الى صديقى ... محمد عليش ... بخصوص بوست على مهدى

(عدل بواسطة قاسم المهداوى on 10-09-2010, 04:05 AM)

Quote: يا صديقى اخصك انت بهذا البوست واتجاوز تلك الاخرى ؟؟؟؟ لما !!! ليس بينى وبينها سواء هذا الوسيط .. وهو ليس بكاف لان اتجازب معها اطراف الحديث وتلك العنجهية الجوفاء ( كمثال توضيحى جيتك فى الخاص ولا الما خاص ) عليش يا صديقى

Quote: يا اخ قاسم سلامات ما كان في داعي انك تفتح بوست تاني لأنه البوست المعني كاتبه صاحبك المعني ما فاتحاهو انا يا سيدي لا عنجهية و لا يحزنون .. الظاهر عليك اسأت فهمي .. لمن قلت ليك (ما جيتك في الخاص) ده بي فهم انه المنبر عام و زي ما من حقك تكتب و تتداخل في الموضوع البعجبك انا من حقي اكتب و ارد على الموضوع البعجبني لأنه منبر عام .. اما الشيئ الما من حقي و ما من حق اي زول هو إقتحام الخاص - و ده كان قصدي انت قلت لي ( مالك معاي) باسنفزاز قمت انا رديت انه انا (ما جيتك في الخاص )عشان تعترض.. بنفس فهم انه ده منبر عام و لمن اختلف معاك في مداخلة ما معناها عندي معاك شي .. و لو لاحظت كلامك انت الفيهو عنجهية من البداية عشان انا استلمت البوست جيت قلت (هوفي ايه)(حد يصحي عليش)لحدي (انتي مالك معاي) على كل انا ما قصدت شيئ و انت يبدو عليك انك زول مفرط الحساسية لذلك انا اعتذر ليك مع انه قصدي ما زي ما انت فهمته .. ولك العتبى حتى ترضى اما بخصوص علي مهدي و ما ادراك انا استهجنت كلامك لأنه ما شبهك و قلت ليك(كيف فنان زيك ينتقد فنان مثله بكلمات زي دي ) ما زعلت لأنك عندك راي في علي مهدي فمن حقك انك تقول فيه رأيك ومن حق اي زول - لكني استهجنت الإسلوب لأنه زي ما قلت ما بشبهك ودي محمدة ليك ما إساءة زي ما انت فهمت كل قصدي كان انه نقدك يكون بناء و ما يخرج من حدود الفن و يتعدى الشكل لأنه كده بتكون دخلت في حاجات تانية و بتكون اتعديت حدود النقد للإعتراض على خلق ربنا موش ده كلامك في بوست معتصم(كما ان الفنان الذى لا يحترم ذاته لا يمكن ان يتسمع لاى نقد ايجابى بغرض الاصلاح) ده النقد الإيجابي الانا كنت قاصداهو يعني انت وافقتني الراي في بوست معتصم و خالفتني في بوست عليش ولمن قلت ليك انت فنان لأني عارفة انك عازف و العزف و الموسيقى هم ام الفن - ده طبعاً في راي لكن شايفاك برضو اعترضت و كاني لمن قلت ليك انت فنان اني اسأت ليك برضو بعتذر على دي .

Quote: سلام قاسم مهداوي رجل الزمن المدهش عليش طاقة ابداعية نشطة البوست توجيه لصديق بعبارات خاصة

Quote: معزرة انا على عجل من ازمنتى الاكثر ارتباكا وزحمة ولكن جاييك راجع .... املى ان لا نصل فى الخلاف لحد القطيعة ويا ستى صافية لبن كما الحليب كونى بخير وعافية شاكر جدا حضورك البهى قاسم المهداوى

Quote: قاسم المهداوي اختلاف الراي لايفسد الود مطلقا وبرغم كل شيئ, اعترض تماما علي استخفاف الناس بالناس..وما انادي به هو العفة في النقد كما لم يحدث... اللغة الرفيعه ترفع صاحبها درجات وتدخله في صف الحكمة... فياصديقي انا لم اغضب ولن ازعل ..فقط اقدم وجهة نظر,, تذكر جيداً"فقط كونوا أروع منّـا,,أجمّل منّـا..بِحــقْ " ساعـود برفق..

Quote: فكن صديقي..ولاكيف?