|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
Quote: يلا السؤال يا حلوين :
من المسؤول عن موت سعيد ؟
وين ناس القانون ؟
|
علاقة السببية وما ادراك ما السببية ...... والجريمة الناقصة والجريمة التامة ... والشروع .... الخ
بحر واسع ونظريات مختلفة .....
نخلي ناس الما قانون يورونا رأيهم شنو ؟؟
سلام يالطيب علك طيب ........
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
أستاذي ود شيقوق .. سلام،
محمد = براءة (( لأن فعله لم يتسبب في موت سعيد (جريمة خائبة)) كمال = القتل العمد (تسبب فعله في حدوث الوفاة للمجنى عليه (سعيد))
========== إذا كان بالإمكان السماح لي بتوليد مسألة أخرى من المسألة التي تفضلت بطرحها بإجراء تعديل بسيط (باللون الأحمر) وذلك وفقاً لما يلي: محمد و كمال كل منهما ينوي إغتيال سعيد - لكن لا محمد عارف كمال عايز يقتل سعيد ولا كمال عارف محمد عايز يقتل سعيد يعني لا يوجد اى ترتيب مشترك بين محمد وكمال لاغتيال سعيد -
اها يا اخوانا سعيد دا دائما بيمشي مزرعتو - والمزرعة ما فيها ماء عشان كدا سعيد دائما لما يمشي بشيل معاهو قارورة بتاعة موية وعادة لما يصل المزرعة بيضع القارورة تحت شجرة عشان ما تسخن . لا يوجد اي احتمال لمصدر ماء آخر.
اها يا اخوانا محمد قال يمشي يلحق سعيد في المزرعة ويختفي بالاشجار حبة حبة لحدي يجد القارورة ويقوم يكب فيها سم قاتل جدا ويجي راجع بدون سعيد يشوفو .
بالفعل محمد ذهب الى مزرعة سعيد وعرف انو سعيد بعيييييييييييييييد ما بشوفو فقام طوالي بصب السم في القارورة وبرااااااااااااااحة انسحب ورجع اهلو - لعلمكم اى جرعة من القارورة قاتلة .
اها كمال ما عارف محمد عمل شنو ولا عارف اى حاجة عن نية وقصد محمد - كمال صمم يمشي يلحق سعيد في مزرعتو ويعلم تماما لو سعيد دا فقد موية القارورة بتاعتو بموت طوالي يعني مافي اى احتمال اخر لحصول سعيد على ماء خلاف موية قارورتو دي .
اها كمال وصل مزرعة سعيد وعرف انو سعيد بعييييييييييييد ما بشوفو وطوالي قام شرب كم جرعة منها و دفق باقي الموية في الواطة عشان سعيد يجي عطشان وما يجد اى موية ويموت عطشا.
بالفعل كمال دفق موية القارورة كلها في الواطة وأثناء رجوعه لاهله مات في منتصف الطريق .وبعد قليل سعيد المسكين جاء عطشان ولما رفع القارورة وجدها فااااااااااااااضية و سعيد ربنا يرحمو مات من العطش ,
يلا السؤال يا حلوين :
من المسؤول عن موت سعيد ؟ من المسؤول عن موت كمال؟
وين ناس القانون ؟
لكم منى اطيب الاماني
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: نصر الدين عثمان)
|
Quote: اها كمال وصل مزرعة سعيد وعرف انو سعيد بعييييييييييييد ما بشوفو وطوالي قام شرب كم جرعة منها و دفق باقي الموية في الواطة عشان سعيد يجي عطشان وما يجد اى موية ويموت عطشا.
بالفعل كمال دفق موية القارورة كلها في الواطة وأثناء رجوعه لاهله مات في منتصف الطريق .وبعد قليل سعيد المسكين جاء عطشان ولما رفع القارورة وجدها فااااااااااااااضية و سعيد ربنا يرحمو مات من العطش ,
يلا السؤال يا حلوين :
من المسؤول عن موت سعيد ؟ من المسؤول عن موت كمال؟
وين ناس القانون ؟
|
الركن المادي ... الركن المعنوي ...القصد الجنائي ... إزهاق روح أنسان حي ..... النتيجة .... علاقة السببية
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: omer osman)
|
اخي الاستاذ نصر الدين
Quote: اها كمال وصل مزرعة سعيد وعرف انو سعيد بعييييييييييييد ما بشوفو وطوالي قام شرب كم جرعة منها و دفق باقي الموية في الواطة عشان سعيد يجي عطشان وما يجد اى موية ويموت عطشا. |
شكرا ليك وانت تأتينا بفرضية جديدة أكثر تعقيدا عما كانت عليه
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: نصر الدين عثمان)
|
Quote: محمد = براءة (( لأن فعله لم يتسبب في موت سعيد (جريمة خائبة)) |
عايز أعدل الجزئية الخاصة بوصف تلك الجريمة من (جريمة خائبة) إلى (جريمة مستحيلة) محمد = براءة ((لأن فعله لم يتسبب في موت سعيد (جريمة مستحيلة)) براءة لأن الجريمة لا يمكن أن تتحقق ومن ثم فإنه لا شروع في جريمة لا يمكن أن تتحقق (مذهب موضوعي) أو محمد = شروع في القتل ((لأن فعله لم يتسبب في موت سعيد (جريمة مستحيلة)) شروع في القتل لأن الفاعل قد أظهر نيته وتصميمه الإجراميين في إرتكاب الجريمة ورغم عدم تحقق النتيجة إلا أنه يجب معاقبة الجاني على خطورته الإجرامية بغض النظر عن استحالة تحقق النتيجة الإجرامية لأنها تلك الاستحالة جاءت لأسباب خارجة عن إرادته (مذهب شخصي)
والله أعلم..
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: نصر الدين عثمان)
|
Quote: عايز أعدل الجزئية الخاصة بوصف تلك الجريمة من (جريمة خائبة) إلى (جريمة مستحيلة)
|
لكن يانصرالدين جريمة محمد فعلاً (خايبة) ولسيت (مستحيلة)
ليه : لانو الجريمة الخايبة أو الناقصة اكتملت فيها كل اركان الجريمة ولم تتحقق النتيجة لسبب خارج عن ارادة الجاني (جاء زول دفق الموية)
أما الجريمة المستحيلة فهي جريمة لم تتحقق فيها النتيجة رغم اكتمال اركان الجريمة لاستحالة حدوث النتيجة مثلاً
اذا قام محمد بوضع (دقيق قمح) في الموية ظنناً منه انه (مادة سامة) يستحيل هنا ان تتحقق النتيجة المرجوة وهي موت الشخص المقصود
والله اعلم ..........
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: osman righeem)
|
Quote: غايتو علي ايام العدالة الناجزة كانو بيعاقبو علي الشروع في الزنا لكن ما سمعنا بإقامة حد
|
مرة في كشة ايام الشغال في القسم الشرقي ..........
قبضنا زول في حالة شروع جوه أوضة ....... وشروع بالجد جد مش اى كلام ...
المهم لمن قبضناهو ....... كان همو حاجة واحدة بس
نرجع ليهو قروشو من البت الكانت معاهو ..
انت قايل ما رجعتها ليهو ..... قلت ليها ياخي الزول يبقن عليهو اتين ميته وخراب دياره ...
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: هويدا شرف الدين)
|
Quote: لكن يانصرالدين جريمة محمد فعلاً (خايبة) ولسيت (مستحيلة)
ليه : لانو الجريمة الخايبة أو الناقصة اكتملت فيها كل اركان الجريمة ولم تتحقق النتيجة لسبب خارج عن ارادة الجاني (جاء زول دفق الموية)
أما الجريمة المستحيلة فهي جريمة لم تتحقق فيها النتيجة رغم اكتمال اركان الجريمة لاستحالة حدوث النتيجة مثلاً |
سعادتو عمر .. سلام،
شكراً للتصويب، فكلامك صحيح فقد أخطأت أنا حين أردت التصحيح .. وأن كان هناك تداخل بين الجريمتين فهما يتفقان في: اكتمال أركان الجريمة (النشاط الإجرامي) تخلف النتيجة لأسباب لا دخل لإرادة الجاني بها فإذا كان ذلك كذلك فلا مناص من قيامي بالتعديل مرة ثانية: محمد = شروع في القتل (جريمة خائبة)
وأظن أن الفارق الأساسي بينهما يكمن في: الجريمة المستحيلة : عندما لا تتحقق النتيجة أياً كانت الظروف اللاحقة المحيطة بها (إطلاق النار على شخص ميت) الجريمة الخائبة: عندما لا تتحقق النتيجة بسبب تداخل عامل عارض (محتمل) لاحق لا دخل لإرادة الجاني به والله أعلم.. تقبل مودتي وتقديري
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
كدي قبل مانجتهد يا الطيب
من الذي اخبر كاتب السؤال بما حدث ؟؟؟؟ خاصة وانو محمد اتلحس من العطش
بمعنى اخر اتذكرت لغز زمان كدة بقول ليك واحد حلم انو فلان ده حيجي يقتلو فتح عينو لقاهو قدامو وفعلا قتلو وكان السؤال ما هو تفسيرك ؟؟ وكانت الاجابة انو شنو العرف الزول القال السؤال انو المرحوم حلم بالقاتل ؟؟ دحين يا خوي ده ماقريب من سؤالك ده ؟؟؟؟
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
Quote: الكيس افتراضي في الفقه الانجلو سكسوني
ومع ذلك وارد الحدوث
فلو حدث فكيف التعامل مع المتهمين قضائيا؟ هذا هو السؤال |
السلام عليكم و رحمة الله يا شيخ العرب... طبعا انا واحد من المداومين علي قراءه كتاباتك خاصة المسنوحات ديلك و مع ذلك دي اول مداخلة كتابية معك... بس الافتراضية بتاعتك دي ما افتراضية ساكت... يبدو انتو ناس المحاكم من محامين و قضاة و مدعين قررتو تستخدمو الانترنت لحل بعض القضايا المعقدة عندكم في المحاكم و بعد شوية نسمع انو المحامي شيخ اول من استخدم الانترنت لحل اعقد قضية تمر علي المحاكم العمانية في القرن العشرين و اصبح رائدا في هذا المجال
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
Quote: مرة في كشة ايام الشغال في القسم الشرقي ..........
قبضنا زول في حالة شروع جوه أوضة ....... وشروع بالجد جد مش اى كلام ...
المهم لمن قبضناهو ....... كان همو حاجة واحدة بس
نرجع ليهو قروشو من البت الكانت معاهو ..
انت قايل ما رجعتها ليهو ..... قلت ليها ياخي الزول يبقن عليهو اتين ميته وخراب دياره ... |
سعادتو عمر .. سلام،
والله كان تصادروها منو وتخلوها معروضات عشان ياخد إسنافيك
.............. الظاهر أنا حاشتغيل تحوير طوالي .. كدي شوف قصتكم بتاعت الكشة دي بعد هذه التعديلات (باللون الأحمر ) .. ما لون مريخكم التعبان ده: (مرة في كشة ايام الشغال في القسم الشرقي ..........
قبضنا زول في حالة شروع جوه أوضة ....... وشروع بالجد جد مش اى كلام ...
المهم لمن قبضناهو وأحضرناه إلى القسم هو والبت المعاهو .. فوجئ هذا التعس بأن البت طلعت زوجته!؟) أها في الحالة دي الإجراءات حتكون ككيف!؟
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: نصر الدين عثمان)
|
الاخ محجوب المسنوح
سلامي وعميق امتناني
طبعا انا واحد من المداومين علي قراءه كتاباتك خاصة المسنوحات ديلك و مع ذلك دي اول مداخلة كتابية معك... بس الافتراضية بتاعتك دي ما افتراضية ساكت...
هههههههههههههههها لا والله ساااااااااااااااااكت
يبدو انتو ناس المحاكم من محامين و قضاة و مدعين قررتو تستخدمو الانترنت لحل بعض القضايا المعقدة عندكم في المحاكم و بعد شوية نسمع انو المحامي شيخ اول من استخدم الانترنت لحل اعقد قضية تمر علي المحاكم العمانية في القرن العشرين و اصبح رائدا في هذا المجا
يا رييييييييييييييييييت يا العشاء
جنابو نصر
الاجراءات هي الافراج عنه فورا
لو فالح بقبل عليكم وبشب ليكم في حلقومكم يشهيكم العافية
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
Quote: الاجراءات هي الافراج عنه فورا
لو فالح بقبل عليكم وبشب ليكم في حلقومكم يشهيكم العافية |
أستاذي ود شيقوق
في ذمتك ما كان أخير ليه الإدانة - المشرفة - حتى لو بالمؤبد من هذه البراءة- المشينة - باقي ليك لو فالح ما كان يبلغ الموس وحده ويتنازل عن هذا الدفع المخزي
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عبدالرحمن الحلاوي)
|
سلام الله عليكم كلكم بي هويدا المسنوحة
قالت امات طه
طه اليملأ خشمك طين
غايتو جنس سناحة عليك يالمسنوح
المسنوحة سببها شنو كان ماتو او حيوووووووا
يااخوى ماتمشى على اهلك ناس الصعيد تساعدهم فى لم العيش والدق
عمووو فيصل عمو كمال الموضوع فكة على الاخرررررررر الحقوا صاحبكم قبل ما يجيبها كبيرة
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
غايتو جنس سناحة عليك يالمسنوح
المسنوحة سببها شنو كان ماتو او حيوووووووا
يااخوى ماتمشى على اهلك ناس الصعيد تساعدهم فى لم العيش والدق
عمووو فيصل عمو كمال الموضوع فكة على الاخرررررررر الحقوا صاحبكم قبل ما يجيبها كبيرة
جيت يا المسنوووووووح تخرب البوست ؟
هويدا المسنوحة دي عاملنها طعمة للبوست بتجيب الحوت المكان
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
Quote: والله يا اخوانا فاقدين جنابو الخال عمر على حسن |
انا مستغرب في الزول كمال الدفق المويه ده .. ليه دفقها ؟.. ما كان يشربها هو ذاتو بدل مايمشي .. دا راجل متعب وبتاع مشاكل وانا اعتبره منتحر وجزاؤه نار جهنم خالدا مخلدا فيها ابدا .. لانه الافتراض الاساسي في القضية انه قارورة المويه ستكفي لاعادة صاحبها الي اهله حيا .. فكيف يعود كمال الي اهله حيا وليس معه قارورة ماء .. لازم يشرب منها حبة ولازم يموت ..
كمان محمد جاب السم من وين .. ووضعه في القارورة كيف هل كان لابس جونتي .. واذا ما لابس جونتي هو ذاته ما تسمم ليه.
بعدين سعيد دة عمل ليهم شنو كلهم عايزين يقتلوه ؟ لازم نعرف الدوافع والباعث !
واخيرا انت ذاتك الكلمك منو ؟
هل كلمتك هويدا شرف الدين لانها هي المدبر الاساسي لقتل سعيد .. لا شك ان كيدهن عظيم
بالطريقه بتاعتي دي اتنين ماتوا وما باقي الا سعيد وهويدا .. سعيد متهم بالشروع في الانتحار لانه كان يعلم علم اليقين انه القارورة لو اختفت اواتدفقت لاي سبب فان موته سيكون نتيجة حتمية لفعله او اهماله .. وبالرغم من ذلك خلاها تحت الشجرة . اما هويدا فسنتركها لشيقوق وانا متأكد انه حيرص ليها لائحة اتهامات ما يقدر يطلعها منها المحجوب ولا زروق ولا عابدين اسماعيل ..
عمر علي حسن
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عمر علي حسن)
|
حاسه انى ما استوعبت الموضوع يعنى الانسان ما بيموت من العطش الا بعد حوالى كم يوم مش اها زولك دا لمن لقى القاروره فاضيه ما كان يرجع دربه لبيته الملا منه القاروره اصلا زى ما الجماعه التانيه جات ورجعت وهى مزرعه كيفين مافيها مويه الزرع دا بيسقوا شنو هو شكل الموضوع لا سعيد لا محمد لا الما متذكره اسمه الفكره فى القاروره ولا شنو :)))))))))
المحيرنى اكتر هويدا دى منو والجابها فى النص شنو
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: رانيه محمد الشيخ)
|
خالي عمر
الف الف حمد الله على عودتك
هذه الجريمة يا هويدا شرف الدين ؟ (Re: الطيب شيقوق)
Quote: والله يا اخوانا فاقدين جنابو الخال عمر على حسن
انا مستغرب في الزول كمال الدفق المويه ده .. ليه دفقها ؟.. ما كان يشربها هو ذاتو بدل مايمشي .. دا راجل متعب وبتاع مشاكل وانا اعتبره منتحر وجزاؤه نار جهنم خالدا مخلدا فيها ابدا .. لانه الافتراض الاساسي في القضية انه قارورة المويه ستكفي لاعادة صاحبها الي اهله حيا .. فكيف يعود كمال الي اهله حيا وليس معه قارورة ماء .. لازم يشرب منها حبة ولازم يموت ..
كمان محمد جاب السم من وين .. ووضعه في القارورة كيف هل كان لابس جونتي .. واذا ما لابس جونتي هو ذاته ما تسمم ليه.
بعدين سعيد دة عمل ليهم شنو كلهم عايزين يقتلوه ؟ لازم نعرف الدوافع والباعث !
واخيرا انت ذاتك الكلمك منو ؟
هل كلمتك هويدا شرف الدين لانها هي المدبر الاساسي لقتل سعيد .. لا شك ان كيدهن عظيم
بالطريقه بتاعتي دي اتنين ماتوا وما باقي الا سعيد وهويدا .. سعيد متهم بالشروع في الانتحار لانه كان يعلم علم اليقين انه القارورة لو اختفت اواتدفقت لاي سبب فان موته سيكون نتيجة حتمية لفعله او اهماله .. وبالرغم من ذلك خلاها تحت الشجرة . اما هويدا فسنتركها لشيقوق وانا متأكد انه حيرص ليها لائحة اتهامات ما يقدر يطلعها منها المحجوب ولا زروق ولا عابدين اسماعيل ..
على بالايمين طلعتني جييييييييييييييت
بس هويدا دي ذنببها شنو يا خال ؟ - نحن خاتنها في عنوان البوست زى الصارقيل
لقيتني كيف؟
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
رانية
ازيك وشكرا على مرورك
حاسه انى ما استوعبت الموضوع يعنى الانسان ما بيموت من العطش الا بعد حوالى كم يوم مش
لا يا رانية هو كيس افتراضي ويفترض فيهو الموت فورا بدون اى اجتهادات تانية - بعدين المزرعة ممكن تكون مطرية
اها زولك دا لمن لقى القاروره فاضيه ما كان يرجع دربه لبيته الملا منه القاروره اصلا زى ما الجماعه التانيه جات ورجعت
هههههههههههههههههههههههها لالالالالالالالا الافتراض هنا موت طوالي
وهى مزرعه كيفين مافيها مويه الزرع دا بيسقوا شنو
مطرية بقول ليك
المحيرنى اكتر هويدا دى منو والجابها فى النص شنو
هويدا دي ريحانة المنبر يا رانية وفعلا اقحمناها في البوست بلا سبب المسكينة
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
مطريه ؟؟؟؟؟؟؟؟؟؟؟؟ يعنى شنو
يعني يا رانية بتي الاحفاد دي بدرسو فيها انجليزي بس يعني المنهج ما فيهو لغة عربية
اكيد بتعرفي المطر صالح ؟ اها مطرية لغة منسوبة الى المطر - يعني بالواضح كدا في السودان في ثلاثة انواع من الزراعة
اول بالتبادي - المطرية دي تاني التبادي - المروية يعني الري الصناعي عندكم بقولوا ليها ال artificial irrigation
واخيرا الزراعة البحرية ودي عادة بتكون على قيف البحر ( القيف هو الشاطي عند ناس المدينة)
معليش تعبناك بالشرح
لالالالالالالالالالالا بس خايف تقولي لي موبايلك النغائم الفيهو شنو ؟
اخير ليهم كمان يفلقوا بشوال بصل ونرتاح
هههههههههههههههههههها يجازي محنك انت
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
Quote: بس هويدا دي ذنببها شنو يا خال ؟ - نحن خاتنها في عنوان البوست زى الصارقيل |
شيقوق العزيز
في قضية وفاة المتهم ...... في حراسة الشرطة بعد قيامه بشنق نفسه بعد ان علق عمامته في حمالة مروحة السقف لم اجد بدا من اتهام زميله الوحيد بالحراسة بمساعدته علي الوصول برقبته الي العمامة وذلك بحمله علي ظهره ثم الانسحاب من تحته ليسقط جسده بثقله فتنكسر رقبته ..
انكر المتهم اية علاقة بمساعدة زميله علي الانتحار .. وزعم محاميه (المحجوب) ان الشرطة مسئولة عن موته باهمالها في حراسته وتركها اياه يدخل الحراسة بعمامته .. واطنب في مرافعته مطالبا بابراز دليل مادي علي هذه المساعدة المزعومة وبالطبع فان ذلك لايكون الابشاهد راي بعينه .. وما بيدي لا يخرج عن اطار بينة ظرفيه تقوم علي ارتفاع السقف وعدم قدرة المنتحر علي القفز منه الا بمساعدة وان المساعدة غير متاحة الا بواسطة الشخص الوحيد الموجود بالحراسة مع المنتحر ..
قال القاضي انه لا يستطيع تقرير الادانة علي اساس بينة ظنية مفردة مهما بلغت منطقيتها وقرر شطب البلاغ لعدم كفلية الادلة ..
خرجت من المحكمة وخشمي ملح ملح .. وذهبت في مساء ذلك اليوم للمحجوب في مكتبه اساله عن العدالة فقال لي الا يدان برئ ولو ضاعت القضية .. وقال لي انه القي في روع المحكمة امكانية وجود متهم آخر هو الشرطة ليوسع اخدود الشك الذي احدثه غياب الدليل المباشر وانه كان يعلم ان ليس هناك ما يمنع دخول المتهم للحراسة وعلي رأسه عمامة
لذلك فانني وفي غياب الدليل المادي وعدم البحث في مسرح الجريمة عن القارورة الفارغة وما عليها من بصمات واثر الماء المسمم بالارض والربط بينهما لاثبات وجود طرف ثالث يهمه موت سعد واتهامه بالشروع في القتل (رغم ان الموت لم يتم بفعله) ورغم ان هذا يدخل عمله في تصنيف للجريمة غير المكتملة لانه لا يد له في عدم اكتمالها .. وتوجيه تهمة تسبيب الموت باهمال لكمال حتي ولو اعترف بافراغ الزجاجة وبنيته قتل سعد عطشا فالموت لا يكون نتيجة حتمية للعطش اذ يمكن للقتيل تفاديه باي طريقة حتي ولو كانت ان يتبول ليشرب ما يخرج منه .. وكل ذلك مرهون بوجود بصمة كمال ومحمد علي القارورة ووجود اثار السم في ايدي احدهما بعد فحصه بالحمض النووي ..
اما (الصارقيل) او (ابو الحرقص) كما يسميه البعض فذنبها ان نظريتي في اتهام زميل المنتحر في الحراسة تقوم علي عدم وجود شخص غيره وان خشمي ما زال ملح ملح لحدي دلوقتي .. وخليها تجيب المحجوب يطلعها من دي
امانة ما عصرتنا عصره
عمر علي حسن
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عمر علي حسن)
|
خالي السكر
شيقوق العزيز
في قضية وفاة المتهم ...... في حراسة الشرطة بعد قيامه بشنق نفسه بعد ان علق عمامته في حمالة مروحة السقف لم اجد بدا من اتهام زميله الوحيد بالحراسة بمساعدته علي الوصول برقبته الي العمامة وذلك بحمله علي ظهره ثم الانسحاب من تحته ليسقط جسده بثقله فتنكسر رقبته ..
انكر المتهم اية علاقة بمساعدة زميله علي الانتحار .. وزعم محاميه (المحجوب) ان الشرطة مسئولة عن موته باهمالها في حراسته وتركها اياه يدخل الحراسة بعمامته .. واطنب في مرافعته مطالبا بابراز دليل مادي علي هذه المساعدة المزعومة وبالطبع فان ذلك لايكون الابشاهد راي بعينه .. وما بيدي لا يخرج عن اطار بينة ظرفيه تقوم علي ارتفاع السقف وعدم قدرة المنتحر علي القفز منه الا بمساعدة وان المساعدة غير متاحة الا بواسطة الشخص الوحيد الموجود بالحراسة مع المنتحر ..
قال القاضي انه لا يستطيع تقرير الادانة علي اساس بينة ظنية مفردة مهما بلغت منطقيتها وقرر شطب البلاغ لعدم كفلية الادلة ..
بالحيل كلام قاضينا صاح
خرجت من المحكمة وخشمي ملح ملح .. وذهبت في مساء ذلك اليوم للمحجوب في مكتبه اساله عن العدالة فقال لي الا يدان برئ ولو ضاعت القضية .. وقال لي انه القي في روع المحكمة امكانية وجود متهم آخر هو الشرطة ليوسع اخدود الشك الذي احدثه غياب الدليل المباشر وانه كان يعلم ان ليس هناك ما يمنع دخول المتهم للحراسة وعلي رأسه عمامة
صدق الحجوب
لذلك فانني وفي غياب الدليل المادي وعدم البحث في مسرح الجريمة عن القارورة الفارغة وما عليها من بصمات واثر الماء المسمم بالارض والربط بينهما لاثبات وجود طرف ثالث يهمه موت سعد واتهامه بالشروع في القتل (رغم ان الموت لم يتم بفعله) ورغم ان هذا يدخل عمله في تصنيف للجريمة غير المكتملة لانه لا يد له في عدم اكتمالها .. وتوجيه تهمة تسبيب الموت باهمال لكمال حتي ولو اعترف بافراغ الزجاجة وبنيته قتل سعد عطشا فالموت لا يكون نتيجة حتمية للعطش اذ يمكن للقتيل تفاديه باي طريقة حتي ولو كانت ان يتبول ليشرب ما يخرج منه .. وكل ذلك مرهون بوجود بصمة كمال ومحمد علي القارورة ووجود اثار السم في ايدي احدهما بعد فحصه بالحمض النووي ..
هذه القضية هابوستكال كيس من الفقه الانجلوسكسوني يا بابا والمعطيات كما هي لا تقبل اى افتراضات ثانية - شخصان قاصدان اغتيال شخص معين بدون توافق او اشتراك - ولكل منهما وسيلته في القتل - تحققت النتيجة - ولا ينكر اي منهما نيته في قتل المجنى عليه ولكن لكل منهما دفاعه ممثلا في انعدام عنصر السببيه بين النتيجة والفعل .
خالي لقيتني كيف ؟
اما (الصارقيل) او (ابو الحرقص) كما يسميه البعض فذنبها ان نظريتي في اتهام زميل المنتحر في الحراسة تقوم علي عدم وجود شخص غيره وان خشمي ما زال ملح ملح لحدي دلوقتي .. وخليها تجيب المحجوب يطلعها من دي
ههههههههههههههههههههههههههها
معذرة لعدم الاقتباس لاسباب فنية
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عمر علي حسن)
|
هايبوثيتكال .. وكمان معترفين .. والراجل مات .. تجيبهم لينا في كمبو كديس نوريك فيهم .. وخلي هويدا بره الموضوع .
يا سيدي الناس ديل معترفون فقط بالنية ولكنهم ينكرون ان الموت بسبب اي عمل اي منهم
انتوا شغلكم دا اخنق فطس ؟
لا تحكوا عن سببية ولا فعل جنائي ؟
والله حكم ود نواي ذااااااااااااااااااااااااااااتو
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: رغيم عثمان رغيم الحسن)
|
Quote: والله حكم ود نواي ذااااااااااااااااااااااااااااتو |
تصور يالطيب من زمن الدراسة كلما ادخل امتحان مهم اجي بالليل احلم اني راكب قطر وحسب الدرجه اللي بكون راكب فيها النتيجه بتكون .. يعني لو راكب اولي A وثانية B وتالثة C البارح حلمان راكب درجة رابعة وفي السلم .. وصحيت منزعج وما قدرت اتذكر الامتحان الا لما رجعت للبوست ..
قلت لي الجماعة ديل معترفين بالنية ؟ والله تفكني عليهم اقطّع ليك روسينهم .. خليني انا الخشمي ملح ملح .. وديهم لعثمان رغيم يحاكمهم ليك بالعدالة الناجزة ..
قال هايبوثيتكال قال
المصيبة لو كمان الليلة ركبنا قطر بضاعة !!!!
عمر علي حسن
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: الطيب شيقوق)
|
خالي ابو امير ما نتمت؟
تصور يالطيب من زمن الدراسة كلما ادخل امتحان مهم اجي بالليل احلم اني راكب قطر وحسب الدرجه اللي بكون راكب فيها النتيجه بتكون .. يعني لو راكب اولي A وثانية B وتالثة C البارح حلمان راكب درجة رابعة وفي السلم .. وصحيت منزعج وما قدرت اتذكر الامتحان الا لما رجعت للبوست ..
قلت لي الجماعة ديل معترفين بالنية ؟ والله تفكني عليهم اقطّع ليك روسينهم .. خليني انا الخشمي ملح ملح .. وديهم لعثمان رغيم يحاكمهم ليك بالعدالة الناجزة ..
قال هايبوثيتكال قال
المصيبة لو كمان الليلة ركبنا قطر بضاعة !!!!
جايييييييييييييييييييييييك يا زعيم
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عمر علي حسن)
|
Quote: انوم وين يا بوي .. انت عاوزني القي نفسي مشعبط في قطر بضاعة؟؟ |
هههههههههههها حاشاك حاشاك
Quote: زمان استاذنا عبد العظيم التجاني ابو قصيصة قال لي الليله احسن ما تنوم لانه ورقتك دي ما بتركبك حتي لوري تراب .. |
رحم الله الراحل المقيم مربي الاجيال الاستاذ عبد العظيم التجاني ابو قصيصة
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عفاف الصادق بابكر)
|
Quote: وين يا اخوانا خالي ابو امير |
يازعيم
خالك رافع الراية البيضاء .. وقررت اشوف لي لوري تراب اساومه علي المقعد الامامي .. دبي كلها مافيها لوري تراب واحد .. يعني لوري التراب ذانه بقي هايبوثيتيكال !
توكلت علي الله ورجعت لكتبي القديمه لقيت عمك راتنلال في طبعة 1954 لا يعترف في القتل بانواعه بشيء مثل البينة المباشرة .. قلت ليه (هايبوثيتيكال) يا مهراحا .. قال لي (نهي هايبوثيتيكال) .. لفيت علي سيدنا عمر فوجدته اشد تمسكا .. قلت ليه ياسيدي يا امير المؤمنين (هايبوثيتيكال) .. قال لي ادرأوا الحدود بالشبهات .. وطالما ان الموت حدث والرجلان لم يعترفا بارتكابه وانما بنية ارتكابه فقط فلا مناص من اخذ الدية منهما لسد باب الذرائع ودرء الحدود بالشبهات .. ويبدو انه لايريد ان يدخل نفسه في (زنقة) "اتقتلون رجلا ان يقول ربي الله"
لذلك لجأت للملك قراقوش وقلت له هايبوثيتكال يا سعادتك .. فقال لي .. اقطع راسهم وهايبوثيتكال ذاته لو قال سيك ميك اقطع راسه .. ثم نظر الي شزرا وبرم شاربه برمة ذات مغزي وقال .. انتو عايزين تودوا البلد في داهية ؟
طبعا لم اجيب ليه سيرتك ولا سيرة هويدا .. وقمت صوف من قدامه ..
والان .. نهي هايبوثيتيكال .. وكما قال استاذنا عمر ماث .. This is contradicting to all hypothesis
وتقول سيك ميك اروح لقراقوش اكلمه ..
عمر علي حسن
| |
|
|
|
|
|
|
Re: من المسؤول عن هذه الجريمة يا هويدا شرف الدين ؟ (Re: عمر علي حسن)
|
خالي
خالك رافع الراية البيضاء .. وقررت اشوف لي لوري تراب اساومه علي المقعد الامامي .. دبي كلها مافيها لوري تراب واحد .. يعني لوري التراب ذانه بقي هايبوثيتيكال !
توكلت علي الله ورجعت لكتبي القديمه لقيت عمك راتنلال في طبعة 1954 لا يعترف في القتل بانواعه بشيء مثل البينة المباشرة .. قلت ليه (هايبوثيتيكال) يا مهراحا .. قال لي (نهي هايبوثيتيكال) .. لفيت علي سيدنا عمر فوجدته اشد تمسكا .. قلت ليه ياسيدي يا امير المؤمنين (هايبوثيتيكال) .. قال لي ادرأوا الحدود بالشبهات .. وطالما ان الموت حدث والرجلان لم يعترفا بارتكابه وانما بنية ارتكابه فقط فلا مناص من اخذ الدية منهما لسد باب الذرائع ودرء الحدود بالشبهات .. ويبدو انه لايريد ان يدخل نفسه في (زنقة) "اتقتلون رجلا ان يقول ربي الله"
لذلك لجأت للملك قراقوش وقلت له هايبوثيتكال يا سعادتك .. فقال لي .. اقطع راسهم وهايبوثيتكال ذاته لو قال سيك ميك اقطع راسه .. ثم نظر الي شزرا وبرم شاربه برمة ذات مغزي وقال .. انتو عايزين تودوا البلد في داهية ؟
طبعا لم اجيب ليه سيرتك ولا سيرة هويدا .. وقمت صوف من قدامه ..
والان .. نهي هايبوثيتيكال .. وكما قال استاذنا عمر ماث .. This is contradicting to all hypothesis
جايييييييييييييييييك بالمهلة لتفنيد تلك الدفوع
| |
|
|
|
|
|
|
|