كتب الكاتب الفاتح جبرا المتوفرة بمعرض الدوحة
|
|
 يا وطن أصبحنا بيك نصاح
|
يا وطن أصبحنا بيك نصاح
إنت البتعجب في الأمر
إن كان غلط بنشوفو صاح
يا نكهة الشاي المُطاع
نعناع مزاجنا الإصطباح
يا قهوة الشوق المُشاع
عِب الشجن مفتوح وطن
وجهة و زواده وحيل شراع
يا معلم الغيم الهديل
أهطل عديل نيلين وسيل
ما فينا حيل نرجاك أمس
باكرنا في الغيب منغمس
حاضرنا فيك
وإنت العليك
تطرح وشيك
تملانا بيك
عافيه ومروه و انصياع
حس يا قزح ..
لوّن جدارك والمتاع
فاطنه ورزازك في الدرب
ما شين عليك فرحاً وشيك
أفرد جناحك مرحباب
لملم عذابك والصراع
في الباب سحاب
لا بيك فشل لا ظنو خاب
عشمان أمانك للصحاب
يلا أنستر ..
توبك هداك فوق التساب
أمرق بياضك للخريف
قربان من الشوق العفيف
شالك حلالك يا شفيف
الستره والعرق النضيف
ما يهمك الصمت الأسيف
نحنِح غناك قوماك كب
طوِّل ضراك ضد أي زيف
صوتك صبي أو قول نبي
بسراعك النيل إنتظار
في شراعك الريح إنتظار
وإنت اليراعك انتصار
في ضراعك الخير إنشطار
أفرح سمح الفيك مزار
أقفل منافيك و القلاع
يا نمه في حلق الزمن
بيت من مسامك إتساع
أبنينا في هذا الشجن
قدر الوطن
هذا العتيق
المستطاع
فاروق أبوحوه
أبوظبي
الجمعه - 15 أكتوبر 2010
|
|
  
|
|
|
|
|
|
|
|
Re: يا وطن أصبحنا بيك نصاح (Re: khatab)
|
Quote: يا وطن أصبحنا بيك نصاح
إنت البتعجب في الأمر
إن كان غلط بنشوفو صاح |
Quote: سمحات عيونك والمطر
الإلفه والحن والوفــا
لو مره جيتك بالخطــر
خاطرك بكون بالود عفا |
يا وطن أكيد دا عندك ناس أهل
ناساً فُصاح
بيقولوا فيك كل المباح
أصل الجمال بتحمّلوه ناساً نُصاح
إلا القليل تقدر تقول بي حبّه باح
لك الود يا رجل
| |
|
|
|
|
|
|
|
|
|
Re: يا وطن أصبحنا بيك نصاح (Re: عبدالفتاح أبوشيمة)
|
الحبيب عبد الفتاح أبوشيمه:
يومان وأنا أمر بهذا المكان
أتزود بعبير حرفك الأنيق..
وكلما هممت بالرد أجد أن الحروف أقصر من أن تفيك
فتقبلها منا يا صديقي بشاكلتها هذه
ولك كامل المودات
شكرا! يا فتّاح
| |
|
|
|
|
|
|
|
|
|
Re: يا وطن أصبحنا بيك نصاح (Re: khatab)
|
Quote: جميل يا ابوحوه
قطع نضيف .. نضير التيله
نحتاج هذا الغناء للوطن
نحتاجه كل الاوقات نحتاجه جداً
الاّن اكثر
لك الموده التى تعلم
|
خطاب يا حبيب
ما أجمل الغناء لأبونا..
أنيق التيله ، نضيف الهندام
أراه أوانئذٍ يندهني
..
هوي يا ولـد
أملا قلبك بالبلـد
لو نتكتل أو نختصم
يبقي الوطن
في الروح وَسِم
سودان إسـم
ما بتقسـم
شامخ أمـد
أحدُ أحد
موداتنا تغشاك
----------
عيدي في البلد إن شاء الله .. ياريت تلفونك في الخاص
| |
|
|
|
|
|
|
|
|
|
Re: يا وطن أصبحنا بيك نصاح (Re: nazar hussien)
|
Quote: لا حولا...
الزول دا كان وين زمان ...؟؟؟؟
معقول قاعد معانا في المركب دي...
ونحن ماسكين المقاديف في الهواء.. |
نزار يا عزيز..
الشيمه هنا عاتيه جداً
ولا أظن أن بالمقاديق حيله كي نجدها أو (تلفانا)..
المركب ..
هذه التي تحملكم كما نحن و (في أمان الله)
نغنيها هكذا و (علي النقاء الطلق)
رغم ما بنا من فعل الشراع المثقوب
وبعض عثرات الأحزان علي تساب روحنا (المكركره)
جراء وطأتها التي (تنتعل تعباً عالٍ).
و
.
.
ليه
ما لقيتك
من زمان.؟!!
| |
|
|
|
|
|
|
|
|
|
Re: يا وطن أصبحنا بيك نصاح (Re: هاشم محمد الحسن عبدالله)
|
| Quote: المبدع فاروق أبو حوة، تحياتى ، كلام فى الصميم ينضح بالوطنية وحب الوطن ، وفعلا هذا مايحتاجه الوطن فى هذه الظروف العصيبة، ربنا يحفظ وطننا ويحميه من كل شر ، مودتى . |
كان أكتوبر في أمتنا منذ الأزل
كان خلف الصبر والاحزان يحيا
صامدا منتظراً حتي إذا الصبح أطل
أشعل التاريخ ناراً وأشتـــعل.
يا سلام يا هاشم
غداً نطل من شرفات زكري ثورة أكتوبر المجيده والتي جسد فيها الشعب السوداني أروع البطولات.
أتمني من كل قلبي أن نحتفل في يناير المقبل بوحده طوعيه تلم كل أيناء الوطن
كما أتمني أن ينصلح خال البلاد والعباد وأن تندمل جراحات تنزف منذ وقت أليم.
أتمني
أتمني
كل المني
| |
|
|
|
|
|
|
| |
فاروق أبوحوه
khatab
عبدالفتاح أبوشيمة
nazar hussien
ابو جهينة
هاشم محمد الحسن عبدالله
فيس بوك
تويتر
انستقرام
يوتيوب
بنتيريست