كتب الكاتب الفاتح جبرا المتوفرة بمعرض الدوحة
|
|
 بالسلامة ياعزة بت سلمى الشيخ سلامة
|
دعواتكم اخواتى واخوانى لاختكم وابنتكم عزوز
ان يكون امرها يسرا
وان يحل مولودها علينا قدم سعد وبركة
عزوزة اتمنى لك حياة سعيدة وحفيدى ايا كان بنية ولا وليد
ربنا يحلك بالسلامة بت امى
ويا على طاهر وليدى دعواتك معانا يا الغالى
كنت حاكون سعيدة لو بقيت معانا
الله فى حبيبى
نتلاقى فى السمح يارب
|
|
  
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: سلمى الشيخ سلامة)
|
سلامات يا عزه وام عزه
ربنا معاك ياعزه وانشاء بالسلامه ونسمع كل طيب عنك وعن القادم..
------------------------------
يا سلمى امنيتى كان الاقيك
لكن وجدتك توجهتى لنيويورك فى رمضان
اتمنى ان تجمعنا الظروف والاقى الزوله الرائعه الاسمها سلمى الشيخ سلامه.
| |
|
|
|
|
|
|
|
|
 Re: بالسلامة ياعزة بت سلمى الشيخ سلامة (Re: نيازي مصطفى)
|
Quote: سلمى هوووي ليلي نا
الله الليل ليل والليل يا
سلمى هوووووي!!
يا بت الشيخ بلا تحلفي بي (سيدي) الحسن مصدقك
فشان انا ذاتي مشتاقلك رسمي وشعبي ذاتو..
تحياتي لحيوانتنا الجميله عزوز الدايري تكبرنا قبل يومنا!!!
|
يا سبحان الله!!
الكلام الفي الكوت الفوق دا رد لي ترحيبك كتبتو قبل دقايق..
أجي راجع المنبر ألقى الشافعي دار تسويها فينا بي صحها؟؟
بالسلامه يا أجمل أم في الدنيا اللي حا تظل عندي شافعي لامن تبقى حبوبه!!!
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: مصدق مصطفى حسين)
|
الفنان الجميل مصدق
عقبال وليداتك يارب
عشان تعيش اجمل احساس فى الدنيا
ما اظن اقدر اوصفه
ولا والدة على حتقدر
لانها اليوم داك كانت بتبكى بشكل هستيرى لمن اتكلمت معاها
اول مرة اشوف زول ببكى لمن يجى حفيده بالصورة دى
هى انسانة جميلة بالجد ربنا يحفظها هذه الشادية والدة على
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: عمر ادريس محمد)
|
يا عمر ادريس
انت عارف يا الحبيب عزة كانت اول حفيدة فى البيت
وهسى اول حفيدة حفيدة
يعنى مافى سكة لحذيفة انه ما يكون جدو
لمن عزوز كانت صغيرونة حذيفة دا اكلها يوم السماية تخيل انها اكلت اول اسبوع فى حياتها
تسلم حبيب وبرضو انت معانا فى الخطة "الجدية "
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: Osman Musa)
|
عثمان يا جميل
حقك نرسلو ليك ضرورى
طبعا حنعمل حركة لذيذة جدا
وعملنا حركة سمحة برضو
اليوم جانا زول سمح بلحيل وقرا لليلك الاذان وتلا ليها الشهادة
ويوم الاربعين حنمشى سيرة للبحر
و حاقوم اجيب الصينية واخت فيها التمر والبقوليات كلها على الاقل الحبوب العندنا هنا
الفول والعدس والقمح لو لقيتو والحمص والفاصوليا
مابعرف ليه ؟لكن امى كانت بتعمل كدا
وحاجيب سبحة اليسر والجرتق اختهم برضو فى الصينية
ومعاهم المصحف طبعا دا اهم حاجة
وبديت اسجل الاحاجى واغانى الهدهدة فى المسجل
لمن يبقى عمرها سبعة يوم حابدا معاها الاغنيات
لانه الدكتور قال لى لو بديت معاها من الان لمن تبدا تتكلم حتكون عارفة لغتها الام
سبحان الله
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: حسام يوسف)
|
العزيز حسام
الحمد لله انهن بخير البت وامها تمام جدا
عارف هنا الزول بحس انه بنى ادم
من ناحية الاهتمام والعناية
ما تتخيل كمية الاهتمام اللقيناها فى المستشفى
من الاطباء للممرضات
الاوضة تشبه فندق خمسة نجوم
السبورة من الحاجات المهمة
معلقة فى الغرفة
بتجى الممرضة العليها الوردية
اول حاجة بتكتب اسمها واسم الطبيب واسم المريضة واسم الطفلة واحتياجاتهم
فى توصيلة دى للمناداة لو المريض احتاج لاقل حاجة
وتجى طائعة مختارة وتؤدى ما طلبوه منها
مرت علينا من يوم الاربعاء المساء لغاية ما طلعنا اليوم السبت عدد كبير من الممرضات
كمية من اللطف والانسانية
شكرا ليك وعقبالك وعقبال تشوف احفادك يارب
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: Elmosley)
|
يا سلام يا ابو هديل عقبالك لمن تشوف حفيدك الجاى قريبا
طبعا حفيدك من محمود فى السكة
امس كانت معانا سكينة فى المستشفى ومعانا هديل من يوم الاربعاء
يا سلام ع الناس الحلوة
نتلاقى فى سماية بت محمود قريبا ياجدو
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: Khalid Kodi)
|
الأحباء سلمى وعزوز،
أسأل الله أن يجعل ولادة عزّة سهلة ميسرة
وأن تضع مولودها/مولودتها بالسلامة
وأن تقر به/بها أعينكم جميعاً،
وأن يطمّنكم عليها عاجلاً وليس آجلاً، آمين.
طمنينا يا سلوم على الحبيبة عزّة.
[عشان خاطر عزوز وخاطرك يا حبيبة هذه الباقة
من الورود فأل خيرٍ إن شاء الله./B]
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: Souad Taj-Elsir)
|
الاحباء الاعزاء خلونى يلا احكى ليكم من يوم الاربعاء لغاية الجمعة
شكرا لكل من اتصل دكتورة سعاد معاوية عبيد اسيا ربيع راوية العباسى اميمة سند
صلاح الامين بدرى الياس جميلة ابراهيم
طبعا اتجرست جرسة العدو من يوم الاربعاء بالليل لغاية الجمعة المسا
الحمد لله البنية كويسة الان
فى المستشفى ما تزال لانها لمن طلعت كان شرقانة
الحاجة السمحة التانية انه الطبيبة الطلعت ليلك كانت ام طفل فى المدرسة البدرس فيها
وهو كان متعلق بى جدا
كانت بتقول لعزة انت عندك زولة قريبتك شغالة فى مدرسة اطفال فى الحى بتاعكم
هى ما كانت شايفانى واقفة لانى كنت ورا فى الركن واقفة وخايفة طبعا
المهم خلت بالها منها جدا
والطبيبة العملت الاسعافات بتاعة التنفس لليلك كانت ام طفلة برضو فى المدرسة
والحمد لله الكانوا هناك
كانت معاها صديقاتها الما اظن تبدلهم بزول
نازك واماندا وجوليا وهبة وهديل وسارة
خير الاخوات والصديقات
اطرف حاجة بعد البكية ما راحت شلت الحلاوة وحايمة على الممرضات والطبيبات
ياسلام على شيرى ولورى وريتا
ممرضات عزوز من يوم الاربعاء لغاية الجمعة
امس الممرضة كانت اسمها كريستين ودى علمتها كيف تشفط اللبن وتخزنه للطفلة
الطفلة طبعا لسه فى العناية رغم انها كويسة وتمام لكن عاوزين يتاكدوا من انه كل شى تمام
عزوز معاها ونحنا رجعنا البيت معاى جوليا واماندا
معليش ما بعرف انزل الصور لكن لمن عزوز تجى حنتشارك صورتها سوا
احلى بنوتة لاحلى ام
اللهم احفظهمها واديهما الصحة والعافية
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: سلمى الشيخ سلامة)
|
عشان بكرى ما يزعل مننا حنعمل حب جماعى للكل
حب يحب فهو محبوب
حتى اللغة بقت جميلة مليانة حب
يلا حبايبى الحلوين اهلا جونى
دا لسان حال عزوز
اليوم ما زالت فى المستشفى مع البنوتة
البت مستعجلة تشرب لمن شرقت
الخوف ما زال يسرى لكن بالجد عزة طلعت زولة قوية جدا مش هشة زينا وغادى
اول مرة اشوف حالة ولادة فى حياتى ولاقرب زول
كنت واقفة ورا الستارة بتاعة الاوضة مشيت اشرب موية من برة فى المسافة دى البيبى طلع
لمن دخلت الغرفة كانت مليانة بشر ناس بعملو فى التنفس لليلك وناس مع عزوز بتابعوا فى التشطيبات النهائية للولادة
كنت البكا والعيون محمرات لمن عاينت ليها كانت مبتسمة
وبتقول لينا
ـ عندها شعر حلو مش؟
بعد ثوانى البت اتنفست وشالوها على امها حضتنها لثوانى واخدوها جرى على غرفة الانعاش
جاتنى بعد داك الحكيمة وقالت لى
ـ ما تشيلى هم ، حتاخد مضادات حيوية وحتكون كويسة جدا
الساعة بالضبط كانت عشرة الا ربع مساء يوم الجمعة اكتوبر واحد وعشرين
مش محظوظة تكون مولودة يوم زى دا ؟
يا سلام ع الدنيا
وما زلت اذكر يوم ولدت عزوز الى هذه اللحظة
الحمد لله الذى جعلنى حاضرة تلك اللحظة التاريخية فى حياتى
الحمد لله الذى سلمها وابنتها
اطرف حاجة مشينا امس فى المساء لزيارة ليلك فى غرفتها الخاصة
طبعا ممنوع تدخل الا بعد اسئلة منكر ونكير
لمن قلت للزولة القاعدة فى الاستقبال ماشة اشوف حفيدتى
طوالى قالت لى اتفضلى ومبروك كمان ، عزة قالت لى الزولة دى سغيلة بالسين ، لكنها كانت لطيفة جدا معاى
فقلت ليها شكرا يا عسل فاذا عزة تقول لى
ـ ماما عسل شنو كمان ؟
قلت ليها صاحب الحاجة ارعن
المهم كانت اول مرة اشوف ليلك فى كل تلك الانابيب الصغيرونة وهى راقدة فى السرير الصغيرونى قدرها
ما فى طريقة تشيلا تعاين ليها وتتكلم معاها
يلا قمت مسكت يدها واتكلمت معاها انقرو ما ابتسمت
وا حلالى ابتسم لينا ونحنا جنينا
حاجة سمحة لمن دموعى سالت
الحمد لله الكريم الرحيم
لانه شفت اطفال معاها الواحد وزنه رطل زى اللعبة لكنه بتنفس وعايش
سبحانه وسبحان من له الدوام
حتطلع البت عزوز اليوم المسا ربنا يجييبا بالسلامة وحيحتفظوا بالبنوتة لغاية ما تبقى تمام
يارب تتم عليها الصحة والعافية
دعواتكم
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: Souad Taj-Elsir)
|
الحبيبة القريبة سعاد
يا سلام على الصدف الجميلة
ويا لجمال هذا العالم
اولا شكرا على الاتصال وشكرا لانى اتكلمت مع قريبى العزيز دكتور عبد الله
شفتى الدنيا دى صغيرونة كيف ؟
المحادثة دى خلتنى افكر فى الرحيل لاريزونا
على الاقل عندى اهل
تسلمو لينا وما تنقطعى حبيبة
عزوز وبنيتها بالف خير
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: Khalid Kodi)
|
| Quote: ربنا يحلها بالسلامه |
عبارة تحكي تاريخ أمة على مجرى ثقافتها العادية.
تخيلي يا سلمى, التعبير أعلاه وبكامل شيوعه, لا يمكن
تطبيقه إلا على حالة مثل عزوز, في معنى وشوكها على
الوضوع... كأي إمرأة سودانية.
يعنى أكان عزوز مديونة {مثلا} ... لا نقول ربنا يحلها
بالسلامة ... شوفتي كيييف.
تحياتي للقادم ... من ذكر أو أنثى.
ويا حبوبة سلمي ... السماية كيف؟
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: baha eassa)
|
أختنا العزيزة سلمى الشيخ ...
دعواتنا معاكي لإبنتنا عزة بالسلامة ...
ربنا يحلها بالسلامة يا رب ... ويرزقها الذرية الصالحة ...
وإتي تبقي حبوبة ... ما في أجمل من كده يا سلمى ...
وما في أحلى من الجنا ... غير جنا الجنا ...
والكلام ده عن تجربة طبعاً ...
إن شاء الله ربنا يحفظكم كلكم ويغطيكم يا رب ...
تخريمة:
________
هل ليك معرفة بالأستاذ الفنان (الدفعة) تاج الدين نور الدائم ؟؟
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: baha eassa)
|
ربنا يحلها بالسلامة....
ويجعل المولودة أو المولود غرة للعيون وغيثا هتون وفرحة لكل قلب محزون
لتملأ.. أو يملأ ساحاتكم ياسلمي وكذلك ساحات هذا الوطن بخريف الفرح والثمر..وللعزيزة عزة الصحة والعافية والخيرات الكافية..
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: HAYDER GASIM)
|
عارف ياحيدر قاسم
السماية دى حتكون فى كل الدنيا
الحمد لله الاهل والاصحاب ربنا يزيد ويبارك
يعنى ما بتقصرو عارفاكم حتعملو سماية وترسلو لى كومى
ونحنا حنعمل واحدة
لكن الحاجة العا########ى انه حنعمل سيرة للبحر
ياخ دى فكرة لطيفة جدا
وحنغسل البت من النهر حسب عاداتنا
بالجد فرحانة من اكتشفت الاكتشاف دا والغريبة عزوز موافقة انه نعمله
زمان ياحيدر اخوى
كانت البنيات يوم الاربعين بشيلو المولود وبمشو البحر
سيرة ليها ضل
قبل سنة تقريبا لمن مشيت زواج عزة لقيت الحتة الكنا بنمشى ليها فى السيرة
مقفولة ومكتوب عليها ممنوع الاقتراب زعلت طبعا لانها مرتبطة بذكريات حميمة جدا
المهم ما تنسوا ترسلو لينا من سمايتكم مش بتكم برضو وانت جدها ؟
الله يخليك لينا
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: خالد العبيد)
|
البركة الجات بت ياخالد العبيد
حلاتا وحلات الدنيا عليها
اتضح انى زول سجمان ساكت
كنت متجرسة جدا فى الاول
لكن الان حاسة انى اسعد زول فى الدنيا
خالس والله سعيدة
اشيل واعاين التنفس منتظم الشنو ما بعرف
يا بت اللبن دى لعزوز
الحمد لله نحمد الله كثيرا انها معافاة وصحتها تمام
وبدينا دور الحبوبة بالونسة شفت كيف ؟
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: tahani abusin)
|
الحبيبة سلوم الحنينة الخاتية اللوم
ليك بالخرزة والسوميتا للغالية السوميتا
بالسلاااااااااامة يا رب يا زوزا
نفرح بيك قريب والبجيبوا الله كلو حبيب
ربي يهنيكم ويفرحكم بالقادم الجديد
ويسعدكم ديمه يا اغلا حبوبه محبوبه
ومبروووووووك مقدما
| |
|
|
|
|
|
|
|
|
|
Re: بالسلامة ياعزة بت سلمى الشيخ سلامة (Re: د.نجاة محمود)
|
استاذتي الجميلة سلمي الشيخ سلامة
خبر جميل انه في جميل او جميلة ح يجملو الحياة
ربنا معاها وان شاء الله تتيسر الامور ونفرح معاكم
شدي حيلك يا عزوز والمرة دي ما تفوتونا السماية نحن جاهزين للجية
ربنا معاك وقلوبنا معاك
مبروك مقدما وبالف سلامة
| |
|
|
|
|
|
|
| |
سلمى الشيخ سلامة
ترهاقا
خدر
ناهد حسن بشير
محمد زكريا
نيازي مصطفى
Elawad
محمد عبدالرحمن محمد
عمر ادريس محمد
صديق الموج
ABDALLAH ABDALLAH
Tragie Mustafa
Elmosley
حسام يوسف
Osman Musa
خالد العبيد
Khalid Kodi
Souad Taj-Elsir
حبيب نورة
HAYDER GASIM
Gaafar Ismail
mohmed khalail
عبدالفتاح أبوشيمة
abubakr
معاوية عبيد الصائم
محمد سنى دفع الله
انس العاقب
othman mohmmadien
khatab
وليد عبد اللطيف
baha eassa
عبد الله كسلا
Mohamed Seddique Mohamed
معتصم ود الجمام
ismeil abbas
ابو جهينة
عمر عبد الله فضل المولى
اسماء الجنيد
عفاف الصادق بابكر
الشامي الحبر عبدالوهاب
الطيب شيقوق
noon
Rawia
عبد القادر شادول
معتز القريش
طارق جبريل
doma
عزيز عيسى
jini
بكري عباس علي
كمال عباس
إحسان عبدالمتعال أحمد
باسط المكي
عبدالكريم الامين احمد
فيس بوك
تويتر
انستقرام
يوتيوب
بنتيريست