|
Re: شَــفَـــــقَة (يوجد احراج) (Re: Mohammed Awad)
|
وين ياحبيبنا المجافينا ....نجي الخرطوم لا تسألوا مننا ولا تعبرونا !!!طيب !!!!
Quote: احد الاشخاص اُطلق عليه لقب شفقة وكانت المناسبة
انو فى صلاة الظُهر انضم للصلاة بعد تكبيرة
الاحرام وفى الركعة الاخيرة وبعد انتهائه من التشهُد...
سلم وقام فات |
يعني مفروض يطلع طبنجته ويرش المصلين ولا شنو ؟!! ولامفروضة عليهو صلاة الجنازة ؟!!!
انت السيد المسلمي قريبك ولا انتو في مدينة واحدة ولا كلكم سيارات كوري ؟!!!!!
| |
|
|
|
|
|
|
Re: شَــفَـــــقَة (يوجد احراج) (Re: فايزودالقاضي)
|
Quote: وين ياحبيبنا المجافينا ....نجي الخرطوم لا تسألوا مننا ولا تعبرونا !!!طيب |
ود القاضى سلامات ياخ... متين الكلام دا؟ يمين بالله لا حس ولا خبر لكن اللوم واصل برضو
Quote: يعني مفروض يطلع طبنجته ويرش المصلين ولا شنو |
ياعمك انت مثال آخر للشفقة الزول دا سلم قبل الامام زاتو وفرتق
| |
|
|
|
|
|
|
Re: شَــفَـــــقَة (يوجد احراج) (Re: Mohammed Awad)
|
Quote: انت السيد المسلمي قريبك ولا انتو في مدينة واحدة ولا كلكم سيارات كوري ؟ |
الغريبة يافايز أخوي ... طبنجة دا في مدينة ونحن في مدينة تانية !! شوف توارد الخواطر دا كيف ..!!؟ لكن بيني وبينكـ محمد عوض دا شكلو كدا تجميع ساهي !
| |
|
|
|
|
|
|
Re: شَــفَـــــقَة (يوجد احراج) (Re: السيد المسلمي)
|
انت ماسمعت بحاج شفقة الاصلي دا كان في نواحي شندي .. وكان زول زعيم وضو قبيلة مرة حدثت وفاتين في حلتين مجاورتين وبقوا ماشين على العزاء وطبعا هو الزعيم ودايرين ينجزوا المشوارين في يوم واحد ... وبقى ينبه الناس : شوفوا ياجماعة نحن ما عندنا قعدة الفاااتحة والجبنة ونقوم طوالي وبقى يردد ليهم في الكلام دا طول الطريق : شوفوا ياجماعة نحن ما عندنا قعدة الفاااتحة والجبنة ونقوم طوالي .... شوفوا ياجماعة نحن ما عندنا قعدة الفاااتحة والجبنة ونقوم طوالي ... لحدي ما وصلوا مكان العزاء الاول وطبعا هو متقدم الوفد ووقف اهل العزاء ورفع يدينو وقال : الجبنة ياجماعة
___ بوست ظريف بجيك راجع كان المناضلين ديل ادونا فرقة
| |
|
|
|
|
|
|
Re: شَــفَـــــقَة (يوجد احراج) (Re: عبدالوهاب علي الحاج)
|
عمك عباس ... زول واجب شديد ... عندو واجب الفاتحة والعزاء والدفن .... ده اهم من الأكل والشراب ... قاعد مع جماعة اهلو في المستشفي عندهم زول عيان ........ سمعوا صوت نسوان وبكاء وكواريك .......... (الزول جار زولم العيان في العنبر مات ...) قام على اهل الميت وبي كواريك النسوان والكبسيبة ماقدر يشيل الفاتحة مع الرجال .... جاء راجع قعد ...... لكن زي القاعد ليهو في جحر نمل .... ململة شديدة ..... عدم شيل الفاتحة مع الرجال بالحيل واجعو ....... هو قاعد شاف جماعة مارقين من العنبر شايلين ليهم زول مغطي في النقالة ......(قال بس ده زولي) طوالي قام ..... قفل عليهم الطريق (الليلة كان ما شال فاتحتو مابرتاح) ... ورفع ليك يدينو وباعلي صوت الفاتحة ياجماعة ...... زول رده عليهو مافي !!!!!!!!!!! شاب صغير اخدو على جنبة ياحاج زولنا ده ما مات نحن بس وادنو يعملو ليهو صور اشعة ؟!!!
| |
|
|
|
|
|
|
Re: شَــفَـــــقَة (يوجد احراج) (Re: معاوية المدير)
|
محمد عوض كيفنك
بوست لذييييذ خالس
Quote: انواع الشفقات: شفقة بت العطا اللحقوها سجما في المقابر. شفقة سيد الدكان. شفقة ود الكرار. وهكذا... |
ود المدير... اخطر من الشفقات الفوق ديل
في شفقة بت حريكه ....
دي قالوا شنقلوها يطهروها لقوها حامل
ما اظن في اشفق من كده
| |
|
|
|
|
|
|
Re: شَــفَـــــقَة (يوجد احراج) (Re: omer osman)
|
Quote: عمك عباس ... زول واجب شديد ... عندو واجب الفاتحة والعزاء والدفن .... ده اهم من الأكل والشراب ... قاعد مع جماعة اهلو في المستشفي عندهم زول عيان ........ سمعوا صوت نسوان وبكاء وكواريك .......... (الزول جار زولم العيان في العنبر مات ...) قام على اهل الميت وبي كواريك النسوان والكبسيبة ماقدر يشيل الفاتحة مع الرجال .... جاء راجع قعد ...... لكن زي القاعد ليهو في جحر نمل .... ململة شديدة ..... عدم شيل الفاتحة مع الرجال بالحيل واجعو ....... هو قاعد شاف جماعة مارقين من العنبر شايلين ليهم زول مغطي في النقالة ......(قال بس ده زولي) طوالي قام ..... قفل عليهم الطريق (الليلة كان ما شال فاتحتو مابرتاح) ... ورفع ليك يدينو وباعلي صوت الفاتحة ياجماعة ...... زول رده عليهو مافي !!!!!!!!!!! شاب صغير اخدو على جنبة ياحاج زولنا ده ما مات نحن بس وادنو يعملو ليهو صور اشعة ؟!!! |
جنابو عمر عمك دا كويس ما لقا لى هوك
| |
|
|
|
|
|
|
Re: شَــفَـــــقَة (يوجد احراج) (Re: عبدالوهاب علي الحاج)
|
Quote: انت ماسمعت بحاج شفقة الاصلي دا كان في نواحي شندي .. وكان زول زعيم وضو قبيلة مرة حدثت وفاتين في حلتين مجاورتين وبقوا ماشين على العزاء وطبعا هو الزعيم ودايرين ينجزوا المشوارين في يوم واحد ... وبقى ينبه الناس : شوفوا ياجماعة نحن ما عندنا قعدة الفاااتحة والجبنة ونقوم طوالي وبقى يردد ليهم في الكلام دا طول الطريق : شوفوا ياجماعة نحن ما عندنا قعدة الفاااتحة والجبنة ونقوم طوالي .... شوفوا ياجماعة نحن ما عندنا قعدة الفاااتحة والجبنة ونقوم طوالي ... لحدي ما وصلوا مكان العزاء الاول وطبعا هو متقدم الوفد ووقف اهل العزاء ورفع يدينو وقال : الجبنة ياجماعة |
Quote: بوست ظريف بجيك راجع كان المناضلين ديل ادونا فرقة |
انشالله جمعتو بس..... بالنسبة لى سيد البيت
| |
|
|
|
|
|
|
Re: شَــفَـــــقَة (يوجد احراج) (Re: السيد المسلمي)
|
Quote: الغريبة يافايز أخوي ... طبنجة دا في مدينة ونحن في مدينة تانية !! شوف توارد الخواطر دا كيف ..!!؟ لكن بيني وبينكـ محمد عوض دا شكلو كدا تجميع ساهي |
التجميع زاتو اشكال والوان يامسلمى شى تايوانى شى صينى شى هندى شى محمد عادل شى كدا بس عدى مشى
| |
|
|
|
|
|
|
Re: شَــفَـــــقَة (يوجد احراج) (Re: Mohammed Awad)
|
قصه حقيقيه لاقربائي حدثت في مستشفي الخرطوم الحوادث
جابو زول كبير للمستشفي وحالتو منتظره تصريح الدفن بس
خالنا زول عاقل قال لي ولد العيان يا ابني انت زول كبير والموت حق بدل قعادك هنا امش الحله(احدى قري شرق النيل)
جهز حالك ودقق العيش وجهز الديوان والكفن وباقي الحاجات
طوالي الولد دور علي الحله وانتظر الجماعه لغايه المغرب ما رجعو طوالي دور جا للمستشفي
وقبل السلام لقي خالنا دا قال : ليه ما جيتو لغايه هسه ليه؟
خالنا قال ليه : ابوك ما مات نخنقو ليك؟
قرات القصه بروايه مختلفه عند مني سلمان في جريده حكايات
| |
|
|
|
|
|
|
|