|
أمين محمد سليمان(الدكتور و المفكر و خال حمور) غيابك طااال
|
أخونا و حبيبنا أمين محمد سليمان
الرجل الخلوق اللطيف المحبوب إفتقدناك بشدة نتمنى إنك تكون بخير و عافية
لكن غيابك طال و البورد محتاجك... فبصمتك واضحة في البورد تأكدنا بأنك إضافة حقيقية للبورد لذلك غيابك كان وااضح
نتمنى عودتك عاجلاً حتى يعود للبورد جماله الذي إفتقدناه بغيابك
ما تخذلنا بالله
تحياتي
|
|
|
|
|
|
|
|
Re: أمين محمد سليمان(الدكتور و المفكر و خال حمور) غيابك طااال (Re: ABUHUSSEIN)
|
ابو حسين معاك نناشد عظيم الفكر والسيره الدكتور العميق امين بالعودة اولا يعلم ان لديه الكثير من المعجبين هنا,, موزعين مابين معجب بالفكر والطرح والموضوعية والسخرية والمرح اللذيذ واحياناً الصلعة
غايتو اخر شوفة ليهو كان فى شارع الجمهوريين بعداك ماعارفين الحصل شنو ..ان شاء الله خير
قد كتبت من قبل بوست عن عودته بعد غياب مسبب لظروف الوفاة وقلنا بعودته يعود للبورد عمقه وبوجوده تختفى الضحالة لا محالة ثم عددنا فيه ماثر المفكر الغايب الحاضر بالرغم من صلعته الغير قابلة للتخفى
الرابط: - مالاقيو والله
| |
|
|
|
|
|
|
Re: أمين محمد سليمان(الدكتور و المفكر و خال حمور) غيابك طااال (Re: ABUHUSSEIN)
|
غيابك طال كفايا تعال شغلت البال بالف سؤال _ غنية لثنائي العاصمة _ الزمن داك
*****
الاهداء للبروف / أمين محمد سليمان
وشكرا يا أبو حسين بالانجليزي على سؤالك عن زول رغم معزتوا عندنا أختار الغياب بنقدر لو لظرف مشغوليات لكين بالجد بنتمني لو في أى سانحة من الوقت يطل على الناس , يا أمين سليمان يأخي معتزتك عندنا كبيرة بنتمني ليك التوفيق في حضورك أو غيابك
وبنظل نتمني ترجع وتواصل ولو مرة مرة
أكيد التقدير
| |
|
|
|
|
|
|
Re: أمين محمد سليمان(الدكتور و المفكر و خال حمور) غيابك طااال (Re: ABUHUSSEIN)
|
أخانا أبو الحسين السلام عليكم و رحمة الله و بركاتو إتصل علي أخونا الطريفي صباح اليوم من غيابة الجب* و كلمني ببوستك ده ، و لقيت رسالتك في الفيس بوك فياخي كتر خيرك إنت و كل من سال أو إتصل أو أبرق معزيا !!! أنا وقفت لسبب خاص جدا لانو اخونا و حبيبنا سيد الحته دي حذف بوست بعد ما أنا كتبت فيهو كميه من المداخلات لم تكن فيها اساءه أو مخالفه لاي من اللوائح الذي كتبها بيده الشريفه قدس الله سرها .... و الشاهد يا أبو الحسين إنو هذا الأبصلعه بسودانيزأونلاين دي أتي بما لم تسطعه الاوئل : عمل لي بورد لما فيه أمة لا إله إلا الله زي ما هي و خلق ليه مجتمع حقيقي يمشي علي أرض الواقع و بسببو تعرفنا علي ناس لو انفقنا ما في الأرض ما تعرفنا عليهم . شخصيا : يكفيني أن عدد من جاءني في المطار عند وفاة والدتي كان أكثر من عدد أقربائي و اصدقائي مجتمعين . سودانيزأونلاين صارت جزء حقيقي و مؤثر من حياة الناس رضينا أم أبينا و الفضل لهذا بعده تعالي يعود لهذا الأبصلعه تقدس سره و سر صلعته الشريفه ، و بالطريقه البيدير بيها الموقع ده الفضل في تدميره بعده تعالي حا يكون ليهو هو و لصلعته الشريفه ذات نفسهم !! البورد ده زيو و زي أي حاجه ناجحه في سوداننا الشقيق لازم يتعرض لحرب من أعداء الخير و الجمال و الحاجات الكويسه لكن الحرب الشانيها سيد البورد - بسطحيته في إدارة البورد - أكبر من الشاننها عليه أعداءو !! و أنا لمن وقفت ما كان بغرض اصلاح البورد ولا بغرض تنبيه صاحبو حتي ، فياما وجه له ناس أطول مني قامة و أعمق فهما النداء تلو النداء لاصلاح إدارة هذا المكان و كانت اجابته دائما مزيدا من سحب البوستات ، مزيدا من التعسف و مزيدا من السطحيه في إدارة هذا المكان ....
عموما ياخي والله كتر خيرك و كتر خير الأخوان و الأخوات السالو عني و خلو القرفه تروح و بجي راجع كان الله ادانا روح !!!
----------- *الطريفي إتصل علي من محبسه ، نسال الله أن يفك أسره !!
| |
|
|
|
|
|
|
Re: أمين محمد سليمان(الدكتور و المفكر و خال حمور) غيابك طااال (Re: Hassan Makkawi)
|
Quote: ما تكتل لي قلبي ياخ
تصدق انا كنت عايز اعمل تصويت في الموضوع ده. ياخ بورد بكري ده ممتع اكتر من مسرح الزعيم. و انت تمشي تحرد ؟ ذكرتني غسان حيدر .. كان يجلي القون يحرد يقول عشان أحمد عاين لي. |
يا زول هوي ما تعمل فيها صحبي ، البل جايك بالدرب !!
-------------
مستكاوي ياخي زادك الله وقارا
-------------
أبو الحسين و كل الناس الحلوه ياخي كتر خيركم !!
| |
|
|
|
|
|
|
|