كتب الكاتب الفاتح جبرا المتوفرة بمعرض الدوحة
|
اليوم تم اطلاق سراح رجلي .. ولكنني سأظل اسيرا لاسابيع ..الشورة من اصحاب التجارب
|
بحمد الله تم فك الشد المضروب على رجلي لمدة 21 يوما انتهت امس وبحمد الله فقد جبر الكسر .. الا ان الطبيب طلب مني عدم المشي عليها لمدة ثلاثة اسابيع ..
المصيبة الكبرى التي اعاني منها هي الركبة التي (عضت ) بفعل الشد المستمر ولا استطيع ثنيها من الالم الشديييييد .. ونصحني الطبيب بالذهاب لاخصائي علاج طبيعي ..
شكرا لكم جميعا على وقفتكم الصلبة .. شكرا لكل من زارني في المستشفى او المنزل .. شكرا لكل من هاتفني من داخل وخارج السودان ... لكم جميعا تقديري وودي ..
وارجو من الاخوة الاطباء والذين مروا بتجارب مماثلة لالام الركبة تقديم النصح والمشورة عن مدى قاعلية العلاج الطبيعي في هذه الحالة .. لانني اشك ان الركبة بها فصل او شئ مشابه وافكر جادا في السفر الى مصر او الامارات ..
في انتظاركم ..
|
|
|
|
|
|
|
|
Re: اليوم تم اطلاق سراح رجلي .. ولكنني سأظل اسيرا لاسابيع ..الشورة من اصحاب التجارب (Re: يسرى معتصم)
|
حمدالله علي السلامة يا معتصم...ما تشفق من موضوع الركبة دي اخوك اخصائي في كسر الكرعين واليدين...وما بي كراع او يد لم تذق طعم الجبص...وما يفعله الجبص علي وجه الخصوص مع الركبة لما تنتيها والالم البجيك في الراس داك...ليه علاقة بعدم الحركة اثناء فترة الجبص...(والعجب لو وطيت ليك حصاية)
فالشغلانة تحتاج الي تمارين طبيعية خفيفة تزداد...شدة بالتدريج وممكن براك تكون اخصائي علاج طبيعي لي نفسك...لا تقول لي دهن نعام والله دهن عبداللطيف بوي...
اولا من الطبيعي جدا يحصل تيبس ناس الطب بسموها Stiffness الكلمة دي شبعوني منها ...وممكن يحصل ضمور لعضلة الفخذ... برضو نتيجة لعدم الحركة..ودا كلو برجع بالتمارين...ومن اهمها تمارين السباحة...كل يوم عوم ليك نص ساعة بس... ومن الصياح شد رجلك علي المخدة...واسحب المخدة وخلي الرجل مرفوعة وعد لي عشرين...ونزل...(زي حكاية دوس ...سيب ديك بتاعة الميكانيكي لي الفرملة) زيد التمرين دا كل مرة زمن...ووصلو لي خمسين...وكررها وانت راقد...او جالس او متحرك.. عشان تعوض فترة عدم الحركة وترجع العضلات زي ما كانت... شويتين تلاتة حا تلقي الالم خف (دا طبعا بعد ستة شهور...الزم الصبر وما تشفق) كدي جرب دا وتاني بجيك صاد واتذكر ليك... الحاجات الكنت بسويها...
| |
|
|
|
|
|
|
Re: اليوم تم اطلاق سراح رجلي .. ولكنني سأظل اسيرا لاسابيع ..الشورة من اصحاب التجارب (Re: معتصم محمد صالح)
|
نيستا ازيك , واعذرني البوست ما شفتو الا اسي , لاني بالجد مشغوووله جدا وما بخش البورد كتير , بالنسبه للركبه , فـ اللي حصل شي بيحصل غالبا بعد ازاله الجبس , وبتحتاج الى علاج طبيعي وتمهل في الحركه فتره كافيه , وهو ما يعرف بي الـ Rehab , دايما الحاجات دي بتحصل لقله التثقيف الصحي بهذا الشأن , وكمان لانو الناس بتكسل من مواصله العلاج الطبيعي , والطبيب ما بيشدد على اهميتها برضو ,, حا تحتاج لي علاج طبيعي لفتره يحددها اخصائي الفيزيوثيربي , وراحه , تهمل في الحركه ايضا .. وتغذيه سليمه ..
بالنسبه لي موضوع الشفر فهو خيارك , ما بقدر اقول ليك سافر او لا , لانو حايكون تصرف ما مهني ابدا مني , لكن عموما لو حبيبت تعرف مراكز علاج طبيعي هنا في الخرطوم : مركز العلاج الطبيعي بمستشفى الخرطوم مركز العلاج الطبيعي بمستشفى الشرطه مركز العلاج الطبيعي بـ مستشفى الزيتونه (خاص) بالاضافه الى مراكز اخرى متفرقه , مساله السفر او عدمه هو خيار شخصي لك اذا لم تحس بالراحه في التعاطي مع الاطباء او الطاقم الطبي ,او الفريق المعالج او حتى تغيير جو ..
تحياتي وربنا يديك الصحه والعافيه يارب .. ما تقلق ..
| |
|
|
|
|
|
|
Re: اليوم تم اطلاق سراح رجلي .. ولكنني سأظل اسيرا لاسابيع ..الشورة من اصحاب التجارب (Re: معتصم محمد صالح)
|
المعتصم...ازيك يا زول... ما تلاوي الركبة.. وتقيس فيها بالمنقلة...30 و60 درجة بترجع بترجع..الشغلانة عايزة صبر..
وتمارين خفيفة متدرجة...بشرحها ليك بالتفصيل...انا كنت في حالة زي كتابتك الفي الانترنت دي ما بقدر عليها بعد فك الجبص ونقرة الكيبورد بتنقر في كنكوجي يا قول عمر الفاروق...وهسي عادي ممكن العب كورة..
وحا اشد ليك سلك الصباح ان شاء الله... بي تفاصيل...صدقني حكاية السفر وواحد مصري واردني...يكون اشد من غيرو دي تجارب ناس ربما لا تظبط معاك...واي واحد فيهم لن يستطيع ان يعيدها لك لطبيعتها ان لم تساعده بنفس التمارين البدوك ليها في اي حتة...تمارين وبس.. اما الفولترين دا اصلا مسكن للالم...بخليك تسوي التمارين بدون الوجع الاتبرمج في راسك...لكنو ما بساعد في اي شي غير تخفيف الوجع...لوك الصبر وحا تجري قبال الانفصال
| |
|
|
|
|
|
|
|