|
|
|
 Re: رااااااااااااااااااااجي ريحتني ياخ الله يريّحك دنيا وآخرة (Re: keiga2000)
|
والله يا امير الريحك حارس الموردة
لأن هذه الكرة لا تدخل فى حارس روابط
كرة سهلة مرت بين يدى حارس قطعا لا يعرف شيئا عن حراسة المرمى
بصراحة يا امير مستوى المريخ يهدد بقيلم رعب قادم
هذا الفريق لا يشبه المريخ ابدا ومن حظ المريخ اليوم ان خرج فائزا بهدية من حارس مرمى الموردة
والله انا الهلالابى ده لو بأيدى اشطب على الاقل 7 من لعيبة المريخ اليوم لأنهم لا يستحقون تمثيل هذا الفريق العظيم
| |
  
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: هشام المجمر)
|
Quote: والله يا امير الريحك حارس الموردة
لأن هذه الكرة لا تدخل فى حارس روابط |
لالالا يا هشام يااخي ما تبخس الولد مجهودو وحرفنتو
ياخي اي زول كان متخيلو يلعب لي برة
الهدف حلو يا هشام وحا نهتف راجي لعاب يا هلالاب قريباً
| Quote: هذا الفريق لا يشبه المريخ ابدا ومن حظ المريخ اليوم ان خرج فائزا بهدية من حارس مرمى الموردة |
المريخ اغتقد هيبتو الهجومية الاشتهر بيها على مر الاجيال ودي خلت في شفقة ومحاولة تحمل مسؤولية اكبر من اللاعبين لتعويض فقدانهم
لخط هجومهم بالكامل ولظروف مختلفة .
ان شاء الله يتعافى المصابين ويدعم خط الهجوم بمهاجم من طراز مميز الوعد كاس ابطال افريقيا القادم ان شاء الله .
سلمت يا مجمر
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: خالد درق)
|
Quote: الاخ / امير .. سلام
والله راجى ريحنا كلنا الله بديها العافية
ولكن الكبير كبير ..
تحياتى .. |
الحبيب خالد درق
تحياتي
ياخي والله راجي بااالغ معانا وادانا بالزيادة
وحاتك لمن الكورة دي دخلت الشبكة جريت اعاين وراء التلفزيون قلت امكن القى لي حتة ادخل بيها للولد ده .. ياخي ده فكانا من جنس هاجس ..
المريخ كبير وراجي كبير ولعاب يا هلالاب .
تسلم يا خالد وسلم لي على ود عمي عمر محمدالحسن القردابي
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: امير عوض الجمري)
|
ابن عمي الحبيب / لك التحية
والله الشوق بحوووووووووووووووووووور .... كيفك وكيف ام عثمان والشباب الحلوين ....
ههههههههههههههههههههههههههههههههههههههههههه
ياخي انا مبسوووووووووووط جنس بسطة بالزنقة دي .... كانوا معاي مريخاب بحضرو في الكورة العجبني في الزنقة واحد حكه راس التاني .. بالله شفت زنقة زي دي
وراجي ده كان راجي الري من بداية الكورة ... قال راجي قال
الموردة حضارة ...هههههههههههههههههههههههه
تحياااااااااااااااااااااااااااااااااااااااتي .. ونلتقي
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: معتصم الجمري)
|
حبينا الجمرى يا صفوة ، امس المريخ كان ذى الزفت بفضل المدرب كروجر ، هذا الرجل وضع هنو فى مباراة وهو بعيد تماما عن الاجواء ، و تاخر فى دخول قلق ، لا ارى مبررا امس لخروج النفطى لانه كان مصدر الخطوره امس ، مالم يفرج كروجر عن لاسانا و مرابط وبن ضيف الله ، سوف نتعذب فى باقى المباريات . فعلا الهدف جميل بس حارس المرمى فعلا كان عايش فى دور ان الكوره سوف تعكس . القراقير امس ماتوا من شدة الغضب لان هزيمة المريخ بتحرقهم شديد ، يستاهلوا اكثر من كده .
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: ALGARADABI)
|
ابن عمي العزيز عمر محمد الحسن القردابي الشهير بـ (القرضابي)
تحياتي واشواقي يا رشاشة
Quote: والله حالتكم تحنن
خالد درق كان قاعد جنبي والله حنيت عليهو
لا تعرفو غمران لا تعرفو ميت
غايتو
هنيئاً لنا بخماسية في شباك طفل الحجارة
وكمل كمل يا هناي |
والله انا نفسي نلاقيكم في الايام دي يا عمر خاصة بعد مباراة الصفااااقسي
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: إدريس البدري)
|
امير الجمري ... سلامات
| Quote: والله اتزنقت لي جنس زنقة |
تخيل لم اشاهد المباراة
ولكن حسب الاهداف التي شاهدتها هنا
الاول جميل وصعب دخولة
والثاني الحارس يظهر بقبض في طير يعني كان ممكن تعادل المباراة
ولكن عندي ود عمتي موردابي متعصب في حالات زي
يكورك ويقول ديل اولاد باطلين .
مع الهلال لو جدعوا ليهم شرباتهم في الميدان يهزمونهم .
.
.
اين هيبة المريخ وشراسة هجومة
زيكو والدحيش ودحدوح وقاقارين وقلة وسانتو والمرحوم ايدهور
تعرف زمان كنا لا نشيل هم لمباريات الهلال وهذا ليس لضعفهم
ولكن يلعبون كرة باردة وجميلة ويعطونك فرصة ان تقاسمهم اللعب
ولكن المريخ عكس ذلك ارهاب داخل الميدان شراسة نسور وذئاب جائعة
الى ان تنتهي المباراة تكون مافهمت حاجة
إلا تاني يوم تسأل الناس امبارح الحصل شنو
----------------------------
شايف صاحبي قريبك فرحان ( عالم شماته )
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: وليد عبد اللطيف)
|
ولي يا ولي
سلامات يا غالي
Quote: تخيل لم اشاهد المباراة
ولكن حسب الاهداف التي شاهدتها هنا
الاول جميل وصعب دخولة
والثاني الحارس يظهر بقبض في طير يعني كان ممكن تعادل المباراة |
القون الاول جميل جدا والتمريرة ولا احلى من نجم الدين وياسر اتعامل مع الكورة بطريقة حلوة، لكن برضو كان قون درون ودرون مع موردة الزمن ده صراحة اكعب من الهزيمة .
اما قون راجي ففعلا لو انت ما حاضر الكورة وشفت بس لقطة القون بتقول كلامك ده لكن حرارة الكورة والضغط وراجي الشوط الاول كان تركيزو اقل بس الشوط اجتهد وفعلا كان عايز يضرب القراقير عشان كده
مع حماسو الزايد والنفس الحاروالدقيقة 43 ويتصرف كده وكمان قون غلب يااااخي ده كان روعة الروعة
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: tmbis)
|
Quote: والله يا امير الجمري تعجبني صراحتك
اقوليك حاجة ..
انا الدامك دا اتزنقته خليكم إنتو |
تامبا العريس
والله بالجد انا اتزنقت وشت الكرسي والتربيزة وشاكلت شفعي
لكن بالجد والله راااااجي ريحني راحة عجيبة ..
ياخ تعرف انا قاعد وكل دقيقة اتخيل لي واحد فيكم
مرة تجيني انت مرة عمر الفاروق مرة الكوتش مرة معتصم دفع الله مرة جمال السنوسي مرة المجمر
مرة ود البشرى مرة وليد عبد اللطيف مرة بيكاب مرة الخ الخ غايتو كل هلالاب المنبر جو في بااالي
ومعاهم شهاب الجمري اخوي الصغيّر ... بس اووول ما رجاريجو الحلو جاب لي القون التحفة القون السينما
كلللللللللللللللللللللللللكم اتبخرتو يا جبناء ما عارفكم مشيتو وين حتى في الخيال تزوغوا.
| |
|
|
|
|
|
|
|
|
 Re: رااااااااااااااااااااجي ريحتني ياخ الله يريّحك دنيا وآخرة (Re: امير عوض الجمري)
|
Quote: مرة تجيني انت مرة عمر الفاروق مرة الكوتش مرة معتصم دفع الله مرة جمال السنوسي مرة المجمر
مرة ود البشرى مرة وليد عبد اللطيف مرة بيكاب مرة الخ الخ غايتو كل هلالاب المنبر جو في بااالي
ومعاهم شهاب الجمري اخوي الصغيّر ... |
والله يا أمير انا مقدر ظروفك دي شديد والحالة الكنت فيها امس ..
لكن اديك سـر لاول مرة اذيعـو ..
عارف لو أمس كان الاولاد ديل بس كربو بطنم التمنية دقايق دي وثبتو المسمار دا كويس ..؟ 
والله يا أمير الصباح ما كان رجيتكم ليهو .. كان بعمل ليكم يوم مفتوح عديل كدا
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: tmbis)
|
Quote: عارف لو أمس كان الاولاد ديل بس كربو بطنم التمنية دقايق دي وثبتو المسمار دا كويس ..؟
والله يا أمير الصباح ما كان رجيتكم ليهو .. كان بعمل ليكم يوم مفتوح عديل كدا |
تمبس!!
انت حا تقول لي !! ياخ انا ما عارفكم وعارف لسانكم والله انا كنت خايف من جنس ده اكتر من انه الدوري يطير ..
ياخي نحن وصلنا نهائي الكونفدرالية 2007 قلتو دي بطولة جعرانية بطولة جوعى بطولة حمام ميت ..
اسي انتو فيها بتقولوا وصلنا دور الاربعة (الكبار) انتو ما بتتقدروا ياخي (فلسان وطويل لسان) (لابس صديري و.......)
لا حولالالالالالالالالا منكم انتو .
ما عارفكم نحن السنة الجاية لمن نشيل بطولة رابطة الابطال
ونمثل افريقيا في كاس العالم للاندية حا تقولوا عليها شنو!..... مش اينرامو جايلنا وكليتشي اتعالج ! (وش فيهو حاجب مرفوع والتاني نازل)
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: عبدالله كع)
|
Quote: وحاة النبي تقابلونا بالجنائز ديل تترشو قبل المباراة بي اسبوع
بالله كترو لينا من نوعية الشغيل دي ... |
والله يا عبد الله اكتر حاجة متمنيها انو نقابل الهلال اليومين ديل عشان نقتس حجركم
طبعا مريخ هلال دي بالمناسبة هي البتنعوش بالفريق .. زيكم بالظبط يعني لو ما هزيمة
الهلال للمريخ في الدورة الاولى كان كاريكا اسي معار لفريق مسيكتاب حق ناس عوض كمبا داك
وكان ابو الهل ذاتو معار لفريق نهضة ام ضريوة .
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: الحاج حمد الحاج)
|
| Quote: راجي لاعب موهوب و صاحب امكانيات كبيرة..استطاع أن يخدع حارس المرمى بل و كل من شاهد المباراة كان يعتقد ان راجي سوف يعكس الكورة. |
راجي فناااااااااااااان يا حاج حمد الله يحفظو من عيون الجماعة (عينم حااارة ياخ لحقت حتى وارغو )
| Quote: سفاري رغم أنه استعاد مستواه لكن لسع عندو جلطات..موسى الزومة مرض الله يمرضو. |
الجماعة ديل ما ننشر ليهم غسيلنا كده هنا خلينا ماسينجرات
سفااااري تمااام وكان شايل دفاع المنتخب وموسى داير شوييييية تركيز .
عندي ود عمي وصحبي بكري محمد الحسن اخو عمر (القرضابي)
مريخابي ما عندو حاجة اسمها ممكن المريخ يكةن كعب ولا الهلال ممكن يكون كويس
وعنده كاسروكا احسن من طارق احمد ادم
.. لكن بيني بينك لقيت معاهو حق .
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: معتصم الجمري)
|
اوووووووووووه معتصم توموشيك
والله الشوق مطر ياخي وعليك الله اخبار هيلاري شنو؟
والوليدات وامهم ان شاء الله تمام .
| Quote: ياخي انا مبسوووووووووووط جنس بسطة بالزنقة دي |
والله يا التوم اتعصرت عصرة وشاكلت لمى وعوض جنس شكل لكن بعد الكورة مشيت جبت ليهم
حلاوة حربة حمرااااااااء وميرندا برضو حمراااااااااااء
| Quote: كانوا معاي مريخاب بحضرو في الكورة العجبني في الزنقة واحد حكه راس التاني |
ههههههههههها بركة هو اللقى واحد جنبو يحك راسو انا كان ياكلني راسي احك ركبتي .. لكن رجرج ريحني.
| Quote: وراجي ده كان راجي الري من بداية الكورة |
لكن ما شفت سيد محمد صالح كوتش الموردة كان لاعب كيف !!! الغريبة يتغلبو من هلال كادقلي (هم والهلال)
اشواقي شديدة سلم على العيال وامهم كتير
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: امير عوض الجمري)
|
والله يا امير الجمري الكورة مابتدي حريف بقيت تجشع راجي وموسي الزومة وبله جابر
يا حليل زمنكموزمن عادل شاويش قول لعثمان ولدك بدل اديني الزمن ده
الزمن ده الكورة فيها قروش لكن مافي لاعب يمل العين عكس زمان في لاعب لكن مافي ماده
زمان يقولوا ليك فلان ده بيخرب كورنا يعني العشرة بيكون كويسين واحد بس الكعب فيهم
لكن الزمن ده بيقولوا ليك فلان بيصلح كورنا يعني العشره الباقين هبوب
عشان كده يا ود العم احسن ليك ناس ميسي اناساك من وجع القلب والضغط والهلال الفرحانين
بيه ده حدو هنا طالما ناس عم هدايا قاعدين( مساوي والمعز )
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: خالد أميقو)
|
كعاكيعو
سلامات
Quote: قون امبارح بدايه النهايه .....
وعم قريب حانسمع بيهو في جزيرة الفيل !! |
كان الله كفاهو شر عيونكم يا رشاشات ما بتجيهو عوجة وحا يكون مهاجم السودان الاول في غينيا وحا اذكرك كان الله ادانا عمر
Quote: وزي مقال خليل رضي الله عنه
فعلا انكم محلين لدرجه محليه سوق العشرة زاتو .. والدليل علي محليتكم
فيصل العجب لسه بتشاكل مع شفع المورده |
كدي النشوف المحلي الداخل عطبرة ده حا يسوي شنو؟
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: خالد أميقو)
|
Quote: والله يا امير الجمري الكورة مابتدي حريف بقيت تجشع راجي وموسي الزومة وبله جابر
يا حليل زمنكموزمن عادل شاويش قول لعثمان ولدك بدل اديني الزمن ده |
هي يا اميقو ما ياهو حال الدنيا عاد .. اهو ده طارق احمد ادم واقف في الخط وبشجع اسامة التعاون وهي كان بتدي حريف
كنت انت اتكسرت في الاسبوع التالت للدوري ال ممتاز وانت نجم التلاتة اسابيع والكسرة الياها!!!
Quote: والهلال الفرحانين
بيه ده حدو هنا طالما ناس عم هدايا قاعدين( مساوي والمعز ) |
احييييييييييييي يا مقة الله يجيب اليوم ده .
على فكرة يا شباب خالد اميقو هلالابي بس عاقل وبيعرف كويييييس
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: الطيب شيقوق)
|
Quote: انت يا سجم الرماد
بالحيل افتقدناك ومشتاقين ليك يا خائب الرجاء |
اووووووووووووووووووووووووووووووووووووووووووووووووه شقاشيقو والله الشوق حاشينا حشي وينك يا لذيذ
عليك النبي امبارح راجي ده ما ريحك زي ما ريحني كدي .. خلينا على اتصال ياخي وادينا شوية من وقتك المديهو كلللو للطباخين ده
تعال شوية بي هنا مكان العقد ووضرب الرصاص .. هههههههههها
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: امير عوض الجمري)
|
Quote: والله يا امير الجمري الكورة مابتدي حريف بقيت تجشع راجي وموسي الزومة وبله جابر
يا حليل زمنكموزمن عادل شاويش( أحرف ســوداني) قول لعثمان ولدك بدل اديني الزمن ده
|
أحرف سوداني دي من عندي أنا ويشهد عليها كل من شاهد عادل شاويش
مشتاقييين ياجمــــري
فعلا العربي خالد بعرف كوره وكوييسس جدا , بالله الناس الفوق ديل ما حيــــرووا الهلال والنجوم الدوليين
لمن كانو فعلا نجوم دولييون.
المدرب سيد محمد صالح مدرب شاطر خلق من القرقور شربات
بصمته ظهرت
كروجر تعامل بعقلية مدربي الروابط
خرمجته كادت تمسخ الدوري
أنا في رأي الضعيف هدف الديبة أجمل وأصعب , وجاء بطريقة أوربية
تسلم ياحبيب
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: معتصم عبدالرحيم)
|
معتصم العربي كيف اخبارك ووليداتك ياخي عساكم طيبيم
Quote: المدرب سيد محمد صالح مدرب شاطر خلق من القرقور شربات
بصمته ظهرت |
شطارة شنو وبصمة شنو دي اجتهادات لاعبين ساكت .. وسيد ده منظراتي ليس الا وصدقت امبارح بالصدفة معاه وبرضو اخد على راسو.. واسي شوفو في كورة
جاية للقراقير حا يترشّا
| Quote: أنا في رأي الضعيف هدف الديبة أجمل وأصعب , وجاء بطريقة أوربية |
هدف الديبة فعلا احلى بس الفرحة بي هدف راجي كانت اكبر لانه هدف فوز وجاء في زمن صعب ورجعنا للمنافسة لانو لو المباراة انتهت تعادل كان بنسبة 90 في المية الدوري اتحسم .
| |
|
|
|
|
|
|
|
|
|
Re: رااااااااااااااااااااجي ريحتني ياخ الله يريّحك دنيا وآخرة (Re: امير عوض الجمري)
|
الكلام التحت ده منقول من عمود حسن محجوب في الصدى
Quote: أغلى ثلاث نقاط انتزعها المريخ عنوة واقتداراً من براثن فرقة القراقير العنيدة.
لمحيرني الموردة جات لابسة أبيض!!
قلت ليكم يتأقزموا أمام الهلال ويستأسدوا أمام المريخ.
طاخ الديبة، طاخ راجي.. في التنك وإن تايم
انتصار بطلوع الروح لكنه رائع وجميل.
النصيحة ليك يالله حلقي نشف وكرعي خدرن.. |
والله كلنا كرعينا خدرن يا حسن
| |
|
|
|
|
|
|
| |
امير عوض الجمري
keiga2000
هشام المجمر
شهاب الفاتح عثمان
haroon diyab
هجو الأقرع
ALGARADABI
Sayed Bekab
الحاج حمد الحاج
عبدالله كع
tmbis
إدريس البدري
وليد عبد اللطيف
khaleel
خالد أميقو
الطيب شيقوق
معتصم عبدالرحيم
فيس بوك
تويتر
انستقرام
يوتيوب
بنتيريست