|
Re: يا ناس الدوحة غدا الثلاثاء باذن الله وفد ناس الاراضي معاكم (جهزوا الكاش) (Re: هجو الأقرع)
|
هجو : تحياتي:
ملاحظات: - من شروط التقديم (شهادة السكن) ولا اعتقد ان اغلب المتقدمين من الخرطوم، ولذا كان من الضروري عدم طلبها،وتكون مفتوحة، لان هذه الشهادات لا تعزز بشهادة الميلاد. - عدد القطع لا تتجاوز الالف، والمتقدمين اكثر من ذلك ( يمكن 3 آلاف) .فكيف سيتم التوزيع؟ - الجالية فرضت 10 ريالات (رسوم ادارية)،وهذا لايجوز،لان منهج الرسوم يسقط في سبيل خدمة الجالية،وكان يمكن ان تسدد على اساس انها اشتراك.
. . .
نرجو ان تذهب الى مستحقيها فعلا، ولا تكون حسب(التقدير) !
| |
|
|
|
|
|
|
Re: يا ناس الدوحة غدا الثلاثاء باذن الله وفد ناس الاراضي معاكم (جهزوا الكاش) (Re: Abureesh)
|
أحونا هجو ، شكراً على الخبر.. هل الأراضي لسكان الخرطوم القدامى فقط.. غايتو احتياطي كده جهّزنا شهادات الميلاد بما فيها شهادة جدي زاااااتو
(معليش) لكن عليكم الله يا ناس الأقاليم أدونا فرصة معاكم!! إنتو ممكن يدوكم أراضي هناك عند أهلكم وتعيشوا وسط ناسكم مرتاحين نحن ما عندنا إمكانية زي دي ولا بنقدر نسكن بعيد من أهلنا.. عشان كده بالله (بدون تحسس أو زعل) أدونا فرصة صغييييرة معاكم..
| |
|
|
|
|
|
|
Re: يا ناس الدوحة غدا الثلاثاء باذن الله وفد ناس الاراضي معاكم (جهزوا الكاش) (Re: Alshafea Ibrahim)
|
صلاح عبد الله كتب:
*(معليش) لكن عليكم الله يا ناس الأقاليم أدونا فرصة معاكم!! إنتو ممكن يدوكم أراضي هناك عند أهلكم وتعيشوا وسط ناسكم مرتاحين نحن ما عندنا إمكانية زي دي ولا بنقدر نسكن بعيد من أهلنا.. عشان كده بالله (بدون تحسس أو زعل) أدونا فرصة صغييييرة معاكم.. *
الأخ الفاضل صلاح،
ياخوى خرتومكم دى مبروكة عليكم..
شـوف السياسيين كولهم ساكنين الخرتوم.. ما فى سياسى ولو فى الصف الثانى ساكن اقاليم مع انهم كلهم (روس).. شوف سياسيى امريكا.. بوش من الجنوب ولما ولايتو إنتهت رجع إقليمو، كلنتون من الوسط ريقان من الغرب.. أوباما من الشمال.. وكل واحد بيتو فى إقليمو لما يجى العاصمة يكون ساكن فى بيت حكومة اسمو البيت الأبيض.. وواشنطون من أصغر مدن أمريكا.. وسكانها كلهم من المهمشين.. عشـان كدا بلدهم إطورت وقامت بكل أجنحتها.. إنتو إختزلتو الســودان كلو فى الخرتوم.. حتى الإنقلابيين يقلبوها عشـان يحكموا الخرتوم ما عشان يحكموا السودان. الحكام بتركيز الخدمات فى الخرتوم، والسياسيين بالسكن فيها. والصفوة من المثقفين من روافد هؤلاء وهؤلاء الذين برمجوا عقول اهل السودان، وزرعوا فى أخلادهم ان الخرتوم هى السودان والسودان هو الخرتوم دفعوا أولائك للهجرات الجماعية نحو (الســودان).. ناس الخرتوم خرتوا مواردهم واستولوا على مصادر انتاجهم ثم لم يوفروا لهم الحياة الكريمة من صحة وتعليم وخدمات، فجاؤوهم غازين فى موسم الهجرة نحو الخرتوم.
لو ما عايزين ناس الأقاليم يضايقوكم رجعوا ليهم ما نهب من ثرواتهم بدون مقابل، ثم ارفعوا أيديكم عن مواردهم فهم قادرون على إستثمارها وإدارتها.. بعد دا يدفعوا ليكم الضرائب والجمارك ما تخافوا.
.
| |
|
|
|
|
|
|
Re: يا ناس الدوحة غدا الثلاثاء باذن الله وفد ناس الاراضي معاكم (جهزوا الكاش) (Re: Abureesh)
|
يا أبا الريش ، سلام ..
تعررف يا محمد عثمان لو الناس قرت كلامك مقروء مع كلام ودالزين ح يعرفوا المشكلة وين ، وح يلقوا رد على كتير من التساؤلات ..
والله أنا كنت بتمنى إنو أكون عايش في مدينة غير الخرطوم ما كنت ح أفكر لحظة في أني أسكن في غير مدينتي أو قريتي .. ناس الاقاليم غزوا كل المدن الكبيرة والخرطوم ،و ناس الخرطوم هربوا لمنافيهم الاختيارية والاجبارية ، لا فرق.. ثم انو ( إنتو ) ديل منو؟؟ الاختزلوا السودان في الخرطوم؟؟ أظن أن معظم حكام السودان ما كانوا من الخرطوم وبعدين ناس الخرطوم ما خرتوا موارد الأقاليم !! في زول بيدي انتاجو مجان كده؟؟ لو ناس الاقاليم ظلوا متواجدين وأنتجو وباعوا انتاجهم في الخرطوم ح يطوروا مناطقهم وما ح يحتاجوا للخرطوم في شئ..
غايتو ، قدرنا إنو نحن من الخرطوم ، وإنقطعت الصلة بمسقط راس الأجداد والاسلاف وأصبح علينا أن نتعامل مع وضعنا الراهن ، والواحد يكون قاعد في بيت أبوه ( الورثة ) لحدي ما يلقى له قطعة أرض في سقط لقط..
| |
|
|
|
|
|
|
|