|
|
 مدير الجمارك : نستورد 90% من الفول المصري من اثيوبيا و 100% من الزيوت النباتية
|
في لقاءه امس مع الجالية السودانية بالرياض ادلى بافادات خطيرة عن واقع الاقتصاد السوداني اليوم وهو الرجل الخبير الذي تمر من بين يديه جميع مشتريات السودان
الرجل كان شفافا وصبورا وواسع الصدر تقبل الانتقادات ورد عليها بادب جم رغم ضيق الوقت المتاح للمداخلات
عن السياسات الاقتصادية النقدية الاخيرة كان حديث الرجل صادما
السودان يصدر ما عدا البترول فقط ما قيمته 773 مليون دولار (لم يذكر حجم الصادارت البترولية)
يستورد السودان من الخارج ما قيمته 11 مليار دولار
4 مليارات دولارت معفاة تماما من الجمارك
استورد السودان سيارات بما قيمته مليار دولار (2009) وما قيمته 56 مليون دولار احذية و700 الف دولار اسماك
استورد السودان حتى يوليو 2010 ما قيمته 600 مليون دولار سيارات
من اخطر ماقاله السيد اللواء
السودان يستورد جميع احتياجاته من الزيوت النباتية (بما قيمته اكثر من مليار دولار ) جزء لا يستهان به ياتي من كينيا!!!
نستورد 90% من استهلاك الفول المصري من الجارة اثيوبيا!!!
ــــــــــــ
مافي واحد يسالني من الصور الصور كلها مع ود الباوقة
|
|
 
|
|
|
|
|
|
|
 Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: محمد إبراهيم علي)
|
فيما يختص بالمغتربين
لن تتاثر الاعفاءات الواردة في قرار وزارة المالية 59 للاغراض الشخصية في حالة العودة النهائية او العودة الجزئية للاسرة
يسمح لهم بادخال سيارة شخصية في حالة العودة النهائية على الايتعدى عمرها 3 سنوات
التربتك لا زال كما هو على ان تعود بسيارتك في حالة كانت متجاوزة لشرط الموديل
سيكون هناك تشدد في تمديد فترة بقاء السيارة بالسودان لاكثر من ثلاثة اشهر
تم ادخال نظام فحص سيارات التربتك بالاكس راي في ميناء سواكن ولن يكون هناك داعي لانزال العفش من السيارة لفحصه
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: ود الباوقة)
|
مما خرجت به من كلام مدير الجمارك
الاقتصاد السوداني يعاني مما يعرف بالمرض الهولندي (الاعتماد على مصدر وحيد وناضب)
تم اهمال جميع القطاعات الانتاجية الاخرى ومن اهمها الزراعة والثروة الحيوانية
الاقتصاد السوداني يعاني من اختلالات هيكلية وكل المعالجات التي تتم اليوم هي مسكنات فقط وترحيل المشكلة للعام القادم وهكذا
على لسان اللواء سيف (كانت البواخر في السابق تقف في ميناء بورتسودان بالايام لتعبئ صادارت الزيوت السودانية والان تقف بالايام لتفرغ شحنات زيت الاولين المستورد لانه صناعة الزيوت لدينا قد انهارت)
هل تصدق اننا نستورد جميع احتياجاتنا من الزيوت !!!!!!!!!!!!!!!!!
مما قاله ايضا وهو حقيقة ان الناس في الشمالية تركت زراعة الفول المصري (حليل فول السليم) واصبحنا نستورد 90% من احتياجاتنا من اثيوبيا!!!!!!!!!!
بل وحتى الثوم نستورده من الصين بعد ان كان يزرع في الشمالية
طبعا هو لم يزكر اسباب انهيار الزراعة وركز على موضوعه فقط وهو محق
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: محمد إبراهيم علي)
|
| Quote: تم ادخال نظام فحص سيارات التربتك بالاكس راي في ميناء سواكن ولن يكون هناك داعي لانزال العفش من السيارة لفحصه |
ده أجمل مافي كلام سعادة اللواء.. لأن موضوع العفش وسواكن من الحاجات المهمة للمغتربين المسافرين بالسيارات.. لكن مسألة الثلاثة أشهر دي فعلاً عايزة مراجعة.. لأنو بعض الناس الذين لا يرتبطون بوظيفة وعمل معين، تمتد إجازاتهم لستة أشهر..
Quote: على لسان اللواء سيف (كانت البواخر في السابق تقف في ميناء بورتسودان بالايام لتعبئ صادارت الزيوت السودانية والان تقف بالايام لتفرغ شحنات زيت الاولين المستورد لانه صناعة الزيوت لدينا قد انهارت)
هل تصدق اننا نستورد جميع احتياجاتنا من الزيوت !!!!!!!!!!!!!!!!!
|
ده كلام مؤلم جداً جداً.. الصناعة والزراعة ما المخرج الوحيد من الأزمات القادمة.. شعرت بحزن بالغ وأنا أرى أغلب المصانع في المنطقة الصناعية أمدرمان قد توقفت عن العمل وأصبح حيشانها مهجورة بعد أن كانت لوقت قريب تمتليء بالعمال والموظفين والفنيين والشاحنات والحركة التجارية النشطة..
نملك كل مقومات صناعة الزيوت.. لا تنقصنا الأراضي ولا المحاصيل اللازمة (لعصر) الزيوت.. وصناعة الزيوت لا تعتبر مكلفة ومقومات إنتاجها في متناول اليد.. مجرّد عصارة وجركانات فاضية وشوية كراتين..
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: عوض عبدالله طه)
|
صباحكم خير
محمد ابراهيم مشكور يا حبيب علي نقل الافادات الصادمة فعلا
طيب الراي شنو في ما بعد الانفصال وتاثر نسبة الصادر من البترول علي كفة الميزان المايله اصلا
ليه ما نشجع التصنيع الداخلي والاعفاء الجمركي المامعروف ده لو كان لصالح مصانع مثلا مصانع زيوت (قولي فول مشروع الجزيرة يا حليلو ) وتعليب فواكه والبان ورفع جزء من الضرائب عليها ما ممكن يقلل من العجز الموجود .. الله كريم
-----------------
طريق الاستهلاك بلا انتاج طريق هلاك اقتصادي ما في شك
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: محمد علي شقدي)
|
هذا اللقاء لم يعلن عنهلماذا
يعني كان لقاء من وراء حجاب
وكمان استورد السودان بماقيمته 100 مليون دولار عبارة عن اسلحة نارية ومسدسات في 2009
كما قالت مديرة ادارة الايرادات بوزارة المالية في احدي المقابلات التلفزيونية
اين شعارات ناكل مما نزرع ونلبس مما نصنعياود الباوقة
وكما ذكر في لقاء بنك البركة في فندق القصر الابيض ان اتضخم من اعلي المستويات في السودان
ولذلك نجد نسبة الفائدة علي التمويل في البنوك عالية
وطبعا السبب كما ذكرت انا في مداخاتي
هو ارتفاع المصروفات الحكومية بسبب كبر حجم الصرف علي الاجهزة السيادية من تنفيذية وتشريعية
وارتفاع الصرف علي القطاعات الغير انتاجية
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: محمد إبراهيم علي)
|
Quote: في لقاءه امس مع الجالية السودانية بالرياض ادلى بافادات خطيرة عن واقع الاقتصاد السوداني اليوم وهو الرجل الخبير الذي تمر من بين يديه جميع مشتريات السودان
الرجل كان شفافا وصبورا وواسع الصدر تقبل الانتقادات ورد عليها بادب جم رغم ضيق الوقت المتاح للمداخلات
عن السياسات الاقتصادية النقدية الاخيرة كان حديث الرجل صادما
السودان يصدر ما عدا البترول فقط ما قيمته 773 مليون دولار (لم يذكر حجم الصادارت البترولية)
يستورد السودان من الخارج ما قيمته 11 مليار دولار
4 مليارات دولارت معفاة تماما من الجمارك
استورد السودان سيارات بما قيمته مليار دولار (2009) وما قيمته 56 مليون دولار احذية و700 الف دولار اسماك
استورد السودان حتى يوليو 2010 ما قيمته 600 مليون دولار سيارات
من اخطر ماقاله السيد اللواء
السودان يستورد جميع احتياجاته من الزيوت النباتية (بما قيمته اكثر من مليار دولار ) جزء لا يستهان به ياتي من كينيا!!!
نستورد 90% من استهلاك الفول المصري من الجارة اثيوبيا!!!
|
.
الاخ العزيز محمد ابراهيم
السلام عليكم..
قرأت الخبر.. ولم استغرب ولم استغرب....؟؟؟؟
شخصي قلت قبل سنوات يعني عام 2003م ان سياسات النظام الحالية ستجعل السودان في مهب الريح سياسياً واقتصادياً واجتماعيا..وقد حدث..!!!.
لكن أين زمرة المطبلين من أمثال علاء الدين يوسف ووليد المبارك أصحاب العنتريات والمعارك الاسفيرية..
واين وهبة المتصدي دوماً لكل رأي مخالف للحزب الحاكم..؟؟!!.
ولماذا لا ينهار السودان اقتصادياً وله من المؤيدين والمدافعين من يرتزقون من كتابته المؤيدة ومن أين يجد النصيحة....؟؟.
المهم انك محمد ابراهيم قد وثقت مسألة غاية في الاهمية..أشكرك جدا جداً..
| |
|
|
|
|
|
|
|
 Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: عبدالله احيمر)
|
| Quote: كانت البواخر في السابق تقف في ميناء بورتسودان بالايام لتعبئ صادارت الزيوت السودانية والان تقف بالايام لتفرغ شحنات زيت الاولين المستورد لانه صناعة الزيوت لدينا قد انهارت |
أأأأأأأأأأأأأأأأأأيه دنيا
الزمن داك وما بعيد النص التاني للتسعينات كنت شغال في شركة صادر في فرعه الفي بورسودان
كانت البواخر في رصيف الشمالية فعلا بتقيف أيام
وكنا نستقبل العربات الجائه من معاصر الباقير تكب زيته في تنوك الضخ ( تنوك بان ماجد )
للعم عبد الماجد احمد توفيق هيبة , والزمن داك مدير التنوك دي عم سعد الله يرحموا
أو نقعد أيام في معاصروا يعصر الفول وبرضوا بتصدر زيت وامباز
بالجد كان في حركة صادر نشط للزيوت النباتية والسمسم وزهرة الشمس وكتير من المنتجات الزراعية السودانية
وحاليا بكلام السيد مدير الجمارك ده معناها فعلا حكومتنا قررت إننا نكون دولة بترولية لا بنزرع ولا بنعصر ولا بنصدر
وكل إحتياجاتنا بنستورده من بره ............... الكلام ده مؤسف شديد
وتوقف القطاعت دي يمكن تتخيل كمية من الناس بكون حالهم وقف بوقوفه
بس برضوا نقول خير , يمكن بترولنا زائد والناس هناك حاله زين
** يعني الفول شوية شوية من الفول المصرى للفول الحبشي أنا لله 
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: الهادي محمد ابراهيم)
|
سلام يا محمد إبراهيم والشباب,,
هل تعلموا أن السودان يستورد الطماطم والزهور من كينيا!!!
وأن كيلو الطماطم يسلم للمستورد فى مطار الخرطوم بسعر
دولار فى الأحوال العادية ودولارين فى أسوأ الأحوال ويدخل
السوق لبيعه باضعاف أضعاف سعره خاصة عند الزنقات ووصل
سعر الطماطم حتى السبعة وثمانية دولار!!!!!
البلد دى بالجد محتاجة معجزة لتغيير واقعها المرير الوصلتو ,,
جروف الخرطوم فقط يجب أن تكفي السودان على الأقل إحتياجاته من الخضروات
لكن الناس دى بتفكر كيف ولا بتعمل فى شنو بالضبط ما تقدر تفهم,,
الدمار شامل لقطاع الزراعة والمزارعين أفقر الدولة أكتر وأكتر,,
تحياتى
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: أيمن الطيب)
|
وهذا يعني ضمن ما يعني أن الفئة الرأسمالية الاقوي والاقرب لمواقع إتخاذ القرار هي فئة المستوردين
وبيرقراطي وزارة التجارة
وتحالف الاثنين ديل ومن زمان شديد كان المعمل الذي تفرخ فيه المجموعات الطفيلية
رخص الاستيراد كانت وأظنها ما زالت كاللوتري تطير بيك السماء بمجرد خروجها من الوزارة
لكن ......
لدرجة إستيراد الطماطم والفول المصري والسمك من أثيوبيا ؟؟؟؟؟
دا ما كثيرة شديد
طبعا دا علي حساب مجموعات أخري كثيرة العدد وشديدة الاهمية من المزارعين والرأسمالية المنتجة محليا وعمال الصناعة
ويتحول هؤلاء إلي عطالة وعالة علي المجتمع بعد أن كانو مساهمين أساسين في الدخل القومي
وتضعف بالمقابل القوة الشرائية فلا تجد حتي البضائع المستوردة مشترين
والذين تحدثوا عن المرض الهولندي نقول
أفيقوا شوية
فحتي السعودية والتي يقارب دخلها المليار دولار يوميا أصرت علي تطوير الصناعة والزراعة فيها
فأنتجوافي تلك الصحراء قمحا وتبرعوا بفائضه لمصر
وكما قال أحدهم هنا فإن إنتاج مزارعهم قد ظهر في بقالات السودان
وصارت السعودية من كبار منتجي البلاستيك في العالم
والسعودية بدأت نهضتها بعد البترول
ونحن بدينا نكستنا بعد البترول
فبعد أن كنا مصدرين للزيوت وبكميات خيالية
وحتي العصارات صارت تصنع محليا وبخبرات هندسية سودانية
صرنا مستوردين حتي للطماطم بعد ان صدرنا بترولا
أو ربما بدأت نكستنا منذ مجي الانقاذ
فخطة تدمير القطاعات الرأسمالية كانت قد بدأت من أيام الانقاد الاولي ومقتل الشهدا مجدي وجرجس وأركانجلوا
وأنظر لقطر والتي جعلت النفط أخر مصدر لدخلها من جملة مصادر دخل أخري
وحتي هولندا المسمي بها المرض أكبر مصدر للزهور في العالم
وكذلك منتجات الالبان
من حتة ارض لا تساوي ربع مشروع الجزيرة
هل لهذه الدرجة فقدت الانقاد عقلها ؟؟؟
الواضح أن المشكلة ليست فقط في إنفصال الجنوب
المشكلة في إنفصام الشمال
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: Nasr)
|
تحياتي ايمن دياب
| Quote: ده كلام مؤلم جداً جداً.. الصناعة والزراعة ما المخرج الوحيد من الأزمات القادمة |
فعلا لو علم القوم فلدينا مميزات في مجال الزراعة ممكن ان تجعلنا في مقدمة المصدرين للغذاء
شقدي كيفنك
| Quote: طريق الاستهلاك بلا انتاج طريق هلاك اقتصادي ما في شك |
المشكلة بعد شوية ما حنلقى الحنستهلكو وقول يا لطيف
تحياتي نصر
| Quote: وأين الأمن الغذائي |
امن النظام الحاكم يصرف عليه اكثر من اي شئ اخر 70% من الميزانية تذهب في بنود الامن والدفاع فتأمل يا قول حسين ملاسي
الاخ خالد ابو احمد شكرا على المرور
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: محمد إبراهيم علي)
|
Quote: الزمن داك وما بعيد النص التاني للتسعينات كنت شغال في شركة صادر في فرعه الفي بورسودان
كانت البواخر في رصيف الشمالية فعلا بتقيف أيام
وكنا نستقبل العربات الجائه من معاصر الباقير تكب زيته في تنوك الضخ |
نفس الكلام قاله سيادة اللواء ويحكي عن الحال الذي انقلب اليوم من شحن زيوت سودانية الى تفريغ زيوت الاولين
هنا لا تتأمل بل تمحن واسال الله السلامة
ـــــــــ
عبد الناصر مفروض تمشي على اخوال اولادك وتشتغلو تصدير فول مصري واهو تكون اخدت نصيبك من الثروة اما السلطة خليها لي صاحبك العريس لوووول
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: Alshafea Ibrahim)
|
كيف لا تنهار صناعة الزيوت في السودان بعد قيام شركة صافولا السودانية
المعفاة من كل انواع الضرائب والمملوكة للمتنفذين من اهل النظام وصندوق المعاشات
الذي اصبح واجهة فساد اخرى للمتنفذيين , اصبح القطاع الخاص لا يقدر على المنافسة
في ظل ضرائب باهظة غير متكافئة , اصبح جهاز الامن ووزاة الداخلية ووزارة الدفاع
كل يملك شركات تتعامل بصورة رسمية في قوت العباد من فول و زيت وسكر ودقيق
كلها معفاة من الضرائب والرسوم ,
هنالك امثلة سيئة في الاسواق هل تصدق بان علبة الصلصة المصرية مثلا اقل تكلفة من السودانية
وقس على ذلكـ مئات السلع ذات طابع الاستهلاكـ اليومي للعباد المغلوب على امرهم .
السعر العالمي لطن السكر لا يتجاوز الـ 450$ تجده في السودان يتجاوز الـ 1500 $ قل لي لماذا ?? والسودان دولة منتجة للسكر به 5مصانع .
كنت في زيارة في المكسيكـ قبل فترة وجدت ان المصريين قد تسيطرو تماما على سوق الكركدي الذي ياتي من السودان
وقدحدثني احد تجار الكركدي السوداني بحرقة والم عن فقدهم للتاجر والمصدر السوداني الذي كان يسيطر على السوق المكسيكي
اتدري لماذا ?? ببساطة لان مصر وعن طريق اتفاقية الكوميسا تشتري منا محصول الكركدي من المنتج مباشرة من اسواق الابيض
والرهد بدون اي رسوم او ضرائب او زكاة وفي مقابل ذلكـ يعطوننا زبالة مصانعهم من اواني بلاستيكية واباريق وسماد منتهي الصلاحية
هذه الحكومة متخبطة لا خطط اقتصادية لها ولا اناس يديرون دولاب التنمية فيها امتلات الوزارات باصحاب السوابق من السماسرة
والفاسدين والفاقد التربوي ,
والامثلة كثيرة حد الاحباط
| |
|
|
|
|
|
|
|
|
|
Re: مدير الجمارك : نستورد 90% من الفول المصري من اثيوبيا و 100% من الزيوت النباتية (Re: Al Sunda)
|
في طيارة عائدة للسودان من إثيوبيا قابلت من قال لي أنه يستورد أسماكا من إثيوبيا للسودان
وقال أن الاسماك المستوردة من إثيوبيا أرخص من الاسماك الواردة من النيل الابيض
لاحظ أنها منقولة بالطيارة
ويبدو أن كثير من السلع ينطبق عليها ما يحدث للسمك
بما في ذلك طبعا الزيوت وسكر كنانة الذي يهرب من مصر عائدا للسودان والفول
والسبب الرئيسي في غلاء السلع المنتجة محليا هو الضرائب والجبايات
في كلاسيكيات الاقتصاد يقولون أن كثرة الضرائب تؤدي إلي دمار النشاط الاقتصادي
وهذا ما حدث بالضبط في السودان
بس المحير
أنه بعد تعاظم دخل البلاد من البترول والدهب ما زالت الضرائب عالية
ويكمن السبب في أن تسعين في المية من دخل الجبايات والضرائب يعود للعاملين عليها
بس يجب ملاحظة أنهم وإن كانوا لا يدفعون عوائد الضرائب للدولة إلا أنهم من ناسها
فهذه الوظائف تذهب للمناصرين وعشائرهم
يعني برضو كدا كدا القروش طالعة من دم الشعب وماشة لناس المؤتمر الوطني
طيب سؤال: البيقيف في الشارع ويقبن المزارعين والمنتجين ويمشي غالب الدخل له شخصيا
فرقه شنو من الرباط قاطع الطريق؟؟؟؟؟
فرقه أن هذا الرباط موظف دولة
وبختمها الرسمي لا حولة
يأخذ من منتجيها ليعتاش هو الطفيلي
كما يعتاش القمل من دم بني آدم
ومن ثم يساهم بفعالية في تدمير الاقتصاد
وهكذا تساهم دولة الشريعة والمشروع الحضاري في تدمير الإقتصاد السوداني وإنسانه
| |
|
|
|
|
|
|
| |
محمد إبراهيم علي
عوض عبدالله طه
محمد علي شقدي
Nasr
khalid abuahmed
صديق الموج
حمد فتح الرحمن
الهادي محمد ابراهيم
أيمن الطيب
Ahmed Abdallah
Al Sunda
الصادق اسماعيل
Al-Shaygi
أسامة البلال
فيس بوك
تويتر
انستقرام
يوتيوب
بنتيريست