|
عادة سودانية نبيلة يجب أن تختفي
|
عريس سوداني يقوم بجلد احد اصدقائه خلال حفلة العرس
السودان ـ رويترز ـ في تقليد توارثه الأجيال في شمال السودان لاستعراض الشجاعة أمام الفتيات والنساء يعري الشبان ضيوف حفلات الأعراس في بعض القبائل النصف الأعلى من أجسادهم أثناء الاحتفال بالعرس ليسمحوا للعريس بجلدهم حتى ينزفوا دما في بعض الأحيان.. وإمعانا في إظهار الشجاعة لاينبس أي منهم ببنت شفة أو تأوه أو حتى يظهر اكتراثا بما يجري له. وبموجب هذا التقليد المعروف محليا باسم البطان يحرص الشبان على وجه الخصوص على أن يتعرضوا للجلد ليستعرضوا نضجهم وشجاعتهم.
والعريس الذي يجلد أقرانه تعرض شخصيا للجلد مرات عدة في حفلات عرس سابقة. ويحل دوره (في حفل عرسه) ليكون الجلاد.
وقال عريس يدعى عبد الحميد حميد لتلفزيون رويترز "والله يا أخي نحن عاداتنا ان فيه جلد وكده في العرس. وبيكون الجلد سلف ودين .. يعني مرات بيكون انت بتنجلد وفيه ناس بيجلدوك وكده. بمعني انك اذا جلدت شخصا ما عليك ان تتوقع ان يجلدك هو في المرة القادمة."
ففي قرية أم علي ينقر ضيوف حفل عرس على الطبول ويغنون ليشجعوا الشبان على المشاركة في حفل أو مهرجان الجلد. ويرقص الشبان ويتقافزون ليظهروا ثقتهم ويتفاخرون قبل المشاركة في التقليد القديم.
وقال شاعر من القرية يدعى أمير بشير "الجلد الهدية تقليد حق (قبيلة) الجعليين. السوط أصلا حق الجعليين.. يعني في منطقة شندي والدامر وبربر في السودان..دي أصلا منطقة السوط."
وفي حفل عرس آخر قال عريس يدعى طه عبد الحكم ان التقليد ليس قاصرا على قبيلة بعينها فقط.
وقال "الحقيقة ان السوط من التراث الشعبي. يعني لشمال السودان بصفة عامة..قبائل شمال السودان المختلفة. وعندنا كقبيلة الرباطات يعني السوط تراث أصيل في قبيلتنا وعنده جذور ضاربة في التاريخ."
وبينما يتعرض الرجال والشبان للجلد في حفل الزفاف تقوم فتيات ونساء القرية بتشجيعهم بالغناء والرقص ليظهرن افتخارهن برجالهن.
وقالت امرأة من قبيلة الجعليين تدعى زهرة "والنسوان طبعا بيحمسن الرجال انهم يجلدوا حتى لا يبدو عليهم أي توتر وهم بينجلدوا."
ونشأت مهرجانات أو حفلات الجلد في الأعراس في المناطق الريفية بالسودان لكنه انتقل الى المدن وانتشر فيها الآن. ففي الخرطوم مثلا يطبق لكن في ظل عزف الموسيقى وصوت قرع الطبول وترديد أغان عن الشجاعة والفخر والأفكار القبلية.
وقال مطرب شعبي في الخرطوم يدعى كمال ادريس "اذا قيل لرجل انه سيجلد دون ان تعزف حوله كل الموسيقى والاحتفالات فانه قد يغضب لأن الأغاني والموسيقى تحمس الناس لينسوا أنفسهم ويخلعوا ملابسهم دون تفكير...ويصبحوا جاهزين للجلد."
ويسهم الاحساس بنسيان الذات في تشجيع الشبان الصغار من أبناء القبيلة على المشاركة في الاحتفالات.
وقال رجل يدعى الشيخ عباس وهو واحد من كبار رجال قبيلة الجعليين "أنا (حين كنت شابا) كنت لما ما يجلدوني في العرس بافوت الحفلة وبأطلع أخليها (أتركها) كلها. لكن لما أنجلد أشعر براحة يعني وأكون متكيف كيف شديد."
فاستعراض الشهامة والشجاعة بالنسبة للشبان وسيلة من وسائل تكريم الأجيال الأكبر سنا والتقاليد العائلية. وهم يتطلعون أيضا لليوم الذي سيصبحون فيه أنفسهم عرسانا ليحل دورهم في التلويح بالسياط وجلد الشبان الآخرين.
|
|
|
|
|
|
|
|
Re: عادة سودانية نبيلة يجب أن تختفي (Re: أسامة البلال)
|
الخبر عن رويترز لكن العنوان من عندي
نعم هي جزء من تراثنا القديم وهي عادة إرتبطت في أواسط السودان عند بعض القبائل بإظهار الشجاعة أمام الفتيات في مناسبات الزواج ولكنها إختفت لتعود مرة أخري وبقوة
وهذه المرة وسط جيل يفترض فيه التعليم والوعي. لقد حضرت مناسبة في اخر زيارة لي للسودان كل الشباب الإشتركوا في الجلد أو مايعرف بالبطان هم شباب جامعي وبعضهم حتي لم يولد او ينشأ في السودان وإنما عاد للدراسة وبعضهم للأسف طلاب طب.
| |
|
|
|
|
|
|
Re: عادة سودانية نبيلة يجب أن تختفي (Re: أسامة البلال)
|
نعم للمحافظة علي التراث الجميل ولكن لا لعودة مثل هذه العادة في زمن أصبحت فيه الامراض المنقولة عن طريق الدم كفيروس الإيدز وفيروسات الكبد تنتشر كالنار في الهشيم وسط الشباب في السودان.
فالسوط يمكن أن يصبح وسيلة نقل لهذه الأمراض كغيره مثل الجنس والحقن وسط مدمني المخدرات
| |
|
|
|
|
|
|
Re: عادة سودانية نبيلة يجب أن تختفي (Re: محمد زكريا)
|
تحيتي لك اخ اسامة
موضوع فعلا في غاية من الاهمية بمكان
وبما انني اغوص حتى اخمص رجلي في احدى هذة القبائل
وفي نفس الوقت اعمل في مجال انتقالات والتحكم في انتقلات العدوى
تجدني ما زلت قلقا جدا من عادة البطان هذه مع كيفية المحافظة على موروث الاجداد وعز الاباء
اعكف الان في عمل اقتراع سياط من مواد اسفنجية تتخللها انابيب مملوءه بالصبغة الحمراء(غير ضاره طبعا)
وكده ممكن نكون قد حافظنا على موروثاتنا وفي نفس الوقت لا ضرر ولا ضرار
مازال البحث تحت الدراسة وخليكم شاهدين ما اقوم اجي واحد ناطي واسرق الفكره (حقوق ملكية فكرية وكده)
مره اخرى تحياتي واحترامي اخ اسامة
| |
|
|
|
|
|
|
Re: عادة سودانية نبيلة يجب أن تختفي (Re: محمد زكريا)
|
نزار سلام
لكن باقي ليك الجماعة ديل بقبلوا بي سوطك المحنكش بتاع البلاستيك والسائل بلون الدم وحتي لو فيهو جهاز بعمل صوط فرقعه. يخي ديل الواحد لمن يسمع نقرة الدلوكة جسمو كلو يقعد يرجف من الحماس لو ما أخد المعلوم أقلاها 3 أسوط بسوط العنج ولمن الدم يطير حتي يسكت.
رغم أنو قصدي كان وقف هذه العادة الممكن تصبح مميته. لكن إذا كان لابد فعندي إختراح أفضل هو نرسل سوط عنج للصين ويصنعوا لينا زيو أسواط رخيصه وبي نفس الجوده وتكون إستعمال مرة واحدة وتترمي زي الحقنه (Disposable) يعني العريس من ضمن الشيله يشتري كرتونة سياط صينية. نحصل نسجل الإختراع دا قبل ما يجي ود حلال يسرقو وبكرة تلقي السوق كلو سياط صينيه وبقوة عين يكتبوا عليها ميد إن إيطاليه
بالمناسبه حبيب الله كروم من الكوة (صديق وزميل من الزمن الجميل علي قول بكري) قريبك؟
| |
|
|
|
|
|
|
Re: عادة سودانية نبيلة يجب أن تختفي (Re: أسامة البلال)
|
Quote: يعني العريس من ضمن الشيله يشتري كرتونة سياط صينية |
لكن العريس ما شقاوتو شقاوه
رايك شنو تكون السياط دي من ضمن حاجات اهل العروس عشان اعرفو
الناس الحا انسابوهم ديل صناديد ولا ميد ان تايوان ههههههه
وبيني وبينك المقترح بتاعك وبتاعي ممكن اطلعو حاجه معقوله ونكون شركاء في براءة الاختراع
حبيب الله كروم عمي لزم عمل فتره في ليبيا واتخارج بدري بدري لما عرف التيحا رايح تطقطق ذي السلام عليكم
وهو الان استاذ بجامعة بخت الرضا في الدويم ،، ومعاك احي الزمن الجميل
| |
|
|
|
|
|
|
|