|
|
|
 Re: تعالوا أفت ليكم الناس ديل: ودالقاضي وصاحبه السيدح ، محمود الفنان، ، أبوقصي ، تاج السر ووليد (Re: عبد اللطيف السيدح)
|
الأخ الحبيب الاستاذ/عبدللطيف السيدح
السلام عليكم ورحمة الله وبركاته
حمداً لله على سلامتكم من تلك الوعكة الصحية
وربنا يعظم أجركم بإذنه تعالى
Quote:
الله / الله / الله
ده انا الكنت خائف منو
والتخاف منو بقتلك
|
طبعاً أخونا شيخ السيدح كان خائف أن لانلتقي - نبوءة -
فقد كان السيدح أول من هاتفته بعد أداء العمرة
عصر يوم 23رمضان وكاد أن يأتينى عبر الهاتف
ذلك ما أحسسته من ترحابه وإصراره على تناول
إفطار ذلك اليوم بصحبة عدد من زملائه الإعلاميين
فاعتذرت لإرتباط مع بعض أهلي القادمين من الرياض
ودام التواصل عبر الهاتف على أمل أن تلتقي في المدينة المنورة
وتشاء الأقداران لانلتقي في المدينة ثم عدنا لجدة مابين سودانير
والوفير فضاعت الساعات والأيام والليالي وبقينا في التخارجنا
فمعذرة أخي الكريم السيدح
شعورك مقدر ونلتقي في رحاب الوطن
أو في اطهر البقاع بإذن الله
وقبل ذلك يبقى الود بيننا
بإذن الله
| |
 
|
|
|
|
|
|
|
|
Re: تعالوا أفت ليكم الناس ديل: ودالقاضي وصاحبه السيدح ، محمود الفنان، ، أبوقصي ، تاج السر ووليد (Re: أبوعبيدة محمد الأمين)
|
Quote: فمعذرة أخي الكريم السيدح
شعورك مقدر ونلتقي في رحاب الوطن
أو في اطهر البقاع بإذن الله
وقبل ذلك يبقى الود بيننا
بإذن الله |
أبوعبيدة
صدقني والله أنا واعوذبالله منها ممكن أشيل جبل في رويسي ده لكن لا استطيع ان أشيل لوم ثانية واحدة
عشان كده فرشت طرفي ليك من البداية ومعاك حق تفتَنا وتفتَ حنانَنا ذاتو
لكن الحدث كالاتي بعد ان لم يكتب الله لنا لقاء في مكة
ذهبت يوم الوقفة برفقة العائلة الي المدينة وصلنا ليلاً وبراك شفت الزحام السيارات متراصة ورا
بعضها من مدخل المدينة عند الاشارة الخارجية وصلنا بصعوبة بالغة وانت من ضمن الذين حاولت الاتصال
بهم في تلك الليلة لكن الشبكة ماكو ماكو ماكو المهم صلينا العيد ومن شدة الارهاق يا مؤمن انا
دقيت ليك نومة في الحرم ما قمت الا العصر بشتنة شديدة والجوال بطارية ماكو والاطفال يسووا
غاق غاق من الجوع مشينا كابسنا غديناهم وعشيناهم ومشهدناهم شوية وبدينا نعيد علي الناس الحايمين
في حرم المدينة المهم المسلسل ده طويل وباختصار انا رجعت من المدينة يوم تالتة العيد العصر
وفتر شديد وطوالي بكرة الدوام والدوامة.
انا مقصر تب فيك وفارش طرفي واطلب السماح واتعهد بالا تتكرر هذه الفعلة الشينة التي جاءت مني.
| |
|
|
|
|
|
|
|
|
|
Re: تعالوا أفت ليكم الناس ديل: ودالقاضي وصاحبه السيدح ، محمود الفنان، ، أبوقصي ، تاج السر ووليد (Re: عبد اللطيف السيدح)
|
حبيبنا السيدح
ههههه لكن هو تعب نصاح؟
الصيام والقيام والتهجد دوشة المعتمرين
ثم السفر للمدينه
لكن ياخي للمرة التانية تنخلع من العنوان
أول عبارة بدات بها البوست هي الشكر للأخوة
خارج البورض ثم بعد داك الشكر ليكم (إنتوا
أصحاب الفتة) وربما يكون العنوان خادع
لكن ماقصدت اللوم مطلقاً والله العظيم
ياخي نلوم منو؟ وعلي شنو؟ زحمة كانت
رهيبة وإحتشاد غير مسبوق شهدته مكة المكرمة
والمدينة المنورة هذا العام
نسأل الله أن يتقبل من الجميع
ثم أني دلفت اليوم على أخوتي أعضاء البورض
بادئاً بشخصكم الكريم
وعشان باقي الناس مايتخلعوا هذا بوست
شكر للاخوة: فائز ودالقاضي وصاحبه عبداللطيف السيدح ،
محمود مصطفى محمود، مجدي عبدالرحيم فضل (أبوقصي) ،
تاج السرمحمد حامد ووليدعبداللطيف.
......
| |
|
|
|
|
|
|
|
|
|
Re: تعالوا أفت ليكم الناس ديل: ودالقاضي وصاحبه السيدح ، محمود الفنان، ، أبوقصي ، تاج السر ووليد (Re: أبوعبيدة محمد الأمين)
|
إلى الأخ الحبيب فائز ودالقاضي
السلام عليكم ورحمة الله وبركاته
وكم هو جميل وسمح هذا الفتى ودالقاضي
فقد التقيته صدفة في جدة وأنا في طريقي
للمدينة المنورة عند مكتب سودانير
ثم جاء الاستاذ/تاج السر محمد حامد
وتسامرنا طويلا على أمل اللقياء بعد العيد
وقد ظل الأخ فايز على اتصال طيلة ايام وجودي
بالمدينة حتى عدت لالج داره الوريفة:
ولتعذرني اخي فايز أن أنشر هذا المسنجر
على الملأQuote: مأخوذ أنا حتى اللحظة بتلك اللحظات
التي قضيتها في رحاب داركم العامرة
ومازال طعم المفروكة ونكهة السمك اللذيذة تحوم مابين لساني وانفي
وصورة حمودي تطل أمام ناظري
وفي زحمة الناس ضاعت خطوتي
|
ودمت بخير وعافية
| |
|
|
|
|
|
|
| |
أبوعبيدة محمد الأمين
عبد اللطيف السيدح
مجدي عبدالرحيم فضل
فيس بوك
تويتر
انستقرام
يوتيوب
بنتيريست