|
|
|
 Re: حريات صحيفة جديدة تضم :الحاج وراق، رباح الصادق ، فائزالسليك ،أبوذر الأمين وعبد المنعم سليم (Re: Deng)
|
مرتضى جعفر، كل سنة وانت طيب
لن تنضج ابدا طالماسقف النضال السياسي عندك لا يتجاوز السب والشتم بلا سبب وبلا فهم
Quote: الخزي والعار للصحفيين من فئة ضياء الدين بلال ومحمد عبد القادر ومحمد حامد جمعة
والهندي عز الدين والطاهر ساتي (أعضاء المنبر)
لصمتهم عن مصادرة الحريات الصحفية ولممالاتهم لمنتهكي الحريات الصحفية |
كيف عرفت صمتنا على مصادرة الحريات الصحفية ؟
ولا الحريات الصحفية عندك هى فقط موقع الحريات ؟
حتى ولو كان كذلك،عرفت كيف انو نحن ولاغيرناما متعاطفين اومتضامنين مع الاخوة وراق وغيره .؟
ولا بس إلا نجي نوريك هنا تضامنا وتعاطفنا معاهم حتى نبقى عندك ناس مناضلين زيك كدة ؟
ياعزيزى وراق ومنعم وكل الزملاء بموقع الحريات أقرب الينا - مكانا وتواصلا - أكثر منك
وشايلين هموم بعض وبتقاسم الامنا وافراحنا مع بعض على ارض الواقع على مدار العمر ..
ولا إلا نشركك في تفاصيل تواصلنا حتى نبقى مناضلين زيك كدة ؟
| Quote: ترى هل يعبرون من هنا وينورونا برأيهم في هذه الإنتهاكات |
ليه يعنى الا نعبر من هناتحديدا عشان نعكس موقفنا ؟
ما ممكن نعبر موقفنافى اى منبر اخر أو باى موقف اخر او فيس تو فيس مع المتضررين ؟؟
ولا لازم نعبر هناعشان موقفا يأخد ترخيص من موقف المناضل الصنديد وقائد الامة وجيفارا العصر الحديث مرتضى جعفر ؟؟
ياخى ارحم نفسك وبطل نضال شوفونية ونجض عقلك السياسي ده شوية
يعنى : بلاش تهريج معاك ..
وخلينا نحن الصحفيين فى حالنا، نحن ما ناقصين صداع
أوتعال أدخل وسطناعشان تعرف نحن بنتضامن مع بعض كيف
وسطناهوالمكان البيوريك او يورينا اصحاب موقف ( الخزي والعار )
وقدام الناس ديل بقدم ليك دعوة اعتصام قدام مبانى الجهاز أو مسيرة حتى اطلاق سراح موقع الحريات
انا وانت بس .. وباتكفل بتذاكر رحلتك وتعيش معاى فى بيتى لحدماتعبيرنا يصل منتهاه
اها شن قولك ..؟؟
موش قلبك على الحريات ؟؟..يلا تعال نرسل أقوى رسالة من هنا
ولو ماعندك مروة لنوع التضامن ده،إتصل بأسر الزملاء المشردين ديل وعيد لأطفالهم وامهاتهم وشاطر معاهم احزانهم والامهم
ولو ماعندك مروة لى ده كلو سوى البتقدر عليهو فى سودانيز ده ، لكن بدون قلة ادب وتجريح الاخرين الذين لاتعرفهم ولايعرفونك
................
عبد المنعم ونزار،كيفكم وان شاء الله انتو بخير والقابلة حريتكم مامنتهكة
وبمناسبة الحريات يا منعم : قالو لى ربيت شعرك و خنفست
هسة ده ماانتهاك لحق الصلعة فى اللمعان ؟؟
سلام
مع صادق الدعوات لكم ولأستاذنا وراق بالصحة والعافية وراحة البال
| |
  
|
|
|
|
|
|
|
|
Re: حريات صحيفة جديدة تضم :الحاج وراق، رباح الصادق ، فائزالسليك ،أبوذر الأمين وعبد المنعم سليم (Re: Nazar Yousif)
|
منى لك كل التحايا والتقدير والاحترام يا أستاذ الطاهر ساتى
المهم هو البحث عن نقاط التلاقى , لا البحث عن الاختلاف , كلنا بمختلف الوان الطيف الفكرى والدينى من اقصى اليسار حتى قلب جماعة انصار السنة المحمدية , علينا البحث عن الالتقاء , وما نخلتف فيه نبحث له عن شريك آخر .
لكن من يسمع يا ساتى فى قعقة طنين النضال التى تخلط الاصوات وتُضعف البصر والبصيرة وتمنح ديباجة العدو الابدى بكل سهولة ويسر .
مرة تانية خالص الاحترام لك أستاذ الطاهر من أنسان يسارى - على ما اعتقد - يدعو للعلمانية .
*
التحية والتقدير للاخ الاكبر الحاج وراق مع امنياتى الصادقة بان لا تتوقف مسيرة قلمه الرشيق والوطنى فى آن .
| |
|
|
|
|
|
|
|
|
|
Re: حريات صحيفة جديدة تضم :الحاج وراق، رباح الصادق ، فائزالسليك ،أبوذر الأمين وعبد المنعم سليم (Re: shaheen shaheen)
|
اولا: الصحيفة الجيدة امة تتحدث عن نفسها، وميلاد اي موقع جديد هو اضافة حقيقية للامة
ثانيا: اطلعت على الموقع وللاسف اخراجه سئ ولا ينبئ بمستقبل واعد
ثالثا: لا اعتقد ان الحاج وراق ولا رباح الصادق ولا فائز السليك ولا ابوذر الامين يجتمعون مع عبد المنعم سليمان في شئ فكل هؤلاء يكتبون من اجل الوطن اما عبد المنعم فهو يكتب من اجل نفسه ليس الا.
رابعا: | Quote: وأضاف الصحفيون الذين تحدثت إليهم نيوميديانايل إنه كان المزمع تدشين الصحيفة رسميا يوم 31 اكتوبر الجاري، لكن جهاز الامن حجب الموقع في السودان منذ أمس الأول. |
لا أرى اي علاقة بين الحدثين، وبعدين الامن ده بيحجب ليهو موقع لسع ما دشن... غايتو جنس محن
رابعا: غايتو لو الموقع فيهو خير ربنا يوفق القائمين على امره واذا كان هدفه تدمير وحدة السودان وانسانه فنسأل الله ان يصرفه عنا ويصرفنا عنه.
| |
|
|
|
|
|
|
| |
Nazar Yousif
Mohamed Yassin Khalifa
حبيب نورة
Murtada Gafar
خالد العبيد
عبدالوهاب علي الحاج
عمر عبد الله فضل المولى
بدر الدين اسحاق احمد
Kostawi
Tragie Mustafa
Amani Al Ajab
محمد هشام
عبد المنعم سليمان
معاوية عبيد الصائم
عبّاس الوسيلة عبّاس
Deng
الطاهر ساتي
shaheen shaheen
سيف الدين حسن العوض
احمد محمد بشير
Sinnary
فيس بوك
تويتر
انستقرام
يوتيوب
بنتيريست