|
|
 الحردلو ...قلب مضياف لكل قريب....قلب دفاى لكل حبيب
|
شاعر بقامة وطن
كم هى خجله الكلمات عندما تخرج لتعبر عنه وينتابها إحساس بأنها عاجزة عن أن توصفه
او توصف مهرجانات الشجن والفرح والحب والفخر التى كان يزرعها بداخلنا ويسقيها مع كل نقطة حبر مدادا لأدب شكل وجدان كل سودانى
إنها حقا مهمة صعبة ان تكتب عن شاعر واديب وديبلوماسى بقامة سيد احمد الحردلو
وتصبح المهة اصعب حين تكون عن الكتابة لمن اختارو ان يبادلوه العطاء بالعطاء والوفاء بالوفاء والحب بالحب
عن من اختارو أن يخصصوا جزءا من وقتهم ويبزلو جزءا من مالهم ليمنحوا من منح وطنا السعادة إبتسامة شفاء
|
|
 
|
|
|
|
|
|
|
|
Re: الحردلو ...قلب مضياف لكل قريب....قلب دفاى لكل حبيب (Re: فتحية شامي)
|
كانت اللجنة التمهيدية يوم الخميس ببيت الفنون بيت السودان والإنسانية
كان لقاء الفن ..........والشعر .............والادب ................والصحافة........والخير كلو
كان طارق الامين هاشا باشا بكل بترحاب السودان
وكان الاستاذ السر عثمان الطيب حاضرا بقامة الحدث حيث عطر اللقاء بطيب عطر حديثه الفواح
وكان الاستاذ احمد سليمان طه كما عهدناه دائما يحمل دف الشمال بين طيات حديثه
اما الاستاذ زهير عثمان فله كل التقدير والاحترام على مجهوداته الجبارة فى دفع عمل اللجنة عبر لقاءته بالعديد من الجهات وعبر تحركاته الماكوكية
لاسراع بعلاج شاعرنا
اما ام الخير والخير كلو الحبيبة انعام حيمورة لن استتطيع ان احصر ما قامت به من اجل الحردلو
ولستم بحاجة لتعرفوا كيف تكون إنعام عندما تكون متجردة من اجل العطاء
وكان اجتماعا ناجحا على وعد اجتماع اخر الاربعاء المقبل
وصبت المطرة
وتفاءلنا بها خيرنا ودعونا الله ان يجعلها امطار خير وبركة
يلا كلكم معانا الاربعاء القادم بيت الفنون ببحرى
| |
|
|
|
|
|
|
|
|
|
Re: الحردلو ...قلب مضياف لكل قريب....قلب دفاى لكل حبيب (Re: فتحية شامي)
|
استاذ زهير
تحية طيبة ,,
اوافقك الرأي باننا نحيا في وطن ابعد ما يكون عن المثالية ,, وان في بلادنا عباد اختصتهم امراضهم ومصالحهم بعرقلة حوائج الناس
ولكن يا سيدي سمو الهدف يدفعنا لتجاوز سفاسف الامور والمضي قدما في تحقيقه
تعاونكم وترابطكم يعتبر اللبنة الاولى في هذا الصرح
وكونو معنا ,, ليكن بكم الحلم حقيقة
وعشانك يا بلد يا نيل يا حردلو ,,
| |
|
|
|
|
|
|
|
|
|
Re: الحردلو ...قلب مضياف لكل قريب....قلب دفاى لكل حبيب (Re: فتحية شامي)
|
الشاعر الاستاذ السر عثمان الطيب
كانت قصيدته تقول لى شنو وتقول لى منو
من قصيدة الحردلو نحن
بمناسبة تكريم الاستاذ الشاعر الدبلوماسى سيداحمد الحردلو
تقولى شنو؟ وتقول لى منو؟
تقول لى شنو؟؟. سيداحمد دا
تقول منو؟؟سيداحمد
........
تقولى شنو؟ وتقولى منو؟
فى زول بالله اشعر من سيداحمد دا
هو من يا داب
وداب ياداب
صغير درفون
وفى الكتاب
ومن يومو المسكلو قلم
وفى خرتايتو خت كتاب
وشال حق الفطور تعريفه
قد على العلم ديداب
سيداحمد دا
امانى امانى
مو كتاب
على صفحات كراريسو
النضم ينساب
نضم
لا فاضى
لا فارغ
ولا كضاب
ولاهو سراب
ولاهورهاب
نضم شوف عين
بصيرى
منورى وشوافه
للقداما فاتحى الباب
نضم مليان
سماح وحنان
نضم انسان
تقول يا اخوانا من بطن امو
مكتوب فى الجبين فنان
نضم يا ناس
معبا شعور
مدقق ضمه بالاحساس
حنين بلحيل
وشدة ماهو دغرى ىعديل
حروفو بقت كأنها نيل
نضم لا حاد
ولا يحيد
نضم لا مال ولا بيميل
نضم حلو......
زى حلاة النيل
واحلى من المدين
والكرشه
والبركاوى ...والقنديل
..............
سيداحمد دا
مطنبج بالاغانى تساب
سيداحمد دا
مردم بالنغم ...........قيساب
,,,,,,,,,,,,
تقوالى شنو؟ وتقولى منو؟
فى زول يا اخوانا
فهمان زى سيداحمد دا
سفير السفرا والسفرا
كبير الوزرا والوزرا
بينضم
كم لسان ولسان
وبالافرنجى
امانى ........امانى مو رطان
تقول خواجه
يقلب انجليزى
فرنسى طليانى
وحديثو يحير الاسبان
وسنيوريتا ...
يا ابوالسيد
بتطرا
بتطرا سنيوريتا
ياابوالسيد
وكت لاقيتا فى مدربد
صباحك عيد
دغيش والغيم ربط فى الجو
وحس الرعدى يرزم
دو
سقط والدنيا دالقى جليد
مهيره صبيه
يا ابوالسيد
دى اندلسيه يا ابو السيد
عيونا الزى عيون الصيد
وجيد
يا الله من ده الجيد
وراك حرقت مراكب الريد
وبالافرنجى
قتلا
يا فهيم وووسيم
انا الجيت م بعيد
حبابك
الا بس يا بت
قليبى ملان
متمسح ريد
وليك ما فيهو اى بكان
ملان بى ناوا
بى تنقاسى
بى بنوتنا
بى جدياتنا
بى تربالنا
بى ساقتنا
بى نخلاتنا
بى واطاتنا
بى السودان
عفارم
يا وسيم وفخيم
عفارم
يا هميم وعظيم
عفارم
يا اصيل وصميم
تقولى شنو ؟ وتقولى منو
فى زول باللله
ضكران زى سيد احمد دا؟
يشيل من عمرو
من عافيتو
من احزانو
من اهاتو
من دمعاتو
يدى الناس غنا ودوباى
ويملا الكون...... هديل .........قوقاى؟
سيد احمد دا
ركز
ساعت الجبال خفت
ثبت
ساعت الرجال رجفت
شديع......
للحارة يوت لاقاي
وللمرض اللضيض هزام
نفس رضيانى بى قدر الله
بالمكتوب
قلب مفتوح
قلب راقد نصيح وصحيح
ولاهو اعوج ولا مقلوب
قلب ابيض كأنو حليب
مقسم بالتساوى
على البلد والناس
على النيل
والنخيل والقيف
على الصفقة
وعلى الطنمبور
قلب خفقاتو داقى دليب
قلب مضياف لكل قريب
قلب دفاى لكل حبيب
قلب صنديد
حنين وحنين
قلب متغنى بى ريد الله
بالايمان
ورضيان بالتجيهو تجى
و قبلان بالتجيهو تجى
رضيان بالقسم رضيان
قبلان بالنصيب قبلان
تقولى شنو وتقولى منو
تقولى شنو؟ سيد احمد دا
و تقولى شنو؟ سيد احمد دا
هو من يا دابو
دوب يا دوب
سميحا زين
يدوبى يناجى
فى البلد السمح حبوب
ينم
(يا بلدى يا حبوب)
وأه يا بلدى يا حبوب
سيد احمد عاشقك المكتوب
يغنيلك يجيد القول
وفى ساحات غناك قدال
سيد احمد طنبرابر طروب
وفى باحات وغاك كتال
وركاز ماب يهاب السوط
وماب ينصر.......
مو رماش عيون جفال
تقولى شنو ؟ سيد احمد دا
تقولى منو ؟ سيد احمد دا
سيد احمد زول
دون خلق الله والناسات
سيد احمد زول
شريف ونضيف
نضافة المى المن النقاع
ظريف وطليف
لطافة النسمة فوق وش
الجنا القاعد يلقط فى التمور
ويقوم شويتين فى الحبال
يفتلو كمين باع
شويتين يربط المحرات
شويتين علق النيران
وفى الانقاى ما هان التراب
ما ضاع
سيد احمد دا
شفيف وعفيف
هو ما جلب الغنا ولا باع
رهيف .. وحصيف
هو مو هراط ولا جعجاع
سيد احمد زول
نبيل وكريم
اصيل وصميم
نجيض وهميم
كمان وكمان
تقولى شنو
تقولى منو
سيد احمد فى البشر
إنسان
سيد احمد فى الشعر
حسان
سيد احمد
للبلد عنوان
سيد احمد
للبلد
عنوان
| |
|
|
|
|
|
|
|
|
 Re: الحردلو ...قلب مضياف لكل قريب....قلب دفاى لكل حبيب (Re: فتحية شامي)
|
Quote: تقولى شنو؟ وتقولى منو؟
فى زول بالله اشعر من سيداحمد دا
هو من يا داب
وداب ياداب
صغير درفون
وفى الكتاب
ومن يومو المسكلو قلم
وفى خرتايتو خت كتاب
وشال حق الفطور تعريفه
قد على العلم ديداب
سيداحمد دا
امانى امانى
مو كتاب |
يا سلام يا استاذ السر عثمان الطيب .. يا رجل يا طيب
كلامك سمح في شاعرنا الحردلو
| |
|
|
|
|
|
|
|
|
Re: الحردلو ...قلب مضياف لكل قريب....قلب دفاى لكل حبيب (Re: فتحية شامي)
|
الاستاذ تراث
لك الشكر والتقدير واسأله تعالى ان يتقبل صادق دعواتكم وان يعجل بشفائه
ذلك الرجل الذى كان الوطن هوهمه الاكبر
من اشعاره
فى يوم من ايام الوطن
ما بتسوى شئ
انك تكون
موجود ومفقود
وانت مالبه
وماليك الوطن
حتى لوكان الوطن
فى جيوبك مافى شئ
ما يرضو بكفيك
انو فى جيبك
وفى فلبك وطن
| |
|
|
|
|
|
|
| |
انعام حيمورة
osman righeem
زهير عثمان حمد
تراث
فيس بوك
تويتر
انستقرام
يوتيوب
بنتيريست