كتب الكاتب الفاتح جبرا المتوفرة بمعرض الدوحة
|
|
 كيف يمكن تعمير مليون ميل مربع يسكنها الكسالي؟؟ ..
|
.
.
قوم يفاخرون بالكروش والترطيبة والراحات ..
.
.
يملأون الحجرات والحيشان بالسراير والعناقريب من أجل الراحة والنوم ..
لهم أكبر وأطول نيل في الدنيا ، وهم علي ضفافه يقتلهم العطش ..
.
.
تتمدد الأراضي الخصبة علي مد البصر ، وهم تعوزهم الكسرة المرة ..
.
.
تنبت المحاصيل المطرية علي إمتداد السهول فلا تجد من يحصدها ..
.
.
معظم صادرات بلادهم عبارة عن محاصيل بريَّة تنبت من تلقاء نفسها لا يبذلون جهداُ فيها إلاّ قطفها جاهزة ..
.
.
بلد بها أكبر ثروة حيوانية في القارة وتجد سعر اللحوم فيها أغلي من أسواق أوروبا ..
.
.
أقوام يفوق عدد مواشيهم عدد أبنائهم ويموتون بسوء التغذية والمفاخرة بالأبقار ..
.
.
كالعيس في البيداء يقتلها الظمأ والماء فوق ظهورها محمول ..
.
.
في حاجة غلط !!!..
|
|
  
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Ashraf el-Halabi)
|
Quote: نظرياً أنا شايف الأزمة أزمة قيادات في الأساس
لكن يخيل لي الأزمة أعمق من كدا
ولما نرميها في الشعب بنبقى دفنا راسنا في الرمل |
يا أخوي يا أشرف ، والقيادات دي وقعت من السما؟ .. مش ياهم طالعين من أصلاب هؤلاء الكسالي ؟؟..
| Quote: والنشيطين فيهم شالو شنطهم وقدو السلك!! |
ناس الساهلة .. كايسين الترطيبة والضل البارد ..ههه
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: د.محمد حسن)
|
Quote: لو كانو ناس ساهلة وترطيبة
ما كان قدو السلك قان قعدو جوة وبقوا مؤتمر وطني |
ياخوي إنت قايل مؤتمر وطني دي ساهلة؟؟ ده إلتزام وجهاد واستعداد للحارة .. ووكت الحرب حاربوا وهرب منهم الآخرون ..
لو أصلو المؤتمر الوطني بيرطب للناس كان الجمهور كله بقي مؤتمر وطني
إنتو بتغشوا في نفسكم واللاّ شنو؟؟ أي واحد قدَّ السلك عاوز يسوي السبب الحكومة؟؟!!!
الدنيا صراع والضعيف يقع ..
والساقية دوَّارة
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
يا دكتور محمد حسب ما أظن منير ذاتو قادي سلك وقاعد في أمريكا
وأنا جدعتها ليهو اوفر لاب عشان يعرف حاجة هههههه
وكمان أتمادى في الظن وأقول (ديناميك) الفي بروفايلو دي (لوكال ديناميك)
يعني قبلو في الاستيت، وما بتوصل أرض الكسالى
يا منير أنا لسة مصر إنو الأزمة أزمة نخبة
النخب عندها القدرة تقدم البرامج الممكن تغيير نمط حياة الرجرجة والدهماء
أعتذر لو معلومتي عن بلد إقامتك ما صحيحة
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Elbagir Osman)
|
| Quote: قلتوا أخير تقوموا تشتموا الشعب السوداني |
فنِّد الكلام الجبناهو فوق داك بدل عاوز تمثل دور الوطني المحامي
.. وورينا لماذا البلد كلها خيرات والناس ما قادرة تستفيد منها؟؟
ولماذا من دون خلق الله انطبعت فكرة الكسل عن السودانيين في الغربة؟؟ طبعاً لأنو شايفين زي الزيك ده غير الجعجعة من الضل البارد ما بيعمل حاجة ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
منير
تحياتي
كلامك صحيح. منتهى الكسل. بل منتهى الإنصرافية.
والمشكلة الحقيقية هي عدم الإعتراف بالكسل وبالتالي لم يبدأ البحث
عن الحل بعد حتى هذه اللحظة...
واحد معلم ثانوي سعودي، سلم علي بإحترام وقال لي عايز أسالك سؤالين؟
قلت له تفضل. قال يقولون الشعب السوداني كسول؟ قلت له أي نعم.
وقال يقولون الشعب السعودي مبذر؟ قلت له أي نعم فهم يحبون الكماليات.
فشكرني و إنصرف، ثم فكرت مليا في إجابتي عن كسل السودانيين، وبدأت بنفسي
فلولا الكسل لما هاجرت! لو زرعت أرض أبائى وأجدادي لكنت اليوم أتكلم بلغة جوال
الدخن، وقنطار الفول السوداني وقنطار الصمغ العربي، لكن هيهات قاتل الله الكسل...
أما الحكام أوالنخبة، فكثيرهم إستوزروا (أي إمتلئوا أوزارا ) بسبب كونهم أساءوا قيادة
وتوجيه قطيع الكسالى... والنتيجة متطلبات كثيرة، وموارد شحيحة وصراع البقاء للأقوى......
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: حماد الطاهر عبدالله)
|
Quote: والمشكلة الحقيقية هي عدم الإعتراف بالكسل وبالتالي لم يبدأ البحث
عن الحل بعد حتى هذه اللحظة... |
الأخ حماد الطاهر .. ياخي أنا ذاتي أحس أحياناً كثيرة بجينات الكسل تنشط عندي لغاية ما استغرب ..
طبعاً هناك الكسالي وهناك النشطاء لا شك .. لكين عندما تكون شواهد الكسل متغلبة علي النشاط للدرجة التي يلحظها الآخرون فذلك يعني أن هناك خلل ما .. أنا برضو لاقاني واحد باكستاني متربي في السعودية وقال لي الناس في السعودية بيقولوا السودانيين كسلانين .. لمن اندهشت !!! ..
ياخي إنت بس لاحظ أن أهم منتجاتنا الزراعية عبارة عن محاصيل برية أو مطرية راجية السحاب .. الصمغ الكركدي السنمكة السمسم التسالي و..و.. مشروع الجزيرة بعد خروج الانقليز انتهي ..
معظم السودانيين في الغربة تلقاهم واقعين الميري وشغل المرتب، ونادراً ما تجد من يجازف بعمل خاص زي باقي البشرية ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
الاخ منير
سلام
اذا فهمت ما تريد فهم صحيح ، فانا لا اتفق معاك
كل شعوب العالم بتحب الترطيبة و اظنك تقيم خارج السودان فاذا جربت ان تذهب لى معاملة في المانيا مثلا في يوم الجمعة الساعة الواحدة ظهرا حا تشوف كمية المماطلة التي تحدث لك
و اذا شاهدت صنيين من دون وجود مراقب لهم فسترى العجب من قلة همتهم ...
فالنظام العام يعني السيستم هو من يضع الناس في قالب المحبين للعمل و كده
شوف جنبك كل شوارع العالم ملئية بالكاميرات و اجهزة المراقبة هذا ما يودي الى ان يتقيد الجميع بقوانيين المرور
اوكي اذا مشيت للبنوك في باقي العالم و عاوز تقضي معاملة بنكية بعد انتهاء الزمن ما ممكن واحد من الموظفين يعملها ليك لانوا الشبكة بتقفل من البنك المركزي في زمن معين هنا عندنا ما بحصل كده و وعلى ذلك فقس ...
عاوز اصل ليك انوا السودانيين زيهم و زي شعوب الارض الاخري لايحبون العمل ( ممكن لو الله قدرني اجيب ليك احصائيات كده )
و اي زول شاف الشركات ذات العمالة المتعددة بشوف كل العاملين لديها من جميع الجنسيات ذو همم عالية للعمل و ذلك مرده الى الرواتب العالية ...المنافسة ...المراقب اللصيقة ...التدريب المتواصل و كده
اما فرية اننا كسالة ده خارج السودان فربما ...منافسة بين الاقران ( مصريين ..يمن ...) او سلوكيات بعض الافراد و مرات الشر بعم و كده
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: مدثر صديق)
|
Quote: اذا فهمت ما تريد فهم صحيح ، فانا لا اتفق معاك
كل شعوب العالم بتحب الترطيبة و اظنك تقيم خارج السودان فاذا جربت ان تذهب لى معاملة في المانيا مثلا في يوم الجمعة الساعة الواحدة ظهرا حا تشوف كمية المماطلة التي تحدث لك
و اذا شاهدت صنيين من دون وجود مراقب لهم فسترى العجب من قلة همتهم ...
فالنظام العام يعني السيستم هو من يضع الناس في قالب المحبين للعمل و كده
شوف جنبك كل شوارع العالم ملئية بالكاميرات و اجهزة المراقبة هذا ما يودي الى ان يتقيد الجميع بقوانيين المرور
... |
ُالأخ مدثر .. ياخي المحصلة النهائية أن الشعب الصيني في مجموعه شعب مجتهد وكونه مليار صيني يأكلون ويشربون كلهم ينهضون بهذه السرعة ويغزون العالم بصادراتهم رغم الزحمة وشح الموارد فذلك يعتبر معجزة لا يدحضها وجود بعض الأقلية المتعطلة والصعاليق ..
وكذا حال ألمانيا وغيرهم من الشعوب التي نزفت الدم واشتغلت واجتهدت ووضعت أساس متين لرفاهيتها ، وبعد ذلك يحق لها لو عاوزة تركلس تركلس .. لكين نحن الراقدين ديمة ديل نجتهد متين؟؟ ..
الرغبة في الركلسة هي طبع أصيل عند الاغلبية ..
| Quote: اوكي اذا مشيت للبنوك في باقي العالم و عاوز تقضي معاملة بنكية بعد انتهاء الزمن ما ممكن واحد من الموظفين يعملها ليك لانوا الشبكة بتقفل من البنك المركزي في زمن معين هنا عندنا ما بحصل كده و وعلى ذلك فقس |
ياخي هناك فعلاً ممكن تمشي البنوك أو أي مرافق خدمة ولو تأخرت ثانية ممكن يقفلوا ليك الشباك في وجهك ، وذلك لأن كل شئ بمواعيد .. نحن عندنا تجي قبل الزمن بساعات والشباك ما يفتح.. وأثناء العمل يذهب الموظفون للفطور أو غيره وتنتظر ساعات أخري وبعد ذلك الشباك يقفل قبل مواعيده .. لأنو لا يوجد إلتزام بالعمل ولا بالمواعيد .. والأمور ماشة سبهللية ..
هل قرأت قصة زيدان الكسلان؟؟ .. ههه .. أول مرة انتبه لأن قصة الكسل دي كانت تُدرس في كتاب المطالعة في المرحلة الابتدائية ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
| Quote: قلتوا أخير تقوموا تشتموا الشعب السوداني |
و الله حكاية عجيبة لكن. بعد النهب و السلب الذى تمارس عصابة المؤتمر الوطنى اصبح اتباعها و مناصريها يشتموا الشعب السودانى. كسالى نحنا؟ و انتو عايش احسن عيشه من عرقنا و مجهودنا. حكومة كاملة من العاطلين و المتبطلين عاشين عالة على ما ينتجه المواطن السودانى و ايضاً يشتمونه بالكسل كمان؟ تعرف يا منير الشعب السودانى لو كسلان كان الكيزان ديل ماتو بالجوع.
يا منير هوى هذه البلاد كانت كلها عبارة عن تسعة اقاليم. بالاضافة للعاصمة القومية. و كانت المساحه جبل اولياء شمالاً حتى اعالى النيل فى الجنوب و من تخوم البطانة فى الشرق الى غرب النيل الابيض الغرب عبارة عن اقليم واحد يحكمها رجل واحد من مدينة ود مدنى، كان عليه متابعه خدمات التعليم المجانى، الصحة المجانية، صحة البئية المجانية و اٍدارة الغابات و الموارد الطبيعية فى حدود اقليمه. اليوم علينا دا مع تطور الاتصلات و وسائلها حصل شنو؟. هذه المنطقة عبارة عن ثلاثة ولايات( النيل الابيض، سنار و الجزيرة) يحكمها ثلاثة ولاة و 20 عشرين وزير ولائى، 700 عضو مجلس تشريعى و ارتال من المعتمدين و المتعطلين و المتبطلين. يعنى المواطن المسكين بقا يدفع تكاليف الحياة المرفهه لشلة النشالين الاسلاميين و بعد دا تشتموه؟.
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: abubakr salih)
|
| Quote: ياخي إنت بس لاحظ أن أهم منتجاتنا الزراعية عبارة عن محاصيل برية أو مطرية راجية السحاب .. الصمغ الكركدي السنمكة السمسم التسالي و..و.. مشروع الجزيرة بعد خروج الانقليز انتهي |
سنمكة يا سنمكة انتا. و الله منير انتا بتتونس ساكت. ياخى هسه تعال انا و انتا نمشى نلقط سنمكة، اوريك البحصل شنو. بعد ما تلم السنكمة فى الخلاء و تعبيها فى الشوالات موش داير ليك عربية ترحلها. بتجى تلقى تكلفة الترحيل عالية لانو الوقود فى السودان االمنتج للنفط اسعاره اعالى من اى مكان أخر فى العالم. قول اٍتجاوزت مشكلة الترحيل و دفعنا تكاليفها. و ركبنا اللورى بشحنة السنكمة من اجل اٍيصالها للسوق فى احدى المدن، اها و نحنا ماشين فى الطريق سوف تقابلك نقاط عبور منصوبة من قبل المحليات و اخرى منصوبة من قبل بوليس الحركة، هذه النقاط تعمل بلا قانون و عبارة عن جبايات تدفعها كسر رقبة، تمر على اى نقطة تدفع اذا ما رسوم عديل تدفع حق الحله للناس العاملين فى النقطة. بعد ما توصل السوق هناك تجيك المحلية الكبيرة و تخلص منك رسوم الانتاج و الضرائب و الزكاة و الذى منو ....
عندما تعمل تصفية للحساب فى الاخــر بعد البيع تصعد غُصة، بطعم السنمكة، الى حلقك!.
الف والى يا منير و الفين وزير ولائى، و ثلاثة الف نشال اسمه عضو مجلس تشريعى ولائى ديل بياكلوا من وين يا منير؟ من الجبايات الموضوعه على ناس سنمكة ديل!! الدولة دولة جباية لا تسمح للعمل الحر بالتطور لان العمل غير مجزى و هوامش ربحه ضعيفه هذا اٍن وجدت طبعاً، يتطور كيف!!. اذا داير اعمالك تمشى لازم تكون نافذ فى السلطة و لديك راسمال كبير مثل ما يفعل المتعافى الان، له مشاريع زراعية تعمل مسنوده بسلطانه.
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
| Quote: ووضعت أساس متين لرفاهيتها |
اخونا منير
اذا السؤال هنا هل نحن شعب كسول والا ما عندنا الاساس البخلينا نشتغل و نجتهد...
| Quote: وذلك لأن كل شئ بمواعيد .. |
من يضع المواعيد... من يصنع المراقبة ..يعني تخيل انوا واحد ياباني خليت ليهوا الحبل على القارب بحب الشغل كده لله ( طبعا النظام التعليمي و الاسري الموجود عندهم بزرع فيهم قيم العمل و المواعيد ...)...
يعني دائما ما في حاجة اسمها المشكلة في الانسان ...الله عز و جل خلق جميع البشر في احسن تقويم
الامريكي و الصيني و السوداني و السعودي كلهم واحد ...
| Quote: ينهضون بهذه السرعة ويغزون العالم بصادراتهم رغم الزحمة وشح الموارد |
بالنسبة للصنيين اظن السبب برجع لى عدة عوامل من بينها وجود رجل اسموا (Yang Shangkun) وضع اسس جيدة لبناء امة نشيطة و كذلك اليابانيين عندهم برنامج للموارد البشرية ناجح جدا...
في النهاية انا عاوز اقول ان القيادة الناجحة هي من تبني امة ناجحة
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: مدثر صديق)
|
الدكتور منير
اما بخصوص سؤالك
كيف يمكن تعمير مليون ميل مربع يسكنها الكسالي؟؟
اذا شلينا كلمة كسالى بكون مظبوط و يكون كده احسن ؟؟؟؟
كيف يمكن تعمير مليون ميل مربع؟؟
الاجابة ربما يكون نفس ما يفعله الامير محمد بن راشد في دبي او ما تفعله الادارة الكندية بفتح فرص لحملة شهادات الجامعية للهجرة اليها او ادخال 7 او 8 مليون عامل زي السعودية او .... انا لا اعرف الكثير من تجارب الامم للنهوض ... نخلى السؤال اللونوا اخضر لى ناس الاختصاص ....؟؟؟
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: مدثر صديق)
|
Quote:
قوم يفاخرون بالكروش والترطيبة والراحات ..
.
.
يملأون الحجرات والحيشان بالسراير والعناقريب من أجل الراحة والنوم ..
لهم أكبر وأطول نيل في الدنيا ، وهم علي ضفافه يقتلهم العطش ..
.
.
تتمدد الأراضي الخصبة علي مد البصر ، وهم تعوزهم الكسرة المرة ..
.
.
تنبت المحاصيل المطرية علي إمتداد السهول فلا تجد من يحصدها ..
.
.
معظم صادرات بلادهم عبارة عن محاصيل بريَّة تنبت من تلقاء نفسها لا يبذلون جهداُ فيها إلاّ قطفها جاهزة ..
.
.
بلد بها أكبر ثروة حيوانية في القارة وتجد سعر اللحوم فيها أغلي من أسواق أوروبا ..
.
.
أقوام يفوق عدد مواشيهم عدد أبنائهم ويموتون بسوء التغذية والمفاخرة بالأبقار ..
.
.
كالعيس في البيداء يقتلها الظمأ والماء فوق ظهورها محمول ..
.
.
في حاجة غلط !!!.. |
في حاجة غلط !!!..
دي الإجابة على السؤال : لماذا؟؟
إذن : ماهو الشيء الغلط؟؟
الغلط أن البلاد منذ استقلالها ،
ظل يحكمها أحط أبنائها:
دجالون ، كذبة ،
صنعهم المستعمر البريطاني المصري،
صللوا الشعب بالحديث الكاذب
وباستغلال الدين مركباً للدنيا
ولملأ بطونهم النتنة.
حكام كسالى ، أبناء كسالى وطفيليين،
ولأنهم كسالى يظنوننا
شعباً من الكسالى لايعمل،
يعرضون بلادنا ،
نيلها وأرضها وزرعهاللأجانب
لسنا شعباً من الكسالى،
ولكننا شعب غالبيته ما زالت جاهلة.
والجاهل لابد أن يتعلم يوماً ما.
وويل هؤلاء وأولاء حين يتعلم الشعب ويعي.
الوعي الوعي الوعي آت في الغد
وإن غداً لناظره لقريب.
تحياتي
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
الاخ منير سلام
طبعا فى حاجات كتيرة غلط فى طرحك دا
الشعب السودانى شعب غير كسول
شعب بنى الاهرامات والمعابد والمدن الحجرية الضخمة
والتى ما زالت شامخة تباهى كل الحضارات
لايمكن ان يكون شعب كسول
شعب هزم الامبراطوريات العاتية: الترك والاشوريين والانجليز وغيرهم
لا يصح ان يوصف بالكسل
لكن الانظمة فاسدة وهذا هو لب المشكلة
منذ الاستقلال ونحن نرزح تحت انظمة جائرة
الحكومات ظلت تسخر اجهزتها لكى تاخذ الضرائب والرسوم والاتاوات من
المواطنين الكادحين فى الارياف, ولا تلتزم لهم فى مقابل هذا باى التزام
لا تبنى لهم مستشفيات ولا مدارس ولا طرق ولا اى نوع من الخدمات
مداخيل الزراعة والرعى يدفعها مواطن الريف للحكومة الظالمة وموظفيها
الجشعين ويدفع جزء منها لبناء مدارس ومستشفيات وطرق وغيرها
لذلك تجد ان الناس ظلوا يهجرون العمل المنتج فى الريف ويتجهون
الى المدن
لو اجريت دراسة بسيطة على الاحصاء الاخير ستجد ان غالبية سكان
السودان يعيشون فى المدن, وهى مدن اغلبها غير منتج
لكن مع هذا فان المدن جذابة, لماذا
لان بها خدمات: تعليم وصحة وترفية وغيره
الذين هاجروا الى المدن هاجروا من اجل تعليم ابناءهم ومن اجل
العلاج والبحث عن مستقبل افضل, وهم ليسوا كسالى
كيف يحصل الملايين من سكان المدن على دخولهم؟
الاجابة صعبة, لكن اذا نظرت الى الاموال الكثيرة المكدسة فى خزائن الاغنياء
سيزول استغرابك
هؤلاء الاغنياء يستهلكون, يشترون كل ما يحتاجون اليه من ماكل وملبس
وينفقون على الترفية والعلاج والنقاهة والثقافة وغير ذلك
ويعيش على انفاقهم تجار المواد الغذائية والملابس وادوات التجميل
وستات الشاى والتكاسة واصحاب الليموزين وبنات الترفيه وغيرهم
كيف تجمعمت هذه الثروات الطائلة فى يد اقلية
ليس هذا هو المقام المناسب لاعطاء اجابة وافية, ولكن
ثبت على مر العقود ان السياسة فى هذا البلد هى اسهل
حرفة لتجميع الثروة الطائلة وباقصر واسهل الطرق
تحياتى
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: jini)
|
الله يا شباب إنتو ما دايرين تعاينو للمشكلة وجايين جارين ترموا اللوم علي الحكومات ساي ..
أها قلنا الإنقاذ دي كععععععبة وظالمة وأي حاجة - رغم إنو الإنقاذ دي زاتها زي ما قلنا ليكم الإنقاذ دي زاتها طالعة من أصلابكم و جزء منكم .. يعني نفس الذهنية .. ولو جبناكم في محلها حتعملوا نفس عمايلها .. وزي ما قلنا فإن مصادر الدخل الرئيسية ظلت هي تلك المحصولات البرية التي يستفيد منها فقط طواقم الحكومات في تأثيث مكاتبهم وتوضيب امتيازاتهم وبروتوكولاتهم ليظهروا في مظهر الدول المتقدمة .. نظام العريان ولابس صديري .. ولذلك نري هذا الصراع المحموم علي السلطة .. من أجل ذلك الصديري ..
ولو تجاوزنا حتة الإنقاذ دي أين نهضتنا منذ خروج الإنقليز ؟؟ لقد ظللنا نأكل من سنام الانقليز لغاية ما كمل .. السكة حديد بتاعة الانقليز خلينا الرمال دفنتها .. قطاطي الانقليز في محطات السكة حديد ينعق فيها البوم .. كباري الانقليز ظلت هي المعابر الرئيسية الرابطة العاصمة لمدة ٥٠ سنة .. مشروع الجزيرة مات بعد الانقليز .. كهربتنا مازالت معتمدة علي خزانات الانقليز .. الخدمة المدنية كلها باظت بعد خروج الانقليز ..
ولو أصلو جينا للجبايات أمشو شوفو كمية الضرائب في الغرب التي تفرضها الدول علي دخل الفرد والتي قد تصل الخمسين في المية .. وكدي حاول افتح ليك متجر في استوكهولم أو اشتغل استيراد وتصدير وشوف نصيبك حيكون كم بعد الضرائب !! ..
علي كل حال .. معظم المشاركات خارج إطار فكرة البوست، التي تنتقد نمط التفكير الذي يمجد الكروش والتراطيب المبنية علي النوم والركلسة ، والتي فطنت إليها الشعوب الأخري فأصبحوا يعايروننا بها .. والعود لو ما فيهو شق ما بيقول طق ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
طبعاً دينق المهاتر ده الواحد ما حيرد عليهو لأن مدة إنتمائه لهذا الوطن قربت تنتهي ومافي داعي لإضاعة الزمن معاهو ..
أبوبكر صالح طبعاً عايش في الماضي، وعنده قصر نظر ما بيخليهو يشوف الدنيا الاتغيرت .. بيتكلم عن نظام إدارة وخدمات تعتبر من آثار الانقليز وكانت يتمتع بها بضعة آلالاف من الشعب السوداني هم العاملون بدواوين الحكومة .. ونسبة لصغر سنه لا يعلم أن مجموع سكان العاصمة الكبري لم يكن يتعدي بضع آلاف - وهو طبعاً ما عنده رياضيات عشان يحسب كمية التراكم الذي تستوجبه زيادة السكان لعدة ملايين يتنافسون في خدمات تكفي لبضعة آلاف .. فزي نوعية ابوبكر ده لا يرجي منه أن ينظر استراتيجياً ويوزن الأمور في ماضيها وحاضرها ومستقبلها .. ولذلك فسيظل في خانة الإحتجاج والزعيق والتباكي ورمي اللوم علي الآخرين إلي أن تقوم الساعة .. الشيوعي ده أسه لو جاءت ديمقراطية حيقول ليك ديل رجعية متخلفين وحرامية وبيأكلوا أموال الغلابة .. أما لو هو استلم البلد حيقول ليك ثورتنا محتاجة ١٠٠ سنة لتعيد بناء ما هدمته الإنقاذ أو الأحزاب ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: jini)
|
| Quote: التي تنتقد نمط التفكير الذي يمجد الكروش والتراطيب المبنية علي النوم والركلسة ، والتي فطنت إليها الشعوب الأخري فأصبحوا يعايروننا بها |
يا منير ما تنط من كلامكو تتلولو جاى جاى. انتا قلت فى عنوانك
| Quote: كيف يمكن تعمير مليون ميل مربع يسكنها الكسالي؟؟ .. |
هل السودان لم يتعمر لانه اهل السودان كسالى و نمط تفكيرهم يمجد الكسل؟ ام لان الحكومات بائسة و حكومات شله حرامية و سارقين؟ ضربنا ليك الامثل كيف انو الحكومات تعمل على تعطيل التنمية و التطور فى البلاد تقوم تعمل رايح. المواطن اذا سعى لكى يعمل باستقلال عن الحكومة عمل حر و منتج تجيهو الحكومة تطلعوا ليهو كسور و بواقى و تنهب جل ارباحه. يعمل كيف المواطن، و كيف يزداد الدخل القومى اذا الاعمال و الانشطه الاقتصادية ترهقها الحكومة بالجبايات و بالتالى تفشل. ياخ هسه اليوم العلينا فى يقال ان عدد الوزراء و وزراء الدولة بلغ 77 وزير!! ليه الدولة تعين هذا العدد المهول من الوزراء و تنفق عليهم الملايين من المخصصات من مال الشعب الفقير؟
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: abubakr salih)
|
يا أبوبكر ياخي إنت مش عايش في استكهولم ؟؟ بالله لو شغال ورينا بتدفع ضرائب قدر شنو؟؟ .. هل حاولت تشتغل شغل حر وقانوني؟؟ .. ورينا نسبة الضرائب والجبايات البتدفعها .. ما تقعد تفنجط ساكت ..
معلوم أن الحكومة تستقطع ضرائب وجبايات تعتبر عالية بالنسبة للمواطن في السودان - وفي غير السودان - ولكن الإحتجاج علي هذه الجبايات لن ينقطع سواء ذهبت حكومة شمولية واعقبتها ديمقراطية أم لم تعقبها .. وإتهام الحكومات بالحرومية لن ينتهي مهما كانت الحكومة وشكلها .. الناس ثارت علي عبود وفي الآخر لقوه بيت زي الناس ما عنده ..
ومشكلة الكسل قائمة للدرجة التي فطنت إليها الشعوب الأخري حين الإختلاط معهم .. لماذا لم تطلق هذه الفرية علي الآخرين وأختص بها السودانيين دون غيرهم؟؟ .. واردد الكلام القلته .. ماهو حجم الإنتاج مقارنة مع الثروات التي تذخر بها البلاد؟؟ ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: abubakr salih)
|
| Quote: بيتكلم عن نظام إدارة وخدمات تعتبر من آثار الانقليز وكانت يتمتع بها بضعة آلالاف من الشعب السوداني هم العاملون بدواوين الحكومة .. ونسبة لصغر سنه لا يعلم أن مجموع سكان العاصمة الكبري لم يكن يتعدي بضع آلاف - وهو طبعاً ما عنده رياضيات عشان يحسب كمية التراكم الذي تستوجبه زيادة السكان لعدة ملايين يتنافسون في خدمات تكفي لبضعة آلاف .. فزي نوعية ابوبكر ده لا يرجي منه أن ينظر استراتيجياً ويوزن الأمور في ماضيها وحاضرها ومستقبلها .. ولذلك فسيظل في خانة الإحتجاج والزعيق والتباكي ورمي اللوم علي الآخرين إلي أن تقوم الساعة .. الشيوعي ده أسه لو جاءت ديمقراطية حيقول ليك ديل رجعية متخلفين وحرامية وبيأكلوا أموال الغلابة .. أما لو هو استلم البلد حيقول ليك ثورتنا محتاجة 100 سنة لتعيد بناء ما هدمته الإنقاذ أو الأحزاب .. |
يا منير كلام دا هبود ساكت للاسف و ذلك للاتى
- النظام الذى خلفه الاستعمار ظل اكثر كفاءة من الذى نجره الكيزان فى السنوات الاخيرة. و النظام الذى خلفه الانجليز خدم كل ارياف السودان، حتى فى قريتنا كان هنالك مركز صحى كبير يعمل بدقة مثل الساعة حتى 1989، كانت لدينا مدراس تسر العين و القلب و فى اول ثلاثة سنين لى فى المدرسة كنا نحصل على الكراسات و الكتب مجاناً من الحكومة. لازالت اذكر قبل الخريف كانت الحكومة ممثله فى مكتب الصحة فى حلتنا تقوم برش البيوت بمبيد ضار للباعوض، و كان عمال الصحة يقومون بنظافة الشوارع. الكلام دا فى قرية صغيرة على حافة النيل الابيض.
- يا منير حكومة الانقاذ حررت الاقتصاد اى ان الدولة رفعت لديها من الخدمات، الطبيعى فى هذه الحالية ان يتقلّص جهاز الدولة لانها لم تعد تقدم خدمات و المواطن يتكفل بتوفير الخدمات لنفسه. لكن الحدث هو العكس، بل ان يتقلص جهاز الدولة ترهل و نمت له زوائد دودية فى كل مكان، ذاد عدد الاقاليم ذات عدد الوزرات المركزية خلقت مناصب هلامية من العدم للمواليين و المؤلّفة قلوب من اصحاب الضمائر التالفه و عيييييييييييك. اصبح المواطن يعيش نفسه و يعيش مع جيش جرار من الحراميه و النشالين من الكيزان و مناصريهم.
- الحكومة عندما ترفع يدها من الخدمات ايضا من المتوقع ان تنخفض الضرائب و تقل، دا حسب نظرية السوق الحر ذات نفسه، لكن ايضا حدث العكس، المواطن يتكفل بتعليم اطفاله، علاجه و علاجه اسرته، حتى يدفع رسوم للنفايات. و فى نفس الوقت يدفع ضرائب و اتاوات مختلفه على اى عمل منتج يقوم به.
اكتفى بهذا القدر، و فيما ارى أخى منير انا شايف انك اخدت 10 صفر فى بوستك هذا.
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: abubakr salih)
|
| Quote: ُالنظام الذى خلفه الاستعمار ظل اكثر كفاءة من الذى نجره الكيزان فى السنوات الاخيرة. و النظام الذى خلفه الانجليز خدم كل ارياف السودان، حتى فى قريتنا كان هنالك مركز صحى كبير يعمل بدقة مثل الساعة حتى 1989، كانت لدينا مدراس تسر العين و القلب و فى اول ثلاثة سنين لى فى المدرسة كنا نحصل على الكراسات و الكتب مجاناً من الحكومة. لازالت اذكر قبل الخريف كانت الحكومة ممثله فى مكتب الصحة فى حلتنا تقوم برش البيوت بمبيد ضار للباعوض، و كان عمال الصحة يقومون بنظافة الشوارع. الكلام دا فى قرية صغيرة على حافة النيل الابيض |
هههه .. والله يا بكري أنا ماعارف متوِّر نفَسك فوق كم وأنت بتؤكد في كلامي الأنا بقول فيهو .. ياخي زي ما قلنا ل جني أنا كنت بؤذن في مالطا؟؟ .. ده مو ياهو كلامي البقول فيهو .. وهو أن الإنقليز نحن عشنا علي سنامهم وكفاءة خدماتهم وما زدنا عليها طوبة ، جاي ناطي لي في حلقي ساي وانت بتؤيد في فكرتي بدون أن تشعر ..
جاي عاملها لي إنقاذ وما إنقاذ .. حاول أطلع برة نمط الإحتجاج الزي ده لأنو لن يصمد كحُجة للأحوال ما قبل الإنقاذ ولما بعدها ..
وما تحاول تنمطني مع الإنقاذ فأنت لا تعرفني .. وأنا منظوري ما محدود بفترة الإنقاذ ولست محصوراً في قالب معارض ولا مؤيد لهذا أو ذاك .. أنا نظرت للحال العام ولاحظت أن الركلسة بإسم الترطيبة شئ محمود عندنا، وقد بان في سلوكنا حتي لاحظه الآخرون .. إنت حاول تتأمل النقطة دي بدون ما تفقد اعصابك ساكت ..
وبالمناسبة لو جينا لحتة الرسوم والجبايات دي أقول أنا هنا لو قلت أرمي لي كرور - كرسي قديم أو بنبر - لازم ألصق فيهو لصقة ب٢يورو تشتريها من البلدية ، حتين عربية النفايات تشيله ليك من قدام البيت .. أكياس النفايات برضو بتشتريها من البلدية بالشئ الفلاني ولو نفاياتك ما معبأة في كيس البلدية ما بيشيلوها ليك .. يازول إنت عارف براك ومافي داعي أقعد أذكر ليك الأمثلة ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
| Quote: الاجابة ربما يكون نفس ما يفعله الامير محمد بن راشد في دبي او ما تفعله الادارة الكندية بفتح فرص لحملة شهادات الجامعية للهجرة اليها او ادخال 7 او 8 مليون عامل زي السعودية او .... انا لا اعرف الكثير من تجارب الامم للنهوض ... نخلى السؤال اللونوا اخضر لى ناس الاختصاص ....؟؟؟ |
يا مدثر ياخوي لو الحكومة قالت تعمل حاجة زي دي إلاّ القيامة تقوم في المنبر ده .. الجماعة قالوا عاوزين يفتحو فرص للمصريين لزراعة الأرض - لاحظ يجوا للزراعة - القيامة قامت هنا والمنبر إنقلب فوق تحت .. يازول خلينا نقعد مدمرين كده ..
ياخي قال ليك العمالة العادية دي - بناء وتشييد ونقاشة وغيرها لم تتطور علي مر السنين إلي أن أتي الحرفيين الأجانب - المصريين - حتين الشغل اتجود ..هسه قالوا المقاولين بقوا بيفتشوا علي العامل المصري لأنه بيؤدي شغله في مواعيده وبكفاءة بينما العامل السوداني يعملها ليك كلها فطور وشراب شاي .. البناء يفتل ليك الحيطة ويبرر ليك يقول ليك البياض بيجيبها ..
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Nasr)
|
حالتكم بقت تحنن
يا ناس الحكومة
غلبكم التسوو بقيتوا تنبذوا في الشعب السوداني
أفراد وجماعات
وما قادرين تواجهوا أخطاءكم
يا منير
ناس الكروش والترطيبات ديل بتعرفهم إنت
نحن بنعرف السودانيين الماشين صيفهم وخريفهم ورا السعية
مربين ملايين الإبل والبقر والغنم
لكنك لا تراهم
لإنك ترى أصحاب الكروش الذين يحتكرون تصدير المواشي التي ربوها
ويكنزون كل دولاراتها العائدة
نحن نعرف الترابلة وأصحاب البلدات والمشاريع
البقوموا يقرعوا الموية أنصاص الليالي
والسنتهم كلها حش وكديب وجنكبة وحصاد ودق وتضرية
أنت لا تراهم
لكنك ترى أصحاب الكروش الذي يحتكرون تصدير محاصيلهم
نحن نعرف العمال
في مفارد السكة حديد وورش المناطق الصناعية
وورديات الليل في المصانع
يدقوا في الحديد وينجروا الخشب
يبدعوا ويولفوا قطع الغيار
وإنت أيضا لا تراهم
لأنك مع أصحاب الكروش والترطيب الذي حطموا مصانعهم
وباعوها بثمن بخس
نرى الموظفين الذين كانوا أذا اختلس أحدهم
سارت بقصصه الركبان في كل أنحاء السودان
حتى جاء زمن فسادكم الذي أصبح الناس يتندرون على من لا يرتشي
نرى ربات البيوت اللائي يباصرن المعاييش بالفي والمافي
يربين أبناء عزيزي النفوس
أنت لا تراهم لأنك ترى النساء المسمنات بالكريمات سلعة لراجل المرة الحلو حلاة
ولكن سترى نساءنا ورجالنا وأطفالنا
عندما يسدو عين الشمس في وجه المرطبين من سارقي قوتهم
مثلما فعلوا في أكتوبر 1964
وكما أضاءوا ليالي مارس - أبريل 1985
وقبلك قال أبو ساق عشية مارس
"البنك الدولي يحكمنا ويحكم أبونا" ردا على هتافاتنا
وأنه سيضرب تظاهرات الشعب السوداني كالعقارب بالشباشب
فتأمل أين هو الآن
و..
نتقابل قريبا
الباقر موسى
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Elbagir Osman)
|
Quote: نحن نعرف الترابلة وأصحاب البلدات والمشاريع
البقوموا يقرعوا الموية أنصاص الليالي
والسنتهم كلها حش وكديب وجنكبة وحصاد ودق وتضرية
أنت لا تراهم |
عليك الله يا الباقر جكتك المرقتك لغاية آخر الدنيا دي جكة زول بيعرف الترابلة ؟؟ .. كفاك متاجرة ..
قال بيعرف الترابلة !! ..
عاوز تحاضرني عن الترابلة أهلي ؟؟
talk is cheap
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Nasr)
|
Quote: بس البزعل والما داير تشوفه إنت إنه ترطيبة ديل علي حساب شقاء ديك
(وواضح إنك بتتدارق شديد وما داير تشوف ولا تعلق علي حكاية الضرائب والجبايات الباهظة الواردة في مساهمات عديدة هنا)
فطبيعي أن يطالب المرطبين بمزيد من عرق الأشقياء ومزيد الانتاج وبطرق مختلفة من بينها أنهم يخجلوهم من أنفسهم بإنهم كسالي وما شغالين كويس
وطبيعي جذا أن يسعي الشقيانين ديك أن يتحرروا من الشقاء داك بأي طريقة: يلموا ليهم في سكة ينضموا للمرطبين يهاجروا في بلاد الله أو حتي يتزاوغوا من الشغل لو في طريقة |
يا نصر .. إنت عاوز تجرجر الموضوع لنقاش فلسفي عن الرأسمالية والشيوعية .. والجدل بتاع رأس المال وما ادراك ما الطبقة العاملة والكلام الكبار كبار الأنا ما بعرفه .. لكين البعرفه أن هذا النوع من الجدل حسمه الواقع بإنهزام الطبقة العاملة وتشتت نظمها الشرقية .. وبانت سوءة المبشرين بها حينما لجأوا للعالم الرأسمالي بدون حياء ولم يفكروا قط في الوفاء لأنظمتهم الشيوعية التي أفنوا اعمارهم في التبشير لفكرها وقبضوا الثمن .. وفي الآخر زي ماشايف أن أصحاب رؤوس المال في بلد الملجأ يحتكرون كل المباهج من صحة وتعليم وتأمين بينما هناك أيضاً فقراء معدمون يسكنون الخيام في نفس بلد بيل قيت ..
http://www.msnbc.msn.com/id/26776283/
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
يا منير كلامك دا
Quote: يا نصر .. إنت عاوز تجرجر الموضوع لنقاش فلسفي عن الرأسمالية والشيوعية .. والجدل بتاع رأس المال وما ادراك ما الطبقة العاملة والكلام الكبار كبار الأنا ما بعرفه .. لكين البعرفه أن هذا النوع من الجدل حسمه الواقع بإنهزام الطبقة العاملة وتشتت نظمها الشرقية .. وبانت سوءة المبشرين بها حينما لجأوا للعالم الرأسمالي بدون حياء ولم يفكروا قط في الوفاء لأنظمتهم الشيوعية التي أفنوا اعمارهم في التبشير لفكرها وقبضوا الثمن .. وفي الآخر زي ماشايف أن أصحاب رؤوس المال في بلد الملجأ يحتكرون كل المباهج من صحة وتعليم وتأمين بينما هناك أيضاً فقراء معدمون يسكنون الخيام في نفس بلد بيل قيت ..
|
ما كان في البال أي فكرة عن رأسمالية وشيوعية والكلام الكبار كبار دا
وبالمناسبة أنا الرأسمالية الأنا قاعد فيها دي عا########ي جدا وشيوعية زي العملوها الروس ديك أصلوا ما عا########ي
أنا ببساطة حكيت عن مشهدين
الاول لناس عمال زراعة يدافروا قدام الدقاقة في ظروق خطرة وقاسية شديد
من الصعب تقول عنهم كسالي
وحكيت ليك عن ناس شغالين في شركات حكومية
آخر مكيفات وترطيبة والواحدة ترقش تقول مطلعنها من ثلاجة
النهار كلوا يضربوا في الكركدي الصاقت ويطرقعوا في اللبان ويحكوا في الشمارات
ولو كان الشعب السوداني كلوا زي ديل فمن حقك أن تقول عنهم كسالي
الشايفة يا منير
النخبة الخرطومية الحاكمة دي ترطيبتها كلها جاية من عرق المساكين ديك
والحكاية ما داير إشتراكية ولا رأسمالية
لو بس يخففوا عنهم الضرائب شوية
ويعاملوهم زي ما الانجليز كان بعاملوهم
يكونوا ما قصروا تب
هل يعقل أن كرتونة منقة جاية من أبو جبيهة تدفع ضرائب عشرة أضعاف سعرها لمن تصل الخرطوم ؟؟؟
يعني خسرانة خسرانة
المزارعين بقوا يخلوا المنقة تقع وما يلقطوها
أها يجي يشوفهم ليك واحد من أولاد الخرطوم المرطبين ديك:
يا خي إنتو كسالي كدا ليهو ما تلقطوا المنقة دي ؟؟؟؟؟؟
وكأنه لم يمر بكل محطات القبانة والجباية في الطريق
كون أن كيزان الجامعة الكرعين مشققات من الوضوء وساكنين في مسجد الجامعة تقشفا، مر الزمن وبقوا في قلب النخبة الخرطومية المرطبة وكسلانة كلام مر وصعب البلع
ولكنها الحقيقة
زمان في روسيا إبان ثورتها الاشتراكية برضو لمو فيهم ناس كدا بعضهم بلاشفة وبعضهم صعد علي حساب البلاشفة
برضو رطبوا هم علي حساب شقاء الاخرين
ترسملوا لرقبتهم الحلوة وشركوا الباقيين
وما زالوا هم وأحفاد أحفادهم مرطبين حتي بعد أن سقط الاتحاد السوفيتي وبقت الحكاية رأسمالية بخشم الباب
فحفيد سوسلوف مفكر الحزب الشيوعي زمان من كبار رأسمالي روسيا اليوم
كان لقينا شوية ديمقراطية ودولة رأسمالية تحترم المنتج الرأسمالي وما تدفعه دم قلبه عشان يطقطق لبان لكسالي مرفهين في الخرطوم
نكون قد بلغنا مرادنا
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Nasr)
|
الأخ منير، تحياتي:
• لإحداث النهضة في أي بلد لابد من توافر: قيادة (Leadership) ، رؤية (Vision) وهدف (Target) ، وبكل أسف فجميع الأنظمة السياسية التي تعاقبت على حكم السودان منذ 1956 إفتقدت إلى هذه العناصر الثلاثة والتي لا يمكن تحقيق النهوض والتنمية بدونها.
• أما دور الشعوب فهو غالباً ما يكون هامشياً.. فمصائر الشعوب تصنعها النخب دوماً.
• وبكل أسف فالقادة الذين حكموا السودان منذ الإستقلال كانوا أسوأ نموذج يمكن أن يحكم بلد من البلدان... أليس من الخزي أن يتحكم في مصائر السودان جهلة من أمثال نميري والبشير، أو مؤدلجين أعمتهم الإيدلوجيا عن النظر السليم مثل الترابي أو من هم من الضعف بحيث لا يصلحون للقيادة كالصادق المهدي!
• دور القائد السياسي مهم جداً لدفع الشعوب نحو التقدم ، فهو الذي يرسي مؤسسات الدولة وبنياتها التي لن تتأثر بعد ذلك بوجود القائد السياسي أو غيابه. ويضع الأساس كذلك لنظام* يستطيع أي شعب من الشعوب العمل في داخله بإقتدار. والأمثلة على ذلك في العصر الحديث كثيرة: ماو تسي تونغ في الصين، لي كوان يو في سنغافورة ومهاتير محمد في ماليزيا وغيرهم.
• هل تعلم يا منير أن مهاتير محمد كتب في عام 1970 كتاباً أسماه "معضلة المالايو" انتقد فيه بشدة شعب المالايو واتهمهه بالكسل وهي ذات الصفة التي تحاول أنت أن تلصقها ظلماً بالشعب السوداني وتنسى أو تتناسى دور القيادة السياسية..
• حينما وصل مهاتير إلى حكم ماليزيا عام 1981م لم يقم بإستيراد شعب آخر لتحقيق النهضة والتقدم بل وضع برامج وسياسات – وهنا تتضح الرؤية (Vision) التي كان يمتلكها- رفعت من مستوى كفاءة هذا الشعب (الكسول) وجعلته يؤمن بقيمة العمل، حتى أصبحت ماليزيا مهاتير هي الدولة التي تهفـو إليها أفئدة الكيزان في السودان.
• لذلك يجب أن تطعن في (الفيل) وتترك (الضل).
--------------------------------------------------------------------------------
• النظام هنا بمعنى (System) و (Discipline). ويمكن تمثيله بالنظام الذي جعل الشعوب المستعمرة في أفريقيا وآسيا تعمل بكفاءة أثناء حقبة الإستعمار.
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: ياسر احمد محمود)
|
| Quote: كيف يمكن تعمير مليون ميل مربع يسكنها الكسالي؟؟ |
شوف ليك محن سودانيه، خلاص فقدتوا المنطق بديتوا تنبزوا فى الشعب الماكلم ومشربكم وعلمكم،
والله دى اخرتها....
خلاص اجروا ليكم شعب غيرنا عشان تحكموه، وارض غير ارض السودان تطبقوا فيها نظرياتكم المخستكه دى
ونخلص من الموضوع ده...
ذكرتنى بواحد صاحبنا (عينه برضو قويه كده) عندما رفض ناس المنطقه ترشيحه لمنصب حساس اجتماعيا..
قعد ينبز فيهم، هم ديل ناس، ديل كرور..######..الخ
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: أحمد أمين)
|
يا منير سلام
انت عارف تاثير الميديا بسوى اكتر من كدا
والقعاد والتفرج فى المسلسلات المصريه برضو بسوى اكتر من كدا.
انا شفت عنوان البوست وقلت اخونا منير جانا بى اثبات علمى بيثبت
كسل السودانى ونشاط وعلو همه الغير .
وانا موقن ان الترويج الى كسل السودان ، هى كذبه اطلقتها
بعض الدول ( مصر - لبنان ) كمثال لازاحته عن طريقهم فى
دول الاغتراب - البترول - وللاسف تم تصديقها حتى من قبل السودانيين
تحياتى
| |
|
|
|
|
|
|
|
|
|
Re: كيف يمكن تعمير مليون ميل مربع يسكنها الكسالي؟؟ .. (Re: Munir)
|
كتب المدعو أحمدأمين:
Quote: شوف ليك محن سودانيه، خلاص فقدتوا المنطق بديتوا تنبزوا فى الشعب الماكلم ومشربكم وعلمكم،
والله دى اخرتها.... |
يا أخواننا.. زي الدجالين الباقر عسمان وأحمدأمين ديل العاملين فيها قلبهم علي الشعب السوداني ، ليه الواحد فيهم عندما ستهم تراجي مصطفي قالت تلاتة أرباع بنات السودان شنو وشنو وقالت رجال السودان شنو ماعارف ، لييييه مافي واحد فيهم رفع عينه عاين ليها ؟؟ .. بل العكس جارين وراها زي الدلاليك ..
أعوذ بالله من الخبث والخبائث .!!..
| |
|
|
|
|
|
|
| |
Munir
Ashraf el-Halabi
د.محمد حسن
Elbagir Osman
حماد الطاهر عبدالله
مدثر صديق
Deng
abubakr salih
jini
M A Muhagir
Nasr
ياسر احمد محمود
أحمد أمين
خالد عبد الحليم سعيد
احمد محمد بشير
فيس بوك
تويتر
انستقرام
يوتيوب
بنتيريست