفر في دار الوثائق السودانية أهمها على الإطلاق وثيقة محمود السمرقندي والتي تقبع في مكتبة السليمانةي في تركيا ولم اجدها في مكتبة الإسكندرية ...تقبل مروري |
فعلاً السايبر ده فيهو وثائق تدي ربك العجب ويمكن الإستفادة منها غاية الإستفادة بس كلموا ناس دار وثائقنا ديل يتحركو شوية
وشكراً كتير على مرورك الكريم ..
| |
|
|
|
|
|
|
|
|
|
Re: تقرير عن المالية والإدارة والحالة العمومية في السودان سنة 1906م - ( وثيقة ) (Re: مدثر صديق)
|
الأخ : مدثر صديق
سـلام
| Quote: ارجوا ان تحول هذا البوست لفترة توثيقة كاملة للحكم الانجليزي للسودان |
إقتراح جميل جداً وأثنى تماماً
بس الحكاية محتاجة شوية مجهود وتأكيد على صحة ما سوف يتم نشره علشان كمان بعدين
ما نقع في مغالطات تضيع الفكرة بشكل عام وبالطبع البوست مفتوح للمشاركات دون قيد أو شرط ..
| Quote: وانا امتلك بعض الكتب الانجليزية لعدد من الاداريين الانجليزية ينقلوا فيها ايامهم بالسودان...لو تمكنت يمكن ان اشارك معك بها ......... |
حبابك يازول والبوست بوستيك ونتحرق شوقاً لما عندك من مشاركات ..
سعيد جداً بمرورك ومشاركتك أخ مدثر
| |
|
|
|
|
|
|
| |
عبد الناصر حسن أحمد
محمد مكى محمد
حمور زيادة
أحمد أمين
Al-Shaygi
حسين نوباتيا
عبدالرحمن الحلاوي
الصادق خليفة
مدثر صديق
Elbagir Osman
فيس بوك
تويتر
انستقرام
يوتيوب
بنتيريست