|
|
|
 Re: صليت الجمعة في مسجد بقايا المشرحضرهام السوداني (Re: كمبورة)
|
توجهت الى المسجد في معية اولادي الاثنين
ودخلت المسجد وصليت ركعتين وجلست
وصعد الامام المنبر وعدلت من جلستي انصاتا للخطبة
وفجأة تحسست نفسي هل انا نائم واحلم ام انا في المسجد
وتلفت يمنة ويسرة وتيقنت اني في المسجد وفي السودان وفي الخرطوم كمان
طيب الامام دا مالو ؟
ننتظر شوية وهو لا زال مواصلا
الامام يخطب بالانجليزي الخطبة كلها بالانجليزي
سألت الذي عن يميني ما الحكمة من الخطبة بالانجليزي ؟ اجابني انه لا يعلم
وسألت الذي عن شمالي ايضا واجاب مثل اخيه
وتركنا الخطبة وبدنا نسأل بعضنا البعض - لاننا لم نفهم شيئا -
وبعد السلام توجهت الى الامام
ونواصل
| |
 
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: كمال سالم)
|
بعد السلام والتحية على الامام
توجهت اليه بالسؤال التالي ما الحكمة ان تكون خطبة الجمعة باللغة الانجليزية ؟
اجابني ان هذا المسجد للاجانب
سألته مرة اخرى عندما صعدت المنبر هل شاهدت اجانب ؟ ما كلنا سودانيين
عندها وقف آخر بجانب الامام وقال لي يازول المساجد كتيرة روح صلي في اية مسجد آخر
اجبته بان لا تشد الرحال الا لثلاثة مساجد
سألت الامام هل يجب علينا في صلاة الجمعة الانصات للخطبة ؟
مع العلم انا كنا نتكلم مع بعضنا اثناء الخطبة لاننا لم نفهم شيئا
وكنا نسأل بعضنا من ان تكون خطبة الجمعة باللغة الانجليزية
| |
|
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: كمبورة)
|
سألت الحشري الذي وقف بجانب الامام وتولى الاجابة نيابة عنه
من هم الاجانب في بلدنا ؟ وفي هذه المنطقة تحديدا ؟
الذين تريدون ان تقدموا لهم خطبة الجمعة باللغة الانجليزية
وهل هم متواجدون بهذا المسجد في هذه الجمعة ؟
في هذا المجمع السكني عدد من الاجانب - والكلام موجه للذي تولى الاجابة نيابة عن الامام-
هم من ماليزيا ومن الصين ومن اندونيسيا ومن النيبال ومن الفلبين وهؤلاء كلهم لايعرفون الانجليزي
يعني زينا واحد لهم لغاتهم ولهجاتهم
الى الان لا اعرف الحكمة من آداء خطبة الجمعة باللغة الانجليزية
| |
|
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: كمال سالم)
|
Quote: يكون يا أستاذ قد تشابه عليك البقر ودخلت كنيسه !!
وربما يكون اليوم كان أحد ,, فى السودان ده كلو شئ
ممكن مع اللخمه والجرى والزحمه ! |
الزعيم كمال سالم لك التحية
في البداية فعلا تشككت هل انا داخل مسجد والله حاجة تانية
تيقنت فعلا انني داخل مسجد
ياخي فعلا في سودان المشروع الحضاري كل شيء جائز
ابدا ما اللخمة والجري والزحمة لكن هذه بقايا المشرحضرهام
قال للاجانب قال
مش الاجانب ديل ناس امريكا روسيا قد دنا عذابها
ام الآسيويين الذين لا يعرفون الانجليزي ؟
| |
|
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: أيمن الطيب)
|
Quote: سلام يا عمنا كمبورة,,,
وهنا يحضرنى حال الهنود فى مساجد الخليج مالين المسرح وما فاهمين التكتح والإمام بنهر ليهو فى تلاتة عرب,,
,
تحياتى,, |
ولدنا ايمن الطيب تحياتي
انا كنت فاكر انو الاصل في خطبة الجمعة اللغة العربية خاصة في الدول العربية
لكن ناس المشروع الحضاري ديل يعربوا الجامعات وينغلزوا المساجد
حكمتو بالغة
| |
|
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: كمبورة)
|
oh my god
u did not record t it by the way so ...big may be he is one of (kizan) usa or uk lololololololololoolooolooololooooooolollllo
after he returned seeeeeeeeking for job lololololololooololoooll
we have more than 500000 chinese dont belevive in god did they find out soultion for them ??????
انتو عايزين تجننونا ولا شنو ؟
| |
|
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: عمر سعد)
|
oh my god
Quote: u did not record t it by the way so ...big may be he is one of (kizan) usa or uk lololololololololoolooolooololooooooolollllo
after he returned seeeeeeeeking for job lololololololooololoooll
we have more than 500000 chinese dont belevive in god did they find out soultion for them ??????
انتو عايزين تجننونا ولا شنو ؟ |
دكتورنا عمر سعد لك التحية
نحنا ام بقايا المشروع الحضاري ؟
| |
|
|
|
|
|
|
|
|
|
Re: صليت الجمعة في مسجد بقايا المشرحضرهام السوداني (Re: كمبورة)
|
أخونا كمبورة ... تحياتي ..
تعرف أنا الحكاية دي حصلت لي في الشارقة ...
مرة كنت معزوم غدا في يوم جمعة في الشارقة ...
في الطريق للشارقة لقيت مسجد واضح إنه بيصلي جمعة ... كنت جاهز للصلاة ..
دخلت وصليت تحية المسجد وجلست ... جا الإمام .. لقيتو خواجة مسلم ..
بدأ الخطبة بالإنجليزي ... طبعاً إستغربت .. وبديت اتلفت حولي ..
لقيت فعلاً إنه معظم المصلين أجانب ... وعدد العرب قليل جداً ...
لكن في مدينة زي الشارقة أو دبي .. الحكاية دي طبيعية لكثرة عدد الأجانب في الدولة..
بس في الخرطوم ... !!
أكيد في حكمة لا يعلمها إلاَّ الله ...
إمكن الحي كله أجانب ... ومسلمين كمان ...
غير كده .. تبقى بدعة ...
| |
|
|
|
|
|
| |
كمبورة
أيمن الطيب
كمال سالم
عمر سعد
عبد الله كسلا
عمار عبدالله عبدالرحمن
فيس بوك
تويتر
انستقرام
يوتيوب
بنتيريست