|
يا بطيخاب .. لا تشجعونا .. ولا حاجة .. بنجيب ليكم التار .. الليلة يوم الرجال
|
للتذكير
بداية هنا البوست
الليلة وين يا ناسي .. بهدلني الصفاقسي (أغنية جديدة هدية لراكوبة ورفاقه)
ذهاب نهائي الكونفدرالية
بملعب استاد المريخ
الصفاقسي 4 المريخ 1
اها نخش في الموضوع بتاع البوست ده
نحن اسياد البلد
بناخد التار برانا
من قبل طلعنا ليكم الجيش
واليومكمان بنلحق ليكم الصفاقسي امات طه
برانا بدون اي بطيخابي
يجي ويعلن هنا انه بيشجع الهلال
لزوم الوطنية
وطنية شنو
يعني سادومبا ده لمن غلب فريق بلده مع الهلال كان ما وطني
ياخوانا كورة
شجع فريقك بي راحتك
شجع ضد سيد البلد برضو بي راحتك
لكن نحن ما دايررين لينا طابور خامس
يجي يقول
نحن مع الهلال
وهم جاهزين بسكاكين البوستات للشماتة المعهودة منهم
اها
من هسه
اي بطيخابي
يقيف على جنب
ويعلن بي صراحة
انه واقف مع الصفاقسي
ونحن برضو
حننتصر
على الصفاقسي
ونصل النهائي
ونجيب الكاس
الليلة يوم الرجال
ولا نامت اعين البطيخاب
|
|
|
|
|
|
|
|
Re: يا بطيخاب .. لا تشجعونا .. ولا حاجة .. بنجيب ليكم التار .. الليلة يوم الرجال (Re: امير مصطفى احمد)
|
مواهب
هاكي البندول ده
لحدي بعدين
من يوم ما هزمكم الصفاقسي في امدرمان باربعة
العجب قال في التلفزيون لحدي اليوم هو ما مصدق الكابوس ده
Quote: الليلة وين يا ناسي بهدلني الصفاقسي ( جمال السنوسي – جدة) الليلة وين يا ناسي بهدلني الصفاقسي أربعة كسروا راسي رجعوا لي مآسي
######### جاب قونو بدري من أول دقيقة والتاني جابو فجأة بي نيران صديقة ياناس فهموني ووروني الحقيقة هل انا جوه تونس أم في بير غريقة ######### قالوا علي زعيم وكتبوا فوقي راية والصفاقسي اللئيم صدق بالحكاية من أول دقيقة علمني القراية هجومو كيف وجبنة وخلاني الوقاية ######### من خش قونو اول وتاني وحتى رابع ناس قلعت هدوما وما قدرت تتابع وناس تبكي تجعر وناس غرقت مدامع وانا والله خفت يوصل حدو سابع ######### أنا بالجد غلطت يا ناس اعذروني غشتني الجرايد غشامة ودروني قالوا علي كبير للصفاقسي قنطروني جابو(النفطي) لي مكنة ودوروني #########
أنا كشفت حالي وعذبت النفوس ناس كثيرة كضمت وناس حرقت كدوس هم عزالي قالوا يا الصفاقسي دوس عشق نمرة اربعة كسر لي تروس #########
في ناس لسه بتأمل في تونس ممكن أغلب وأنا خوفي تبقى حفلة واقوم اجقلب الصافقسي العنيد مواجع لا تقلب أنا لو كان علي من الاستاد اتلب #########
رجاء(ي) يا صفاقسي حن وأرأف بي حالي الكأس حقك إنت حقيقة من غير تعالي يا ناس يا عوازل انتوا مالكم ومالي إستادي إنشاء الله يبقى مخزن للطبالي
|
| |
|
|
|
|
|
|
Re: يا بطيخاب .. لا تشجعونا .. ولا حاجة .. بنجيب ليكم التار .. الليلة يوم الرجال (Re: جمال السنوسي)
|
Quote: الليلة وين يا ناسي بهدلني الصفاقسي ( جمال السنوسي – جدة) الليلة وين يا ناسي بهدلني الصفاقسي أربعة كسروا راسي رجعوا لي مآسي
######### جاب قونو بدري من أول دقيقة والتاني جابو فجأة بي نيران صديقة ياناس فهموني ووروني الحقيقة هل انا جوه تونس أم في بير غريقة ######### قالوا علي زعيم وكتبوا فوقي راية والصفاقسي اللئيم صدق بالحكاية من أول دقيقة علمني القراية هجومو كيف وجبنة وخلاني الوقاية ######### من خش قونو اول وتاني وحتى رابع ناس قلعت هدوما وما قدرت تتابع وناس تبكي تجعر وناس غرقت مدامع وانا والله خفت يوصل حدو سابع ######### أنا بالجد غلطت يا ناس اعذروني غشتني الجرايد غشامة ودروني قالوا علي كبير للصفاقسي قنطروني جابو(النفطي) لي مكنة ودوروني #########
أنا كشفت حالي وعذبت النفوس ناس كثيرة كضمت وناس حرقت كدوس هم عزالي قالوا يا الصفاقسي دوس عشق نمرة اربعة كسر لي تروس #########
في ناس لسه بتأمل في تونس ممكن أغلب وأنا خوفي تبقى حفلة واقوم اجقلب الصافقسي العنيد مواجع لا تقلب أنا لو كان علي من الاستاد اتلب #########
رجاء(ي) يا صفاقسي حن وأرأف بي حالي الكأس حقك إنت حقيقة من غير تعالي يا ناس يا عوازل انتوا مالكم ومالي إستادي إنشاء الله يبقى مخزن للطبالي |
للتوثيق ...يمكن تنفعنا في اليوم الاسود ...
| |
|
|
|
|
|
|
Re: يا بطيخاب .. لا تشجعونا .. ولا حاجة .. بنجيب ليكم التار .. الليلة يوم الرجال (Re: فايزودالقاضي)
|
سلام ياسنوسي والله بالجد هزيمة المريخ بأربعة في الربع الساعة الأولى في نهائي الكونفدراية 2007 في عقر الدار حارة .. وحارة جداً .. زي سبعة الوحدات الأردني.. لذا أعذر الجماعة في الكوابيس التي تسيطر عليهم.. المريخ فريق يلع بعلى صفحات الصحف والمنتديات منذ سبعة سنوات.. ياخ قلنا ليك أعذرهم.. كسرة: لو كنت مريخياً لركزت على مصيبة يوم 9 نوفمبر.. وجعلت شعاري شهراً ما عندك فيه نفقه ما تعد أيامو.. وينك يا خليل .. احتراماتي
| |
|
|
|
|
|
|
Re: يا بطيخاب .. لا تشجعونا .. ولا حاجة .. بنجيب ليكم التار .. الليلة يوم الرجال (Re: صديق الموج)
|
Quote: ياجماعة مافى زول معاه نشادر والا ريحه يفوق جمال ده يازول قول بسم الله الهضربه ما كويسه... العب الكورتين ديل وتعال... ماتنسى المحلى الدخل عطبره،،،، |
صديق الموج
والله شايفكم هسه تنططو من بوست لي بوست
حريفين خالص عشان بعدين تكبوا الزوغة
لمن سيد البلد
ياخد تاركم
حتولع ناركم
في الحالتين
كان فزنا
نار شماتة
وكان انهزمنا ( ودي ما أظنها)
نار حقد وحسد
الله يكفينا شر نيرانكم في الحالتين
هجيجكم ده حدو الساعة 10 مساء
تاني بس بف باف تجروا لحفركم الارضية
| |
|
|
|
|
|
|
Re: يا بطيخاب .. لا تشجعونا .. ولا حاجة .. بنجيب ليكم التار .. الليلة يوم الرجال (Re: عثمان جلال الدين)
|
Quote: سلام ياسنوسي والله بالجد هزيمة المريخ بأربعة في الربع الساعة الأولى في نهائي الكونفدراية 2007 في عقر الدار حارة .. وحارة جداً .. زي سبعة الوحدات الأردني.. لذا أعذر الجماعة في الكوابيس التي تسيطر عليهم.. المريخ فريق يلع بعلى صفحات الصحف والمنتديات منذ سبعة سنوات.. ياخ قلنا ليك أعذرهم.. كسرة: لو كنت مريخياً لركزت على مصيبة يوم 9 نوفمبر.. وجعلت شعاري شهراً ما عندك فيه نفقه ما تعد أيامو.. وينك يا خليل ..
|
يا سلام يا عثمان جلال الدين
البطيخاب ديل فالحين بس محليا
مشووا سيرة لي مدني
ودقوا الناس والحكم يتفرج
وجو راجعين
الله يستر علينا من تحكيم اتحاد م ج
يورطنا معاهم في مشكلة تحكيم
تفرتق الممتاز ذاتو
| |
|
|
|
|
|
|
|