|
|
 عصابات ال(.........)ز تقوم بأعمال نهب وسلب في موقف جاكسون بالخرطوم
|
قامت مجموعة من عصابات ال(.........)ز بعمليات خطف للتلفونات ورمي بالحجارة للسيارات بموقف جاكسون بالخرطوم، مما ولد حالة من الرعب والذعر وسط المواطنين، ورددوا هتافات انفصالية، وتسبب الأمر في أزمة بالمواصلات بعد أن فرغ الموقف تماماً من الحافلات لفترة أكثر من نصف ساعة، وحاصرت الشرطة المجموعة وفرقتها بالغاز المسيل للدموع، وألقت القبض على البعض منهم.
الخبر اوردته صحيفة الرائد
بس انا داير اعرف منو ال(.........)ز ديل وخلفيتهم شنو
اول مرة اسمع بالعصابة دي مع انه الجريدة بتتكلم عنهم زي المافيا من حيث الشهرة دون تعريف ولا خلفية تاريخية عنهم
وداير اعرف اسباب تحول ظاهرة النشل الفردي لعمل اجرامي منظم سببو شنو
العندو معلومات يفيدن بالله
|
|
 
|
|
|
|
|
|
|
|
Re: عصابات ال(.........)ز تقوم بأعمال نهب وسلب في موقف جاكسون بالخرطوم (Re: المعتمد)
|
الأخ المعتمد
تحياتي
شنو حكاية النقط دي أسمهم النيجرز وهم سموا نفسهم كدا وحسب ما عرفت في السودان أنهم عصابة من الشباب الجنوبيين بدات في مصر وأنتقلت للسودان ورغم أن أفرادها يقيموا في اطراف العاصمة لكن يقوموا بي أعمالهم الأجرامية في نص العاصمة تعرضت منطقة بحري لمجموعة من العصابات وبشتغلوا بي نظام رباطية عديل كدا وكانو بربطوا للناس في كافوري وبهددوا الشخص او الاشخاص المنفردين ويسلبوا متعلقاتهم الشخصية كالنقود والموبايل وكل ما يوجد وبرضه بقوموا بعمليات خطف للموبايلات والشنط من البنات وما بتورعو في استخدام الاسلحة البيضاء
تعرضت العصابة لبت جيرانا طبيبة كانت عائدة من مناوبة بالليل وضربوها على يدها بساطور وقلعوا منها شنطة ثلاجة صغيرة فيها تطعيمات للأطفال كانت المسكينة بتقوم بتطعيم أطفال الحي الصباح بنفسها خدمة للجيران بالاضافة لشنطة يدها وفيها 15 جنية وتسبب الضربة في قطع عدد من الشرايين والاوردة مما سبب ليها نزيق كادت تموت بالاضافة لقطع للأعصاب أطلب العلاج السفر خارج الدولة وتكلفة عالية جداً
بس عارف السبب في ظهور العصابات دي شنو
| |
|
|
|
|
|
|
|
|
|
Re: عصابات ال(.........)ز تقوم بأعمال نهب وسلب في موقف جاكسون بالخرطوم (Re: عبدالعزيز حسين عبدالرحيم)
|
لسيد المعتمد
تحياتى ...
أمشى بعد 9 بالليل مناطق سوبا الاراضى والسلمة والازهرى والاندلس وأمبدات وتعال قاطع ليك
ميدان او فسحة وانت شايل حاجة فى يدك ؛ أو ساى بدون تكون شايل حاجة فى يدك ؛ فجاءة كدا يظهروا ليك قدامك
ودائماً بيكونوا فى مجموعات بين 4 - 6 أشخاص هم طبعا فى حالة سكر شديد
وأقل حاجة الواحد بيكون شايل سونكى ... ممكن يطعنك بيهو عشان ينهب
منك موبايل قيمتو المادية ماتفوت الخمسين الف .!!
| |
|
|
|
|
|
|
|
|
|
Re: عصابات ال(.........)ز تقوم بأعمال نهب وسلب في موقف جاكسون بالخرطوم (Re: مزمل خيرى)
|
| Quote: وداير اعرف اسباب تحول ظاهرة النشل الفردي لعمل اجرامي منظم سببو شنو |
الأخ /المعتمد
طيب التحايا
السبب اننا لم نصن النعمة ولم نحافظ عليها كان عدد المحاكم في السودان يعد على رؤوس الأصابع ورجال الشرطة ينامون على
الطاولات وينتعلون السفنجات كان بامكانك السفر من الخرطوم مخترقا الجزيرة في وسط المسافة بين النيل الابيض والازرق الي
ان تصل نهر السوباط لن يقابلك شرطي او بناية لمحكمة ، لاتوجد عقول اجرامية كان الناس بسطاء وحاجاتهم اكثر بساطة ، لم
ينهض المتعلمون لمعالجة الظواهر السيئة البسيطة التي تعبر عنها مقولة اهل السودان (غسل الماعون هو لين وكتل الحديث وهو هين)
ولكنهم بدلا عن ذلك اصبحوا يتناسلون في الفكر المستورد من مصر والسعودية ( الاخوان المسلمين والوهابية ) وصدعوا رؤوسنا
بالشريعة حتى فعل النميري شناعاته تلك التي تشمئز منها كل نفس ابية .ثم جاءت الانقاذ وما ادراك ماالانقاذ التي جلبت معها كل
المفاسد التي يحويها فكرهم المنحرف واوجدوا أسوأ قدوة في الاستهلاك وفتحوا باب الاستيراد على مصراعيه ليجد شعب ام تكشو
وام شعيفة وملاح الروب نفسه محاط بكل مغريات النفس الامارة ونظروا في جيوبهم فاذا بها خاوية على عروشها فما العمل!!!؟
طبعا سلوك الانقاذيين هذا اعجب المتعلمين في بداياته فقد وفرت لهم المحطات للتزود بالوقود ، وهل هناك مشرد يمتلك سيارة
ليشعر بالضيق عند وجوده بالمحطة !!!؟ وشجعت على اقامة عفراء مول ،فهل يدخله مثل هؤلاء النقرز !!!؟ ولكنهم يرون فتشتهي
نفوسهم كخلق الله التي جبل طبعها على حب الشهوات ،وهنا لزاما على أن أذكر تلك المقولة الخالدة لشهيد الفكر الأستاذ محمود
محمد طه ( ساووا السودانين في الفقر حتي يتساووا في الغني )لأنه كان يعلم ان لدينا معطي جيد للانطلاق في التنمية وهو عدم الوعي
الاستهلاكي وبساطة حاجة الانسان السوداني وبساطة الجهد الذي يمكن أن تبذله أي حكومة لتوفير تلك الاحتياجات ريثما تنقلهم تدريجيا
الي مستوى معيشي أفضل .وفوق هذا وذاك مما جلبته الانقاذ حملة التمكين التي اطلقتها مما اوغر الصدور بعدم التكافؤ والمساواة
في الفرص مضافا إليها عدم سيادة القانون والشفافية ومولاة بعض الاثنيات على حساب الاخري لان الأولي يعتمد عليها في حماية اهل النظام وعيـــــــــــــــــــــــــــــــــــك بلاوي زرقا يتطلب المرور عليها كتب واحبار لهذه الاسباب وعيك دي كان لا بد من تطور
الجريمة واظن ان هذا أول الغيث وستري في مقبل الايام مالم يخطر لك على بال .
أبو حمــــــــــــــــــــــــد
| |
|
|
|
|
|
|
|
|
|
Re: عصابات ال(.........)ز تقوم بأعمال نهب وسلب في موقف جاكسون بالخرطوم (Re: مزمل خيرى)
|
العزيز مزمل
حقيقة نحن الواحد تسعة سنة برة البلد لكن قبل تسعة سنة كان فى حركات النشل دي ويتخصص النشالون فى نشل البنات والنساء الكبار ويقومون بخطف ما فى ايديهم والهرب به
لكن ان يتحول الامر الى عمليات منظمة وعصابات فهذا والله امر جلل
والادهي والامر ان القضية اخذت بعدا عنصريا او جهويا بمعني ان الامر لم يعد مجرد نشل ولكنه تنظيم يهدف الي تحقيق امور ستكون نتائجها غاية فى الخطورة على البلد
لك
الود
والف باقة ورد
| |
|
|
|
|
|
|
| |
المعتمد
مزمل خيرى
عثمان عبدالقادر
اناهيد كمال
فيس بوك
تويتر
انستقرام
يوتيوب
بنتيريست