كتب الكاتب الفاتح جبرا المتوفرة بمعرض الدوحة
|
|
 الى الاخ دينق.يجده بخير
|
| Quote: قد تستطيع أن تغير أسم السودان ولكنك لن تستطيع أن تغير لون جلدك الاسود. |
اخوى دينق
الاقتباس اعلاه لقيتك كاتبو للزميل القال يغيروا اسم السودان والغريبة قال اسم بيدل على الحزن
وبالمناسبة دى داير احكى ليك عن تجربة حصلت لى فبل عشرين سنة وبفتكر كانت بمثابة العلاج بالصدمة.
والحمد لله اللى اوجد لى اخى سريليو من جنوب السودان اللى ساهم بالعلاج.
كنت فى مصر فترة بحاول اطفش لى اى حتة القى فيها حياة افضل وكنت قاعد فى الاسكندرية وكان يسكن فى الطابق الاول اخ من الجنوب وكنا كسودانيين السلام عليكم عليكم السلام وبس.
يوم الشاب الساكن تحتى وعرفت لاحقا اسمه سريليو سلم على سلام رقيق جداً....اول ما لاحظته الرقة والرقى فى الاسلوب الجميل،المهم حق الله بق الله واتفارقنا.
تانى يوم قلت الزول الظريف دا لازم ازوروا.
يتبع
أأسف الشغل داهمنى وبجيك راجع لاحكى قصتى مع اخى سريليو
مع الود
هشام كمال
|
|
  
|
|
|
|
|
|
|
|
Re: الى الاخ دينق.يجده بخير (Re: وليد عبد اللطيف)
|
السادة الحضور الكرام
الساعة 9.20 ويادوب وصلت البيت
المهم
قلت لازم ازور جارى الظريف المحترم جداً
يا زول قمت طوالى دقيت الجرس واستقبلنى بترحاب مريح وتعرفنا ببعضنا البعض وشغال وين والمجاملات الاولية بأى لقاء بين اتنين.
كان اللقاء الاول فورمل وكان عبارة عن تعارف وسعدت بمعرفتى بشخص حسيت انو سودانى وإتونسنا عن السودان وباقى المواضيع الكانت فى الايام ديك،
وبعد دا كل زول مشى لى سكته.
دا اول لقاء طويل مع صديقى سريليو.
| |
|
|
|
|
|
|
|
|
|
Re: الى الاخ دينق.يجده بخير (Re: معاوية عبيد الصائم)
|
ود الصايم ازيك والعيال
المهم
مشينا ونحن بنضحك بشكل هستيرى على الموقف الحصل،اول صدمة حصلت لى لاقونا مجموعة من البنات والاولاد المصريين وسمعناها بوضوح انا وسريليو(هم السود دول بيضحكوا على ايه حاجة عجيبة والله) يازول الدم بقى يفور وبديت افرفر سريليو مسكنى من يدى بقوة وقال لى يازول امشى ساى الكلام دا عادى.
مشينا شقته وقال لى هاك اشرب دا عشان تروق وكنت لازلت ارتجف، المشروب ماعرفتو لكن كان زى الشربوت قلت ليهو يا سريليو ياخى انا ما بشرب قام ضحك وقال لى ياخى انت بتشرب الشربوت قلت آى قال لى ياهو،وفعلا شربنا زى جك كبير واتونسنا وانضم الينا ابن عمى وشقيق سريليو وسهرنا حتى الفجر من الضحك المتواصل من حكاوى سريليو ومواقفه فى مصر.
بعد داك كل قرد طلع شجرتو.
بتمها آخر اليوك الشغل كبس.
يا اخوان والله مافى اى رغبة فى التطويل لكن الزحمة.
واعزرنى يا دينق والاخوة المارين بى هنا
هشام
| |
|
|
|
|
|
|
|
|
|
Re: الى الاخ دينق.يجده بخير (Re: Ammir Mohamed)
|
Quote: المهم
توطدت العلاقة بينى وسريليو مما اتاح لنا الدخول فى كثير من المواضيع اللى ما بتقدر تخوض فيها بسهولة ، وساعدتنى شخصيته الجميل فى سؤاله اسئلة صعبة.
كان اول سؤال ليهو حول عطر كان بيتعطر بيهو قلت ليهو يا سريليو ياخى الريحة البتتعطر بيها دى اخير منها البف باف فكان رده الانا إستغربت ليهو:عليك الله يا هشام اعفن الريحة دى ولا الريحة بتاعة النسوان بتوعنكم الاسمها الخمرة،استغربت جدا وقلت ليهو ياخى الخمرة دى احلى حاجة فى الدنيا فأشاح بوجهه وقال لى بمعنى ياخى قوم لف، وبديت افكر يا اخوانا الحاصل شنو الممكن يخلى زول يقول الخمرة ريحتها عفنة؟ وإذدادت حيرتى.
المرة التانيه وكان دا اصعب سؤال ممكن اتخيل انو ممكن اسألوا لزول
ياسريليو انتا الريحة بتاعة الجنوبيين ليه ريحة ما كويسة؟ فإنتابته نوبة من الضحك الهستيرى مع إنكفاءة على بطنه لمدة خمسة دقايق كاملة تقريبا وقال لى تتخيل يا هشام لى كم يوم بلف وادور عشان اسألك،انو لما اكون داير اركب حافلة والقى معظم الركاب شماليين بشيل هم الريحة،انتو ريحتكم دى صعبة خالص كده ليه بتاكلو شنو؟
وإذدادت حيرتى |
| |
|
|
|
|
|
|
|
|
|
Re: الى الاخ دينق.يجده بخير (Re: هشام كمال)
|
اول درس اتعلمته فى معية سريليو
1- اننى اسود اللون
2-كتير من المفاهيم الثابتة فى دماغنا ما عندها اى اساس من المعقولية
3- (كله عندو دين كلو عندو راى).
4- تحكمنا مفاهيم يجب اعدامها من دواخلنا حتى يجد اطفالنا وطناً جميل.
اخى دينق
الكلام دا حصل قبل عشرين سنة وبتحسر لما القى زول وافكر انو محتاج عشرين سنة وصديق حتى يفهم.
صدقنى
عشرين سنة وما لاقيت سريليو
لكن ما يسعدنى انى كلما اتزكرو وطوالى ما تزورنى إبتسامة قلما تزورنى.
بالمناسبة سريليو كان بحار فى سفينة اوربية،وماعارف بيكون ركا وين فى الدنيا العريضة دى.
خالص الود
هشام كمال
| |
|
|
|
|
|
|
|
|
|
Re: الى الاخ دينق.يجده بخير (Re: هشام كمال)
|
الأخ هشام.
شكرا لمشاركتك لنا بتجربتك الخاصة التي تعلمت منها الكثيرا من أخوك سيريليو.
مشكلة السودان الحقيقية تتمثل في عدم تقبل الاخر وعدم الاعتراف بعاداته وثقافاته وحتى ديانته.
| |
|
|
|
|
|
|
|
|
 Re: الى الاخ دينق.يجده بخير (Re: Deng)
|
تعرف يا هشام .. القصة دي ذكرتني قصة سمعتها عن واحد صيني
قال ناس الشرق الأوسط ديل لما يجو الصين ما بنقدر نفرزهم
عشان متشابهين شــديد!!
تخيل نحن ناس الصين ديل أساميهم ما بنعرف نفرزا خليكـ من أشكالم!!!
والله سريليو أداكـ النجيضة وإنت سلمتها لينا!!
| |
|
|
|
|
|
|
|
|
|
Re: الى الاخ دينق.يجده بخير (Re: محمد عبد الماجد الصايم)
|
الاخ محمد عبد الماجد الصايم
شكرا جزيلا على المرور
الموضوع وما فيهو إنو يعجبك وما يعجبك دى مسألة بتاعة ثقافة اتربيت عليها يعنى زمان كان البقول لى التركين عبارة عن . ......... حرم كنت بنط ليهو فى طايوقو .
عندنا معلم فلبينى بيقول لى ما بيقدر يفرز بينى وبين زميل لينا والغريبة زميلى فى المدرسة انا قدرو زى 14 مرة،ودايما صاحبنا الفلبينى بيقول لى بتقدر تفرق بين الطلبة كيف؟
هشام
| |
|
|
|
|
|
|
|
|
|
Re: الى الاخ دينق.يجده بخير (Re: هشام كمال)
|
Quote: تعرف يا هشام .. القصة دي ذكرتني قصة سمعتها عن واحد صيني
قال ناس الشرق الأوسط ديل لما يجو الصين ما بنقدر نفرزهم
عشان متشابهين شــديد!!
تخيل نحن ناس الصين ديل أساميهم ما بنعرف نفرزا خليكـ من أشكالم!!!
والله سريليو أداكـ النجيضة وإنت سلمتها لينا!! |
يا ود الصايم,
انت زكرتنى بنكتة كوبية.
المهم, واحدة بيضاء و شقراء جاءت تخبر امها بانها عندها "nobio", يعنى "boyfriend", اها الحاجة نطت فوق و فرحانة و بقت تقول "oh, mi hija, que bueno", يعنى دى شئ جميل !!! الحاجة سالت بتها:
-كلمنى عنه!!!
البنية ترددت و لكن الوالدة اصرت على المعرفة.
"El es un negro", يا نهار اسود ذى ما بيقولو المصرين. يعنى الخطيب اسود اللون!!!, قالت البت.
ثارت الوالدة و كادت تغمى عليها.
و لكن البت اضافت, "يا امى, الزول دى طبيب."
تنفس الوالدة و جمعت نفسها,
"bueno", يعنى طيب. "ايه يا بتى الزول دى مولاتو," mulato, يعنى ملون ذى اوباما كدى.
" و كمان عندو بيت ملك و بيسوق مرسدس", تقول البت عن خطيبها.
اها, الولية نطت فوق من جديد لتقول لبتها هذه المرة"
Aye caramba chica, tu nobiocito es un blanco.
يعنى, "يا بتى الزولك دى ابيض"
سلام يا هشام.
| |
|
|
|
|
|
|
|
|
|
Re: الى الاخ دينق.يجده بخير (Re: هشام كمال)
|
يٌقال والعهدة على الراوي: في جدة وفي اثناء احدى حملات التفتيش علي المخالفين ..قبضت ( الدورية) على مجموعة سودانيين يبدو بأنهم ( سكارى) ...وبعد الاسئلة المعتادة ...شكّ ضابط الدورية في أمرهم ...فسألهم عن طبيعة هذه الرائحة التي تفوح منهم؟ فاجابه احدهم : بأننا نحن ( العبيد) اصلاً ريحتنا كده !!
| |
|
|
|
|
|
|
|
|
|
Re: الى الاخ دينق.يجده بخير (Re: Zakaria Joseph)
|
الحبيب هشام
و ضيوفه الكرام
عملت مدرسا لفترة احد عشر عام بمدرسة يتوزع طلابها بين 90 جنسية و ينتمون لثقافات مختلفة جدا و اعراق و ديانات متعددة .
كان عندي طالب اسمه " مايكل اشانتي من غانا" و هو ابن احد ملوك قبيلة الاشانتي
كان العرب يسمونه الفحمة و كانوا من الجبن بمكان حيث يقولون له فحمة بالعربي و ليس charcoal بالانكليزي ، سألني الطفل عن معني الكلمة و قال "what does fahma mean? فلم اجب لان الامر سيقود الي كارثة، كنت اتحدث مع طلاب الصف التاسع العرب عن العنصرية بالعربي و احاول جاهدا افهامهم أن الامر اذا تم نقله الي مايكل اشانتي ستكون عواقبه وخيمة.
كان عندي صورتين واحدة لحمل مزين و جميل و لونه اسود كامل و هو توأم لحمل آخر مزين و جميل و لونه ابيض قمت بتزويق الصورتين و تغليفهما ثم تحدثت للمدير البريطاني حينها و هو الاستاذ العظيم David Kearns حكيت له حكايتي و خطتي للحل فوافق عليها
وفقت امام طلابي و بينهم مايكل اشانتي الاسود و فابيولا الايطالية الشقراء و لفيف من شعوب الارض اخرجت الصورتين و قلت لطلابي اي الحملين اجمل فتفرقوا و اختلفوا و الغريب أن معظم البيض اختاروا الحمل الاسود لان عيونه كانت اجمل علي حسب ما يعتقدون .
قلت لهم i hate the black lamb صاح الجميع بما معناه حرام عليك يا استاذ
فقلت لهم تحبون حملا اسودا و تعييرون انسانا بسواد جلده
you like a black lamb and favour it over a white one and you underestimate a human because he is black
ساء ما تحكمون ، ساد صمت مربك في الصف و انصرف الجميع للتفكير و تغيرت الامور و العرب كما هم
و حكاية اخري كانت عندي طالب سيريلانكية و هم يحتفلون باول حيض للفتاة و يقيمون المآدب لذلك و يمجدون آله الخصب في اختفال مهم و كانت عندي في الصف طالبة سودانية و هي مجيدة للغة الانكيزية و ممتازة و من اوائل المدرسة. استئذنت السيريلانكية و قالت عندي شيء ساقوله للصف و قالت خطبة عصماء عن انها الان هي امرأة حائض و مباركة من جميع الالهة هنا صاحت السودانية بالقول " دا شنو يا مستر طه ؟" و غادر تلميذي اليهودي الاسترالي Rhyes الصف غاضبا من هول ما حصل
طه جعفر
| |
|
|
|
|
|
|
|
|
|
Re: الى الاخ دينق.يجده بخير (Re: طه جعفر)
|
| Quote: و حكاية اخري كانت عندي طالب سيريلانكية و هم يحتفلون باول حيض للفتاة و يقيمون المآدب لذلك |
سيرلانكين كماااان.
نحن فى الدينكا بيذبحوا تيران عديل كدى. و حليلك بفخر الوالد و الوالدة.
تلقاهم ماشين و راسهم فوووق و بيبتسموا ساكت.
| |
|
|
|
|
|
|
|
|
|
Re: الى الاخ دينق.يجده بخير (Re: هشام كمال)
|
هشام كيف.
الحكاية عندها طقوس فى الدينكا باعتبارها "Right of Passage" من الطفولة الى المراهقة. هنا تبدا تكوين شخصية الحقيقية للبنت, فمثلا, لها الحق فى القيام باعمال منزلية التى عادتة تحفظ للام, مثل العمل فى المطبخ و حلب الابقار و اسئلة للوالدة و الوالد و العمام و الخيلان و حتى استقبال الضيوف و ارشادهم الى اللواك و اعطاءهم الماء و حتى تقديم الوجبات لهم. كذلل البنت ستكون لديها "supervised access" لسماعة ونسة بنات فى سن الزواج لفترات محدودة و مدارة من قبل اختها او بنت عمها الاكبر.
| |
|
|
|
|
|
|
|
|
|
Re: الى الاخ دينق.يجده بخير (Re: Zakaria Joseph)
|
| Quote: الحكاية عندها طقوس فى الدينكا باعتبارها "Right of Passage" من الطفولة الى المراهقة. هنا تبدا تكوين شخصية الحقيقية للبنت, فمثلا, لها الحق فى القيام باعمال منزلية التى عادتة تحفظ للام, مثل العمل فى المطبخ و حلب الابقار و اسئلة للوالدة و الوالد و العمام و الخيلان و حتى استقبال الضيوف و ارشادهم الى اللواك و اعطاءهم الماء و حتى تقديم الوجبات لهم. كذلل البنت ستكون لديها "supervised access" لسماعة ونسة بنات فى سن الزواج لفترات محدودة و مدارة من قبل اختها او بنت عمها الاكبر |
ونواصل لزكريا جوزيف فى الحصة
| |
|
|
|
|
|
|
| |
هشام كمال
الصادق صديق سلمان
النذير حجازي
وليد عبد اللطيف
معاوية عبيد الصائم
Deng
محمد عبد الماجد الصايم
Zakaria Joseph
الفاتح عبد الله طه
طه جعفر
فيس بوك
تويتر
انستقرام
يوتيوب
بنتيريست