|
|
 يا هلالاب الوداعية قالت لي:(........)الوصيفاب يمتنعوا
|
مشيت انا وصاحبي سيد البلد الهلالابي الاصيل للوداعية
ام عزين
زولة شواااااااااااافة خلاص تشوف الفي جيبك
قعدنا قلنا ليها انقوشينا نحن جايين لي شنو
قالت شكلكم كدي ناس كورة
كتحنا لينا كوز موية دفعة واحدو ومعاه البياض
اها يا ام عزين شوفي لينا الخيرة رمت ليها 7 ودعات
وختت يدها في خدها ومالت علينا وقالت:
شايفة ناسكم ديل راكبين ليهم طيارة وشرقو
.....
طيب يا حاجة وبعدين
.. اصبروا علي شوية يا وليداتي الودعة دييييك المشت عليكم ديك هي الطيارة
ماشة مشرقة
...اها
لمت ودعاتها وكشحتهم تاني
اخدت نفس
في وديعة كدي من كشحوها فاتت اخواتها جات علينا
قلنا ليها خير
قالت عندكم موتر؟؟؟
يا حاجة موتر شنو
قلنا ليك فريق
قالت لا
لا شايفة لي موتر جاري وشايل ليكم طية
...
موتر؟؟؟؟
ااااااااااي موتر عديييييييل ما شفتو الودعة الفارقت اخواتها دي ؟؟
اها دي الموتر زااااااتو
قلنا ليهم طيب
قالت موتركم ده غايتو شايل ليه طية ليكم
....
صاحبي صنقع ودنقر
وقال
سااااااادومبا
بس ساااااااااااااااااااادومبا
هو
مافي غيروا
....
نواصل
|
|
 
|
|
|
|
|
|
|
 Re: يا هلالاب الوداعية قالت لي:(........)الوصيفاب يمتنعوا (Re: عمر محمد ابراهيم)
|
نواصل
المهم بعد كلام الموتر ده ما وقع لينا
قمنا تاني كتحنا لينا كوزين موية
وصلحنا قعدتنا وقلنا ليها اها يا ام عزين
تاني شايفة شنو؟؟ظ
كشحت ودعاتها
وعاينت شمال ويمين زي الزول العاوز يقول ليك سر
لملمت ودعاتها وتاني كشحتهم ولولحت راسها
قلنا ليها مالك يا حاجة في شنو؟؟
قولي لينا اي حاجة شايفاها
قالت لا لا
لكن في حاجة غريبة
انتو عندكم زول خاطب؟؟؟
- خاطب شنو يا حاجة قلنا ليك نحن بتاعين كورة بس تقولي خاطب؟؟؟
- لا لا لاني شايفة لي لمة بتاعت عرس كدي
- يا حاجة قولي بسم الله وارمي ودعك ده تاني
- ما انا رميتو مرتين برضو شايفة عرس
قلنا نجاريها في الكلام وكت طشت شبكة قلنا ليها اها العرس ده حق منو؟ظ
قالت ما عارفة لكن الود الأخضر ده شايفاهو عريس
- اها
وشايل سيفوا وبعرض في الناس
والكلام ده قرييييييييييييب ما بعيد يعني بعد رجعة طيارتكم دي بي اسبوع اسبوعين كدي
صاحبي نط وقال ....ده قطع شك يوم 9/11
قلت ليه 9/11 دي شنو كمان عندك زول خاطب ومحدد عرسو؟؟
ضحك وقال لي يا زول انت طشيت برضو ولا شنو؟؟ما عارف يوم 9 فيهو شنو؟؟؟
..........
يتبع
| |
|
|
|
|
|
|
|
|
|
Re: يا هلالاب الوداعية قالت لي:(........)الوصيفاب يمتنعوا (Re: عمر محمد ابراهيم)
|
Quote:
الأخ عبد العزيز
رايك شنو لو نحن عكسنا الىية وركبنا التوانسة زاااتهم التونسية؟؟؟
ويا يوم بكرة ما تسرع
والوداعية دي قلنا ليك تشوف الفي جيب الزول خليه الفي الودع
مودتي
|
عزيزي/ عمر ابراهيم
نحن ناس معروفين ولينا تاريخ وأمجاد..
لكن عندنا شفقة وحنية كتيرة بنساعد بيها اخوانا الصغار..
يلزمنا تجهيز الخيام والإسعافات الأولية.. واقامة مستشفى الطوارئ من بكرة وحتى موعد دفن الهليل في المقبرة..
تحياتي
| |
|
|
|
|
|
|
|
|
Re: يا هلالاب الوداعية قالت لي:(........)الوصيفاب يمتنعوا (Re: Abdlaziz Eisa)
|
Quote:
نحن ناس معروفين ولينا تاريخ وأمجاد..
لكن عندنا شفقة وحنية كتيرة بنساعد بيها اخوانا الصغار..
يلزمنا تجهيز الخيام والإسعافات الأولية.. واقامة مستشفى الطوارئ من بكرة وحتى موعد دفن الهليل في المقبرة..
تحياتي |
والله معروفين
والمقبرة بقت هنا وفي الرد ردم بتاعكم
غايتو جهزوا حاجاتكم ساكت
واستعملوها براكم
ولو احتجتوا حاجة ادونا خبر
| |
|
|
|
|
|
|
|
|
|
Re: يا هلالاب الوداعية قالت لي:(........)الوصيفاب يمتنعوا (Re: عمر محمد ابراهيم)
|
ياعمر سادومبا,,تانى يوقع منو
خديجة وكسرت رجلها,,,
والله لكن الوصيفاب ديل...ما بعرف ليهم مخرج
غير نديهم كاس الممتاز دا هدية,,ونلعب معهم
مباراة قسمة,,,
| |
|
|
|
|
|
|
| |
Abdlaziz Eisa
Nasruddin Al Basheer
امير مصطفى احمد
امير عوض الجمري
معاوية عبيد الصائم
abuguta
فيس بوك
تويتر
انستقرام
يوتيوب
بنتيريست