|
|
 ياريت يبقى الحلم حقيقه
|
الأحلام التجيك جايطه وماتعرف راسا من قعرا ديك ...أكيد تكون مرت علينا
المهم اليومين ديل خاشي لي في أحلام يقظه عجيبه كلها تتلخص في (السودان الجديد) وهو يختلف عن سودان جديد القديم والذي ذبحه أو كاد يذبحه (سلفا) مؤخراً وإن كان لا يتقاطع معه في المحتوى والمضمون ، خاصة وأنه يؤدي الى تحقيق أحلام شعبنا في الاستقرار والنماء والرخاء والتطور وغيرها من كلمات أهل السياسه (زمن الانتخاب).....
أول الأحلام يحوم حول الشبيبه السودانيه الفتيه (المشتته ) في كل انحاء الكوره الأرضيه ...وهم قد زادهم البعد عن تراب الوطن حباً لهذا الوطن (أكتر مننا طبعاً) والمسعاله دي وااااااضحه زي الشمش ...وزادهم الاحتكاك مع الفرق القوميه (أقصد الأجناس البشريه ) ...خبره حياتيه تكفي لتحويل السودان الجديد الى كاليفورنيا العالم العربي الأفريقي المزيج ...دا غير المؤهلات العلميه والبرستيج الهاي ستايل ...ياخي المشى من هنا حمدوو قلب هناك حماده نايل....المهم خلاصة الحلمه الأولى دي هي كيف ومتى سيستفيد هذا الوطن البكر والأرض البور البلقع من خبرات وجهد وأفكار هؤلاء ...خاصة وأن العمر ماااشي.........قادني هذا التفكير اقصد الحلمه التي تحتويه الى ألسؤال وأول ماتبادر لي ذهني طوالي الحكومه (ماسوداااااني يخوانا) ...بدل تدي الترك والمصاري والشوام ...هذه الامتيازات والاعفاءات ...أكان طرحتا للشباب ديل وسهلت عليهم لمدة عشره سنه لا ضرائب لا جبايه لا زول يسعلم لحدي مامشيراعتم تقيف علي حيلا ....موش كان أولى ....واحد من ناس الحيكومه قال إنو الناس ديل عدد مقدر منهم رفض هذا الامتياز وربطه بزوال الانقاذ
ونواصل ..........
|
|
 
|
|
|
|
|
|
|
|
Re: ياريت يبقى الحلم حقيقه (Re: أمير فتحي)
|
ثالث أحلامي وسوداني الجديد ...السيستم...ياخي دا أخد زمن أحلامي كلو ...صرفتا شبابي فيهو...إنو سودان البخاته دا يكون فيهو السيستم ...يعني يعتريهو السيستم من ساسو لي راسو ...أي سوداني يولد اليوم يذهب أبواه فيسستمانو زي الترتيب من المهد الى اللحد ...ماتقول لي ماعندنا إمكانيات ياخ (إنهم يتفشخرون) بأننا بدأنا في تقنية الاتصال من حيث إنتهى الآخرون ومن سيربح المليون وماادراك وهلمجرا...جبنا كاس العالم في التنظير ...ولا زال السيستم جرة قلم كبير من سعادة الوزير ...وسعادتو الذي يرث الأرض ومن على وزارته ويحولها الى مقطوعيه خاصته والمحاسيب وياويل من لم يرض عنه لذا كثر الملق والتزلف من (الزول) السوداني الذي عرف عالمياً وعربياً وافريقياً إنو مافي زول مالي عينو ...ودا كلو من غياب السيستم ...والعجب إستوزار حاج حمدين كموازنه قبليه وتحمله الموجه من حيث لا يحتسب وزيراً ..ومن أول يوم في الوزاره ...يقولهم هاناس أنا شغلتي جوديه ساااااااااكت وكبيوطركم دا بيلو وأشربو مويتو ...أنا شيخ قبيله وسمح نفيله ...والسيستم يبكي على زله ومهانته ويصيح بأعلى صوته أرحمو عزيز قوم زل بنو سودان ...
ونواصل........
| |
|
|
|
|
|
|
|
|
|
Re: ياريت يبقى الحلم حقيقه (Re: أمير فتحي)
|
الحلمه الرابعه بتاعة اليقظه دي فيها شوية مبالغه وأقرب للخيال من الحقيقه ، رغم إنو أتحققت وشفناها شوف عين في أكتر من خمسه وعشرين دوله من دول العالم ...طبعا جزء حقيقه وجزء تلفزيونات وكدا ...ماتقولو الزول دا حام العالم كلو ...المهم الحلمه دي مؤرقاني شديد لمن حامياني النوم بالنهار...وهي أن لا أرى ذرة تراب في شوارع الخرطوم ...هاهاهاها...ودي مبالغه زي تلج في السودان ...ياخي مابعيد علي الله ...قاليك جنى الاسد بشار لمن زار السودان علق في مامعناتو إنو السودانيين ديل لو أي حدا خد جردل ولا قال سطل ماعارف المهم جردل بالسوري ومشى من النيل ملاهو وكباهو في الواطه كان الخرطوم بقت خضراء ...يعني معناتو يالمطير عينيك نيلين متمسحين بي جاي وجاي والكتاحه وعربية الرئيس بشار تمشي بالدقداق لمن تصل الفلل الرئاسيه وعينو في النيل ...عاد دا كلام دا ياجماعه...وعلى مرأى ومسمع من السيد النيل ...شايف اليومين دي في شغل بتاع مصارف أمطار مؤسس في الديم وشارع واحد وستين جنب جامعة السودان ...شي يعجب ...يعني ياجماعه كان من زمان يس يو كان ...علي علي الأقل أكان البلد دي إتبلطت وقبل كدا إتصرفت (من مصارف مياه) كان إنعكس ذلك على البشره فصارت أكثر نضاراً وإستغنينا من كريمات وكيمياويات قد تؤدي للإصابه بمرض إنتو عارفنو..ياريت يبقى الحلم حقيقه....
ونواصل .....
| |
|
|
|
|
|
|
| |
أمير فتحي
فيس بوك
تويتر
انستقرام
يوتيوب
بنتيريست