|
Re: ماهو الفرق بين ,, الترجى ,, والهلال (Re: khaleel)
|
ود عمى سلامات السهر ده ياود عمى بلحقك الغتس.
Quote: الهلال غلب مازيمبي في ارضه ووسط جمهوره |
حسابك ده زى حساب ولد سناد يخت الواحد ويطلع بالصفر ,, طلع ابوهو خسران. كان الترجى حمام هالك الهلال حمام مشوى (جاهز للأكل والهضم)
| |
|
|
|
|
|
|
Re: ماهو الفرق بين ,, الترجى ,, والهلال (Re: omer osman)
|
Quote: ياخليل ياود عمى اللاعب السودانى ده مش لو لعب فى امدرمان ,, لو لعب فى بطن امه ماعليهو تكل. |
ود عمي ياخي
بعد التعب كلو نشيل ونكتب في البوستات وقاعدين ليهم
ستة ساعات في النت زي سواقين الشاحنات
خليهم يتغلبو من الصفاقسي
تاني عصار ما يلمنا بيهم
| |
|
|
|
|
|
|
Re: ماهو الفرق بين ,, الترجى ,, والهلال (Re: khaleel)
|
Quote: الفرق .......
الترجي بلعب براهو ... يغلب ويتغلب
الهلال بلعبو ليهو الحكام والموردة والخرطوم تلاتة .......... الخ |
سلامات جنابو عمر ده فرق واحد لكن الحقيقة فى فروق تانية. وفى فروقات. الفروقات دى بتستوفى لى قدام. الفرق التانى: الترجى ماخد خمسة بره الهلال ماخدها جوة
| |
|
|
|
|
|
|
Re: ماهو الفرق بين ,, الترجى ,, والهلال (Re: Hassan Senada)
|
يافاضلابى,,,الجقلبة شنو,,,
هو مين القال ليك الترجى خرج من المنافسة لان مزمل مازمبى ,,قال ان فريقهم ذاهب للنزهة للترجى جمهور للترجى ارض للترجى 10 سنوات غياب من الكاس للترجى ناس بتدفع للحكام للترجى حكم بزيد الزمن 18 دقيقة للترجى ناس بتجيب القون باليد
كدى احسب دى كم هدف,,, امس صحيفة تونسية قالت لنا اسوة فى الوحدات كيف عرفوا ان الوحدات انتصرت بالسبعات ,,,,
لكن بجيك من الاخر,,,,طلاق تلاتة الكاس هلالى تجقلبو,,تشجعونا,, تكجونا,,دى ياخوى لبنت ما بندها للطير الصفاقسى الشايفاه عينى دا,ما له شرف التشريف فقط..,نحند عندنا تار معاه قبل كدا مسح بفريق سودانى الارض فى عقر داره ووسط جمهوره يوم الخلعة,,اها تارنا دا ما نخليه ,,الا نحلق ليه
انا اسى مشفق على سنادة وهارون دياب والجمرى,,,وكيجا ياربى ديل بمشوا وين تانى,,الا يعملوا ليهم بورد اخر والله مساكين
موعدنا يوم عرفة,,,يوم يحشر الناس عشا
تحياتى
| |
|
|
|
|
|
|
Re: ماهو الفرق بين ,, الترجى ,, والهلال (Re: abuguta)
|
عزيزي الفاضلابي
ياخي خلي الهظار الخشن ده.. الناس ديل اليومين دي ما بيتحملوا العصر!!
الآن حمى المقبرة طالعة فوق.. وكلهم بيقولوا يا الله درون!!
ايش الجاب الحمام الميت على الناس البتلعب كورة!!؟ الصفاقسي سيرد على السؤال ده..
تحياتي
| |
|
|
|
|
|
|
Re: ماهو الفرق بين ,, الترجى ,, والهلال (Re: Abdlaziz Eisa)
|
مافى فرق يافضلابي الاثنين مضروبين من مازيمبى بالخمسة والاثنين الان ودعوا البطولتين بنسبة كبيرة
Quote: الهلال اول مرة يلعب كورة دور الاربعة التانية في امدرمان وانت معلوم الهلال داخل امدرمان بعمل شنو |
خليل ..ياخليل تحياتنا ومشتاقين خليك من دور الاربعة باخلى الهلال لعب المباراة النهائية مع الوداد البيضاوى سنة 92 فى امدرمان وخسر الكاس وانت مافى معلوم الهلال داخل امدرمان خسر من الاسماعيلى ووفاق سطيف ومازيمبى
| |
|
|
|
|
|
|
Re: ماهو الفرق بين ,, الترجى ,, والهلال (Re: الفاتح شلبي)
|
Quote: بعد التعب كلو نشيل ونكتب في البوستات وقاعدين ليهم
ستة ساعات في النت زي سواقين الشاحنات
خليهم يتغلبو من الصفاقسي
تاني عصار ما يلمنا بيهم |
احييييييييّا يا اخواني والله خليل ده قاعد يحنني .. لكن بس !!!!!! ما بنقدر غير نقول الله يدينا الفي مرادنا ويصبّر خليل يا جماعة .
| |
|
|
|
|
|
|
|