|
اقتراح للاخ بكري (تقرير بمشاركه سيئه)
|
مع تزايد عدد الاعضاء في المنبر وما يتبعه من تزايد في عدد البوستات والمشاركات والتي في بعض الاحيان قد تحتوي علي الفاظ او عبارات مرفوضه ومخالفه للعادات والتقاليد وقوانين المنبر ,اقترح اضافة ايقونه صغيره تخبرك او تخبر طاقم الادارة بوجود مخالفه في مشاركة العضو تستوجب الاطلاع والمراجعه والحذف ..الايقونه قد تجنبك وتجنب الاعضاء فتح بوستات تنبيهيه بوجود هذه المخالفات ..الايقونه تقريبا موجوده في جميع المنتديات والمواقع الاجتماعيه الكبيره مثل اليوتيوب والفيس بوك والتويتر وغيرها ..
واتمني من الاعضاء ابداء الراي واضافة بعض المقترحات حول هذا المقترح
|
|
|
|
|
|
|
|
Re: اقتراح للاخ بكري (تقرير بمشاركه سيئه) (Re: omer osman)
|
شكرا عمر
______
في اليوتيوب والفيس بوك والتويتر والمواقع المزحومه بالاعضاء والمشاركات بتعتمد الاداراة علي عدد الاصوات لحذف المشاركه المخالفه ..فنسبة التصويت لوجود مخالفه في موضوع واحد او اتفاق عدد كبير من الاعضاء او المشتركين علي وجود مخالفه في مشاركه معينه يلفت نظر ادارة الموقع للاسراع بدراستها او حذفها في الحال ..في وضع المنبر العام هنا او بكري يمكن ان يتقاضي عن الانذار لوجود مخالفه اذا كانت الاشاره او التبليغ مرة واحده او مرتين من مشاركه معينه لان هناك من يرسل مخالفه من باب التسليه او عدم الموضوع او رؤيته للموضوع من زاويه واحده ..
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: أيمن الطيب)
|
شكرا ابو الريش وسامي وايمن
Quote: إقتراح أرجو أن يجد مكانه هنا ,, ولكن مع الإقتراح على بكرى أن يفعل كل بقية اللوائح ولا يتهاون فيها فالمنبر إمتلأ بجميع أنواع التجاوزات والكلام الجارح والبذئ والعنصرى وكل أنواع الشتائم القبيحة
|
بكري ممكن يعمل احصائيه لعدد المخالفات للاعضاء ..فيمكن تحديد نسبه معينه من المشاركات المخالفه لانذار العضو او حظره لفتره محدده او حظر نهائي ..الاحصائيه بوجود مشاركات مخالفه لعضو معين بيكون القرار فيها للاعضاء وليس لبكري وحده ..ودي ممكن تطلع بكري من مساله الحرج في التعامل مع الاعضاء المخالفين ..
مثلا وجود تقرير بوجود 10 مشاركات مخالفه للعضو يستوجب الانذار 20... الحظر المؤقت ...50 الحظر النهائي
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Maawya Hussein)
|
Quote: مثلا وجود تقرير بوجود 10 مشاركات مخالفه للعضو يستوجب الانذار 20... الحظر المؤقت ...50 الحظر النهائي |
اقصد احتساب النقاط من المشاركه المخالفه ..وليس عدد المصوتين لمشاركه واحده ..فاذا اقر بكري ان المشاركة التي نبهه لها الاعضاء مخالفه فتحسب نقطه علي العضو ..
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: محمد يوسف الزين)
|
شكرا وليد وزمراوي ومحمد
Quote: أثني وأرجو من الأخ بكري أيضا أن يفعِّل اللوائح فقد صار المنبر مرتعا لفاحش القول وبذىء الألفاظ حتى فر الناس بدينهم...
|
اظن ان الاداره بيد الاخ بكري وهو ليس متفرغا تماما للمنبر ودائما ما تصله الشكاوي بصفه شخصيه من المقربيين اليه عبر الهاتف واغلبنا لا نحبذ كتابة شكوي عبر الايميل (كسل) لذلك بكري ليس ملما بكل ما يحدث في المنبر ..الاستفادة من خبرة مواقع كبيره ومتقدمه في عالم التكلونوجيا قد تريح بكري في الادارة وتريح الاعضاء في التعامل ..ارسال المخالفات من الاعضاء واحتساب النقاط بطريقه مبتكره واتوماتيكيا قد تساهم في مشاركة الاعضاء ادارة المنبر وقد تبعد عن بكري الكثير من الحرج
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: عبدالوهاب علي الحاج)
|
يا معاوية الكرم الشديد لزومو شنو!!Quote: مثلا وجود تقرير بوجود 10 مشاركات مخالفه للعضو يستوجب الانذار 20... الحظر المؤقت ...50 الحظر النهائي |
وليه نحن ننتظر لحد ما الواحد يتحفنا ب10 و20 مخالفة !!
القصة دى يا معاوية أبسط من البساطة نفسها ياخ كلمة واحدة نابية وقبيحة ومسيئة تكفى إنو صاحبا يعتذر ويلم عفشو ويتخارج هو من نفسو!!!
ليه نقنن لوجود لغة قبيحة وكمان نتسامح بكمية من الفرص !!!!! العيب عيب والغلط غلط إذا عملتو أنا أو عملتو إنت أو غيرنا
والمؤسف فى الموضوع إنو المكان فيه معانا أخوات وأمهات وناس أكبر منا سنا يستحقون أن نظهر لهم بعض الإحترام حتى لو كنا غير محترمين يجب أن يُفرض إحترام المكان على كل الأعضاء فرضا.
كل الأعضاء وكل أنواع السب والشتم والإساءة لأن الإساءآت الصغيرة تقود لإساءآت أكبر وأسوأ,,,ولا ننتظر حتى تصل إلى ما وصلت إليه الآن,,
المصيبة إنو مثل هذه الكلمات بقت ممكن تقراها على صفحات الجرائد اليومية!!!
تحياتى
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Maawya Hussein)
|
بالاضافة لاقتراحك يا معاوية اتمني من الاخ بكري اضافة ايقونات جديدة لتلك التي يظهر بها شكل البوست في المنبر العام والموجودة فوق (اضافة رد ) وذلك باضافة بعض الايقونات الدالة علي حالة الكاتب الذهنية ليسهل للمتداخلين معرفة اتزانه ودرجة وعيه مثال لذلك الايقوانات التي في اسفل يسار الصورة المرفقة باللون الابيض
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Faris Mohamed)
|
أثني وبشدة فكرة عملية وعلمية ممتازة يتبقي فقط هل الـ CGI ممكن يدعم الفكرة؟؟
_ المشكلة التانية انو حتبقي مصدر ازعاج لبكري لانو ناس السياسة ديل عادي المعارضين وهم كتار يعملوا ابيوز ريبورت لناس الحكومة وناس الحكومة كذلك دي في حالات الحشد بالكلكات...مع ملاحظة انو اي زول في اي مداخلة تمشي تعمل كليك ببقي المتابعة صعبة
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: GamarBoBa)
|
اقتراح ممتاذ ومقبول جدا
Quote: تحتوي علي الفاظ او عبارات مرفوضه ومخالفه للعادات والتقاليد وقوانين المنبر |
الناس اكيد متفقه على اتنحطات وسقوط وتفاهه كلمات كالتى ( تزين ) المنبر اليوم فالراىء شنو فى كلمات زى ك ل ب وحمار ورمه .. الخ كالتى ( تزين ) المنبر كل يوم؟
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: يوسف الولى)
|
Quote: المشكلة التانية انو حتبقي مصدر ازعاج لبكري لانو ناس السياسة ديل عادي المعارضين وهم كتار يعملوا ابيوز ريبورت لناس الحكومة وناس الحكومة كذلك دي في حالات الحشد بالكلكات...مع ملاحظة انو اي زول في اي مداخلة تمشي تعمل كليك ببقي المتابعة صعبة |
____
تحياتي يامعاوية وقمر بوبا.
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: GamarBoBa)
|
Quote: _ المشكلة التانية انو حتبقي مصدر ازعاج لبكري لانو ناس السياسة ديل عادي المعارضين وهم كتار يعملوا ابيوز ريبورت لناس الحكومة وناس الحكومة كذلك دي في حالات الحشد بالكلكات...مع ملاحظة انو اي زول في اي مداخلة تمشي تعمل كليك ببقي المتابعة صعبة |
عشان كدا يا قمر بوبا كتبت فوق انو بكري ما يلتفت كتير للتصويت الفردي او التنبيه الفردي ..يعتمد علي عدد التنبيهات الواصله من مشاركه واحده ..وممكن برضو بي مرور الايام بكري يقدر يعرف العضو الغير الجادي (الخاصيه للاعضاء فقط طبعا) البيرسل مخالفات كيديه وممكن تتحسب نقاط عليهو ..انا متاكد لو بكري اتبع نظام النقاط في التعامل مع المخالفات الناس كلها حا تعمل حسابا
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Maawya Hussein)
|
تسلم يا معاوية في الاسكربتات التانية المطورة بواسطة الشركات زي الـ SMF مثلا الريبورت بجيك في الانبوكس وبشكل فردي مسألة انو تقنيا الريبورتات تدي الادمن اليرت مجمع من الاعضاء في مشاركة واحدة اعتقد صعبة
_ ده كله هين والتفكير ده ممتاز..لكن هل الناس ح تستخدم الاقتراح لصالح منبر خالي من السوء ولا حتصفي بيه الحسابات برضو...غايتو الله في
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: طارق جبريل)
|
اقتراح جيد، نتمنى أن يجد طريقه للتنفيذ. سأنتهز هذه الفرصة لأضيف اقتراحين آخرين. واحد له علاقة بالموضوع ... والتاني أبو من غير علاقة : - أتمنى أن يطلق الأخ بكري سراح بعض الكلمات التي تتحول إلى (شلوخ)، بينما هي في واقع الأمر مفردات عادية بريئة. وهي في أغلب الأحيان لم تكن لَتسترعي الانتباه لولا الشلوخ. ومن ذلك كلمات مثل "جبـان" و"تـافه" و"كـلب". هذه كلمات عادية، والأوليان هما صفتان وليستا سباباً في الأصل. تشليخ الكلمة لن يحول دون استخدامها في هذا المنبر، كما أنه يمكن التحايل عليه ... ببساطة . - في الكثير من المنتديات يظهر عنوان البوست في أعلى الصفحة. ليت الأخ بكري يفعّل هذه الخاصية إن كان ذلك بالإمكان، حيث تظهر الآن في رأس كل صفحة أو tab عبارة "المنبر العام لسودانيز أون لاين"، ولا تستطيع معرفة موضوع البوست إلا بعد فتح الصفحة. ----- تُشكر يا معاوية.
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: بكرى ابوبكر)
|
تشكر يا معاويه وتشكرات للاخ بكرى
كمان يا بكرى لو اهتميت بالهلال شويه وهو الذى يدافع وحيدا الآن عن الكره السودانيه فى المحفل الافريقى وذلك بتثبيت بعض البوستات عاليا ووضع شعار الهلال فى اسفل المداخلات بتكون ما قصرت طب > خصوصا ان مشاهدت و مشاركة الرياضين كبيره فى هذا الموقع >>> رغم مرخيتك ولكن من اجل السودان .. ممكن ؟
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Elawad)
|
الاخ بكرى ( بعد ما سيد البوست تجاهل الرد ) كلمات زى حمار وما دل عليها من تركيب ضنب و اضنين كبيره ونحو ذلك و###### وما دل عليها من يهوهو وينبح ويلهث ديل وين بالظبت .. دى ممكن نستخدمهم عادى ولا يعتبرو مشاركه سيئه ضرورى نعرف عشان ما يستخدم السيستم الجديد فى كل كلمه او معنى
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: يوسف الولى)
|
Thanks to all of u Done
____________________________
يا دوب كدا بقينــا شركاء معاك يا بكرى ابو بكر
كل يوم الابواب مشرعة بيننــا كأعضاء وبينــك
بس عليك الله كلام طارق الكوتش دا ارخيهــو / جليهو
اوعــك تعمل لينــا ايقونــة فيها هــلال يا دوب كدا المنبر بيبقـى منحاز 100% لناس المعارضــة
ليك التشكرات كلها يا معاوية ...
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Maawya Hussein)
|
وممكن تزكير بسيط لي وللعضويه بقوانين ولوائح المنبر الملزمه لنا كاعضاء هنا
Quote: ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. 2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده..... 3- لا يجوز سبّ الأديان وكريم المعتقدات، أو إساءة الأنبياء والرسل، وذلك دون الإخلال بحرية الاعتقاد والرأي ودون مصادرة لحرية البحث العلمي وحق الاجتهاد...... 4- يمنع إعادة نشر مواضيع محذوفة سابقا أو مخالفة قوانين المنتدى أو مواضيع تم قفلها من قبل الإدارة ..... 5- يمنع الدعاية لمواقع تخل بإحدى بنود قوانين المنتدى ..... 6-يجب الإشارة إلى حقوق المؤلف والٍملكية الفكرية عند النقل أو الاقتباس وذلك بوضع اسم المؤلف إذا كان معروفا أو وضع نقاط بين قوسين (....) إذا كان المؤلف غير معروف...... 7- لا يجوز استخدام نظام الرسائل الخاصة (الماسنجر) في أي فعل مخالف لأحكام هذه اللائحة او استخدامه فى الدعاية لمواقع اخرى ..... 8- على العضو توجيه ملاحظاته إلى أمين الموقع عند وجود تجاوز من قبل الأعضاء عبر البريد الإلكتروني، ويمنع منعا باتا توجيهها في المنتديات الأخرى 9- يمنع الدعاية التجارية دون أذن مسبق أو الاتفاق مع إعلانات سودانيزاونلاين ..... 10- عدم نقل مواضيع/مداخلة/أيميل/....الخ من شخص غير عضو بالمنبر أو من منبر آخر تشوه/تصور/تدين/....عضوا بالمنبر 11- عدم السماح لشخص غير عضو/ة بالمنبر بأن ينشر/يشارك مستخدما حساب عضو/ة بالمنبر بدون علمه 12- لا يسمح لأي عضو الإعلان عن استقالته بطريقة فيها تشهير بالمنبر أو إدراته أو أعضائه، ويجوز للإدارة سحب العضوية من ذلك الشخص فورا وطلب/موضوع الاستقالة من المنبر فورا. ولكن يجوز لأي شخص أن يعلن بأسلوب هادئ بعيد عن الإثارة عن توقفه أو غيبته لأي سبب من الأسباب .. 13- تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان... تسلم هذه المعلومات فقط للجهة القضائية بخطاب رسمى عند طلبه على أن يكون بالبريد العادى المسجل وليس الكترونيا.. كما يحق للإدارة تجميد/سحب العضوية من العضو/ة فى حالة رفض إعطاء الاسم الكامل والعنوان للجهة القضائية بالنسبة للأعضاء القدامى أو من لا تتوفر معلومات لدى الإدارة عنه. 14- لا يجوز لأي عضو أن يسجل في المنبر الحر بأكثر من اسم أو لقب واحد وتسحب العضوية فورا من كل عضو يثبت اشتراكه أو تسجيله بأكثر من اسم أو لقب 15-على كل عضو مسجل باسم مستعار أن يزود الإدارة باسمه الحقيقي وعنوانه الصحيح إذا طلب منه وأي عضو يمتنع عن ذلك أو يتبين أنه أدلي باسم وعنوان غير صحيحين تسحب منه العضوية فورا 16- يكفل المنبر الحر لكافة الأعضاء حرية التعبير والرأي والبحث العلمي والاجتهاد ومناقشة جميع الأفكار والمواضيع الدينية والفلسفية والسياسية والاجتماعية والاقتصادية والفنية وسائر ضروب العلم والمعرفة، مع ضرورة التزام الأعضاء بالحوار الموضوعي واحترام حق الآخرين في الاختلاف معهم/ن. -17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ. 18- لا يسمح باغراق المنبرالسيرفا بصورة متعمدة برفع مواضيع لعضو معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع 19- سوف يتم سحب عضوية كل من يستخدم الماسنجر فى رسائل تامرية ضد الموقع او اعضائه 20-لن نقوم بـتحديث المكتبة الارشيفية لأى عضو/ة اذا ثبت اخلاله/ا باللوائح اكثر من مرة إذا أعتقدت الإدارة أو كان لديها ما يحملها على الأعتقاد بأنَّ ذلك الشخص يسعى لتدمير الموقع أو الإضرار به. 21- لن نعمل مكتبة ارشيفية لأي عضو/ة اذا تأكد انتهاكه /ا للوائح و قوانين المنبر اكثر من مرة 22- سوف يتم مسح اى بوست للتزكية او ضياع كلمة السر او خلافه فى المنبر العام 23-يمنع منعا بات جمع التبرعات خارج نطاق منظمة الموقع) تنادينا ( او العمل الدعائى لمنظمات اخرى….. 24- لن يحذف اى موضوع بعد تحويله الى الارشيف او المكتبات. 25-اى عنوان ممطوط يودى لفتل البورد سوف يحذف مباشرة
|
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Maawya Hussein)
|
Quote: كمان يا بكرى لو اهتميت بالهلال شويه وهو الذى يدافع وحيدا الآن عن الكره السودانيه فى المحفل الافريقى وذلك بتثبيت بعض البوستات عاليا ووضع شعار الهلال فى اسفل المداخلات بتكون ما قصرت طب > خصوصا ان مشاهدت و مشاركة الرياضين كبيره فى هذا الموقع >>> رغم مرخيتك ولكن من اجل السودان .. ممكن ؟ |
هسع الدخل الهلال هنا شنو ياكوتش يعنى داير بكرى يعمل ليكن معسكر فى امريكا ولا يمشى يبقا ليكن حكم فى تونس
والله يامعاوية ديل لو عملوا ليهم FBI ماينفع معاهن.
اها يا ود الصايم لقيتنى كيف ? لزيز ولا مالزيز يلزوك فى نهر عطبرة بى جنب نادى الأمل.
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: عبدالعزيز الفاضلابى)
|
تعرف يا معاوية الاقتراح مافي شك انو شيء جميل لكن المشكلة انو حسب الانا شايفو البورد بتتفشى فيهو حكاية المجموعات ودي عندها كم شكل منها الميول السياسي ..والوجود في منطقة واحدة والقبيلة والجيرة ...وووووووو ... اها حاجة زي اقتراحك دة والقام سيد الحوش بتنفيذو اخشى ان يتحول لاداة ضغط في ايدي المجموعات دي يعني واحد يعمل مداخلة والتاني ماعجبتو وهو اصلا لابد لصاحبها يدور تلفوناتو الحقونا بabuse لفلان في البوست الفلاني ويقومو يعملوها دون قراءة المشاركة حتى صدقني لو في عيب في سودنيز اون لاين ده فهي حكاية المجموعات دي تحياتي وخوفي من انحراف ال abuse
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: جمال الباقر)
|
سلام ياجمال الباقر ...اسهل الناس تتكتل في عملية تصويت (بعيده عن اعين القراء) ولا الاسهل تتكتل وتفتح بوستات جديده (شجب وتضامن ونبذ من جديد) لمشاركة مخالفه ؟ الحاصل حاليا في المنبر انو من مشاركه واحده مخالفه من عضو ممكن الناس تفترع 3 او 4 بوستات فيها البيشجب والبدين البايد والبنبه بكري والبستغفر ودي كلها بي سبب التكتلات الشلليات وكل مجموعه شايفه انو هي علي حق .
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Maawya Hussein)
|
Quote: سلام ياجمال الباقر ...اسهل الناس تتكتل في عملية تصويت (بعيده عن اعين القراء) ولا الاسهل تتكتل وتفتح بوستات جديده |
معاوية لا هذا ولا ذاك
وده بقودنا للسؤال التالي : - مالفائدة اذا؟؟؟؟؟
Quote: وكل مجموعه شايفه انو هي علي حق |
هنا مربط الفرس
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: جمال الباقر)
|
شكرآ لمعاوية وللريس ولكم أجمعين على تثنية الإقتراح الجميل
يا ريت لو كمان أضيفت ايقونة المنبر العام بجانب abuse لترجعك بسهولة من نهاية بوست للمنبر العام، بدون لفة طويلة !
وأيضآ ايقونة إقتراح بجانب ايقونات الوشوش الضاحكة دي
تسلموا ..
| |
|
|
|
|
|
|
Re: اقتراح للاخ بكري (تقرير بمشاركه سيئه) (Re: Hadeer Alzain)
|
Quote: يا ريت لو كمان أضيفت ايقونة المنبر العام بجانب abuse لترجعك بسهولة من نهاية بوست للمنبر العام، بدون لفة طويلة !
وأيضآ ايقونة إقتراح بجانب ايقونات الوشوش الضاحكة دي |
شكراً معاوية و شكراً بكري
إقتراح هدير دا برضو مهم و الله لأنو البوستات اللي فيها مشاركات كتيرة فعلاً محتاجة لي عمل أيقونة الرجوع للمنبر العام
أتمنى يستمر الجميع في إزعاج بكري بي أفكار زي دي بدل الشكل الحاصل كل يوم دا
تحياتي
| |
|
|
|
|
|
|
|