|
|
 تعليقات طريفة وقوية لدعوة وزير المالية للسودانيين بالتقشف والعودة لـ«الكسرة» و«العواسة»
|
الأخبار ( http://arabic-media.com/newspapers/sudan/alsahafa.htm )
دعا السودانيين إلى التقشف بالعودة لـ«الكسرة» و«العواسة»
وزير المالية: سنفقد 70% من نصيبنا في احتياطي النفط حال الانفصال
الخرطوم:واشنطن:وكالات: أقر وزير المالية، علي محمود، بأن الشمال سيفقد «70%» من احتياطي النفط الحالي،و50% من عائداته اذا قرر الجنوب الانفصال.
وقال محمود في حوار مع «الشرق الأوسط»، في واشنطن، خلال زيارته لحضور الدورة السنوية لاجتماعات البنك الدولي، إن «البنك لأول مرة منذ سنوات كثيرة أبدى (مشاعر إيجابية) نحو السودان. وذلك بسبب مبادرات أميركية هي الأولى من نوعها. وإن البنك الدولي وعد بمناقشة تقديم مساعدات إلى كل السودان، وليس فقط الجنوب، وبمناقشة ديون السودان الخارجية التي وصلت إلى قرابة الأربعين مليار دولار، حسب أرقام صندوق النقد العالمي».
وكشف الوزير عن اتفاق على عقد سلسلة مؤتمرات «مائدة مستديرة» لتقديم مساعدات للسودان، ولدراسة ديون السودان الخارجية،مبيناً ان اولى حلقات المائدة المستديرة عقدت وفيها اعترفت نائبة رئيس البنك للشؤون الأفريقية، أوبياغلي إزيكواسيل، من نيجيريا، بأنه ليس الجنوب وحده الذي يحتاج إلى مساعدة البنك، ولكن الشمال أيضا،وقال انه سيعقد قريبا مؤتمر «مائدة مستديرة» وورش عمل لدراسة مشاريع التنمية في السودان كله وليس الجنوب فقط، وسيكون على أعلى المستويات،بمشاركة دول ومؤسسات استثمارية كبيرة.
وأكد الوزير ان ديون السودان الخارجية ستناقش ايضاً في «مؤتمر مائدة مستديرة» قادم، مشيراً الى ان نائبة رئيس البنك وصفت مسألة الديون بأنها «موضوع صعب»، لكنها قالت إنه يهم كل الشعب السوداني، شماليين وجنوبيين، بصرف النظر عن التطورات السياسية داخل السودان، وعن انفصال الجنوب أو عدم انفصاله.
وحول الدور الأميركي في تحسين علاقة السودان بالبنك،اوضح الوزير ان المندوب الأميركي في البنك الدولي قدم مبادرات لدفع التعاون مع السودان،»ونحن نعتقد أن الحكومة الأميركية اقتنعت، اخيرا، بأن الحكومة ملتزمة بتنفيذ اتفاقية السلام ،بل إنها نفذت كل بنودها،وأكثر مما نفذ الجنوب، ولم يتبق غير بند الاستفتاء».
وأقر محمود بأن الشمال سيفقد «70»% من نصيبه في احتياطي النفط، و50% من عائدات النفط، مشيراً الى ان وزارته قامت بإعلان سياسات تخفيض الواردات وزيادة الضرائب الجمركية وترشيد الصرف الحكومي،لمواجهة ذلك.
وقال الوزير انه» تحدث إلى الشعب السوداني عن أهمية العودة إلى منتوجاتنا المحلية، إلى الذرة والدخن، وعواسة الكسرة «. بعد أن ارتفعت فاتورة الاستيراد إلى 9 مليارات دولار في العام الماضي منها مليارا دولار للقمح.
( تعليق: 28)
التعليقات
2010-10-17 14:35:07،بواسطة:abosowha nasr el din
ا لمعذرة يا سيادة الوزير لاينبغى ان نبكى على الاطلال وكما قيل فان جهيزةقطعت قول كل خطيب فانتم طول العشرون ستة الماضية تاخذون الجبايات والاتاوات من المغتربين والمزارعين الغلابة دعما لمشاريع البترول فى الجنوب ودعما للحرب التى قطعتم انها لن تنتهى الا بتحرير اخر شبر من ايدى التمرد ودفعتم بالشباب الى حرب نتائجها الخضوع والاذعان للقرار الامريكى الذى ادى دوره ببراعة فى هندسةقررات نيفاشا والتى اوصلت ببراعة ايضا حكومة الخرطوم الى النفق المظلم حق تقرير المصير الذى ااظن ان لوردات الحركة لم يصدقوا ان الوطنى منحهم ما وعدتهم امريكا واظن ان الوطنى سوف يضيف الى تشكيلة مائدة التقشف اناشيد واهازيج ساحات الفداء وكلمة اخيرة ياسيادة الوزير نحنا رضينا بالكسرة انتو بتسوو زينا فكرك ولا العواسة بتاعتكم عواسة عصر العولمة
2010-10-17 14:33:36،بواسطة:على القمش
بشركم الله بالخير كلام مجانين يعنى القروش الشلتوها وحولتوها بره والعمارات والفلل والعربات الفارهه الركبنها انتو واسيادكم وخدمكم عاوزين الشعب يدفعها ممكن لكن من وين يعنى ياوزير عاوز الشعب ياكل كسره عشان يوفر يدفع ليكم الديون بتاعتكم والله حكم وجنون
2010-10-17 13:55:47،بواسطة:Sid Ahmed
والله كراعك بارده ووشك علينا سمح طيرت قروش البترول وبشرتنا بالخير وسوف نربط البطون هذا لو صار لنا بطون وسنأكل مما نزرع ونلبس مما نصنع ومن وراء هذا الشعار شربنا هوي ومبروك عليكم بيع مشروع الجزيره وماعارف الكسره نتحصلها من وين وإضافه لكلامك أحسن نتوصل بالحمير بدل اللاندكروزرات المهم مقدور علينا ولكن البكاء فيكم ... والله المستعان
2010-10-17 13:52:11،بواسطة:makky
الله يخرب بيت شياطينكم انت عايش وين درست وين اصحي الكسرة بدل البسكويت مع شاي الصباح اذا وجد
2010-10-17 13:39:10،بواسطة:Ali Bedawi
كلام في غاية الغرابة من رجل مسئول عن مالية البلد واقتصادها وكل الذي عنده نصيحة للشعب بأن يرجعوا لعواسة الكسرة فهذا هو الحل الذي يملكه 00طيب السوال هو لماذا انت مسافر لتعقد اجتماعات مع صندوق النقد والبنك الدولي ومكلف الدولة دولارات سفر وسكن واعاشة ومصاريف 0 السوال الثاني هل الشعب هو الذي يرغب في الانفصال أم بعض الشرذمة الحاقدة حتى يكتوي الشعب بأجمعه من ويلات الانفصال ياجماعة هل لم يكن فيكم رجل رشيد ونكرر هذا السوال 1000 مرة
2010-10-17 13:31:20،بواسطة:طارق
اتذكر اذ لحافك جلد شات**واذ نعلاك من جلد البعير فسبحان الذى اعطاك ملكا**وعلمك الجلوس على السرير الظاهر انو الوزير نسى حاجات كتيرة.ومصارينو بقوا بيوض لانو اليوم تكلفة عواسة طبق كسرة ليوم واحد اكثر بكثير من شراء خبز ليومين كاملين عشان اقول ليكم ان هولاء بعيدين كل البعد عن الشعب و همومه.شتان ما بين عمر وعمر رض.اتامرون الناس بابر و تنسون انفسكم.
2010-10-17 13:29:34،بواسطة:الحافي
الانفصال واقع لا محال وتطبيل كير وزمرتة للانفصال سابحين عكس التيار لايبشر بخير لاللشمال ولا الجنوب .وعلينا ان لاندفن روْسنا فى الرمال.وعلى الاقتصادين واصحاب الاقتصاد ان يجدوا الحلول السريعة كي لا تحدث فجوات فى شتى المجالات.وهذا جزائنا من الاخوة الجنوبيين الذين ظللنا نقاسمهم لقمة العيش اكتر من 50عاما وفى اقل من 5 اْعوام ظهر البترول فاداروا لنا ظهورهم.فاليزهبوا غير ماسوف عليهم ان ارادو ذالك...وعلينا بتوحيد الواحد الاحد لانة هو المتكفل برزقنا بعد عمل الاسباب
2010-10-17 13:24:13،بواسطة:سوداني بياكل كسرة من زمان
ههههههههههههههههههههههههههههههاااااااااااااااااااي والله يا سعادة الوزير الفيكم اتعرفت , انت من المفترض تقول لناس حكومتك بعد كدة ناكل كسرة لكن ما تقول لينا نحن الشعب السوداني لاننا نحن يومي بناكل كسرة وعصيدة وقراصة وفي بعض اخواننا مالاقين الكسرة زاتها -----انت دابك اتذكرت الكسرة والله عيب عليك --
2010-10-17 13:23:41،بواسطة:Ismail
حللت الماء بالماء يا راجل ،الجبايات ما غطت معاكم رجعتو تخاطبو الشعب بنصاىح الحبو بات
2010-10-17 13:17:03،بواسطة:ABUSIDIQ
IT IS VERY EASY FOR US TO COME FOR OUR NATIONAL NATIVE FOOD IF IT IS AVAILABLE BUT MORE IMPORTANT OUR LEADERS HAVE TO PUT GOOD EXAMPLE WE WILL FOLLOW.
2010-10-17 12:57:39،بواسطة:baha bashir
كلام غير مسئول وغير منطقي يبرهن علي عشوائيه في التفكير والتخطيط اين خططكم الربع قرنيه اين مشاريعكم بل اين ارصدتكم الخارجيه كان الله في عوننا فهو حسبنا ونعم الوكيل
2010-10-17 12:56:42،بواسطة:عبد الجليل الر
كلام متناقض وغير مسؤل من وزير لمالية السودان انت قلت قبل كده لاتأثير كبير علي الشمال ووضعنا حزمة تدابير وهناك بدايل لسد النقص في الميزانيه واليوم تطلع علينا بي تصريحاتك المخجله دي بعدين الانفصال ده قرار سياسي نحنا زنبنا شنو وين دوركم يا وزير الماليه ومين قالك الشعب السوداني خلا اكل الكسره ؟يا سيدي 70% من الشعب السوداني بياكل كسره اصح يا بريش
2010-10-17 12:53:30،بواسطة:ابو القاسم ادم
ياربى الكسرة دى مملحة ولا قروض
2010-10-17 12:53:04،بواسطة:السودانى. الإمارات
قال كسره يعنى الواحد فى ظل الظروف الحاليه دى مافيش مشكله لو خمر عيش الحكايه قلبت ياوزير زمان نحن فى عز القراصه والعصيده وعالم البتوجازات أخر نقنقعه والجنوبيين الواحد فيهم من الصباح راس مالو كورة عجين مخمره بالبلدى تنمباره ومغبى 48 ساعه ( الحكايه بقت علينا نحن زاتو وربنا يقدرنا على كورة العجين المخمر ويكفينا شر المبيت فى الصقيعه وودعناكم الله إنشاء الله عيش السنه الجايه تشربوا عافيه...
2010-10-17 12:38:55،بواسطة:azium sadabi
نحن كشعب ادمنا الرجوع للماضى والتكيف معه حتى اقتربنا من ان نعيش مع اهل الكهف لكن السؤال المطروح هل يسطيع هذا الوزير وبقية العقد الفريد من حكامنا التعايش مع الكسره واكل السخينه ودفع ايجار البيت وركوب مواصلات ابورجيله وترك العز والجاه وحوافز السفر والاجتماعات##########
2010-10-17 12:38:53،بواسطة:امين الشريف
ديون السودان قاربت الاربعين مليار دولار وسيفقد السودان 70% من احتياطي النفط و 50% من عائداته والسياسات المبشرة في الايام القادمات في ظل هذه الظروف زيادة الضرائب الجمركية على الواردات وهذا عادي جداً في ظل النظام (الاسلامي) اما الغير عادي ومن الصعب تنفيذه هو ماصرح به الوزير بترشيد الصرف الحكومي ونسأل سعادة الوزير كم من المبالغ رصدتم لمواجهة الحرب المقبلة ومن اين ستأتي ميزانية الحرب القادمة التي ستكون اشرس من سابقتها لتطور القوة العسكرية الجنوبية والتي ينبغي مقابلتها بقوة ايضاً متطورة يصرف عليها من دم هذا الشعب الذي لم يتبقى فيه ولا قطرة واحدة اسأله جل في علاه ان يزيل كل حاكم ظالم في وجه الدنيا وفي سوداننا خاصة .
2010-10-17 12:38:41،بواسطة:سيف احمد
يا عالم الموارد الطبيعية الموجودة فى السودان الشمالى تغنى عن البترول ،بطلوا النواح على البترول الجنوبى واشتغلوا ،فقط اعملوا بضمائر مخلصة .
2010-10-17 12:33:30،بواسطة:صادق صديق
وينه الكسرة ذاتها يا وزير المالية، ناس المؤتمر ديل دخلونا في جحر ضب إلا نأكل الضب ذاته بعد دا والله لينا. صادق ود الصديق
2010-10-17 12:27:51،بواسطة:محمد على
نيف وعشرون سنة ونأكل مما نزرع واليوم تعودوا بهذا الحديث دون خجل لقد أضعتم من عمر الشعب السوداني الكثير وربنا سائلكم يوم الوقوف العظيم .. قال نعود لعواسة الكسرة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! خليتوا فيها كسرة لقد وقفت كل المشاريع الزراعية نتيجة سياساتكم .. ارجعونا مكان كنا في 1989 هل تستطيعون ؟؟؟؟؟؟؟
2010-10-17 12:27:27،بواسطة:sud
هنا يظهر الفرق في اداره موارد البلاد واكاد اجزم انه لا توجد موارد للبلاد مستغله غير ما في يد المواطن نداء للحكومه بافراغ الدوائر الحكوميه وتقليل الاجراءات وتسيطها حد التبسيط وتامين الصحه بتامينها ودعم الكتاب المدرسي ومد الطرق المطابقه للمقاييس ما وجد سبيلا وتخطيط البلد ما امكن نظريا وتوفير الماء والكهرباء مقابل رسوووم باهظه لا يهم المهم توفيرها دائما لانها تساعد علي الاستقرار وجلب الاستثمار وترك المزارع وارضه يفعل بها ما يشاء ورفع كافة القيود عن المنتجات الزراعيه والرعويه وفتح ميناء بورسودان مقابل رسوم مناسبه ثابته لا تتغير بتغير الوزراء واستغلال بورتسودان كمدخل لافريقيا ... وجعل وزارة العمل الضابط الرثييسي للعقود بين العامل والشركه وتحديد الحد الادني للرواتب وبدلات السكن والاجازات وساعات العمل وحسابات العمال .... تحس لما تقراء جريده انو الحكومه هي الشعب وهي الحكومه كانو الفي النص ما مواطنين وين الاارضي الصالحه للزراعه وليه بنستورد قمح بس لانو القوانين بتقيد الانتاج وبتخسر المزارع قبل الحصاد .....
2010-10-17 12:11:38،بواسطة:akhtar
الكسره والعواسه دى للشعب فقط ولا كمان للحكام لانو اى زول عارف انو حكامنا مصارينوم ماتستحمل دعوة وزير الماليه
2010-10-17 12:11:20،بواسطة:عبدالله
الكسرة احسن لينا من نفط الجنوبيين ، و خلوا الجنوبيين يتمسحوا بي بيترولهم
2010-10-17 11:44:51،بواسطة:Abu Mohammed
أرخص أدقق لى عيش واعوسو وللا أشتري لى رغيف؟
2010-10-17 11:38:43،بواسطة:Nazar Mohamed
لكن سيدي الوزير الطحين والذرة اغلي سعرا من الخبز وهي وين الزراعة البتكفي الناس ياسيدي الوزير
2010-10-17 11:31:34،بواسطة:سلفاب
الحكومة تأكل نارا ....أرى بام عينى صفوف البنزين من جديد وصفوف أخر قدام الخابز ... زمان ما قالوا الأمريكان ليكم تسلحنا الأن تطلبون ودهم ... ترشيد بتاع شنو 77 وزير غير الولايات هذا ضحك على الشعب ... إنت شخصيا هل مستعد تأكل ما تدعو إليه ..بما انك من الغرب هل تأكل الدخن والكول ...ما إعتقد ... أيام كالحات قادمات شدوا حيلكم
2010-10-17 11:27:53،بواسطة:عمر محمد عزالدين
لا حولة ولا قوة الا بالله00 نقترح على السيد وزير المالية أن يغادر الى بيته00 ويحضر الدوكه والقرقريبة وشوال العيش 00 ليكون غدوة للشعب السوداني الصابر0
2010-10-17 11:24:48،بواسطة:dr.Yousef Hassan
كيف نعود الى الكسرة والملاح ونحن أساساً لم نتسحسح عنها شبر وزي مابقولوا (البلد المافيها تمساح يقدل فيها الورل )
2010-10-17 11:17:57،بواسطة:سوداني
الزول ده قايل الناس خلو الكسره.شكلو ضارب اللحوم الحمراء والبيضاء
|
|
 
|
|
|
|
فخرالدين عوض حسن
فيس بوك
تويتر
انستقرام
يوتيوب
بنتيريست