|
Re: حلم العشـــم .... (Re: إدريس محمد إبراهيم)
|
كتب الأخ الشاعر الجميل / محمد بانجا هذه الأبيات في بوست (أنا قد تعبت ..)
أنقلها إليكم هنا حيث إنها تشبه حلم العشم ..) كثيراً ...
Quote: و انكسر خاطر الشراعات البتجدف لي مراسينا العدم و الامل جواي دونك ختّ رايتو و انهزم والفرحة ضاعت في الضباب و في متاهات الندم |
شكراً جزيلاً أخي محمد بانجا ....وتقبل خالص الود والمعزّه ....
| |
|
|
|
|
|
|
Re: حلم العشـــم .... (Re: عبدالفتاح أبوشيمة)
|
Quote: الله على العشم الجميل لمّان يجيك ينتف شَعَر ويجيب شِعِر، ينزل سهل زي الخرير، زي المطر داك البجيب في آخرو كيف حلو النغم الما بتقدر الله على السحابات المندية؛ لما تتعطّف تجيب ليك المطر بختك ولد لمّان يجيك حلم الأمل بالشي السهل درباً عديل، ويجيك طالّي حبيب بعيد، وعلى مهل الطيف دا ذاته لو مرّ جاك ياخي؛ ما شيتاً سهل طمّاع شديد خلاّك تجيب الزول بذاته على عجل لا عودة وين؟ قلباً بحب ما بغيب كتير؛ لا بيندلق يا زول عَِدِل فد مرة جاك الصوت منغّم بالعديل والزين قدل قال بعتذر لي طول غياب، والشوق ملفّع بي تياب دلُّه وذَلَل هوي يا أهل محظوظ وليدي القال بيجترّ لي ذكريات؛ كأنه ما عاد في أمل مبروك عليك يا قريبي لقياك بالحبيب فارقتو قال من زمناً بعيد زمن الجهل دي دايرة كرامة يا زول تضبح خراف تضبح عجل وتعزمنا في إسفيرنا دا ترسل صحانة ومع حلل لو ما قدرت رسّل على الإيميل رسالة بتنقّط عسل كل الجمال بتدسّو ليه ما تفردا الأشرعة، وتحيي الأمل
تعظيم سلام |
تعظيم سلام لك أخي عبد الفتاح أبو شيمة على هذه الإضافة الثرة للنص ... ياخي كأنك دخلت جوّه الجوّه وسطرت الإحساس الدفين الذي أحس به ... متعك الله أخي عبد الفتاح بالصحة والعافية وحفظ لك هذه الموهبة الفذة في النظم الجميل ... إلا باركّا أننجه تو ....
مع خالص تحياتي وحبي وتقديري ؛؛؛
(عدل بواسطة إدريس محمد إبراهيم on 10-17-2010, 07:19 AM)
| |
|
|
|
|
|
|
Re: حلم العشـــم .... (Re: عبدالفتاح أبوشيمة)
|
إللاّقون باركام حبيب
Quote: لو مرة طاوعني العشم!
كيفن يطاوعك يا لزوم أكتر من إنو يرن جَرَس؟ وتكُبْ جِرَس وتهاتي بالزمن النحس وجاري على إنك بس تحس ما كفاية دا القلب انترس وشال النفس لامن كتب من دون حرس شن داير إنت مع الحرس بس دايرم يهجموا عليك ويقطّعوك كل النَّفس يا زول احترس وأخد النفس وانساه دا حلم النفس وخليك هنا ما تندرس بقينا في زمن العسس جايبين خباراتاً ما فيها دس
ولك الود |
عبد الفتاح أخوي شكراً جزيلاً يا حبيب على هذا التداعي الجميل والشاعرية المتدفقة التي أمدتك بها "حلم العشم" ...ولا عدمنا حرفك الجميل يا صديقي ....
ودي الذي تعرف ؛؛؛؛
| |
|
|
|
|
|
|
Re: حلم العشـــم .... (Re: عبدالفتاح أبوشيمة)
|
Quote: أخوك الكاشف؟
دا أنا البقول عن نفسي الكاشف ذاته؛
تعرف بس قبل أيام في بوست واحد
شي كدا شنو؟
مليان كدايس
عليك أمان الله كابي فيه جرادل كلام
انقر ما مشى الخور
واللا اللي بقولوا ليه شنو |
تحياتي يا عبد الفتاح ... بوست الكدايس ده عرفتوا تب .. يمكن (البرّه) بلعتوا ...
Quote: لكن إنت زول ترجمة وكمبيوتر
مالك ما تحفظن
إنت حبوبتك ما عندها المحفظة اللات احفظ مالك؟ يا أخي إنت بتكتب شعر جد
مفترض تطبعو كمان:
أُب سوري
طلعنا من خط البوست؛ وأخوه
نديك حاجة تبع أخوه
أصلي الليلة أنا ما عارف مالي؟
قبيل لخبطت ختيت حاجة تابعة لي حلم العشم؛ في تعبت
وحسي هاك دي هنا بدل ما أوديها هناك أصلو المشوار بعيد |
يا حليل زمن الحبوبات والمحافظ يا عبدالفتاح .. أنا تقريباً متأكد أن معظم الأوراق المهمة في مكان ما بالمنزل وعلشان أطلعها لازم أقلب البيت فوق تحت .. لكن طبعا خايفين من (مفراكة) الداخليه ...
Quote: أنا الذي منكم تعبت
يا شعراء والغاوون
إذ تجهدون
منّا نفوساً هدّها الترحال
إلى أن أغفيت في قافية غافية العيون ناعسة؛ فيها أُسرت
كل الود |
وتعبان مالك أخوي عبد الفتاح ياخي فضفض واكتب وكلنا آذان صاغية لهذه الكلمات الجميلة ...
مع خالص تحياتي وتقديري ؛؛؛
| |
|
|
|
|
|
|
Re: حلم العشـــم .... (Re: إدريس محمد إبراهيم)
|
Quote: لكن طبعا خايفين من (مفراكة) الداخليه |
Quote: مفراكة شنو يا زول إت مغترب يبقى تعال راخي العصب ما داير ألغوس ليك بوستيك العجب زورني في بوست الكدا دا ووب ووووب عشان نشوف حكاية وزارات الداخلية الرافعة لي عصا اللعب مفراكة قال وإنت اللي زيّك بنضرب باقيلي إت زولاً صعب مفراكة مرة واحدة؛ يا زول اتوكّل علي الله فتّش علي ورقك كدا واللاّ كدا عشان تكسب وكت تلحق كمان الموردة أصل الناس وردت زمان الموردة والمراكب عدّت حِتَتْ فيها الندا ( بالمناسبة عندكم مشرع في دار العوضة أو في المحس مشرع يكون مليان مراكب وبيليك وكنتين يملا ويكب) يا حليلا ديك ما بقت لنشات وشغل بوابير في اللُجب والناس قرت خلاص وإن ما كتبت من زمان عدادا رامي كمان تان رمت سووا الكتب وسنّاراتا تب قبضت سمكاً كتير من الريالات والخبت |
عبد الفتاح يا راجل يا راقي ... سعدت كثيراً بردك هذا ولا أدري لماذا تذكرت مقولة لأحد أصدقائنا - وإن كان قد بالغ فيها كثيرا- حيث كان ذلك الرجل مشهور بقسوته الزائده حبتين مع زوجته ... لكنه فجأة تبدل وأصبح كالحمل الوديع معها .. فعلقنا عليه شامتين ..: يا خوي مالك الظاهر عليك الجماعه كتبوك .. ، فقال : يا اخوانا الما بيخاف من مرتو ما بيخاف من ربو (استغفر الله) .. فدحين ياخوي عبد الفتاح نحنا ما زي زولك داك .. لكن برضو يا صاحب من خاف سلم ...
Quote: وتعبان مالك أخوي عبد الفتاح ياخي فضفض واكتب وكلنا آذان صاغية |
Quote: ما فضفضت ليك شيتاً كتير هوي يا حبيب ما تبقى طمّاعاً كبير والبورد دا في زول بيقدر بس يفضفض فيه حر بيجوك بس ويلخبتوك ويقولوا ليك بس خم وصر يا حليل زمن كان فيه الفضفضة وتقعد تفضفض في الفضا مع قهوة حلوة مميزة بي جوز فناجين نضيفة كيف ومفضفضة يا حليلو داك زمناً مضى |
يا أيهما الرجل الجميل ما عليك من حدا (على قول أخوانا الخليجيين) .. إنت فضفض ساكت وحسابك علي ... والبيرشك بالمويه ساكت يا صاحبي بنرشو بي موية النار .. ومستعدين يا صاحب كان بالقلم (اليراع) ولا (القلم) التاني لو استدعى الحال ...
Quote: الشاعر الجميل داك ماشيلو؟
ياخي ماتوقف وسوقني معاك |
طبعاً يا عبد الفتاح أنا قابلتك وشرحت ليك كل الظروف .. وما تتخيل مدى سعادتي بملاقاتك أيها الرجل الجميل .. وربنا يديم المعروف يا عبد الفتاح .. وإن شاء الله نلتقي في أسعد الأوقات ....
مشكور كتييير يا صاحبي ... وإن شاء الله بزورك في بوستيك الظريف داك بعد قليل ...
مع خالص حبي وتقديري ؛؛؛؛
| |
|
|
|
|
|
|
Re: حلم العشـــم .... (Re: عبدالفتاح أبوشيمة)
|
Quote: ريانه زي أنّة حنين ... وحزينه زي دمعة ندم ... بس آهة القلب الحزين ... معطونه ويلات شوق وهم... والزكرى للقلب الولوف ... ترياق على درب العشم .... |
Quote: إدريس الجميل ياخي إنت وينك وليه هاملني؟ طوّلت شديد يعينك الله يا حتة وحتيتةً مني لا تطوّل غياب أصل الولف كاتلني بُعدك ما بجوز مهما كانت مشاغلك عني كلماتك جميلة ترويني وتجاملني خليك يوت قريب يالـ طلّتك بتهنّي آزول حرب الشلل متشعللة تلاويني ما سائل في جورا ووزنتا المابياني الله الكريم يمرقنا من هيك محن لمحنّي الناس بقت إما سياسة أو يقول لك ابعد مني أنا دا الجيتم أصلاً ليه حق يخرب لي مطنّي |
أولاً كل عام وأنتم جميعاً بألف خير ... واعذرني يا صديقي لتأخير الرد نسبة لظروف العيد والحزن الذي أرخي سدوله على البورد برحيل المغفور له بإذن الله سمندلاوي .. أسكنه الله فسيح جناته ...
وأخوك موجود في هذه الدنيا .. أردد مع المتني ... عيد بأية حال عدت يا عيد ... لما مضى أم لأمر فيك تجديد ...
Quote: حزن الوطن ما لونه دم يخرب عليك لون السحابات والنعم يبقى نشاز على لحن جا شرّف حلم ما يختشي بس يرتشي يردم ردم ما هماه كان حزنك يطول وما حيكتب نفسه شقيان بي قلم هو الشايلو سايط به البلاد بئس القلم لما العوادي يغنوا ليك تبسط معاهم تبتسم إن شاالله بس تلقاه سم ما تتهنى بيه وتبتسم نعمل شنو ما دي القسم معليش كمان حورنا ليك البوست شان نرفع قدم لكن أمل في دا ما صار عدم لا تقول لي ما حتقول بغم لازم تقول ولازم أقول عشان من دونها بنتعدم ويروح شمارنا في مرقة دجاج مصنوعة من غير اللحم ونضيع سدى أقصر يداً والغير يدندنوا في عدن آخر الزمن كل المحن عندهم صارت كمان جنة عدن آه يا مدن يا مطارات يا إحن شن باقي لينا عشان نقول جنة عدن |
دعني أدعو معك أخي عبد الفتاح أن يبدل الله أحزان وطننا الجميل الغالي إلى أفراح سرمديه .. وأن يهدي الله إخوان لنا بأن يضعوا وحدة الأوطان فوق كل اعتبار ... بلدنا واسعة وفيها من الخيرات ما يكفينا ويكفي الدنيا كلها لو تطايبت النفوس .. دعونا يا أيها الساسة تأتلف وتختلف في إطار الوطن الواحد .. والحق أحق بأن يتبع ...
حفظ الله الوطن من كل الشرور .. ودائماً مكانك دافيء الأحداق يا وطن الجدود ...
خالص تحياتي ووودي الذي تعرف ؛؛؛
| |
|
|
|
|
|
|
Re: حلم العشـــم .... (Re: إدريس محمد إبراهيم)
|
Quote: لا لا تقول لي الساعة كم أنا من عرف حلم العشم بقيت تب ما بفتهم لا بعرف لي ساعة كم ولا الأرض بقى فيها كم قدم بس بشحد الله سيد الكرم إنه يرفع لي قدم وأمشي وأخم كتاحة وضل وبيت إن شا الله لوكان في القمم بس عشان أقعد أشم لي هوا البلد واسمع نغم حق ساقي في الليل والهجير يسوق نغم لو في ألود أو ما هو في ما مهم بس أنسجم بي هارموني ما حق سجم لو رزم أو مافي داك حبة رزم لو في علم أو مافي حتى حبة من علم بس أتردم لو كان بي تبن أو بي سكن من التكم وأتكحّل بي رماد من ضهر السجم برضو أنسجم مقتول هواك أنا يا قسم وإن كان كتلتني بي داك سم كان ختّيتني للوم والرجم أنا راضي وما مهم بس أفتهم الناس دي ليه فايتة النعم وقاعدالي في بلد العجم ترسم رسم بس في الخيال إنها يوم حترجع للنعم لكن منو الضامن يرجع بي ذا الفهم هل يا حبيب كل النصيب إنك تخم شوية دراهم جوّا ظُلَم وشي ظلُم والهم بزيد ويزيده غم وأفضل براي عايش عدم وقل الفهم ياناس وهم ما تعودوا لي بلد العشم الفيه العشم عشم الأهل وداك الحلم إنك تعود وما تنظلم فيها إيه لو ظلمتك عازة بي فهم بتحبك ياخي فيها كان تتعاتب أو تتجضّم وللا تجيلك قرصة في ودنك شان تتعلّم يا خي دا ما كله عشم عشم من أمك الجابت كتير غيرك ما تظلم وتتلوّم وتتحاوم من دون معلم تقعد تباري في الظلم أو تحتلم بيوم معاد تلاقي فيه داك العشم وتغني رزم رزم يا حليلو داك زمن الرزم أهلنا ديل كان يدورولهم مسطبة ويسووا ليك فيه الرزم زي رعدة ترزم في رزم أو برق ساطع يعم عمم ويتجافلن ديك البهم |
شكراً كثيفاً صديقي الشاعر عبد الفتاح على هذا الاندياح المشرق الجميل ... ولا عدمنا حرفك المؤتلق أبداً يا عبد الفتاح ...
* خارج النص : إن شاء الله اتصلت بالجماعه الذين أخبرتك عنهم بالأمس .. وريني الحاصل بي هناك ...
مع كل الود وخالص المعزّه
| |
|
|
|
|
|
|
|