كتب الكاتب الفاتح جبرا المتوفرة بمعرض الدوحة
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: بخاري عثمان الامين)
|
بخارى الجميل الله يسعدك كما اسعدتنى هذا الصباح عجبتنى الحجول الفضية والطفل المشيول بالجنبة دا تعرف الايام دى الخواجات بقوا يربطو عيالهم زى اهلنا ديل تلقى الواحدة شايلا شافعا مربوطا الى صفحتها وهو نايم
يا سلام عليك وعلى العين النجيضة عندك بعدين عاين التنوع الفى الصورة دى واحدة لابسة نقاب واتنين لابسات بدون نقاب وبكامل حليهن وجمالهن تسريحة الشعر بتاعة اللمبررو جميلة جمال شديدوالالوان الفى الفساتين والاكسسوارت
اطرف مافى الصورة بتاعة الحمام وجود النظام العام....؟ ياخ معقولة ؟حتى فى الحمام ؟
تحياتى
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: بخاري عثمان الامين)
|
الدمازين من أجمل مدن السودان بما تتمتع به من خضرة وجمال طبيعة وطيبة أهلها وبساططهم تجعلها مدينة رائعة ،،، زرتها في مطلع الألفين وواحد للقيام بحفل زواج ولم أمكث بها بعد إنتهاء الحفل إلا لحظات وجيزة لإرتباطي بإلتزام آخر في الخرطوم ولكن ما زالت عالقة في زهني وأتمنى ان يوفقني الله ويمد في ايامي وأزورها مرة أخرى .. لكن مع الغربة دي كيفن غايتو ربك يهون ... لك التحية الأخ بخاري على هذه البوست الجميل ،،،وواصل في إبداعك ونحن في الإنتظار
تحياتي : ياسر العيلفون
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: معاوية عبيد الصائم)
|
معاوية الزول السمح مشتاقين ياحبيب انت ما شايف الرادى المعلق بالجنبة دا ؟ مافى زول فى الدنيا بشيل راديو زى الامبررو ديل احسن ناس بسمعو راديو فى السودان الراديو اهم من اى حاجة تانية لا تلفزيون لا غيره بشغل الامبررو عن الراديو تلاقيهو فى اى مكان بنفس المنظر دا بعدين عندهم اصوات غنائية خاصة البنات انى امنت بالله وكمان معاهم الهوسا يا سلام على الاصوات خاصة لمن يغنو غنا جماعى سمعتهم فى الروصيرص ونيالا والقضارف بالله تقول كربون الاصوات حكمة عجيبة
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: فايزودالقاضي)
|
Quote: مافى زول فى الدنيا بشيل راديو زى الامبررو ديل احسن ناس بسمعو راديو فى السودان الراديو اهم من اى حاجة تانية |
العزيزة ... سلمـــــــــــــي تحياتي و إحترامي و علك بخير؟؟
الامبررو , يحبون الموسيقي و الغناء و الرقص في مجموعات كما ذكرتِ. وأكثر ما شدّ إنتباهي أن غالبية ما يسمعون من موسيقي وأغنيات لـ أحمد المصطفي و عثمان حسين. يزينون المسجل أو الراديو (الناشونال) ويحملونه اينما توجهو , مزركشاً مزدانا بالودع و السكسك. الامبررو قبيلة سوادنية كبيرة ... وهم عالم من الجمال و السحر و الغموض والفنون والعادات الجميلة والاصيلة رجالهم يتزينون أكثر من نساءهم يبدعون في التزين واظهار جمال نفوسهم و أجسادهم و ويعملون في رعي الابقار.. وابقارهم مميزة بالقرون الطويلة , ينتشرون بكثافة في جنوب النيل الازرق.
___ للاسف الآن أحوالهم ساءت و حصل تغير إجتماعي لكثير منهم , ترك بعضهم الرعي و بدأو في مزاولة الآعمال الهامشية في اطراف الاسواق شكراً يا بخـــــــــــــــاري و تمتع بجمال جنوب النيل الآزرق ــ تمنيت لو كنت هناك ــ لآخذتك الي الغابات و الجنائن عندنا في سنجة ومنها الي حظيرة الدندر اتمني لك رحلة موفقة ...
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: هواري نمر)
|
Quote: يزينون المسجل أو الراديو (الناشونال) ويحملونه اينما توجهو , مزركشاً مزدانا بالودع و السكسك. |
الغالي هواري ودي حقيقة فالراديو ملازم لاي واحد منهم ..
Quote: للاسف الآن أحوالهم ساءت و حصل تغير إجتماعي لكثير منهم , ترك بعضهم الرعي و بدأو في مزاولة الآعمال الهامشية في اطراف الاسواق |
ودي برضو حقيقة فقد قابلتهم قبل سنوات خلت في القضارف ولا مهنة لهم غير الرعي وكانوا بجوا
السوق من أجل التسوق بس هسه هم في اطراف السوق وبيبعوا فعلا في حاجات غير غالية
Quote: شكراً يا بخـــــــــــــــاري و تمتع بجمال جنوب النيل الآزرق ــ تمنيت لو كنت هناك ــ لآخذتك الي الغابات و الجنائن عندنا في سنجة ومنها الي حظيرة الدندر اتمني لك رحلة موفقة ... |
للاسف انتهت رحلة ( العمل ) سريعا ولكنني انوي ان ازور النيل الازرق في اجازتي السنوية
واتمني ان يكتب لنا الله ميعادا انا وانت هناك ..
والصورة الجاية دي هدية لك :
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: بخاري عثمان الامين)
|
دم ..الزين ... يقال انو في زول اسمو الزين وقع من حمار سال دمو.. الناس بيقولوا ده دم منو... الاجابة دم الزين وصارت الدمازين ..هو الزول ده قالوا كان جاااي من قنيص شرق... الدمازين طبعا اكتر مدينة سودانية في البغل ..
التحية ليك يابخاري...
والتحية لاهلنا امبررو ..والانقسنا ديل عندهم احلى سمن بلدي في الدمازين
التحية لي لجية الحبشية ست البار ام التيمان سهي وسهوي..
التحية لاصحاب الطفولة في مدرسة قوات الشعب المسلحة الابتدائية زمان اولاد القيادة والقشلاق...
فرن كروم وملحمة سعد.. المجمع الثقافي والمسرح التبني في عيد الوحدة مارس 1978 زمن نميري التحية .. ادينا زيادة صور خليها تحكي ونقارن الدمازين زمان وهسه ومن البوست ده مازاحين....
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: بخاري عثمان الامين)
|
الاخ العزيز
بخاري
لك التحية والتقدير
ولك الشكر على هذه
الصور الجميلة
مدينتي التي انتمي اليها
شهدت ميلادي
وطفولتي
وصباي
وأشهد أنا
ان لا جمال يضاهي
ألقها وسحرها
د.محمد تيراب ________________ الحق يعلوا ولا يعلى عليه
*** ذكر الاخ كنجال انه درس بمدرسة قوات الشعب المسلحة الابتدائية ,اي دفعة ,فانا انتمي الى الدفعة الثانية وكنا اول ناس وطئدت اقدامنا تلك المدرسة ,اتوا بنا طابور صفين من مدرسة الف الابتدائية ,وعندما وصل طابورنا ,كان ناس السلاح الطبي ينزلون علمهم المرفرف وويجمعون ما تبقى من شاشهم وتركوا لنا رائحة الديتول لفترة من الزمان,وكان قوام كل صف آنذاك 27 طالبا فقط,,,فهل انت كنت حوالين هذه الارقام (1972-1977) وسؤالي للاخ الفاتح سليمان ,هل هو الفاتح ابن حي الربيع شقيق آدم سليان والفاضل ,,,ذلك الفاتح ايضا دفعتي في تلك المدرسة لكم التحية جميعا ولمراتع الدمازين مراسي الشوق
| |
|
|
|
|
|
|
Re: أدو أزين .. دام أزين أو دمازين ، سافنا غنية .. غنية اكثر من اللازم صور صور (Re: بخاري عثمان الامين)
|
بخاري ..يا طير الجنه الغرد وغنا كما اشتهي الشفيع فالتحفك الداكره ايما شئت ولك مني ومنهم مما دكرت سائر الحب والشجن .... تلك مدينه لعنه التاريخ عليها تقع في صميم الالتقاء التاريخي لعبد الله جماع ودنقس وهي غائبه انداك ولكنها حكمه حداثه الافنديه ان ارادوا شيئا يكون ايضا لعنه الله عليهم قد حملونا وزر اكتوبر لا طاقه لنا به ..في الاصل كانت الرصيرص واصل الاصل سنار وهم لحمه سدا الفونج الدين هزموا حضاره اجدادنا المسيحيه في عقردارنا سوبا في حاله فخر ان لا يغرنك انتصارك علي ... وهو دات لسان الشكوي من جور المسلميين من ابنا النيل وهنا تكمن المفارقه والادلجه اب سنينات ...هي منطقه دات مفصل في تاريخ مايعرف بالسودان من من لدن عجوبه الي وقتنا الحاضر ... ولكن لا تهتم بما قيل لك في البصر والشوف والكاميرا امور اخري واني اعلم انك قد ارجعت البصر كرتتين ...قل لنا انك بخير والدمازيين تغرئك السلام
ماو دات رصيرص
| |
|
|
|
|
|
|
|