كتب الكاتب الفاتح جبرا المتوفرة بمعرض الدوحة
|
من الذى قطع ضنب هذا الاسد ؟؟؟
|
هو لسع ما انقطع لكن قريب من حبل المشنقه اعتقد يتفق معى السواد الاعظم التنازلات هى التى قطعت ضنب الاسد 1 شعب غير واعى بى حقو تجاه حزب ينتمى اليه يعنى حزب بقا حزب بى ناس مساكين من ناس نفعيين ما بخافو الله يعنى انت تكون زول طفيلى وتجيب ناسك المساكين ديل وتقول ليهم صوتو لى الحزب الفلانى ودى التى قصمت خريطة السودان الكبير دا من المسئول فى قطع ضنب الاسد فى رايكم اخوتى الاعضاء وانا هنا اعنى الاعضاء ان يدلى بدلوهم فى هذا الامر
|
|
|
|
|
|
|
|
Re: من الذى قطع ضنب هذا الاسد ؟؟؟ (Re: خالد المحرب)
|
Quote: من المسئول فى قطع ضنب الاسد |
هو الضنب براهو يا خالد لكن المسئولية اذا رجعنا لي ورا اطرافها كتيرة لكن دايما بتحملوها اصحاب الفصل الاخير
الحركة والمؤتمر كل منهما طرح برنامجا واصر علي تنفيذه سودان جديد ومشروع حضاري والاتنين انهاروا والسودان في طريقه للانهيار معهما طالما كل واحد ماسك بندقيتو ويا دنيا ما فيك الا انا
| |
|
|
|
|
|
|
Re: من الذى قطع ضنب هذا الاسد ؟؟؟ (Re: الشامي الحبر عبدالوهاب)
|
Quote: الحركة والمؤتمر كل منهما طرح برنامجا واصر علي تنفيذه سودان جديد ومشروع حضاري والاتنين انهاروا والسودان في طريقه للانهيار معهما طالما كل واحد ماسك بندقيتو ويا دنيا ما فيك الا انا |
دا يدل على ان هذا البلد محكوم بى الصدف بس شعب مغيب للاسف مع احزاب ساذجه فى السابق لم تراعى مصلحة الذين اتو بها الى كراسى البرلمان او النتيجه فى الاخر محكوم بى حكومه غير شرعيه سواء ا جات بى دبابه او عبر صناديق مزوره والاخوه الجنوبيين ات شايف براك نقضهم لى العهود وفى الحالتين ضاع السودان كبلد وضعنا نحن والجنوبيين وان غدا لناظره غريب
| |
|
|
|
|
|
|
Re: من الذى قطع ضنب هذا الاسد ؟؟؟ (Re: خالد المحرب)
|
أخي الفاضل : خالد المحرب - لك التحية والتقدير وكامل الاحترام زمان في محو الأمية قال الأستاذ للطلاب : قتل الولد الأسد . فاجتج أحد الطلاب وقال للأستاذ : كضاب الول ما بكتل الدود . وذلك بلغة أهلنا البقارة في كردفان . .. المثال الذي أتى به الأستاذ لبيان أركان الجملة الفعلية صحيح ولا غبار عليه... وبالمقابل كلام الطالب صحيح لا يستطيع ولد صغير أن يقتل الأسد - ملاحظة فنية تتعلق بوضع المناهج - أوردت هذه الطرفة لأبين أن قطع ذنب الأسد يحتاج لرجال أقوياء أشداء عقلاء حتى يتم ذلك ... فالذين خططوا لتقسيم السودان لم يحملوا شيء من المواصفات المذكورة لقاطعي ذنب الأسد وإنما قاموا بتنفيذ أجندة خارجية لم يحيدوا عنها قيد أنملة... والتاريخ لا يرحم . خالص تحياتي للأسرة الكريمة
| |
|
|
|
|
|
|
Re: من الذى قطع ضنب هذا الاسد ؟؟؟ (Re: د.يوسف محمد طاهر)
|
والله يا ابو احمد نحنا مشكلتنا مع الاسد مشكلة رضينا بي كفاف العيش وعينا لي الاعوج ونحنا ساكتين نقري اولادنا بالقروش وشالوا اراضينا وحيشانا محل بنوموا صغارنا وسكتنا ولسان حالنا انك تبقى ضنب اسد اخير من تبقى قرون تيس وكل كان عشان خاطر الغضنفر الليلة يا ابو احمد اكان انقطع ضنب الاسد الرماد كال حماد.
| |
|
|
|
|
|
|
Re: من الذى قطع ضنب هذا الاسد ؟؟؟ (Re: خالد المحرب)
|
دكتور يوسف
زمان في محو الأمية قال الأستاذ للطلاب : قتل الولد الأسد . فاجتج أحد الطلاب وقال للأستاذ : كضاب الول ما بكتل الدود
هههههههههههههههههههها ضحكتني بكلام اهلها الحنينين
بالمناسبة ابيي دى زى شرك ام كيكي صاح؟
| |
|
|
|
|
|
|
Re: من الذى قطع ضنب هذا الاسد ؟؟؟ (Re: الطيب شيقوق)
|
الاخ أبو أحمد
سلام واحترام,
في هذا الباب يصح أن نسمع شيئاً مما تدلي به الأحزاب الكبيرة في السودان
Quote: الإتحادى الديمقراطى يحتفل بذكرى أكتوبر ويحمل المؤتمر الوطني مسؤولية ازمة البلاد
بحري : احمد سر الختم
حمل الحزب الاتحادي الديمقراطي الاصل الحكومة وحزب المؤتمر الوطني مسؤولية تدهور مشروع الجزيرة وارتفاع اسعار السلع الضرورية وحرب دارفور والتفريط في سيادة السودان ووحدته وزيادة معاناة الشعب السوداني. وحيا الحزب الاتحادي الاصل الذكرى الـ(46) لثورة اكتوبر المجيدة وهنأ الشعب بحلول الذكرى. وقال الاستاذ عثمان عمر الشريف القيادي البارز بالحزب الاتحادي الاصل في ندوة سياسة اقامها الحزب بداره ببحري مساء امس قال ان البلاد تواجه ازمات سياسية وامنية واقتصادية بفعل السياسات الخاطئة لحزب المؤتمر الوطني واحتكاره للسلطة دون برنامج وطني مدروس، مبينا ان التجربة اثبتت ان الانفراد بالحكم واحتكار السلطة لجهة محدودة وتوظيف القوة لفرض الحلول عملية فاشلة تفاقم الازمات، مشيرا لمخاطر التدخل الاجنبي والانفصال وضنك العيش ومعاناة اهل دارفور، مضيفا ان الحراك السياسي للشعب السوداني في عام 1964م ادى الى اعادة الديمقراطية في واحد وعشرين اكتوبر وتكرر العطاء في السادس من ابريل عام 1985م.
واضاف عثمان ان التدهور طال كل قطاعات الانتاج الزراعي والصناعي قائلا : (حزب المؤتمر الوطني سيدفع فاتورة سياساته الخاطئة بعد التاسع من يناير 2011م) داعيا المؤتمر الوطني الى مراجعة سياساته واعادة الديمقراطية وحكم الشعب لانه لا مخرج للبلاد من الازمة الحالية الا عبر جهد القوى الوطنية السودانية.
واوضح عثمان ان المؤتمر الوطني حطم هيكل الدول والخدمة المدنية وان التقارير الرسمية تشير للفساد وجرائم الاعتداء على المال العام، مضيفا ان المؤتمر الوطني فشل في ادراك السياسات الخارجية وسقط في فخ تقاطع الصراعات الاقليمي والدولي، مشيرا لوجود عدد كبير من القوات الاجنبية في السودان بجانب رهن حل القضايا السودانية للجهات الاجنبية.
واكد عثمان ان الحزب الاتحادي الاصل يمتلك الحلول اللازمة السودانية قائلا : (نحن حزب الوسط لاتعصب ولا تطرف ولا تفريط في سيادة الوطن ووحدته وحقوق المواطن )
|
سنواصل النقاش , ولك التحية
أحمد الشايقي
| |
|
|
|
|
|
|
|