|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: haroon asram)
|
باين علينا حنتبع سياسة ( الأرض المعمورة ) !! بمعنى طال ما إنت سودانى يحق لك التمتع بكل شئ داخل الولاية وتتملك ايضا تبنى عمارة تعمل تجارة أو تشيد جزارة أو تستورد سايرة إنت حر ولك كامل الحرية لكن بس ما ( تجمعة وتحصده هنا تتركه هنا ) يعنى تيتى تيتى يا معانا يا ترجعى زى ما جيتى !! حكاية الهبروا ملوا كم وقفوا ترتروا وكم جكوا جروا دى ما معانا فى الرصة آآآه والله .. البدايته شرط نهايتو نور
..
..
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: Al-Shaygi)
|
الأخ الكريم الكوارتى /فيصل عبدالله تحياتى يا غالى
Quote: والى جنوب دارفور الدكتور/ عبدالحميد موسى كاشا حفظه الله باين عليه وجه خير شئ كهرباء وشئ بترول وخلى ساكت والجاى احلى قيام مصفاة لتكريره فى مدينة نيالا مطلب شعبى وواجب وطنى!! |
Quote: هلباوي ولضمي كيفينك عساك بخير
دحين انا بسالك سؤال عن المصفاة وين نودي مصفاة الجيلى دي ؟
خليتك بعافية ولنا لقاء |
جرى ايه يا أخوى مش خلاص الجماعة ديل بنوا السد وبقى جد وبقولوا الرد الرد السد يا حبيبى الماء اليوم أغلى من البترول ( وجعلنا من الماء كل شئ ) وقالوا مستفبلا الصراع يكون على الماء
خليها تبقى مصفاة لتحلية المياه
..
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: ادم الهلباوى)
|
[ وله الهامورى .. الجقادا تشد بيها الضراع والماغنوم فى الطبلون وأبو ساروتا وأبو دوال تحت المقعد و ( الكج والحجاب ) فى الجيب وجاهزين من كله للانطلاق اللهم إلا كان حادث داك قضاء وقدر ( هوى ) وأم درمان فى القزاز والآيس كريم والشكلاتة فى البرادة تانى شنو
هلباوي ولضمى عساك طيب ولضمى انا بدور لى واحد متل دا عشان اتوجه لدارفور عدل عن طريق امدر الشىء التانى الفيز اهم حاجه فيها راعى وبعدين ما دايرين عقالات فى واحد قال شايفك فى البطحاء تشتري فى غترة وعقال اوعى نحنا دايرين عمة الجنجاويد ( الكمدول ) على ما اعتقد ولا شنو دحين زى ما قلت لك اوعى تنسى اخوك الكوارتى
وموية الجيلى والله برضه فكرة مالو عشان ما نخسر ونخسر الحكومة مش كده ؟
الكوارتى / فيصل
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: فيصل عبد الله محمود)
|
الأخ الكريم الأستاذ / الفاتح شلبى تحياتى يا غالى
حياك الله ويا الف مرحب بك البلد بلدك والناس أهلك
Quote: اها نحن جيرانكم هيتة بالهيتة بالشمال ما تدونا حق الجيرة بيرين تلاتة ؟ |
قصة بير بيرين دى تتنافى مع دستور الولاية الجديد وخاصة فى البند السابع طال ما إنت سودانى يحق لك التمتع والتملك فى والتشيد بكامل الحرية فى الولاية حتى ممكن نزوج لك لكن بس حكاية ( تلم وتنحاش ) أو تأكل و ( تصبنج ) دى ما معانا.
..
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: ادم الهلباوى)
|
الأخ الكريم الدكتور / الصادق يحى تحياتى يا غالى حمدا لله بالسلام حللت أهلا ونزلت سهلا حياك الله
Quote: الاخ/ ادم الهلباوي مساء الخير،،، تشكر على الاخبار الجميلة. بس البترول حنا ابوجابرا و لا بكان اخر؟ |
هاي يا زول الأماكن كلها نازة من أم دافوق مرورا بالرهيد وعدالفرسان القوز دنقو والكلكة والفردوس وعديلة وشارف وللماعارف إنت ماسمعت ( عادل الباز) قال شنو درفور تنوم على بركة من ماء طبعا السن وطولة العمر لها أحكامها ما ظبط العدسة وطشش فيها حقيقة كلها بترول ويورانيوم وبلاتنيوم ودهب وخلى ساكت !! الحمد لله رب العالمين نحن ما زى بعض الناس البجينا كلو مرحب بيهو..
..
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: أحمد الشايقي)
|
الأخ الكريم ود الكوارته / فيصل عبدالله تحياتى ياغالى دايما بتجبرنى أرد عليك قبل الآخرين برغم أن هنالك إخوة كرام منتظرين لكن معليش يصبروا شويه جييكم ..
Quote: وموية الجيلى والله برضه فكرة مالو عشان ما نخسر ونخسر الحكومة مش كده ؟
الكوارتى / فيصل |
البعجبنى فيك غنك رجل وطنى وغيور وقلبك على كل أهلك فى السودان العظيم بعد دا كله موضوعى وعقلانى وتتقبل الشئ المنطقى المعقول المقبول عارف يا فيصل مشكلة السودان إنو كل المصانع وكل الشركات مكدسة فى محل واحد وطبعا ( الخرطوم وما جاورها ) بغرض ان يستفيد مواطن هذه المواقع من كل الفوائد توظيف على إستثمار على كل وما يهم إنو الاخرين يستفيدوا ولكن يستفاد منهم وإذا أردت ان تجسد سودانيتك وحقوق المواطنة تجى وتلقاها هنا سياسة هيمنة وتسلط وكنكشة ومسكة مخلبية ؟! وهذا ما لم يضمن فى الخطط الاستراتيجية خاصة الخطة الربع قرنية ؟! مفروض تقوم المصانع والمصف ة والمسالخ فى محل الانتاج الا توافقنى الرأى ؟! اشكرك يا صديقى حكمت فعدلت فأنصفت ولا عدمناك
..
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: ادم الهلباوى)
|
الأخ الكريم / عبدالعزيز عيسى تحياتى يا غالى
الأخ الهلباوي
سلام
1- اتفاقية السلام وحق تقرير المصير. 2- الإستفتاء يتم في مواعيده. 3-التقسيم العادل للثروة( 90% للمنتج). 4- قوات دولية في الحدود الفاصلة. 5- مشاورات لإنشاء خط تصدير عبر تشاد- الكاميرون.. 6- اقامة علاقات مع اسرائيل ليست على حساب العرب.
مع إحترامى لوجهة نظرك لكن إلا إننى أختلف معك كثيرا ببساطة جدودنا لا زالت دماؤهم تخضرب جبال كررى وأم دبيكرات وامتزجت دماؤهم بذلك الثرى بصراحة نحن لا نهدر دماؤنا هدرا نحن ناس وحدة لكن وحدة مشروطة بالمساواة فى الحقوق والواجبات وإذا كان ذلك لا قدر الله فعاصمتنا سوف تكون ( أم درمان ) ولا بديل عنها أشكرك
..
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: ادم الهلباوى)
|
Quote:
..يا اخوي نحنا باقي لينا بس نلعن الشيطان الدخل وسط ابناء دارفور دا وبعدين تعال شوف دارفور حيكون شنو ( ولا في الاحلام
|
يا أخوي هرون والله فعلا إبليس لوشاف أفعال الناس العملوا لينا الفتنة في دارفور يقول : ( لا حولّ ولا قوة إلا بالله ) يقال أن ابليس قرر مغادرة السودان بلا عودة ، أبالسة الإنس الذين دائما يقنطر ليهم إبليس وهم يشوتوا قعدوا يحنسوا في إبليس ما يسافر إبليس قال دي بلدعجيبة يجيني الواحد يقول عايز يغنى أقول ليه: اسرق من هنا وأنهب من هنا وأنصب على هذا وخذ مال هذا إذا أصبح غني يعمل ليه لوحة كبيرة ويكتب فيها ( هذا من فضل ربي) قايتو لوربنا كفانا شرهم امورنا بتظبط
| |
|
|
|
|
|
|
Re: بترول فى ولاية جنوب دارفور صار الحلم حقيقة يا حلاوة !! ... ( صور ) (Re: الصادق المهل)
|
الحبيب / الصادق المهل تحياتى يا غالى
Quote: هلباوي كل سنة وأنت طيب
والسنة الجاية راكب الهمر |
عيد سعيد وعمرا مديد وكل عام وأنتم بخير ما بعيد على الله يفعل ما يشاء بغير حساب
Quote: يا خوي شئ كسير تلج وشئ رمي طعمية
ول أبا أتا شايت ييين |
إنت أول مرة تشوف البوست دا وله شنو جاى واقع بتقلك كدا الناس ما فتشتنا من زمان ولقونا بنحط الكورة واطة وبندسها عشان نشطب راس الخصم وزى ما تقول كدا ( السهل الممتنع ) من الصعوبة بما كان مجاراته عشان كدا دايما الصورة ضبابية و(الشوت ) مقلوز وعشان تستدركها أو تدرك كنهها يلزمك تدريب تقيل وسويدى ضاغط مع متابعة لصيقة !! وحيث أن دائما العبرة فى النهاية خليك متابع وركز معانا شوية ولا عدمناك
..
| |
|
|
|
|
|
|
|