حلم العشـــم ....

Quote: يا سلاااااااام عليك يا إدريس يااااااااااااااخي قصيدة جميلة ..إحساس عالي وصور جمالية بديعة نص مكتمل يحتاج الي ملحن موهوب ومغني مجيد

Quote: .. نص شهي ..

Quote: الله على العشم الجميل لمّان يجيك ينتف شَعَر ويجيب شِعِر، ينزل سهل زي الخرير، زي المطر داك البجيب في آخرو كيف حلو النغم الما بتقدر الله على السحابات المندية؛ لما تتعطّف تجيب ليك المطر بختك ولد لمّان يجيك حلم الأمل بالشي السهل درباً عديل، ويجيك طالّي حبيب بعيد، وعلى مهل الطيف دا ذاته لو مرّ جاك ياخي؛ ما شيتاً سهل طمّاع شديد خلاّك تجيب الزول بذاته على عجل لا عودة وين؟ قلباً بحب ما بغيب كتير؛ لا بيندلق يا زول عَِدِل فد مرة جاك الصوت منغّم بالعديل والزين قدل قال بعتذر لي طول غياب، والشوق ملفّع بي تياب دلُّه وذَلَل هوي يا أهل محظوظ وليدي القال بيجترّ لي ذكريات؛ كأنه ما عاد في أمل مبروك عليك يا قريبي لقياك بالحبيب فارقتو قال من زمناً بعيد زمن الجهل دي دايرة كرامة يا زول تضبح خراف تضبح عجل وتعزمنا في إسفيرنا دا ترسل صحانة ومع حلل لو ما قدرت رسّل على الإيميل رسالة بتنقّط عسل كل الجمال بتدسّو ليه ما تفردا الأشرعة، وتحيي الأمل تعظيم سلام

Quote: إلا باركّا أننجه تو ....

Quote: لو مرة طاوعني العشم! كيفن يطاوعك يا لزوم أكتر من إنو يرن جَرَس؟ وتكُبْ جِرَس وتهاتي بالزمن النحس وجاري على إنك بس تحس ما كفاية دا القلب انترس وشال النفس لامن كتب من دون حرس شن داير إنت مع الحرس بس دايرم يهجموا عليك ويقطّعوك كل النَّفس يا زول احترس وأخد النفس وانساه دا حلم النفس وخليك هنا ما تندرس بقينا في زمن العسس جايبين خباراتاً ما فيها دس ولك الود

Quote: أهو نحنا في الآخر سوا ... ياعنا الهوى ... ماشين على سكة عدم ....

Quote: أَوَرْ أُقْريسكا إكّا جِلَلاّ جليجون آقا ككّا معناته إيه حلم العشم لو ما فهم إنو المقادير والقسم ما بتدي إلا لمن رزم وكل الهواجس حاربا وبي حبه دايماً ملتزم آه يا قسم وريتني وين درب العدم أو أقول ليك قول ليها بحبّك يا ضيا العينين وحبك جاوز التمكين فمنك بس أروح لي وين؟ وحجروك مني بالتأمين حتى كلام على التليفون بقى محجور علي سنين يا ويلي مع السمحين لا أقنع لا أشم ياسمين إر هكرفي ويآقنا

Quote: إدريس تحايا و سلام ترتاح عيونك في عيوني ... تحضن رذاذ يروي العطش ... تنساب خواطر كامنه في جوف الشقا ... وتطفي جمراً شبّ يوم عز اللقا ... نظم سلس و راقي

Quote: كيفن يطاوعك يا لزوم أكتر من إنو يرن جَرَس؟ وتكُبْ جِرَس وتهاتي بالزمن النحس وجاري على إنك بس تحس ما كفاية دا القلب انترس وشال النفس

Quote: أهو نحنا في الآخر سوا ... ياعنا الهوى ... ماشين على سكة عدم ....

Quote: أهو نحنا في الآخر سوا ... ياعنا الهوى ... ماشين على سكة عدم ....

Quote: وما تبقى زي أخوك الكاشف ...

Quote: أخوك الكاشف؟ دا أنا البقول عن نفسي الكاشف ذاته؛ تعرف بس قبل أيام في بوست واحد شي كدا شنو؟ مليان كدايس عليك أمان الله كابي فيه جرادل كلام انقر ما مشى الخور واللا اللي بقولوا ليه شنو

Quote: لكن طبعا خايفين من (مفراكة) الداخليه

Quote: قصيده روووووووووووووووووووووووووووعه يا ادريس سلمت مشاعرك ويداك

Quote: لكن طبعا خايفين من (مفراكة) الداخليه

Quote: ( يا أحلام القلب الراد) ....

Quote: وهاك الرابط يا عبد الفتاح عشان ما تتعب :

Quote: مشيت يا إدريس بوست جميل لكن جهازي ما فيه الخصائص دي: معليش خلّنا حسي في حلم العشم: حلم العشم إن شا الله بس ترفع قدم قَدَمْنا النحن باقين نرازي فيه بي تعب وما داير يقوم أو يقدم خطوة بس زي الما عندو دم زي سيارة فينا تبُخْ سجم سكن العوادم والعدم خنّق لروحي ما لقيت حجة أرفعبا القدم رفع القدم الله عليه رفع القدم لما يغالط يقعد كمان يغمغم بي فهم مشتاق أنا وحالي صار سجمان كمان زي السجم بشتنّي بشتن لروحو يسوق معاذير لا مقنعة لا تتفهم حلم العشم أشوفه بس كيفن تتم من دون ندم على كل شي فات وانعدم غطّت عليه ألوان ودم الّلون دا هيّن لكنه دم كيفن بغطّيه العشم أصله العشم فارد جناح والجيد قسا اتدلّل عليَّ وانقسم صحيح ما قال شايلُّه هم وهمْ كمان صامت شديد ما بقول بغم مذهول من الحال والفهم باقيات علي ماليات دروبا مخدّرة ترشح نغم لكنه آه وين راح العشم

Quote: ياخي لامن أقول ليك أنت زول موهوب حد التخمه أوعك تغالطني

Quote: ياخي لامن أقول ليك أنت زول موهوب حد التخمه أوعك تغالطني

Quote: ياخي لامن أقول ليك أنت زول موهوب حد التخمه أوعك تغالطني

Quote: ريانه زي أنّة حنين ... وحزينه زي دمعة ندم ... بس آهة القلب الحزين ... معطونه ويلات شوق وهم... والزكرى للقلب الولوف ... ترياق على درب العشم ....

Quote: ريانه زي أنّة حنين ... وحزينه زي دمعة ندم ... بس آهة القلب الحزين ... معطونه ويلات شوق وهم... والزكرى للقلب الولوف ... ترياق على درب العشم ....

Quote: حفظ الله الوطن من كل الشرور .. ودائماً مكانك دافيء الأحداق يا وطن الجدود ...

Quote: بقينا في بلداً طيراً عجم لا صيفاً داير يفوت لا شتاء شرّف وافتكّينا من كم هم حبابك بس يا ألم زي حكاية إدريس معاه عشم لا جاه وخلاّه متنعّم ولا فات خلاّه متألّم بس بين بين مسمي عشم عشم أولادنا في المغنم ونحن بقينا بس في الهم في دار الغربة كيف تعشم وإت كل يوم بتتحطّم يفوت من عمرك يوم ورا يوم لا طلت عنب يمن ولا اتهنيت ببلح الشام شوقك لي نيلنا لي خيلنا لي أولادنا تتعلّم ياخي الدنيا باقية قسم كتير ما بنعشما ونحلم لكن وين نضار شوفنا البيتهدّم وين ترنيمة صوت طنبور مع حسيس ديك ساقي تترنّم بي صوت الناي مجادعة حلوة للدوباي غنا حدباي وتستسلم تنزل كل هم فوق هم لكن ماك بتتألم زي ما عشت في صيخود وسط أمراض بلا مغنم متين يا ربي نتعلّم إنه رزقنا دا مقسّم البنضوقة هنا وهناك شي واحد مرتّب من زمن مظلم عشناه جوة أماتنا كانن بينا تتحلم

Quote: الاخ الشاعر ادريس شكرا لهذه الاحرف الندية منتهي الصدق والعذوبة لك التحية

Quote: لا لا تقول لي الساعة كم أنا من عرف حلم العشم بقيت تب ما بفتهم لا بعرف لي ساعة كم ولا الأرض بقى فيها كم قدم بس بشحد الله سيد الكرم إنه يرفع لي قدم وأمشي وأخم كتاحة وضل وبيت إن شا الله لوكان في القمم بس عشان أقعد أشم لي هوا البلد واسمع نغم حق ساقي في الليل والهجير يسوق نغم لو في ألود أو ما هو في ما مهم بس أنسجم بي هارموني ما حق سجم لو رزم أو مافي داك حبة رزم لو في علم أو مافي حتى حبة من علم بس أتردم لو كان بي تبن أو بي سكن من التكم وأتكحّل بي رماد من ضهر السجم برضو أنسجم مقتول هواك أنا يا قسم وإن كان كتلتني بي داك سم كان ختّيتني للوم والرجم أنا راضي وما مهم بس أفتهم الناس دي ليه فايتة النعم وقاعدالي في بلد العجم ترسم رسم بس في الخيال إنها يوم حترجع للنعم لكن منو الضامن يرجع بي ذا الفهم هل يا حبيب كل النصيب إنك تخم شوية دراهم جوّا ظُلَم وشي ظلُم والهم بزيد ويزيده غم وأفضل براي عايش عدم وقل الفهم ياناس وهم ما تعودوا لي بلد العشم الفيه العشم عشم الأهل وداك الحلم إنك تعود وما تنظلم فيها إيه لو ظلمتك عازة بي فهم بتحبك ياخي فيها كان تتعاتب أو تتجضّم وللا تجيلك قرصة في ودنك شان تتعلّم يا خي دا ما كله عشم عشم من أمك الجابت كتير غيرك ما تظلم وتتلوّم وتتحاوم من دون معلم تقعد تباري في الظلم أو تحتلم بيوم معاد تلاقي فيه داك العشم وتغني رزم رزم يا حليلو داك زمن الرزم أهلنا ديل كان يدورولهم مسطبة ويسووا ليك فيه الرزم زي رعدة ترزم في رزم أو برق ساطع يعم عمم ويتجافلن ديك البهم

Quote: روعه ...... في طلعة النفس البيحلم كل ليل ... في زفرة الآهه البتسكب حزني ويل ...