|
|
|
 Re: ورطة (Re: abubakr)
|
ورطة
هي جنس ورطة
استاذنا واخونا الكبير
ليك التحيات
وكل عام وانت بعيد عن التورط في اي ورطة
احتراماتي
| |
 
|
|
|
|
|
|
|
|
Re: ورطة (Re: محمد مختار جعفر)
|
يامحمد مختار
أنا قلت مسألة سنة 56 إن شاء الله ما يشوفوها ناس بوست
منو أكبر زول فى المنبر
تقوم إنت بدل ما تفوت ، تقوم تنكتها وتلفت ليها الأنظار
والله أخونا أبو بكر كيف فاتت عليه دى وهو الحريص
لكن كمان يا أبوبكر أقول ليك حاج
أخونا الأستاذ طه محى الدين كنا نصحح ورق الإبتدائية - اللجنة -
فجأة فقعها ضحكة ،
فى شنو يا طه ؟
قال شوف واحد تلميذ بلدينا مجاوب السؤال بتاع :
من هو مؤذن الصحابة ؟
فكاتب : ( أظن - محمد عاشة واللا إسم زى كدا )
برضه نحن ما فاهمين فقال لنا : أن هنالك قرية جنب حلفا
إسمه الصحابة . ها . ها . . بس
بعدين يا أبوبكر طبع أنا من الشرق برضه رطَّانة يعنى
فكان فى بورتسودان الثانوية بيجيبوا معانا ناس حلفا ودنقلا وكسلا
يعنى وزارة المعارف كانت تراعى مثل هذه الأشياء حتى
لا يعانى الولد بسبب اللغة - ويفوته الباقين
لكن غنت حظك ( زى الزفت ، ليه تلأت ولد واهد فى السكة هديد )
سلام أبو بكر
صديق ضرار
| |
|
|
|
|
|
|
|
|
|
Re: ورطة (Re: على محمد الخير)
|
ياقريبى ,
ارجوك ارجع للبروفايل القديم,لأنه البروفايل الجديد بيذكرنى بسيئ الذكر (عبدالرحيم حمدى) وحقيقة هى ماناقصـة .
| |
|
|
|
|
|
|
|
|
|
Re: ورطة (Re: قلقو)
|
صحبى الجميل
تحية واحتراما
عارف نظام التعليم دا كان اسمه نظام المجموعات "أ وب "
المجموعة الاولى بتكون شغالة فى الصيف والشتاء ما بتشغل فى الخريف
والعكس صحيح
الان كله "ورطة "
لانه ماعاد فى وزارة تهتم بالتعليم زاتو يا صحبى
والوزارة بقى اسمها وزارة التعليم العام
انشالت منها كلمة التربية
وبقت ورطة تعليمية عالية التعقيد
| |
|
|
|
|
|
|
|
|
Re: ورطة (Re: سلمى الشيخ سلامة)
|
يعنى ننسى موضوع عبدالرحيم حمدى ياسلمى ؟
| Quote: انشالت منها كلمة التربية |
وصار الشارع والتلفزيون هما من يربيان .
| |
|
|
|
|
|
|
|
|
|
Re: ورطة (Re: سلمى الشيخ سلامة)
|
ياصحبي الجميل
| Quote: عارف نظام التعليم دا كان اسمه نظام المجموعات "أ وب " |
تعيش السكة حديد الخلتنا تعليم خاتف لونيين الف وباء
| |
|
|
|
|
|
|
|
|
|
Re: ورطة (Re: قلقو)
|
يا قريبي
| Quote: ارجوك ارجع للبروفايل القديم,لأنه البروفايل الجديد بيذكرنى بسيئ الذكر (عبدالرحيم حمدى) وحقيقة هى ماناقصـة . |
كرهتني في الكاميرات ذاتها .. وانا اقول اليوميين دييل ليه الميزانية متضخمة ونفسي اقعد في هوتيل سبعة نجوم لزوم الادارة المالية ....
ممكن اجيكم راجع مستشار اوراق مالية ....
| |
|
|
|
|
|
|
|
|
|
Re: ورطة (Re: على محمد الخير)
|
ووا علي مسكاقمي ....
| Quote: بجانب ( الورطة) فى كلمتين اخريتين ... يكثر استخدامهما بين السودانيين... وقيل ان السودانين يتفردون بها وهى كلمات ( عوجة) و ( حوجة) والتى يكثر استخدامها هنا فى هذا المنبر .. فيا ليت مختصى اللغة العربية والناطقين بها يفيدونا حولهما وعن التصريف الصحيح لهما .. |
انت ما سمعت ب "مازق" و "معضلة" جنس ورط
| |
|
|
|
|
|
|
|
|
|
Re: ورطة (Re: صديق_ضرار)
|
يا صديق سلام
| Quote: والله أخونا أبو بكر كيف فاتت عليه دى وهو الحريص |
انا رئيس الجماعة في ذلكم البوست وقد اعانت اتنقلابا ابيضا لاثبت انني الاكبر والاحق بالاسم وذكرت لهم تاريخ ميلادي بالتفصيا الا ان المكايدات السياسية!! استمرت لتقصيني عن الرئاسة وخلق "ورطة" جديدة ....
| |
|
|
|
|
|
|
|
|
|
Re: ورطة (Re: محمد مختار جعفر)
|
| Quote: كدى خلى السته قدام .. ( 65 ) عشان تتماشى .. واللا كيف ..؟ |
انا غايتو اكبر واحد في المنبر دة .. مبروك عليك الاربعين سنة يا محمد .. اصلو زمنكم اجمع واطرح ما كانو دخلوهم في قاموس اللغة العريبية ... اها انا غايتو 56 دي ماسك فيها عشان ما في واحد يجي ناطي ويقول يا حليل زمان وكان فلان وعلان ابو السياسة والاقتصاد .. حليل سير الاكسندر كونكس هيلم ؟؟؟؟؟
| |
|
|
|
|
|
|
|
|
|
Re: ورطة (Re: abubakr)
|
الي عشاق الورطات ... البوست طلع "ورطة" .. اليوم 30 سبتمبر وبكري قال ينقل بوست ولحد لكل عضو واها البوست دة اتورط .. العندو باقي كريدت يفك ورطتو والا ذهب مع الريح
| |
|
|
|
|
|
|
|
|
|
Re: ورطة (Re: abubakr)
|
يا قريبي قلقو
لو السيدميخائيل كلاشينكوف كان اخذ من تركيبة خلايا لسان البرابرة (نحن يعني) كام خلية وعمل ليها كلوننغ مش كان احسن اليهو من البندقية بتاعتو دي؟؟؟ .. اها غيرنا الصورة ال"ورطة"... اها زمااااانك وسط خلق الله كلهم اهلي في القرية كانو ينادوني انا بس "الحلبي" وكاني مش من جيناتهم وخلوني ناس "نصلح عدة" وراهم ..؟؟ اها قلقو طلعني وزير مالية اياهو .....
المشكلة اني هاوي تصويير من برضو "الخمسينات" ياود جعفر ومرة كنت رئيس جمعية تصويير وعندي كدة كمشه كاميرات عجيبة الشكل والاحجام ولكن ما عندي صور لسيادتي انا ؟؟ ا منو الحيصورني طالما انا البصور ..."ورطة"
| |
|
|
|
|
|
|
|
|
|
Re: ورطة (Re: abubakr)
|
قريبى العزيز ..
ارجع للصورة الأولى ديك . على الأقل بتدى انطباع بالشباب . مع انك والله كلك شباب وحيوية .
مع تحياتى
| |
|
|
|
|
|
|
|
|
|
Re: ورطة (Re: abubakr)
|
الجنوب:(نظرة ايجابية)
الجنوب سينفصل وسينشغل اهلنا هنالك بتحديات بناء دولتهم رغم ما سيحاول بعض من الشمال من عكننة وتداخلات ز.الخ كما فعلت وتفعل مصر مع السودان حتي اليوم ولكن حيث ان اهل الجنوب قدخبرو صعوبات وحروب وتشريد ولجوء وعنصرية فسيتمسكون بدولتهم حتي ولو تحاربو فيما بينهم كقبائل ... لديهم بترول وسيجدون مخرجا لتصديره بطريقة ما .. لديهم اراضي زراعية مروية طبيعيا وايدي عاملة مقتدرة وحتي ولو زرعو بفرة فقط وباعوه لجيرانهم وباعو المانغو الذي يتوفر كثيرا للعالم لتحسن اقتصادهم تدريجيا .....
شكل الورطة:
الشمال:(نظرة متشائمة )
هنا الورطة ....بذهاب الجنوب لن يكون لبائعي الحروب والشعارات الا ان يوجهوها الي صدور بعضهم البعض؟؟؟
اعتمدت الحكومة خلال العقد الماضي علي عائدات بترول الجنوب بنسبة تتجاوز ال95% من ميزانية الدولة وفي ذات الوقت صرفت مليارات من الدولارات في مشاريع لا تكلف ملايين وصرف الباقي عمولات ذهبت في صرف بذخي وفخفخة ولم توجه الي استثمارات مستدامة حتي ولو شخصية .. الطبقة التي اغتنت من العمولات والتمكيين والتي تعودت علي الساهل من المال سوف لا تجد مصدرا جديدا للعمولات وسيقل ما لديها تدريجيا وربما سريعا جدا .....
الصرف علي اجهزة امن الجماعات الحاكمة سيقل وبالتالي سيحدث انفلات امني بينهم وفي كل البلاد...
ستبقي جيوش اممية في مناطق من البلاد لتحمي مثلا الحدود بين الجنوب والشمال وفي دارفور وبذا تكون هي فعلا قوات احتلال دائم ....
سيزداد الضغط العالمي علي السودان اقتصاديا ويمنع السلاح والتحركات ...
سيسهل تدخل عناصر فالتة امنيا من انحاء العالم الي ما بقي من السودان وتخلق بؤر لعصابات (ارهاب عالمي واقليمي) ....
حيث ان الايدي العاملة في الزراعة والبناء عموما في السودان كانت اغلبها من الغرب والجنوب فامر الزراعة والبناء سيكون صعبا وخصوصا مع قلة المصادر المالية فلا يمكن لبلد افقر من الفقر ان ياتي بايدي عاملة اجنبية ... الفلة من السودانيين العامليين في الزراعة والبناء لا يقدرون الا لدور جد محدود لعددهم او لاعتمادهم السابق علي غيرهم في كثير من عملهم ....
القوات النظامية والتي تعرضت خلال العقديين الماضيين الي تجفيف في كوادرها من خلال تشريد واحالة الي الصالح العام وتمكيين وجهوية وحروبات سوف لا تقدر علي حماية حدود البلاد و"الانقلاب"" ؟؟؟؟؟؟
___________
اها ايه رايكم ؟؟؟
| |
|
|
|
|
|
|
|
|
|
Re: ورطة (Re: abubakr)
|
العزيز/ ابوبكر
اول تبدأ بها الكتابة تحس أنك في ورطة..
أبدأ من وين وأتناول شنو وأخلي شنو..
الهروب للإمام أيضا ورطة..
موضوع الأستفتاء والإنفصال أصبح زي القشة المُرة وسط البرسيم..
فلو قلنا غُصة في الحلق.. يعني المخنوق بني آدم ممكن يفكر او يفكر له..
لكن تلك التي تلعق البرسيم بقشه المُر لا حول لها ولا قوة ستساق إلى القصاب..
فبعد الإستفتاء أو الذبح والسلخ سيتم تقطيع أوصالها وتباع نية,,
واتفرج يا سلام..
تحياتي
| |
|
|
|
|
|
|
|
|
|
Re: ورطة (Re: abubakr)
|
اعادة تدويير لما كتبت اعلاه حيث ان الورطة صارت علي الابواب :
الجنوب:(نظرة ايجابية)
الجنوب سينفصل وسينشغل اهلنا هنالك بتحديات بناء دولتهم رغم ما سيحاول بعض من الشمال من عكننة وتداخلات ز.الخ كما فعلت وتفعل مصر مع السودان حتي اليوم ولكن حيث ان اهل الجنوب قدخبرو صعوبات وحروب وتشريد ولجوء وعنصرية فسيتمسكون بدولتهم حتي ولو تحاربو فيما بينهم كقبائل ... لديهم بترول وسيجدون مخرجا لتصديره بطريقة ما .. لديهم اراضي زراعية مروية طبيعيا وايدي عاملة مقتدرة وحتي ولو زرعو بفرة فقط وباعوه لجيرانهم وباعو المانغو الذي يتوفر كثيرا للعالم لتحسن اقتصادهم تدريجيا .....
شكل الورطة:
الشمال:(نظرة متشائمة )
هنا الورطة ....بذهاب الجنوب لن يكون لبائعي الحروب والشعارات الا ان يوجهوها الي صدور بعضهم البعض؟؟؟
اعتمدت الحكومة خلال العقد الماضي علي عائدات بترول الجنوب بنسبة تتجاوز ال95% من ميزانية الدولة وفي ذات الوقت صرفت مليارات من الدولارات في مشاريع لا تكلف ملايين وصرف الباقي عمولات ذهبت في صرف بذخي وفخفخة ولم توجه الي استثمارات مستدامة حتي ولو شخصية .. الطبقة التي اغتنت من العمولات والتمكيين والتي تعودت علي الساهل من المال سوف لا تجد مصدرا جديدا للعمولات وسيقل ما لديها تدريجيا وربما سريعا جدا .....
الصرف علي اجهزة امن الجماعات الحاكمة سيقل وبالتالي سيحدث انفلات امني بينهم وفي كل البلاد...
ستبقي جيوش اممية في مناطق من البلاد لتحمي مثلا الحدود بين الجنوب والشمال وفي دارفور وبذا تكون هي فعلا قوات احتلال دائم ....
سيزداد الضغط العالمي علي السودان اقتصاديا ويمنع السلاح والتحركات ...
سيسهل تدخل عناصر فالتة امنيا من انحاء العالم الي ما بقي من السودان وتخلق بؤر لعصابات (ارهاب عالمي واقليمي) ....
حيث ان الايدي العاملة في الزراعة والبناء عموما في السودان كانت اغلبها من الغرب والجنوب فامر الزراعة والبناء سيكون صعبا وخصوصا مع قلة المصادر المالية فلا يمكن لبلد افقر من الفقر ان ياتي بايدي عاملة اجنبية ... الفلة من السودانيين العامليين في الزراعة والبناء لا يقدرون الا لدور جد محدود لعددهم او لاعتمادهم السابق علي غيرهم في كثير من عملهم ....
القوات النظامية والتي تعرضت خلال العقديين الماضيين الي تجفيف في كوادرها من خلال تشريد واحالة الي الصالح العام وتمكيين وجهوية وحروبات سوف لا تقدر علي حماية حدود البلاد و"الانقلاب"" ؟؟؟؟؟؟
___________
اها ايه رايكم ؟؟؟
| |
|
|
|
|
|
|
|
|
|
Re: ورطة (Re: abubakr)
|
ما في "قروش" ؟؟ حتي الشويتيين الكانن بيلقاها الموظف والعانل والعسكري السوداني اخر الشهر ما في ؟؟؟؟ اتورطت الانقاذ بالغاء كل منافذ الدخل العام وبقت علي "الذهب الاسود" منذ اكتر من عقد من الزمان ؟؟؟ القطن والسمسم والصمغ وحتي السنمكة الكانت بتقوم براها وتصدر بواسطة افراد راحت ضحية "الاسود " الجبار ؟؟ اليوم "الاسود الجبار" في انتظار الاستفتاء بعد 77 يوم وغالبا ما في ؟؟؟
اها دي "ورطة" ؟؟؟
| |
|
|
|
|
|
|
|
|
|
Re: ورطة (Re: abubakr)
|
فضائية الشروق من اكثر الجهات الاعلامية في الشمال السوداني توريطا اعلاميا.. هي جعلت شعارها السودان الموحد ولم تعمل لذلك طيلة سنواتها الثلاث والان تلهث من خلال لقاءت فطير لضعف في المذيع المحاور والذي ياتي بتوجهات سياسية معينة فيورط نفسه .. الان في لقاء مع مديرواذاعة تلفزيون جنوب السودان اروب بقت وهو شخص يبدو عارفا بدوره واعيا لما حوله يجد مذيع الشروق نفسه متورطا فاسئلته التي يحاول من خلالها ايحاء بان الاعلام في الجنوب لا يعطي مساحات للاخر جاءت وبالا عليه فاروب اتي بامثلة وواقع غياب مساحة للسوداني من الجنوب في الاعلام السوداني الموحد فكانت اللولوة من المذيع الشروقي .....الورطة افقدت الكثيريين حتي البوصلة القديمة المتهالكة ...
| |
|
|
|
|
|
|
| |
abubakr
احلام وهبي
محمد مختار جعفر
قلقو
سلمى الشيخ سلامة
Abdlaziz Eisa
فيس بوك
تويتر
انستقرام
يوتيوب
بنتيريست