|
|
 تماضر بي الطرحة في راسا ..
|
جني وجن الزول البيعمل ليهو حاجة ما مقتنع بيها ..
خصوصاً لما تكون حاجة ما مجبور عليها ولااا في زول غاصبك عليها ..
بالصدفة شاهدت تمثيلية تقريباً قبل لحظات(ما عارا معادة ولا أول مرة) إسمها شنو ما عارف لكن فيها أمير عبد الله وإخلاص نور الدين وفجأة كده تماضر شيخ الدين ..
لفت نظري مشاهد تماضر شيخ الدين وهي في البيت لكن لاابسة الإشارب أو الطرحة 24 ساعة في البيت ..
الملفت مش المشهد فهكذا عودتنا الدراما السودانية المرا نايمة المرا بتعوس المرا في المطبخ لازم تلبس الطرحة ..
الملفت ما يكتبه الممثلون من رواد سودانيز اون لاين ..
الواحد فهم يهاجم ليك الدراما السودانية ويجي يفلفلا ليك ويتريق عليها ويقول ليك كيفي لي أن اجلس في بلد لا تحترم الممثل وتجعله يمثل مشاهد وهو في البيت مربوط الشعر وبدون عفوية ..
بالله وصلته السودان كلللهم بيعملوا الحاجات الكانوا بينتقدو فيها السودان والحيكومة وإدارة التلفزيون ..
يبدو إنو تماضر ضحت بي المبادئ من أجل وضع بصمة ممثلة في الألفية التالتة وتقول انا موجودة ..
وافقت تلبس الطرحة وهي في اوضة نوما وبتها اخلاص جاية تكلما بي خطوبة امير ليها ..
تماضر يبدو إنها وافقت لمجرد ان توثق لنفسها بعد العودة ولتثبت إنها ممثلة سودانية ولتضيف عمل لأعمالها ويبقا ليها مراقة من المراقات لو سألوها ماذا قدمتي للفن السوداني وانتي المتغربة لأكثر من طاشر سنة !!
تخريمة :
اعتقد (من وجهة نظر خاصة) تماضر لم تطور في الاداء التلفزيوني وأظهرت عيوب كثير من الممثل السوداني ( انعدام العفويةويوحي ليك بي إنو بيمثل)..
|
|
  
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
فاروق
سيبك من الطرحة والذى منه من جملة اللبس والزى الخ
ده موضوعه محسوم طبعا وأسبابه مبررة
سواء رضينا ولا ابينا
ركز بس على موضوع التلقائية والعفوية فى أداء وشغل الممثل/ة السودانى
شى مبالغ فيهو والله يا عمر
معقول يا اخوانا من وسط العشرات أو المئات من المشخصين السودانيين ديل
واحد ساى يقنعك مافى
معليش ما يزعلو مننا ناس الدراما
لكين دى الحقيقة والله
كلما اشوف لى دراما سودانية، طوالى بتذكر ايام الجمعية الأدبية بتاعتنا فى الإبتدائى والثانوى العام
آى والله
الممثل السودانى فعلا بمثل
ياخ قصة انك تكون عفوى وتلقائى دى مافى اسسهل منها كلو كلو
المشكلة شنو فى ناسنا ديل طيب ؟
غايتو حاجتين شعبنا الكريم فى السودان الشقيق مفروض يبعد منها فورا واصلو ما يقرب عليها
الثميل والكورة
بس
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
حبيبنا أبو ذر:
بالنسبة لي موضوعك الأساسي فكان في بوست كتبه الاخ سامي عبد الوهاب اثار النقطة دي كويس جدا..
انا فعلا موضوعي الاساسي في البوست ده فكرة إنو الزول هنا بيقول كلام ولمن يمشي السودان بيعمل كلام تاني ..
الكلام ده ما تماضر بس لالا كمية من الناس المناضلين منهم والفنانين ..العائدين منهم والزائرين ..
اتوقعت فنانة زي تماضر لو اتعرض ليها دور زي ده بي مشهد زي ده تملي عليهم شروطها ولا تقول ليهم سوري ليكم كده المشهد ح يختل والصورة ح تكون ما سليمة والدراما ح تكون ابعد من الواقع و و و ..
لكن الموافقة معناها تماضر إما إقتنعت بي الفكرة وعليه تاني هنا لا تجي تشكي من دراما التلفزيون ولا من مدير تلفزيون ولا من طريقة نظام في إدارة الدراما وإما كمان تماضر تنازلت عن حاجات في سبيل حاجات ..
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
فاروق
يا سمح يا زين
النقطة بتاعتك واقعه لى تب وعرفتها
لكين انا قلت اجليها وانط لموضوع التلقائية والعادية فى الشغل الدرامى
لأنه دى والله حاجة متعبة جدا يا عمر فى شغل الممثلين السودانيين
الناس ديل مالن بالله بعملو كده ؟
حاجة غريبة وتجنن الزول كمان
ما عايز اقول ليك المقارنات التقليدية ديك بتاعة شوف الممثلين بتاعين وين وبتاعين وين وشنو وشنو
لكين الموضوع ظاهر طبعا ما بحتاج شرح
اما الحتة بتاعة قناعات الأستاذة تماضر، فده موضوع براهو طبعا
لكين انا برضو رأى من رايك
ما شفت الشغل فى التلفزيون، لكين لو أنا فى محلها ما كنت حأوافق
اسمع عايزك برضو بالله فى الأيام الجاية تلاحظ معاى لى شى عجيب برضو
ما بعيد من حكاية الدراما والممثلين
اللى هو شنو
مرات كتيرة بكون فى التلفزيون وفى قنوات كتيرة عاملين لقاء مع الفرق بتاعة الكوميديا ديلك
واللقاء عادى ما فيه تمصيل ولا شى
يعنى مع الممثلين كأشخاص أو كفنانين
تعال شوف عاد
تلقاهم يعملو ليك نفس الحاجات البعملوها زى الكأنهم بشتغلو فى عمل كوميدى
وده بديك اول انظباع انه شخصية الزول ده فى الشغل بتاعه وفى الحقيقة واحد
والعجب كمان لو كان فى فنان بغنى
حتشوف العجب العجاب
معقول لكين
يلا تعال شوف ليك لقاء مثلا مع عادل امام او دريد لحام او أى واحد من عباقرة الكوميديا
بتلقى الواحد قاعد بشخصيته العادية والحقيقية والله لامن يحيرك
تشوف شى مختلف تماما عن الشخصية الانت بتشوفها فى التمثيل
الموضوع طويل ياخ
ما اقدك بيهو ساى
خليهو مرة تانى
| |
|
|
|
|
|
|
|
|
|
Re: تماضر بي الطرحة في راسا .. (Re: esam gabralla)
|
غايتو السودان دا بلد عجيب الناس فيهو مستسهلة الامور لمن غلط. و الواحد يفتى فيما يعلم ولا يعلم بكل اريحية و قوة عين. لعل فى نموذج الاخ عمر الفاروق مثال مريح على ذلك، الراجل طارح نفسه ناقد فنى للغناء و للتمثيل و كل مصيبة فنية، و هو لا يملك لذلك من شئ الا صلعة، بااااهته، صنعها اٍحتراف التبخيس الذى فى ما يبدو انه تدرّب عليه من جلسات الانس تحت العمود فى الحله الى ان تطور للمنابر الالكترونية و النشر الهوائى.
يا جبر الله ارجو الا تعتب على اخانا عمر هذا، و الله .. لقد شهدته فى احدى عوارته النقديه يصف فنان بانه "فنان كريه". كما قال سيدنا موسى، حسن، قال المنابر دى هوّنت زلابيا النشر. و الجات من السماء التكنلوجيا و العالم الجديد تلزمها الاراضى الفنية و الله نساله الصبر و الثبات.
| |
|
|
|
|
|
|
|
|
|
Re: تماضر بي الطرحة في راسا .. (Re: وليد محمد المبارك)
|
وليد يا حبوب :
والله ما اكضب عليك بعد ضغط إرسال للبوست ططططق إتذكرت ليك إني قبل فترة كتبت عن رشا شيخ الدين ..
والله لمممن قلبي قال دق دق دق قلت بسسس الليلة تبارك بيجيني بي سكينو ويقول لي انت غبيان من تبارك ومن الصادق ومن الوافر فلاحتك في البنات؟ 
ياخ لمممن قربت ارسل لي بكري اقول ليهو شيل شيل ..
لكن تصدق ؟ياخ جات قضاء وقدر ..
صدقتني مش ؟
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
عمر الفاروق
التحية لك
و سلام خاص جدا لكنكوجك الذي أحترمه كثيرا
أما بعد
هذه الجزئية
لفت نظري مشاهد تماضر شيخ الدين وهي في البيت لكن لاابسة الإشارب أو الطرحة 24 ساعة في البيت ..
الملفت مش المشهد فهكذا عودتنا الدراما السودانية المرا نايمة المرا بتعوس المرا في المطبخ لازم تلبس الطرحة ..
تنسخ هذه الجزئية
يبدو إنو تماضر ضحت بي المبادئ من أجل وضع بصمة ممثلة في الألفية التالتة وتقول انا موجودة ..
وافقت تلبس الطرحة وهي في اوضة نوما وبتها اخلاص جاية تكلما بي خطوبة امير ليها ..
إذن الدراما السودانية ( متعودة ) على شيء و على السير في خط معين لم تحبذ تماضر الخروج عنه نظرا لتداخلات و تشابكات كثيرة في المجتمع السوداني و المشاهد السوداني. هذا بعد التسليم أن تماضر جزء من الدراما لا يتجزأ ( بداية و إستمرارا ).
أما هذه الجزئية :
الملفت ما يكتبه الممثلون من رواد سودانيز اون لاين ..
الواحد فهم يهاجم ليك الدراما السودانية ويجي يفلفلا ليك ويتريق عليها ويقول ليك كيفي لي أن اجلس في بلد لا تحترم الممثل وتجعله يمثل مشاهد وهو في البيت مربوط الشعر وبدون عفوية ..
بالله وصلته السودان كلللهم بيعملوا الحاجات الكانوا بينتقدو فيها السودان والحيكومة وإدارة التلفزيون ..
أوافقك عليها تماما.
دي بتذكرني الزول ال بعد ما ينوموا أولادو يتفرج على حاجات في التلفزيون و الفيدو ، حاجات بينصح أولادو و مرتو ما يشوفوها لأنها ( مضرة بالصحة و بتعلم قلة الأدب ) ..
و هنا :
تماضر يبدو إنها وافقت لمجرد ان توثق لنفسها بعد العودة ولتثبت إنها ممثلة سودانية ولتضيف عمل لأعمالها ويبقا ليها مراقة من المراقات لو سألوها ماذا قدمتي للفن السوداني وانتي المتغربة لأكثر من طاشر سنة !!
البصمة لا تحتاج لكى تكون واضحة أن تجعل أصبعك على مكان البصمة ، يكفى أن تغمسه في المداد و تبصم ... ( وقعتْ ليك الفلسفة دي ؟ )
ثم
Quote: تخريمة :
اعتقد (من وجهة نظر خاصة) تماضر لم تطور في الاداء التلفزيوني وأظهرت عيوب كثير من الممثل السوداني ( انعدام العفويةويوحي ليك بي إنو بيمثل)..
|
لم تطور دي عاوزة ليها بوست منفصل
عدم عفوية الممثل السوداني ، أنا معاك قلبا و قوالبا
و عموماً .. الدراما السودانية : محلك سر .. و المحل ذاتو عاوز كلام كتير
دمتم عمر
| |
|
|
|
|
|
|
|
|
|
Re: تماضر بي الطرحة في راسا .. (Re: ابو جهينة)
|
عصام جبر الله :
لو جادي الله يسامحك ..
ولو ما جادي برضو الله يسامحك ..
كلامي لي وليد ده بالمناسبة ما تشوف الوشوش الفيها ضحك دي بس انا فعلا كنت جادي فيها ووالله ما انتبهت لي قصة انو كتبت قبل فترة بوست عن رشا اللي هي اخت تماضر..
ماف شي بيني وبينهم وعيب عليك الكلام ده ..وما حلو ياخ مش؟
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
يا ابو جهينة مداخلتك دسمة شديد فيها الضد وفيها المع ..
طبعا انا يهمني الضد واختلاف راينا وعليه بجيك ليهم نقطة نقطة كان ربنا هوون ..
بس قصة النسخ دي ما صحيحة أو خلينا نقول مفروض توجها لي الاخت تماضر لأنها نسخت كثير من فلسفتها حيال الدراما وطريقة تقديمها في ظل وجود الحكومة الحالية وطريقة موافقتها لاداء دور ينافي للقناعات ..
التمثيل والسيناريوهات دي ما اظن في زول بيجبرك عليها ..عجبك نص عجبتك فكرة بتوافق وبتدخل مرات في كتير من الحاجات حقت المخرج ولو ما وافقت هواك بتشتت ليهم النص وبتمشي..
البنتكلم عنو أسة ده واحد من المسلمات وما اظن تماضر بتكون إتفاجأت بيهو واكيد هي عارفة دور زي ده في السودان تبعاتو كيف ..
انا قارنت بين تكاضر بتاعت تم الريد والفرهيد والنديانة وبين تماضر اسة وعن نفسي شايف فرق واختلاف كبير وده بيدل إنو تماضر انقطعت عن التمثيل أو ما إستفادت من فترة غربتها في تطوير نفسها (المقارنة اكيد ما بتعني إنو تم اريد والفرهيد والنديانة كانت عشرة على عشرة ..)
| |
|
|
|
|
|
|
|
|
|
Re: تماضر بي الطرحة في راسا .. (Re: وليد محمد المبارك)
|
بالرغم من انه الموضوع يغري بالاتفاق معك يا عمر الفاروق الا اني اصر هذه المرة علي الاختلاف معاك نكاية في عصام جبر الله وابوبكر صالح الشيوعين الفوق الدمهم تقيل ديل .
انت يا عمر الفاروق (قديتنا قد , وذبحتنا ضبح ) قبل كدا بانه السعودية دي ما تعرف ما عادلة وما مريحة وجواك مقتنع انه الحياة فيها من ناحية انسانية وما تعرف حريات شخصية وعامة ما متوافرة , الا انك قااااااااااااااااعد فيها وخالف رجل علي رجل وتجقم في الشاي وتتطبز في كيبوردك وتنظر في فلان وعلان وتمشي اخر اليوم بيتك وانت فرحان بالمولد , وطبعا ما عاجبك انك تكون برة السودان وبعيد من واهلك واخوانك ووالدينك وتعيش متغرب وتربي اطفالك في بيئة ما بيئتهم ولا البيئة النشات فيها , لكن بعد دا كله قاعد تمشي السودان وتجي راجع جري بل وتفتح البوستات للاخرين يفتشوا ليك حجوزات سفر تخارجك من السودان العزيز علي قلبك دا الفيهو الهلال ودار الرياضة والعباسية وفردك عشان تجي للبلد البيض دي
طبعا انت جواك قادر تقدر الظروف الجبرتك تعمل كدا ولاقي لي رويحتك المبررات الكافية لانه تعيش حياتك بالطريقة دي الي اجل غير مسمى كما هو وضع المغتربين في الخليج , لكن في نفس الوقت ما لاقي مبرر لي تماضر انها تخت ليها طرحة في صنقورها وتمثل بيها مشهد في مسلسل او تمثيلية , وقارن بين لحظات ظهور في مشهد لتماضر بدون مبرر وبين حياة عريضة فيها اسرة وبيت واطفال ومستشفيات وولادة ووحم وغسيل عدة وسراميس شاي عند ناس عمران واحيانا كمتصفح للمنبر وبعد داا لاقي المبررات لي رقبتك
| |
|
|
|
|
|
|
|
|
|
Re: تماضر بي الطرحة في راسا .. (Re: وليد محمد المبارك)
|
| Quote: هسع كلام اساسي ده كلام زول ظلامي |
ده أمير الظلام المستنير المشرئب الى النجوم زاتوووو
ماعارف المقعدو معانا شنو ..
ليهو حق يكون عندو رأي في ناس الحنك النجيض "بلدنا للجميع"
________
اها التلقائية وصلت وين
| |
|
|
|
|
|
|
|
|
|
Re: تماضر بي الطرحة في راسا .. (Re: وليد محمد المبارك)
|
وليد و اساسى ازيكم
و الله ما مناقرة مع عمر الفارق، لكن القصة و ما فيها انو الاخ عمر مستسهل الموضوع زيادة عن اللزوم.
انتا يا وليد خليت الجزء الاول من مداخلتى ليه؟ الذى اشرت فيه للاستسهال حتى انو موضوع تناول الفنان من قبل عمر اصبح اشبه بالاثارة و النكاية بس.
عن نفسى، انا اشارك فى هذا المنبر فى المواضيع السياسية فى الغالب، و الله … لو تصدق يا وليد فى كثير من الاحيان اقوم باجراء عملية بحث كثيرة فى قوقل و مواقع الصحف السودانية و غيرها حتى اكتب مداخلة. فقط للتأكد من تواريخ الاحداث و التصريحات السياسية و مصادرها. ما نقلته عن حسن موسى صحيح، الفكرة من ليس غرضها الاستعلاء انما غرضها طلب التجويد و اخذ الامور بالجدية اللازمة، و هذا متاح لاى انسان اٍذا قرر الاجتهاد فى أمر ما، لا يتطلب الامر انسان سوبر او مثقفاتى. الكلام دا كلو بقول فيهو لان النقد المهرجل و "الطعمجه" فى السودان اعتبرها جزء اساسى من تخريب الحياة الفنية، و سبق لى ان دخلت فى معركة اسفيرية حامية الــوطــيس مع الصحفى الفنى نشأت الامام، زميل المنبر لانه تعمد الاثارة و زرع الفتن بين الفنانين، جرياً وراء الاثارة. الداير اقولو خلاصة، انو التبخيس و المطاردة المجانية و التصيّد "فى شكل الطمعية و كده" هذه مساهمة فى تعطيل الناس، و فى نفس الوقت النقد الجاد المتعوب فيه مساهمة اٍجابية فى دعم الفن للامام. زلابية النشر التى هانت هذه صدقنى ممكن جداً نوظفها اٍجابياً.
| |
|
|
|
|
|
|
|
|
|
Re: تماضر بي الطرحة في راسا .. (Re: abubakr salih)
|
| Quote: انتا يا وليد خليت الجزء الاول من مداخلتى ليه؟ |
مرحب ابوبكر
ابدا ما خليتو .. لكن البوست ده ما بنطبق عليه .. كونو عمر يصف فنان في ( شخصه ) بانه كريه ده شي مدان عندي .. اما انو يصف عمله الفني بانه كريه بالنسبة لي عادي ومافيها شي خاصة وانو عمر جمهور زينا وكده يفتقر الى مفردات النقد اللاكاديمي المؤسس ..
انت قلت قبيل انو الانترنت اتاح فرصة للعوام في التعبر .. طبعا التعبير ده حا يكون بمفرداتهم ولغتهم والا ما حا يكونوا عوام .. واجب الفنان ومعاه النقاد يترجموا المفردات العامة دي للغة اكاديمية بدون تشنج وانفعال عشان يستفيدوا
اما استقصاد البشر في شخصهم ده ياه غير المقبول يا ابوبكر على الاقل بالنسبة لي انا..
| Quote: و سبق لى ان دخلت فى معركة اسفيرية حامية الــوطــيس مع الصحفى الفنى نشأت الامام، زميل المنبر لانه تعمد الاثارة و زرع الفتن بين الفنانين، جرياً وراء الاثارة. |
عافي منك
لانو داك زول متخصص يحاسب حساب المتخصصين ..مفروض انه بكون بعرف في المجال العاوز ينتقده بما انه زول صحفي
لكن عمر ده بشوف بعين الجمهور وبكتب بخشمهم .. وكتير من الاحيان بكون كلامو زي ما حاصل هسع
كلام الطير في الباقير ...
بس ده ما بمنع انو الجمهور يعبر ويقول رايو في (المنتج الفني) حتى بصورة قاسية
ما هو جمهور يا ابوبكر
وطالما انو عمر قعد لحدي ما حضر تماضر وما غير القناة
معناتا اثرت فيه واجبرتو يحضر حتى لو لمجرد انو ينقدها
سلامات
| |
|
|
|
|
|
|
|
|
 Re: تماضر بي الطرحة في راسا .. (Re: اساسي)
|
Quote: يا عمر الفاروق (قديتنا قد , وذبحتنا ضبح ) قبل كدا بانه السعودية دي ما تعرف ما عادلة وما مريحة وجواك مقتنع انه الحياة فيها من ناحية انسانية وما تعرف حريات شخصية وعامة ما متوافرة , الا انك قااااااااااااااااعد فيها وخالف رجل علي رجل وتجقم في الشاي وتتطبز في كيبوردك وتنظر في فلان وعلان وتمشي اخر اليوم بيتك وانت فرحان بالمولد , وطبعا ما عاجبك انك تكون برة السودان وبعيد من واهلك واخوانك ووالدينك وتعيش متغرب وتربي اطفالك في بيئة ما بيئتهم ولا البيئة النشات فيها , لكن بعد دا كله قاعد تمشي السودان وتجي راجع جري بل وتفتح البوستات للاخرين يفتشوا ليك حجوزات سفر تخارجك من السودان العزيز علي قلبك دا الفيهو الهلال ودار الرياضة والعباسية وفردك عشان تجي للبلد البيض دي
طبعا انت جواك قادر تقدر الظروف الجبرتك تعمل كدا ولاقي لي رويحتك المبررات الكافية لانه تعيش حياتك بالطريقة دي الي اجل غير مسمى كما هو وضع المغتربين في الخليج , لكن في نفس الوقت ما لاقي مبرر لي تماضر انها تخت ليها طرحة في صنقورها وتمثل بيها مشهد في مسلسل او تمثيلية , وقارن بين لحظات ظهور في مشهد لتماضر بدون مبرر وبين حياة عريضة فيها اسرة وبيت واطفال ومستشفيات وولادة ووحم وغسيل عدة وسراميس شاي عند ناس عمران واحيانا كمتصفح للمنبر وبعد داا لاقي المبررات لي رقبتك |
أبوالقدح بعرف محل يعضي أخوه
| |
|
|
|
|
|
|
|
|
|
Re: تماضر بي الطرحة في راسا .. (Re: abubakr salih)
|
يا عمر سلام تانى
ياخى معذرة لو كلامى وصلك غلط , طبعآ ما قاصد انو في حاجة بينك و بينهم, لكن واضح بالنسبة لى انو البتسميهو نقد ده ما مبنى على وجهة نظر مؤسسة و مبنية على منهج ايآ كان, بالعكس بفتكر انها قايمة على موقف سياسي و فكرى مسبق و ده من حقك.
انت شفت حاجة - تماضر لابسة طرحة - طرحت تساؤل او استنكار لأنو في راسك في افتراض آخر - انو تماضر حترفض او يجب ان ترفض لبس الطرحه اثناء التمثيل - و بناء على افتراضك ده حكمت مش على تماضر بس بل و شملت معها مجموع من الناس - الممثلون من رواد سودانيز اون لاين -
لو ما عندك موقف و حكم مسبق كان ممكن تقدمه كالاتى :
- تساؤل لى تماضر لماذا لبست الطرحه في المشاهد دى؟ هل تمت ضغوط عليهم ام لأ؟ و هل هى شايفة في تناقض في موقفها ام لأ؟ و هل ده عنده تأثير على العمل الدرامى نفسه ام لأ؟
و تنتظر رد تماضر و بعدها تحكم. ده كلو انت ما عملتو جيت ردمتها و كل "العور" الجنبها مع بعض, زى الردم العملتو لى رشا و طارق الامين و غيرهم , احكام جاهزة و مبيتة , و ازيدك فوق ده , لو تماضر ما لبست طرحه كان حتجى انت أو غيرك و يكتب "تماضر بدون الطرحة في راسا .. " و يهاجم بي نفس المحتوى مع اختلاف الصياغة و المدخل.
ده من جانب , الشئ التانى:
- هل حصل تماضر قالت انها ما حتلبس طرحة اثناء التمثيل؟
- لنفترض انها خيرت ما بين تلبس طرحة أو ما تمثل و قبلت بالتنازل ده في سبيل تعمل حاجة شايفاها هى أهم , مش من حقها انو يكون عندها تقديرها الخاص؟ و ممكن الناس تتفق او تختلف حوله دون نصب مشنقة "تماضر ضحت بي المبادئ من أجل وضع بصمة ممثلة في الألفية التالتة وتقول انا موجودة " دى؟
يا عمر الكلام الكتبتو ده ما نقد و جارح كمان لأنك بانيهو على قراية نوايا الناس و افتراض مواقف لم يقولوها و لم يدعوها. و لو كل زول جا قال "ذوقو الشخصي" بي نفس طريقتك التجريحية و تفتيش الضمائر دى ما كان في فنان غنا و لا زولة مثلت.
و نتفاهم زيادة
| |
|
|
|
|
|
|
|
|
|
Re: تماضر بي الطرحة في راسا .. (Re: esam gabralla)
|
Quote: وليد الحدار التانى في الضلمة
البخلى كلام عمر رأى و كلامنا في كلام عمر ما راى شنو؟
بجيك للباقي |
هاهاهاهاهاهاهاها
هسع عليك الله حدار الضُلمه منو ؟
انا جبت سيرتك يا عصام لو ما انت عاوز معاي شربكة
هاهاهاهاهاهاهاهاهاهاهاههاهاها
كدي ارجع اقراء وتعال اعتذر
شوق كلامي انا وجهتو لمنو مباشرة وكتبت اسمو في المداخلة كماني
وهو اتكرم ورد علي
ههاهاهاهاهاهاهاهاهاهاهاهاهاها
والله مبالغة
| |
|
|
|
|
|
|
|
|
|
Re: تماضر بي الطرحة في راسا .. (Re: abubakr salih)
|
اساسي:
والله السعودية حباااابا اصلو ما بيتقال فيها الكلام الانت كتبتو فوق ده ..ولو حصل وانا قلت الكلام ده اكون غلطان وطالبني إعتذار..
ياخ بلد فيها بندة عليك الله في ذمتك دي بلد بتتفات بي اخوي واخوك ؟
هشام خدر صاحبي اللذيذ والشيوعي البيشهيك في الشيوعية زمان قادينا بي بنطلون جينز واحد ومعاهو قميص ابيض اها فجأة كده جا السعودية وانا جيت بعدو بي سنتين لقيتو ليك قاشر قشرة سنينك وناااير..قلت ليهو ده شنو يا هشام ويين الاشتراكية وما ادراك ما اتحاد العمال والطبقة العادية والمساواة و و .. قال لي ا عمر ياخ عليك الله أسكت داك كان شغل فلس ساااي
دحين يا اساسي لو لقيت ليك كلام انا كتبتو زي الانت قلتو لي فوق ده فبيكون شغل عطالة وشكلة كفيل ساي ..
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
| Quote: يا حبيبنا مافي داعي للتبرير .. |
لا يا وليد مرات بتكون محتاج للتبرير لما تكون عايزو انت ما عشان الناس ..
انا فعلاً إنتبهت للصدفة الخلت إنو رشا وتماضر يجو ورا بعض بس زي ما انت قلت دي شخصيات عامة وانا اتعاملت على الاساس ده ..
كلام عصام ده طمم بطني زي ما هو كمان بيفتكر بوستي ده طمم بطنو ..
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
يا حيدرا :
| Quote: اها التلقائية وصلت وين |
وصلت الحد اللي فيهو الأم قالت لي بتها مش انتي عاملة فيها صاحبة ابوك ؟ أمشي كلميهو برااااك بي العريس الجاييك ده ثم فرهدة وغرويد عيون من البت ثم حضنة وابتسامات ..
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
أ يا أباذر:
Quote: مرات كتيرة بكون فى التلفزيون وفى قنوات كتيرة عاملين لقاء مع الفرق بتاعة الكوميديا ديلك
واللقاء عادى ما فيه تمصيل ولا شى
يعنى مع الممثلين كأشخاص أو كفنانين
تعال شوف عاد
تلقاهم يعملو ليك نفس الحاجات البعملوها زى الكأنهم بشتغلو فى عمل كوميدى
وده بديك اول انظباع انه شخصية الزول ده فى الشغل بتاعه وفى الحقيقة واحد
والعجب كمان لو كان فى فنان بغنى
حتشوف العجب العجاب |
أها دي اللي بي سببا الجماعة هاجو في سامي لأنه بي إختصار يا حبيب دي الإسمها في كتير من الأحيان العوارة ..
المشكلة الأكبر إنو الفرق الكوميديا الجماعة فيها قرروا يتعاملوا بي نفس الشخصية من باب الظرافة واللذاذة ..يعمل فيها بيعزف كمنجة ويعمل فيها بيرقص وبيعمل فيها بيضحك مع كل سؤال ولازم يترد بي نكتة ..
كدي بجيك ليها تاني كان الله هون يا حبوب..
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
كوت/ طبعا انت جواك قادر تقدر الظروف الجبرتك تعمل كدا ولاقي لي رويحتك المبررات الكافية لانه تعيش حياتك بالطريقة دي الي اجل غير مسمى كما هو وضع المغتربين في الخليج , لكن في نفس الوقت ما لاقي مبرر لي تماضر انها تخت ليها طرحة في صنقورها وتمثل بيها مشهد في مسلسل او تمثيلية , وقارن بين لحظات ظهور في مشهد لتماضر بدون مبرر وبين حياة عريضة فيها اسرة وبيت واطفال ومستشفيات وولادة ووحم وغسيل عدة وسراميس شاي عند ناس عمران واحيانا كمتصفح للمنبر وبعد داا لاقي المبررات لي رقبت/نهاية الكوت من اساسي
اساسي ده اظنو زعلان منك ..ختاها ليك موجعة بصراحة..
اتذكر وانا سايق الحافلة الجربانة ديك في طرمبة في شارع الغرابي لاقيتك في عربتك الكرولا الجديدة ديك ورامي في المقعد الورا اوراق تقديم اللوتري ياعمر..
شوف عيني دي ..ورق اللوتري مرمى في المقعد الورا...الوكت داك انا طالع اشتغل بي الحافلة ارزاق ..بقول في نفسي الجنا ده سايق كرولا اخر موديل امريكا دي ماش يسو فيها شنو؟؟
ربما تماضر مارست تلك الطرحة بصورة جبرية لتمرير فكرة .. وربما ملت لاحقا من هذا الزيف وغادرت
انتا يا من (جنك وجنك البسو شي مامفقتنع بيهو) ايناك من ماذكرته لك بالاعلى؟؟
هب انو ماكان في ورق لوتري وانو انا كنتا بتوحم بي امريكا؟؟ هسي انتا مقتنع بي البتسو فيهو ده؟؟
/
انتا ياخ ماتتلح حميده ..راجل فاضي وماعندو شغلة ..واهلٌ للفوضى والعولاق.. ولقاها باردة في حوش بكري ده..مالك ومال الناس الجابو اللوتري الغلبك ده ؟؟
طرحة شنو الجاي تهنضب تماضر بيها؟؟ هسي تماضر دي لو لقيتا بين اخوات نسيبة في معسكر دفاع شعبي ..بتشك في الدفاع الشعبي ولا في تماضر؟؟؟
علما بانو تماضر قد صمدت لاحقا بلا طرحة ولم يصمد الشهدا طويلا كشهداء ...
| |
|
|
|
|
|
|
|
|
|
Re: تماضر بي الطرحة في راسا .. (Re: DKEEN)
|
| Quote: اذا كسرت الممثله السودانية الحواجز النفسية الذاتية و تغمّصت دور الزوجه، فى عمل فنى، بكل ما يحمله من مودة و حميمية و "تلقائية" فى التعامل مع الزوج سوف تُلاك سيرتها على الالسن و تصف بانها واحده شــــ كش، وكل واحد سوف يحدّث صاحبه بالله ما شفتها بتتهنجك لى فلان داك كيف فى المسلسل!!. الموضوع لا ينحصر فى هذا اٍطار المراة لكنه يتوسع ويشمل كل جوانب العمل الفنى و حتى بالنسبة للمثل الرجل، لان الثقافة السودانية عموما ثقافة متحفّظة و بالتالى تُسقط كل هذه المحافظة فى شكل قيود نفسية و عملية على الفنان. اذا فى نقاش و مساهمة يجب ان تذهب اعمق لتفكيك هذه النزعة المحافظه او على الاقل دعم الفنان فى مواجهتها. ياخ و الله تماضر و اهلها يجب ان يشكروا على يقدمونه من مساهمة فى تكسير التابوهات الاجتماعية و نظرة المجتمع للمراة العورة!!. |
دا اس المشكلة
هشام
| |
|
|
|
|
|
|
|
|
|
Re: تماضر بي الطرحة في راسا .. (Re: هشام كمال)
|
وتيب؟
ده مش القلناه؟؟
مش قلت ليكم الاصرار على الطرحة ده بشيل من تلقائية الممثل؟؟
عمر الفاروق امشى راجع كلامى فى بوست
مافى دراما ومافى ممثلين فى السودان وشنوشنو داك الانكتب هنا داك
فعلا حبيت اشارك فى عمل درامى اثناء وجودى فى السودان ...والمخرج زميلى فى المعهد عادل الياس ،
وكل دقيقتين والناس مشغولة بالتمثيل والمشهد الكاميرا تقيف، شنو؟؟ الطرحة وقعت
| Quote: خافت لذاعته هذه كاميرات المخرجين ...فى حوارى مع الجريدة الذى سأتى به هنا ضربت مثلا بالمشهد الذى قمت بتأديته فى الفيلم التلفزيونى (رؤى) والذى سوف تشاهدونه فى رمضان هذا أو العيد لا أدرى ولكن اعطانى عادل الياس دورا فى هذا الفيلم فى هذه الزيارة العاجلة ..وقد قمنا بتصوير المشاهد فى بيتنا...أكثر ما راعنى هو موضوع "التوب فى الراس" كان بالحق مزعجا جدا أن يظل توب الممثلة فى راسها فى كل الاوقات والا توقف التصوير...اذا أنا الممثلة لا أشعر بواقعية المشهد فهذا سيقيد "عنفوانى الابداعى" ويحد من حركتى الوجانية...اذ كيف اكون بالمنزل مع زوجى وبنتى وأظل أراقب ثوبى حتى لا يقع من رأسى ولماذا ألبس ثوبى بالمنزل اصلا؟؟ |
Re: ما في ممثلين في السودان نهائي للأسف وحقو يبطلو عوارة ويقيفو لحدي هنا!
شكرا عمر الفاروق فهذا هو بيت القصيد فى مسألة الدراما فى السودان ...
فقد قلت ما قد قلته أنا فعلا .....
| |
|
|
|
|
|
|
|
|
|
Re: تماضر بي الطرحة في راسا .. (Re: Tumadir)
|
Quote: تماضر يبدو إنها وافقت لمجرد ان توثق لنفسها بعد العودة ولتثبت إنها ممثلة سودانية ولتضيف عمل لأعمالها ويبقا ليها مراقة من المراقات لو سألوها ماذا قدمتي للفن السوداني وانتي المتغربة لأكثر من طاشر سنة !!
|
ياخى والله انا اصلا ما ناديتك "عمر الفاروغ" زى ما الناس بنادوك ههههه
يعنى الدراما السودانية دى الا الزول يقدمها "فى السودان" حتى يبقى قدمها ...فتأمل ياقول ملاسي ...
والله ما خاتى عليك عصام جبر الله كان قاليك "حدار الضلمة"
عمر الفاروغ ؟؟؟ انت ما قريت كلام دكين ده ولا شنو؟؟
"بالمناسبة يا دكين لقد اثلجتم صدورنا"
عليك الله يا فاروووووغ أقيف مع ناس الدراما فى "محنتهم" ..
.ديل ممثلين وطنك ...وخلى جوليا روبرتس تحمد الله صارفة قروشها و( طابلويتها )رامى ....و أوسكاراتا مولعة
وكان بتريحك فى كنكوجك ده ..غصبا عنك ....وكان ما بتريحك برضو "صارفة"
السؤال : ماذا قدمت أنت "كمواطن" لحقوق الممثل السوداني....وخطورة تدخل السياسة فى منتوجو الفنى ؟؟؟
تررررارتراااااااا
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
الأخ عمر الفاروق سلامات
Quote: يعنى الدراما السودانية دى الا الزول يقدمها "فى السودان" حتى يبقى قدمها ...فتأمل ياقول ملاسي ...
|
شاهدت للأخت تماضر عمل مينودراما فى ولاية نيوجريى اقل من شهر من الآن
وكانت أول مرة اشاهد فيها تماضر على خشبة المسرح (وذلك يرجع لغيابى لأكثر من 20 سنة خارج السودان ، يعنى نقص منى وليس نقص من الأستاذة القديرة تماضر)
بعد العرض رأيت بأننى أمام عملاقة من عمالقة فن التمثيل
تماضر تمكنت فى ذلك العرض وبمقدرة عالية جداً وبراعة فائقة فى أخذ الحضور الى فضاء العمل وجسدت فى خلال اقل من نصف ساعة مشهد مسرحى حى تحس بأنك داخلة
وجسدت شخوصه وأحداثة بتمكن عال.
نعم الجو العام فى السودان لا يعطى الفنان (ممثل ، مغنى أو رسام أو غيره المساحة المطلوبة والحرية المناسبة التى تعكس قناعات الفنان)
وقبول الأستاذة تماضر بطلب المخرج قد يكون محاولة منها للتواصل مع جمهورها داخل السودان وقد لا يعنى تغير أو تزحزح عن قناعاتها
التحية للفنانة المتمكنة تماضر وأرجو أن تسمح الظروف بمتابعة المزيد من أعمالها
| |
|
|
|
|
|
|
|
|
|
Re: تماضر بي الطرحة في راسا .. (Re: حسن حماد محمد)
|
تعرف يا دكين :
هم حاجتين الوجعوني في كلامك ده لأنهم الإتنين ما صاح ..
اول شي عربيتي يارس وياريت لو كورولا بس والله اليارس زاتا حبااابا والله ..
الحاجة الما كنت متخيلا فيك يا دكين انك تجي تكضب عشان تبرمج بي قدام الناس ..
والله يا دكين ووالله وتصدق ولا لأ في حياتي ما قدمت لي لوتري نهاااائي..طبعا ده ما انتقاص منو واسة اسة امريكا دي لو لقيتا ما باباها بس اصلو ما حصل فكرة اللوتري دي راودتني او خليني اقول ما عارفو ببدا بتين وبينتهي بتين ..الغريبة عندي صاحبي قال لي رسل الصور اقدم ليك اتصورتها ليهو من السنة الفاتت اهو ديييك تسمع في كلامك بس ياخ وزي ما بيقول محمد سليمان بتاع بدون عنوان ما برجعك فاضي والله برسلا السنة دي ..
باقي كلامك نقة وحشو..
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
| Quote: السؤال : ماذا قدمت أنت "كمواطن" لحقوق الممثل السوداني....وخطورة تدخل السياسة فى منتوجو الفنى ؟؟؟ |
ياعمر قبل ما تجاوب على السؤال ده
والاكيد إجابتو حاتكون "الوعي" !!!!
انت اشتغلت مع ناس المصنفات قبل كده
_
سؤال صعب يجهجه كنكوجك
| |
|
|
|
|
|
|
|
|
|
Re: تماضر بي الطرحة في راسا .. (Re: مرتضى احمد عبد القادر)
|
حسن حماد :
| Quote: وكانت أول مرة اشاهد فيها تماضر على خشبة المسرح (وذلك يرجع لغيابى لأكثر من 20 سنة خارج السودان ، يعنى نقص منى وليس نقص من الأستاذة القديرة تماضر) |
عارف غيابك خارج السودان ده مفروض يكون هو السبب في إنك تشاهد تماضر بس صدقني الجوة السودان بيكون ليهم زي 25 سنة ما شافو تماضر لا في خشبة مسرح لا في تلفزيون ..
بالتالي انت ما ناقص ما تتحسس ساي يا اخوي
تخريمة :
يا قرضابي ديمبا الايام دي عريس والتشبيه بيهو حبااابو ياخ ..
| |
|
|
|
|
|
|
|
|
|
Re: تماضر بي الطرحة في راسا .. (Re: مرتضى احمد عبد القادر)
|
تماضر:
ياخ والله (الفاروغ) طالعة من بؤك زي العسل..غايتو لو قولتيها بي نفس غرويدة العيون حقت التمثيلية اللي سميتوها فيلم ديك تكوني كملتي جميلك ..
غايتو كلمة (المخرج صحبي ) دي اديتني رد ممكن يكون في صالحك وإنك عملتي الموضوع ده واتنازلتي عن قيمك التمثيلية عشان خاطر صاحبك المخرج ..
بس صدقيني يا تماضر طالما قررتي العودة للتمثيل كان تعودي بشكل افضل يخلي الجيل الجديد ده يذكرك بالخير ويخت ليك بصمة عشان لما الناس تسأل سؤال ملاسي داك نقدر نساعد بي الاجابة ..
بعيداً عن الفكرة الانسانية بتاعت البت العرجا هل تتوقعي ده عمل يتناسب وطول غياب دام عشرين سنة ؟؟
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
عمر الفاروق يا صاحب
اصرارك علي انه النقطة الارتكزت عليها نقطة قوية وصحيحة من وجهة نظرك فيه نوع من المكابرة , جميع الاصوات في هذا البوست اتفقت علي انك ارتكزت علي ثدي ميت وبديت ترضع وما راضي تفكو بالرغم من انه الجميع اشار اليك بانه ( الشطر ميت و البوست بيض ) ولا يرقى لادارة حوار حوله , بعدين بصراحة ما معروف النقطة او الخلاصة الداير توصل ليها عبر البوست دا شنو ؟ هل تماضر خالفت قناعاتها ورضخت للامر الواقع رغم مواقفها ومبادئها في هذه النقطة ؟
فليكن يا عمر ولكن الا تري معي ان الجميع وبما فيهم انت يفعلون الكثير من الاشياء التي لا يكونوا في دواخلهم مقتنعين بها لمبررات كثيرة قد تكون مقنعة لدي البعض وليست مقنعة لدي البعض الاخر , ياخي طرحة؟ الناس عديل بنجبروا يغطوا قدحهم ويعيشوا حياة كاملة وهم غير راضين عنها لحسابات كثيرة وتقول لي طرحة تماضر ؟
بعدين ياخي انت زول مسلم ملتزم حسب ما رايته فيك , الم تسمع قول جعفر بن محمد : إذا بلغك عن أخيك الشيء تنكره فالتمس له عذرا واحدا إلى سبعين عذرا، فإن أصبته، وإلا، قل لعل له عذرا لا أعرفه.
والقول الاخر :التمس لأخيك سبعين عذر فان لم تجد فاتهم نفسك لعلك أنت المخطى
| |
|
|
|
|
|
|
|
|
|
Re: تماضر بي الطرحة في راسا .. (Re: مرتضى احمد عبد القادر)
|
الاخوة والاخت تماضر سلام
مع انو شغل الدراما دا ما عندنا فيهو خبرة لكن وقت ناس اساسي وملاسي دخلو قدومم لح نمد رجلينا شوية
بالنسبة لموضوع البوست لفت نظري جزء من مداخلة الاخ ابو ذر Quote: لكين انا قلت اجليها وانط لموضوع التلقائية والعادية فى الشغل الدرامى
|
ودي كتير ما خلت الواحد يغير القناة بحثا عن ما يزيج الملل الذي خلفه مشهد ( تمثيلي ) لممثل سوداني حقيقة مسالة التلقائية والعفوية دي مهمة جدا ورغم عدم تخصصي في التمثيل لكن اعتقد ان الممثل وهو يقوم بدور بشخصيتو هو الاصلية والحقيقية افضل كتير من ان يقوم بتمثيل دور الشخصية هنا الواحد بيحس انو قدام تمثال ناطق ليس الا او انسان الي ...
موضوع الطرحة تماضر قتلت الدش في يد عمر لو عمر قاصد تماضر في شخصها او كمثال للفنان السوداني الذي يرفض شي ويعملو .. لانها انتقدت الواقع الذي فرض عليها لكن لو اخذناه كنموزج لمناقشة الواقع نفسه فدا بيكون شي جميل جدا ويار ريت ناس الدراما في السودان يشاركوا مع الاخرين في البوست
انا شخصيا برى انو الدور هو البفرض نفسو علي الممثل وليس عادات وتقاليد المشاهد والدراما اصلا لو ما حاكت الواقع كما هو ما بتبقى دراما ولا بتمثل اي شي ولا بتعكس الواقع المراد نقاشه
ونفسية المشاهد اصلا بتتعامل مع المشهد القدامى باعتبارو واقع حقيقي وما بهمها كتير انو الممثلة كاشفة راسا ولا كرعينها ولا داك ما لابس لبس كويس وشعرو عامل كيف الحاجات دي بتكون واضحة وشاذة لو ما كانت في مكانها الصاح ... يعني ما ممكن زول لابس كرفتة مثلا وهو عامل بناء او زولة ناقشة الحنا ولابسة دهب وهي مفروض انها زولة فقيرة .. الحاجات دي ما بتركب وبتطلع المشاهد من المشهد نفسو ويقلب القناة طوالي ...
تحياتي للجميع ,,
| |
|
|
|
|
|
|
|
|
|
Re: تماضر بي الطرحة في راسا .. (Re: محمد حسن العمدة)
|
يعني هسي كلامي التاني حشو ..وكلامي الماحشو كضب؟؟
ياخ انا حتى اتذكر سالتك يعمر انتا ماش امريكا ولا شنو؟؟قتا لي اهو بنقدم .. ولو لفقت حاتابع مع ابو جهينة لانو عندو اهل في امريكا..
وحتى اتذكر سالتني من وصف بيت ناس ابو جيهنة قتا ليك معتصم دفع الله بعرفو..
ياعمر ياخ عادي.. كلنا عايزين امريكا دي..
:)
| |
|
|
|
|
|
|
|
|
|
Re: تماضر بي الطرحة في راسا .. (Re: saadeldin abdelrahman)
|
عمر الفاروق، انا قاعده اتكيّف للبوستات بتاعت النقد الفني حقتك.. والغريبة، انت لسنتين ورا كده شغال بس نقد فنّي... واتطوّر عندك، وبقيت تفلسفه كمان... فيما يخص رأيك، ممكن افهم وجهة نظرك واوفقك عليها إلى حد كبير، لكن برضه بدّي تماضر عذر (عشان بريدها)... وعشان الفتوى بتاعت اساسي بتاعت السبعين عذر دي... لكن فعلا المباديء لا تتجزّأ... وتظل الدنيا بتجبرنا على اننا ننحني...
في ذات السياق، بذكر أمثلة زي ظهور نانسي عجاج، ولبسها للكسكته في تلفزيون النيل الازرق، كحل وسط ما بين الطرحه وعدمها... لكن لولا ظهروها داك، ما كان حد فينا عرفها...
*الكبكبه شنو في الكتابة لتماضر، ما عرفتك اللغة اختلفت تماماً!
**فتّش على اصدقاء جدد بالله!
| |
|
|
|
|
|
|
|
|
|
Re: تماضر بي الطرحة في راسا .. (Re: وليد محمد المبارك)
|
اساسي يا حبوب :(حبوب دي بي مناسبة يا صاحب )
| Quote: اتفقت علي انك ارتكزت علي ثدي ميت |
راميها في بتك المسكينة دي ساااي ..براعم أثرت فيك انت يا مان ..
بالمناسبة أحيلك لي قناة إسمها سنا وأهديك أغنية طائر النورس حلق ..حلللق حللق..
بي الجناحين وصفق..صفففق ..صفففق..
طااائر الناااورس..طاااائر النااااورس..
إسم موسيقي عجبني جداً وممكن يستخدم في الأمثال السودانية والعربية زيو زي بليلة مباشر وقميص عثمان (ولا هو إسمو منو؟)
تخريمة :
والله مداخلتك التانية دي يادوووب فهمتني مداخلتك الأولى ..ياخ انت كتبت كلام كتييير في الاول ما بيحتاج لو فكرتك كانت كده
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
| Quote: والله يا ناس السعودية خوتكم خوة طيارة بس |
هييييييييييييييي يا شفت خلي شغل المديده ده
حكاوي السايبر للونسة بس
____________________________
علا بيني وبينكـ زنقة حميضة والفاروغ بنحبها 
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
| Quote: موضوع الطرحة تماضر قتلت الدش في يد عمر لو عمر قاصد تماضر في شخصها او كمثال للفنان السوداني الذي يرفض شي ويعملو .. لانها انتقدت الواقع الذي فرض عليها لكن لو اخذناه كنموزج لمناقشة الواقع نفسه فدا بيكون شي جميل جدا ويار ريت ناس الدراما في السودان يشاركوا مع الاخرين في البوست |
لا يا عمدة انا قاااصد تماضر (بس ما في شخصها شخصها) .. انا قاصد تماضر في حتتك التحتها خط دي..
ابداً اصلو ماف زول فرض عليها شي..وعشان ما نتكلم بي العموم وانو بنتكلم عن التمثيل والماضي والدراما وسياسات التلفزيون انا بقول تماضر ماف شي اتفرض عليها ..زولة جاية اجازة كلها كم وعشرين يوم تستمتع فيها مع الاهل والاصحاب ولا اظن ان الدراما كانت همها الاول وما مخططة لي رحلة او اجازة فنية ..يبقا كان ممكن تكتفي بي اللقاءات التلفزيونية والراديوية لكن طبظتا بي التمثيلية (وليس الفيلم**) والسيناريو الركيك الكان في التمثيلية ..
تماضر المفروض وحسب فهم الناس الهنا ديل انها خبرة واتصقلت في (الغرب) وح تجي تخت عصارة ما اكتسبت في الغربة في اعمال قوية تعتبر نقلة ..
الناس اللي جات هنا تهاجمني دي نصهم او كلهم ممكن يكونوا ما شاهدوا العمل البتكلم عنو ده ولا بيكونوا شافوا طريقة تمثيل تماضر وجايين عشان يقولوا لي هو انت منو عشان تقييم تجربة تماضر وتنقد وتحلل ..
القدمتو تماضر في الدور ماف اي فرق بينها وبين تقدموا واحدة من الموجودات في السودان من ممثلات مبتدئات وده اللي خلا ماف فرق بين تماضر وبين اي ممثلة عادية ..
بقصد انو ممكن مثلا احس بي فرق لو في دور ادوهو لي كريمة مختار او امينة رزق في دور الأم وحتى ولو كان مشهد مشهدين بحس بي الفرق من لو ادو دور الأم ولو في مسلسل كااامل لي صابرين مثلاً ..لأنه فعلا حا احس بي الفرق في الخبرة ..
تماضر ما اضافت اي شي للدور اللي هو من اصلو تعبان والسيناريو ليهو ما مكتوب بي صورة متميزة وفوق ده وده جات تماضر بي شكل وحضور ضعيف متمثل في الطرحة والربيط والحجاب في اوضة النوم يعني باختصار المشهد كلو ما كان بيستاهل تضحية من تماضر عشان توافق بيهو بعد طول غياب !!!!!
| |
|
|
|
|
|
|
|
|
|
Re: تماضر بي الطرحة في راسا .. (Re: عمر الفاروق)
|
دكين :
Quote: ياخ انا حتى اتذكر سالتك يعمر انتا ماش امريكا ولا شنو؟؟قتا لي اهو بنقدم .. ولو لفقت حاتابع مع ابو جهينة لانو عندو اهل في امريكا..
وحتى اتذكر سالتني من وصف بيت ناس ابو جيهنة قتا ليك معتصم دفع الله بعرفو..
ياعمر ياخ عادي.. كلنا عايزين امريكا دي.. |
يعجبني فيك انك بتفهمني ..
ايوة كده ياخ دي اسمها مداخلة دسمة وممكن الواحد يقدر يستفيد منها ويرد عليك ..
| |
|
|
|
|
|
|
|
|
|
Re: تماضر بي الطرحة في راسا .. (Re: محمد حسن العمدة)
|
| Quote: اذا كسرت الممثله السودانية الحواجز النفسية الذاتية و تغمّصت دور الزوجه، فى عمل فنى، بكل ما يحمله من مودة و حميمية و "تلقائية" فى التعامل مع الزوج سوف تُلاك سيرتها على الالسن و تصف بانها واحده شــــ كش، وكل واحد سوف يحدّث صاحبه بالله ما شفتها بتتهنجك لى فلان داك كيف فى المسلسل!!. الموضوع لا ينحصر فى هذا اٍطار المراة لكنه يتوسع ويشمل كل جوانب العمل الفنى و حتى بالنسبة للمثل الرجل، لان الثقافة السودانية عموما ثقافة متحفّظة و بالتالى تُسقط كل هذه المحافظة فى شكل قيود نفسية و عملية على الفنان. اذا فى نقاش و مساهمة يجب ان تذهب اعمق لتفكيك هذه النزعة المحافظه او على الاقل دعم الفنان فى مواجهتها. ياخ و الله تماضر و اهلها يجب ان يشكروا على يقدمونه من مساهمة فى تكسير التابوهات الاجتماعية و نظرة المجتمع للمراة العورة!!. |
ابوبكر سلام
ياخ كلامك منطقى جدا ولكن الناس فطوه ليك لعدم رغبة فى اعادة لواكة بعض المفردات المصرجة الواردة فيه وذلك لنفس الاسباب التى
سقتها فى حديثك بشأن الثقافة المتحفظة وعليه انا ارى ان يواصل الشعب السودانى حياته دون الدخول فى متاهات الدراما وشبهة الادعاء
وليبحثوا عن مجال ابداع اخر وشخصيا ارى انهم بارعين فى الدوبيت والشعر الحلمنتيشى والله لا جاب الهنجكة
الفاروق احييك والله على الكتابة المفيدة (بشهادة تماضر)
| |
|
|
|
|
|
|
|
|
|
Re: تماضر بي الطرحة في راسا .. (Re: احمد التجانى احمد)
|
بت الحسين مريم :
والله حقو الواحد يفتح بسوت يقول للذي يكتب لمريم
عارفة بالجد عجبني كلامك عشان انتي قلتي الحاجة الصاح ..الحاجة اللي معظم الناس غلبهم يفهموها او يعبرو عنها ..
ابيتي تقولي راي سلبي عشان بتحبي تماضر ..ودي حاجة حبااابا والله ..
الناس اللي هنا ديل لو كان البوست ده اتفتح في الممثلة علوية باشري اللي ما بيعرفوها كان معظمهم جا قال لي كلامك صاح ..
كنت اتمنى زول يجيب جزء من المشاهد حقت التمثيلية دي وحتى لو اتناسى قصة الطرحة اللي يجي يدينا رايو في تمثيل تماضر اللي قالوا عني اني كيييف اقيمها واتكلم عن تمثيلها..
اما ان دار محورسؤالكم عن السنتين النقدية فبقول ليك والله سودانيز ده ممتع خلاااس...
جربنا تنظير سنتين سياسة وجوطناااها ..خشينا في سنتين الكورة كملناها ..اسة حقت النقد قربت تنتهي ويا قول وليد بفتش لي في مدخل للرسامين بس ما لاقي ..
| |
|
|
|
|
|
|
| |
عمر الفاروق
عمران حسن صالح
حيدر حسن ميرغني
haroon diyab
أبوذر بابكر
ناذر محمد الخليفة
وليد محمد المبارك
abubakr salih
ابو جهينة
اساسي
saadeldin abdelrahman
Hussein Mallasi
يازولyazoalيازول
هشام كمال
Tumadir
حسن حماد محمد
ALGARADABI
مرتضى احمد عبد القادر
مريم بنت الحسين
دينا خالد
احمد التجانى احمد
Kostawi
سيد إبراهيم علي
فيس بوك
تويتر
انستقرام
يوتيوب
بنتيريست