|
|
 انا والله اسفرك ( كلام يدل علي الجهل والافتراء......... صح )
|
ما شهدت ( مشاجرة طرفيها سوداني ) الا وسمعت هذه الجملة
فهل التسفير الي السودان اصبح عقوبه نخشاها
هل قائلها وزير داخلية البلد المضيف
وحتي اذا كان فهل هذا التبجح يليق به
هل هذا يدل علي حجم صد اقته باصحاب النفوذ او اصحاب القرار
ام هي كلمات تصدر من عاجز لا يقدم و لا يؤخر
هل تدل علي الانحطاط وسوء الاخلاق
هل يريد صاحبها ان يقول انه مرشد ( وهذه احط الوظائف )
والله سمعت هذه الكلمات تصدر من افراد من كل طبقات المجتمع فلم اجد صاحبها الا وتنطبق عليه
كل بلاوي الدنيا . و الا هو الذي يستحق التسفير حفاظا علي سمعة الوطن . ان كانت هنالك امكانية
تسفير كما سمعتها من طرفي مشاجرة واحدة اقسم كل منهم بغلظ الايمان ان يسفر صاحبة ولا زال
الاثنين بيننا . فاين ذهب هذا الايمان والحليفة
رايكم مهم لنحجم مثل هذا الوحل .....دمتم جميعا و الما حيتداخل انا حاسفروا
حتي لو كان في الكويت او الامارات او البحرين او ليبيا او اي مكان طبعا و الفي السودان برضو
|
|
 
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
ونحن قي قمة الطرب مع الاستاذ صديق احمد سمعنا هرج و مرج وصوت نسائي يعلوا علي كل الاصوات بكلمات تخدش حياء الشيب و الشباب من الجنس الخشن فكيف بالناعم. خرجنا نستجلي الامر فوجدنا شاب عشريني يقف امام والدته و هي ترغي و تذبد وتلعن سلسفيل شاب عشريني اخر باغزع الالفاظ ومن العيار الثقيل . و تقسم بحياة البغل الواقف امامها احيانا. و تمسك بشعرها و تقسم به حينا اخر, بانها سوف تسفر البغل الاخر الذي يقف قبالة ابنها او( بغلها) و هو يبادلها سباب بسباب العن منه .ويغلظ ايمانه بانه سيسفرها هي و ابنهاالذي لا يحمل من صفات الرجولة الا اللبس (الذي هو ايضا مشكوك فيه من البغلين ) . كانت هذه اول مرة اسمع فيها مثل هذا الكلام السخيف وبعد فترة علمت ان كلاهما لا يملك من ادوات التسفير شروا نقير ( احدهم سجين حتي كتابة هذه السطور ) و(الاخر رحل بجريمة اعف عن ذكرها )
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
تحياتى اخ عبدالقادر .
حكاية التسفير دى انا كنت متخليها عندنا فى اوربا بس , عندنا من يتولى التسفير جماعة يسمون
أنفسهم بالمصادر , حيث يقومون بتقديم المعلومات للسلطات المختصة بمنح الاقامات وبعضهم سعيد
جدا بهذه المهمة ال########ة ويتباهى بها , وفى كثير من الاحيان وحتى لا يفقد المصدر بريقه فأنه مستعد لنجر المعلومات من رأسه , المسفراتية عندنا لهم وزن لأنهم يتخذون حقوق الانسان مطية لممارسة احقادهم وأمراضهم لكن عندكم المسفراتية وكما يبدو يستعملون السنتهم فقط بقصد التخويف والتهديد , الله يعيننا ويعينكم ويكفينا شر المسفراتية والمسفراتيات .
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: فيصل عثمان الحسن)
|
استاذ فيصل . كيفنك
| Quote: الله يعيننا ويعينكم ويكفينا شر المسفراتية والمسفراتيات . |
اااااااامييييين
| Quote: المسفراتية عندنا لهم وزن لأنهم يتخذون حقوق الانسان مطية لممارسة احقادهم وأمراضهم لكن عندكم المسفراتية وكما يبدو يستعملون السنتهم فقط بقصد التخويف والتهديد |
مثل هذا الشخص لا يمكن ان يكون له وزن باي حال من الاحوال الا في نفسه المريضة و لو نجح حيكون من رزق الشخص المرحل لان الارزاق بيد المولي عز وجل وهو سبحانه يقطع من هنا ويوصل من هنا و في كل خير اراده سبحانه و تعالي
اما جماعتنا ما تهديد و بس احيانا تصيب لحكمة يريدها الله سبحانه و تعالي
ومع ذلك فهم درجات نحن لازلنا نتحدث عن الدرجة الدنيا و ناس الوسط اجارك الله بس خليك معانا و شوف واذا سفروني حاكمل من السودان وديك الساعة حيبقي بالاسم
شكرا يا غالي للمرور والفت نظر الاستاذ بشير حسن بشير لو سمحت لي الي هذه المداخلة و تاكد انو رزقك محل ما كان سوف يصلك كاملا
حتي لو وقفت امامه القوات المشتركة
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
دعوة الاخ عبود القرير لانطلاقة مراسم زواجة الميمون باذن الواحد الاحد نحن كاهل العريس جالين في نص الحوش و المعازيم من فضل الله داخل الصالة دخل شاب يلبس ( بلوزة ) اي والله بلوزة .. بدون اكمام و بنطلون تحت الركبة ب2سم فقط وخلفة 3 شباب ( سوديين ) في مثل سنة لا يختلفون عنه في اللبس و قصة الشعر ما عدا واحد كان مهندما و مهزبا ايضا فقد كان اخر الداخلين . وكان يجالسنا شاب ود بلد بحق سوداني حتي النخاع . تحرك هذا الشاب تجاه الجماعة الداخلين ديل . قلنا يستقبلهم . فتصدي لهم وين ماشين . قال صاحب البلوزة دي مش عزومة عبود
قالي ايوة انت سوداني . قال صاحب البلوزة ما باين علي ؟ قاليهو ايوة ما باين عليك . انت جايي عزومة و الا تمرين عبود اذا عازمك انت يبقي ما عندو شغلة امرق سوق جماعتك ديل و امش البيت البس جلابية و عمة او طاقية وتعال لاني كدة ما حاخليك تدخل لغاية الوكت دا كان صاحب البلوزة كالقطة قبل ان تثار . بس , رن في هذه اللحظة جواله و كانت المتدثة من الطرف الاخر والدتة فاخبرها بكل ما دار بينه و بين الشاب و هاج و ماج و اصبح قطة تريد ان تخربش كل من امامها واعلن انة سوف يسفر هذا الشاب الخشن و..... و...........و.......الخ
وكانت هذه ثاني مرة من هذه الطبقة
حتي ليلة الاربعاء الماضي و اتمني ان يروي اخي و صديقي الاستاذ تاج السر القصة فانا سمعت بها سمع و السر شاف
بعد كدة الطبقة الثانية و هم الاكثر ترديدا لهذه الجملة سامحهم الله .
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
ابناءنا الذين يعملون في القصور الملكية او الاميرية او الذين تعرفوا او تصادقو مع احد افرات الشرطة . بعضهم ملائكة سخرهم المولي عز وجل لخدمة البشر من ابناء جلدتهم . و البعض الاخر اجارك الله يعتقد انه شارك في صنع تاريخ البلد . يعتقد انه يستطيع ان يسفرك باشارة من يده . بل ويري انه كفيل لكل ابناء منطقته و المناطق المجاورة لها . ويجب ان نقدم له فروض الولاء و الطاعة . ويعتقد ان بامكانه تسفير حتي ابناء البلد . و القصص في هذا اكثر من ان تحصي . فلو كان سلامك فاترا لاحدهم فقط تكفي هذه الجريمة النكراء من وجهة نظرهم ان تسمع هذه الغبارة . واذا فرض و جاملك قالها من خلفك . ودائما ما تكون مساهماتهم المادية في المناسبات العامة كبيرة ودائما ما يجلسون علي صدر المحافل و كانهم ملوكها ..... يتبع
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
Quote: حركات اولاد جــده ديل ياها القاعدة تجيب لينا الكلام ،،،، على قووول ندى القلعة
انت ياشادول زاتك البقعدك لحدى ساعة الحفلة شنو
ما تتعشى من بدرى وتمشى تنووووم .... |
يا عبدالدائم يا خوي الاستاذ بشير قال الرياض فيها وفيصل قال بلا واف الواق فيها وكل بلد ما جدة بس لكن برضو انا معاك و مع ندي القلعة بس ماجدة بس شوف لينا اسم للجماعة ديل
وتعرف سمعت كلامك وقلت اخير امشي انوم حصلت بعدي علي طول
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
الأستاذ / شادول
تحية وتقدير
نعم سمعت هذه العبارة في مشاجرة في حفل في جدة , والغريب في الأمر أذا نطق بها أحد المتعاركين يسارع الآخر باستفزاره و بالله ؟؟؟ أنا الحا أسرفك وحتشوف
ولم يتأتى لي أن أعرف من قام بتسفير الآخر فيما بعد , وربما الاثنان باقيان ولم يسافر فيهم أحد , وربما العبارة تطلق لاخافة الطرف الآخر أو لارهاب الحضور الذين يشاهدون العراك أو لكسبهم.
أما لباس ( بعض ) الشباب السودانيين بحفلات جده فحدث ولا حرج وهو باب كبير أرجو أن تفرد له مساحة أخرى لأن الأمر تعدى مسألة الذوق العام وأصبح أقرب الى التخنث وانعدام الرجولة , وربما تحتاج أن تفرك عينيك مرتين لتتبين ان كان الذي أمامك شاب أم فتاة .
| |
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: خالد العطا)
|
| Quote: مثل هذا الشخص لا يمكن ان يكون له وزن باي حال من الاحوال الا في نفسه المريضة |
الاخ الفاضل شادول , صدقت فيما ورد اعلاه , الانسان السوى لا يقدم على أذية الآخرين مهما كان حجم
الخلاف الداعى للتسفير , مصيبتنا ان المنافى قد لمت واختلط الحابل بالنابل , هذه النوعية المشوهة
فى الوطن كانت محصورة ومعزولة , لذا كانت شرورهم ليست ذات أثر يذكر كما أن ردعهم ليس بالأمر الصعب , لكن فى المهاجر قد أصبحوا جزء من الجاليات السودانية وأصبحت شرورهم تطال الجميع نتيجة التداخل والتعامل الاجتماعى الذى يفرضه الواقع الجديد , وصدق الشاعر الذى قال ( ومن نكد الدنيا على الحر
ان يرى عدوا له ما من صداقته بد).
| |
|
|
|
|
|
|
|
|
 Re: انا والله اسفرك ( كلام يدل علي الجهل والافتراء......... صح ) (Re: حمد إبراهيم محمد)
|
المكرم / شادول
تحية وتقدير ,,,
| Quote: رايكم مهم لنحجم مثل هذا الوحل .. |
ما ظن يتحجم ... كان من الاول لو الناس ربت ولاده وطلعتهم (((((( سودانيين )))))))
ما داخل شديد في المجتمع السوداني بجدة بس على قلت التداخل ده البشوفوا الواحد كتير
_ وبعمل رايح _
ومرجعيتي في كده موقف حصل لى زمان :
مرة اتكلمته مع ولد طاشرات كلام حار في سلوكوا ((( الجنا جنا الكل ))) زي الشي البنعرفوا واتعودنا عليهوا
أبوهوا الكبير العاقل سمعني كلام يحّير ...... وحسسني قدر شنو غلطان أقول ((((((((لصاحب السعادة )))))))ده كلمة
--------------------
تحياتي
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
| Quote: ما ظن يتحجم ... كان من الاول لو الناس ربت ولاده وطلعتهم (((((( سودانيين ))))))) |
استاذنا الخطيب
لازم نحجمهيا استاذ . ومين يربي اذا كان والد الدلوعة الانت اتكلمت معاه وفي صالح ابنه قال لك مثل هذا الكلام
ذي دا يربي ابنه كيف ؟ وابنه بعد ما سمع كلام ابوه معاك حيكون تصرفه كيف بعد كدا ؟
ديل حيوانات وليس بشر يجب اسماعهم العن من سبهم للناس و ليسفرونا جميعا . و البلاوي قدام
شكرا ياغالي و ماااااحاسفرك
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
| Quote: لكن فى المهاجر قد أصبحوا جزء من الجاليات السودانية وأصبحت شرورهم تطال الجميع نتيجة التداخل والتعامل الاجتماعى الذى يفرضه الواقع الجديد , وصدق الشاعر الذى قال |
هنا بيت القصيد و مربط الفرس و كل البلاوي . واصبح لهم كلمة داخل الجاليات و الله ياها دي الوجعة. و نحن حنكون لهم بالمرصاد و( قصة حفل كجبار ) ما بعيدة رغم ان اعضاءها تخطوا الامر ما عارف ليه
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
الاستاذ الفاضل
البشير دفع الله
| Quote: الذين يشاهدون العراك أو لكسبهم. |
عقولهم يا استاذ اصغر من ان تخطط لمثل هذا
ولبسهم يدل علي العقل الفارغ من كل شيء و تبجحهم و صياحهم والشراسة المفتعلة والمياصة المجتمعة مع الرجولة المؤقته
كل هذا دليل علي انهم بغال بلا عقول تخيل رجل يتشاجر مع امرأة تقول له امك فيها و فيها و اخواتك بهن و بهن
وهو يرد عليها فقط يا ########ة ويكيل لهامن نفس المادة الدسمة
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
طبعا يا شباب ديل ما سودانيين
لو شفتو شكلهم الطرفين
المرأة او الرجل تحتارو
وطبعا المرأة تفك التوب و تلوح بايديها تخيلوا المنظر دا
و المشكلة فوق دا في حجازين . و الحجازين العن و اضل سبيلا . لان الحجاز نفسه صاحب غرض
يعني ########ه هايصة . تخيلوا انو المرأة احيانا ترد وتقول لو سفرتني بكرة حارجع لكن انت البرجعك شنو يا ............ و يا ابن ...............................ـة
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: أمير فتحي)
|
الحبيب غريبة . كيفك يا غالي . انت مما بقيت خبير ( فيس بوك ) مفروض يسفروك
و مما طلعت صاحب محمد علي حسن و رحبت بيه و هو رحب بيك و جيت نكرت معرفتو وجيت تاني قلت صاحبي . المفروض يسفروك
يعني انت عندك مليون سبب لي التسفير .
تعرف يا ابو صلاح ناس السفارة في الرياض والا هنا برضو احيانا مشاركين في العملية دي و جاييك . و الحديث ذو شجون
كما يقولون
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
| Quote: شادول السفر ده بحرا ولا جوا حدد أولا ! |
ابو غصي يا غالي نحن طبعا فتحنا المكتب عشان نصلح علاقتنا مع الجماعة ديل و اي واحد عاوزيين يسفروه نحن جاهزيين و انت خير شاهد شفت الخدمات و كل واحد من الجماعة ديل له مكتب خاص عندنا
| Quote: ثم يا أخي دي ثقافة مسئولين في الحقل الدبلوماسي |
ياها دي الدايرين نصل ليها بس بعدين تشوف شوف
| Quote: عشان كده نحن مريحيين رأسنا من الليالي دي . |
ليالي شنو انت لو قاعد في بيتك يقولوها ليك انا سمعتها في القهوة دي
الشايقي العزيز بشير حسن بشير نصراعتقد انو في الرياض لك و له ولكل المتداخلين التقدير و الاحترام
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
+
تحية طيبة أستاذ شادول،
المعازيم من فضل الله داخل الصالة دخل شاب يلبس ( بلوزة ) اي والله بلوزة .. بدون اكمام و بنطلون تحت الركبة ب2سم فقط وخلفة 3 شباب ( سوديين ) في مثل سنة لا يختلفون عنه في اللبس و قصة الشعر ما عدا واحد كان مهندما و مهزبا ايضا فقد كان اخر الداخلين . وكان يجالسنا شاب ود بلد بحق سوداني حتي النخاع . تحرك هذا الشاب تجاه الجماعة الداخلين ديل . قلنا يستقبلهم . فتصدي لهم وين ماشين . قال صاحب البلوزة دي مش عزومة عبود قالي ايوة انت سوداني . قال صاحب البلوزة ما باين علي ؟ قاليهو ايوة ما باين عليك . انت جايي عزومة و الا تمرين عبود اذا عازمك انت يبقي ما عندو شغلة امرق سوق جماعتك ديل و امش البيت البس جلابية و عمة او طاقية وتعال لاني كدة ما حاخليك تدخل لغاية الوكت دا كان صاحب البلوزة كالقطة قبل ان تثار . بس , رن في هذه اللحظة جواله و كانت المتدثة من الطرف الاخر والدتة فاخبرها بكل ما دار بينه و بين الشاب و هاج و ماج و اصبح قطة تريد ان تخربش كل من امامها واعلن انة سوف يسفر هذا الشاب الخشن و..... و...........و.......الخ
سبب مشاكلنا داما كسودانيين هي فكرة العقل الجمعي هذه، أعتقد أنك و"ولد البلد" غلطانين. مشكلتكم العويصة هي أنكم تحملون
فكرا معلب عن ماهية السودان والسودانيين، لا بل تريدون أن تلبسوا الكل جلابية وعمة حتي تكتمل صورة الرجل السوداني.
سردك عكس جليا بأنك و"ولد البلد" قمتم بالتعدي علي حق الآخرين، وهذا أصل المشكل.
التهديد والوعيد والأرهاب جزء أصيل من ثقاقتنا التي جبلنا عليها،
وأراك مستفهما كأنك لم تنشأ بأزقة وحواري بلادنا. ما شاهده أو سمعته واقع بلادنا للأسف الشديد.
دنقس.
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: هالة الأقرع)
|
Quote: سبب مشاكلنا داما كسودانيين هي فكرة العقل الجمعي هذه، أعتقد أنك و"ولد البلد" غلطانين. مشكلتكم العويصة هي أنكم تحملون
فكرا معلب عن ماهية السودان والسودانيين، لا بل تريدون أن تلبسوا الكل جلابية وعمة حتي تكتمل صورة الرجل السوداني.
سردك عكس جليا بأنك و"ولد البلد" قمتم بالتعدي علي حق الآخرين، وهذا أصل المشكل.
التهديد والوعيد والأرهاب جزء أصيل من ثقاقتنا التي جبلنا عليها،
وأراك مستفهما كأنك لم تنشأ بأزقة وحواري بلادنا. ما شاهده أو سمعته واقع بلادنا للأسف الشديد. |
قدورة ياغالي او يا استاذ دنقس ايهما احب اليك سلام تصدق انو اعجبني كلامك جدا و اسمح لي ارد عليه
اولا اقسم بالله لو جاء لابس اي سيء محترم ما اعترضنا عليه و كلنا بنليبس بنطال و لبسنا (الارديه) لكن في دعوة زواج بتبقي عدم احترام لكل الموجودين هل تستطيع ان تلبس بلوزة و بنطلون تحت الركبة بقليل وتذهب الي دعوة زواج ( لا اعتقد ) ثم نحن لم نفتح بوست بلبسه مع انه المثل بقول ( كل ما يعجبك و البس ما يعجب الناس , ولو تلاسن قبل ان يحادث امه لقلنا انه رجل ,الا يكفيك كل هذا لنقول لك انه في السجن حتي كتابة اخر حرف من هذه الداخلة . والله يا استاذ دنقس لو وجدنا جانبا واحدا ندافع به عنه لما تركناه لتذكرنا به
شكرا يا قدورة علي المداخلة و المرور الكريم واذا لم تقتنع ارجو صادقا ان تتداخل مرة اخري
اما ثقافتنا في التهديد و الوعيد فهي بيننا و ليس علي رؤس الاشهاد
شكرا مرة اخري
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
Quote: ضبط النفس و احترامها بيخلي
الإنسان يحترم ألفاظه و أفعاله |
هالة ولك من الاحترام و التقدير اضعاف و شكرا للمداخلة
اقول لو انا بقدر اسفر زول اقول ليه ليه
ما اسفرو علي طول . و طبعا ( لو الناس عرفت ) اذا دعتك قدرتك الي ظلم الناس فتذكر قدرة الله عليك
او افعل ما شئت كما تدين تدان و الوعظ من دا كتير جدا ليه ننسي كل دا و نجاهر و نفجر في الخصومة
لك الشكر مرة اخري
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
| Quote: ابو شيمة يا وجيه بلاوينا كلها من ناس السياسة ديل . واحد يخرب و البعدوا يخرب و هو قايل نفسوا بصلح و كلو واحد شايف نفسو صاح و هو الامين علي مصالح الناس و غيروا حرامي و كلنا الله اعلم |
أشكر لك ترحيبك أخي شادول
بوستيك جميل وواقع لي في جرح
أما ناس السياسة قصدي على ناس عشان الخلاف السياسي يسفّروا سودانيين معاهم في غربة
واسمح لي أواصل في تأنيبهم:
حأسفّرك
زي ما تقول حيطفّرك من دنيا ذاتا يسفّرك يديك مغادرة من بلد ويعفّرك جوة التراب ويضفّرك ضفّاري ما تلقى الحنان الودّرك
--
لا تتعجّب فبعضهم فعلها من قبل فلا تعجَب أو تتعجّب
فعلها بضمير بخس يتأنّب
قصص شتّى، تحكى حتّى يشيب الفود ولا يتأتّى لك أن تلهب ظهره بسياط تُغضب
كما العتّاب إذا عتّب، برجل واحدة يتعذّب
فعلها من قبل كثيرون فلا تتعب
نفساً يبدو كم وكم هي تتعذّب
ذاك خطب أصعب من أن يخطب
ذاك فعل أبي لهب
تبّت يداه وتب
ما أغنى عنه ماله وما كسب
وامرأته حمالة الحطب وإلى يومنا والنار تلهب ظهره وتلتهب
ذلك أنه تدخّل فيما يظن بنفسه فينصب
ظن أن الرزق في كوكب آخر لا هذا الطلب
--
هو لو سوداني
ما كان دا الفعل جاني
دا زول هو ما معدوم ضمير وبعاني
داير علاج من نفسه من أفعاله دي الخجلاني
-
ديّ الحسد
الماليه حد
وبالجد بفكّر يبتعد
وتبقاله دنيا الناس دي ضد
وما يلقى أبداً زول سند
ونقابله بي واحد أحد
فرد صمد
ولو كان ولد
خليه يقرّب للبلد
أو قول يعتّب للبلد
لكن نقول مسكين دا ما فاقد الولد
فاقد الأهل فاقد البلد
وكان اتولد بي جد وجد
ما كان حصل منه النكد
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبدالفتاح أبوشيمة)
|
Quote: حمدابراهيم سلام يا غالي
انت شخصيا حاسفر حاسفرك بدون اي كلام وعشان الكلام الحار البجيب لينا الكفوة دة
مالك عاوز تفتح لينا باب ما نلقي اليسدو وبعدين انت البوديك محل التسكع دا شنو
الجماعة راجنك اعمل حسابك و الجايي خطر و شديد و يدخل السجن يا حمد يا خوي ابقي عشرة علي العيال |
شاعر القومية السودانية - لك الود الكتير
يا أخوي يعني أنا الكفرت ؟ طيب قول لي الخطبة البتراء التي ألقاها (خالد عباس) في المناسبة
القومية ديك .. تقول فيها شنو؟؟ .. الناس البجوا من مدينة لمدينة عشان يحضروا حفل قومي .. وما
بصلوا مكان الحفل وبرجعوا صباحا بدري في اليوم التاني .. وبتصلوا بالتلفونات بسألوا عن الحفل
ومن خطب ومين من الفنانين شارك ... ديل تقول فيهم شنو؟؟
عهدتك بتشيل عكازك دايما معاك ... وأللا صفق الخريف تناثر على أكتافك ؟
تسلم يا غالي
حمد
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
Quote: الجالية السابقة عمرها او عمر دورتها 10 سنوات و دا اكتر شيء كان مزعل اخونا السماني عمارة ما عارف سه رايو شنو في التمانية سنوات دي و الجالية الحالية عمرها 8 سنوات و دي مالينا دعوة بيها ( نخلي الكلام فيها لي حجر و محمد علي حسن و تاج السر و يوسف محمد يوسف وحمد ابراهيم )
وحديثنا عن الجالية العمرا 10 سنوات دي و ما يهمنا من الجالية دي زااااااااااااااتا غير موضوع البوست ( إنا والله أسفرك ) و في الجالية كلها يهمنا الأستاذ / س
و الأستاذ سين دا كان من الشخصيات المهمة داخل الجالية ذات العشر ربيعا . المهم ركبنا مع هذا الرجل في سيارته الخاصة من الهنداوية الي كيلو 14
مشوار طويل جدا لاننا ذهبنا من الخلف في الطريق تحدثنا و الحديث ذو شجون . ساقنا في احد شجونه الي الجالية فلم يترك الرجل سبة الا والصقها بالجالية ولعن اليوم الذي قاده الي هذا المنصب . طبعا الموضوع شدنا جدا . قلت له كما علمني اخي و صديقي الاستاذ علاء . انت عشان همشوك بتقول الكلام دا . قالي همشوني شنو ياخي انا و الله بستغفر الله ليل نهار عشان يغفر لي سألتوا من شنو تستغفر و انتب تخدم الناس من هذا المنصب
والا كنتو بتعملو جرائم قلي باختصار شديد كبائر بدون شعور قلت له بتبالغ حبة شنو الكبائر في الجالية
قالي و الله العظيم كنا بنطلب من القنصلية حجز جواز فلان الفلاني حتي تنتهي اقامته فنبلغ عنه فيتم ترحيله قال صديقي الجالس في الخلف , لاحول و لا قوة الا بالله . قلت لماذا قال لادني معارضة كنا نقوم بذلك وانا مستعد في سبيل ان اتطهر من ذنوبي باي اعتراف و امام أي حشد ومن الممكن ان اقول عن كل من كان معي في هذا العمل القذر هذه هي القنصلية و هذه هي الجالية فماذا تركوا للبقية الباقية |
الأخ الكريم / عبدالقادر شادول
السلام عليكم ورحمة الله وبركاته،
نسأل الله سبحانه وتعالى بأن يردنا جميعا الى أهلنا وبلادنا سالمين وغانمين،
موضوعك هام ويشير الى ظاهرة سالبة ضمن ظواهر سالبة أخرى تحتاج الى جهود رسمية وشعبية للمعالجة,
سأعود لك بي رواقة
ولك وللجميع تقديري واحترامي
صلاح حمد
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: صلاح حمد)
|
صلاح حمد عاطر التحاياوين انت يا بطل يا ود الصايم ( سجل دا في خرج و لم يعد)
طبعا الظواهر السالبة كتيرة جدا و كلنا اخطاء نسال الله ان يسامحنا جميعا
بس حتي الخيار و الفقوس بقي في هذا الامر واحد يسفر وواحد يسفروه
وكلنا متعاقدين و يمكن انا في حالي و ماشي مع الحيط بس بقول دا غلط و بقول لا
شكرا للمرور الكريم و نحن في انتظار عودتك بي روقة
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
الجالية السابقة عمرها او عمر دورتها 10 سنوات و دا اكتر شيء كان مزعل اخونا السماني عمارة ما عارف سه رايو شنو في التمانية سنوات دي و الجالية الحالية عمرها 8 سنوات و دي مالينا دعوة بيها ( نخلي الكلام فيها لي حجر و محمد علي حسن و تاج السر و يوسف محمد يوسف وحمد ابراهيم )
وحديثنا عن الجالية العمرا 10 سنوات دي و ما يهمنا من الجالية دي زااااااااااااااتا غير موضوع البوست ( إنا والله أسفرك ) و في الجالية كلها يهمنا الأستاذ / س
و الأستاذ سين دا كان من الشخصيات المهمة داخل الجالية ذات العشر ربيعا . المهم ركبنا مع هذا الرجل في سيارته الخاصة من الهنداوية الي كيلو 14
مشوار طويل جدا لاننا ذهبنا من الخلف في الطريق تحدثنا و الحديث ذو شجون . ساقنا في احد شجونه الي الجالية فلم يترك الرجل سبة الا والصقها بالجالية ولعن اليوم الذي قاده الي هذا المنصب . طبعا الموضوع شدنا جدا . قلت له كما علمني اخي و صديقي الاستاذ علاء . انت عشان همشوك بتقول الكلام دا .[B] قالي همشوني شنو ياخي انا و الله بستغفر الله ليل نهار عشان يغفر لي سألتوا من شنو تستغفر و انتب تخدم الناس من هذا المنصب
والا كنتو بتعملو جرائم قلي باختصار شديد كبائر بدون شعور قلت له بتبالغ حبة شنو الكبائر في الجالية
قالي و الله العظيم كنا بنطلب من القنصلية حجز جواز فلان الفلاني حتي تنتهي اقامته فنبلغ عنه فيتم ترحيله قال صديقي الجالس في الخلف , لاحول و لا قوة الا بالله . قلت لماذا قال لادني معارضة كنا نقوم بذلك وانا مستعد في سبيل ان اتطهر من ذنوبي باي اعتراف و امام أي حشد ومن الممكن ان اقول عن كل من كان معي في هذا العمل القذر هذه هي القنصلية و هذه هي الجالية فماذا تركوا للبقية الباقية
الشاعر القومي - سلام
دعني أستصحب كلام (س) وأسال كيف يتم اختيار القيادي في الجالية .. هل هو العمامة الكبيرة
- الفل سووت - اللهف والشفط - النفاق وطق الحنك في عباد الله إم تغطية لأفعاله القبيحة؟؟
تسلم يا رايق
حمد
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: حمد إبراهيم محمد)
|
Quote: الجالية السابقة عمرها او عمر دورتها 10 سنوات و دا اكتر شيء كان مزعل اخونا السماني عمارة ما عارف سه رايو شنو في التمانية سنوات دي و الجالية الحالية عمرها 8 سنوات و دي مالينا دعوة بيها ( نخلي الكلام فيها لي حجر و محمد علي حسن و تاج السر و يوسف محمد يوسف وحمد ابراهيم )
وحديثنا عن الجالية العمرا 10 سنوات دي و ما يهمنا من الجالية دي زااااااااااااااتا غير موضوع البوست ( إنا والله أسفرك ) و في الجالية كلها يهمنا الأستاذ / س
و الأستاذ سين دا كان من الشخصيات المهمة داخل الجالية ذات العشر ربيعا . المهم ركبنا مع هذا الرجل في سيارته الخاصة من الهنداوية الي كيلو 14
مشوار طويل جدا لاننا ذهبنا من الخلف في الطريق تحدثنا و الحديث ذو شجون . ساقنا في احد شجونه الي الجالية فلم يترك الرجل سبة الا والصقها بالجالية ولعن اليوم الذي قاده الي هذا المنصب . طبعا الموضوع شدنا جدا . قلت له كما علمني اخي و صديقي الاستاذ علاء . انت عشان همشوك بتقول الكلام دا . قالي همشوني شنو ياخي انا و الله بستغفر الله ليل نهار عشان يغفر لي سألتوا من شنو تستغفر و انتب تخدم الناس من هذا المنصب
والا كنتو بتعملو جرائم قلي باختصار شديد كبائر بدون شعور قلت له بتبالغ حبة شنو الكبائر في الجالية
قالي و الله العظيم كنا بنطلب من القنصلية حجز جواز فلان الفلاني حتي تنتهي اقامته فنبلغ عنه فيتم ترحيله قال صديقي الجالس في الخلف , لاحول و لا قوة الا بالله . قلت لماذا قال لادني معارضة كنا نقوم بذلك وانا مستعد في سبيل ان اتطهر من ذنوبي باي اعتراف و امام أي حشد ومن الممكن ان اقول عن كل من كان معي في هذا العمل القذر هذه هي القنصلية و هذه هي الجالية فماذا تركوا للبقية الباقية
الشاعر القومي - سلام
دعني أستصحب كلام (س) وأسال كيف يتم اختيار القيادي في الجالية .. هل هو العمامة الكبيرة
- الفل سووت - اللهف والشفط - النفاق وطق الحنك في عباد الله إم تغطية لأفعاله القبيحة؟؟
تسلم يا رايق
حمد |
اخي شادول سلام
ديل كلهم مركبين ماكينة مدير جوازات نفخ في الفارغة ...ولكن رايك في الكلام الفوق دة شنو ؟؟؟؟؟
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: احمد محمد احمد عتيق)
|
| Quote: و الله العظيم كنا بنطلب من القنصلية حجز جواز فلان الفلاني حتي تنتهي اقامته فنبلغ عنه فيتم ترحيله قال صديقي الجالس في الخلف , لاحول و لا قوة الا بالله . قلت لماذا قال لادني معارضة كنا نقوم بذلك وانا مستعد في سبيل ان اتطهر من ذنوبي باي اعتراف و امام أي حشد ومن الممكن ان اقول عن كل من كان معي في هذا العمل القذر هذه هي القنصلية و هذه هي الجالية فماذا تركوا للبقية الباقية |
المكتوب أعلاه مقروء مع تجاربنا وما سمعناه يؤكد أن هناك خلل كبير فى تربيتنا لم يفلح حتى الدين بكل زخمه وتعاليمه الصارمة فى اصلاحه , لا أدرى كيف يجلس الانسان ويخطط من اجل ان يؤذى انسان مثله لديه تطلعات وآمال وأسرة , اضافة للظروف الطاردة التى يتميز بها وطننا والتى يعلمها القاصى والدانى , لا اعتقد ان الخلاف السياسى وحده مبررا كافيا لالحاق الاذى بالناس فلا بد من توافر ظروف اخرى لتحقيق ذلك الغرض , يعنى لا بد من وجود الانسان المهيا نفسيا لتسبيب الاضرار للآخرين , ولتاكيد رؤيتى نحن فى الغرب ظروفنا متشابهة بمعنى الذى يتعرض للأذى والمتسبب فيه كلاهما معارض للنظام كما نسمع , ورغم ذلك تمارس هذه العادة الذميمة وان كان بشكل مختلف عما يحدث فى البلدان العربية , حيث لا تدخل سفارات النظام طرف وانما من يمارسون ذلك القبح هم بعض الذين نسبوا انفسهم للعمل الانسانى الذى أتوه حفاة عراة من كل فضيلة ونخوة , لذا لم يصمدوا حيال استحقاقات تلك القيم والمفاهيم الراقية , وسرعان ما انجرفوا خلف اهوائهم تقودهم نفوس خربة وضمائر تالفة ومارسوا كل ما تيسر لهم من سوء , فكانت النتيجة محزنة ومؤسفة .
أتمنى ان يستمر هذا البوست , واتمنى ان يتداخل أصحاب الاختصاص من علماء نفس وغيرهم لسبر اغوار هذه الممارسات , حتى نتمكن من حصار هذه الظاهرة المدمرة .
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: فيصل عثمان الحسن)
|
| Quote: قال لادني معارضة كنا نقوم بذلك وانا مستعد في سبيل ان اتطهر من ذنوبي باي اعتراف و امام أي حشد ومن الممكن ان اقول عن كل من كان معي في هذا العمل القذر هذه هي القنصلية و هذه هي الجالية فماذا تركوا للبقية الباقية (س) |
شاعرنا القومي - لك الود كله
إذا أفرتضنا أن صاحبكم (س) فعلا عاوز يتوب ويكفر عن ذنوبه المعشعشة، ويعترف بكل شيء أمام أي
حشد- فالمنبر العام بسودانيزاون لاين - هو الحشد الملا ئم لذلك، وفيه كل شرائح السودانيين
والإعتراف سيد الفضيلة، فليقل - أولا: عن أسمه بالكامل
ثانيا: عن كل من كان معه وما فعلوه بعباد الله بالتفصيل الممل
فهذا البوح الفصيح ليك أو عليك - أخاف عليك أن صمت أن تتضاعف ذنوبك!
أمل أن لا يكون السبب والفورة دي _ حمل كاذب - وتحامل، لأن الناس ديل همشوك
حسب تفسيرات محمد علي حسن.
وأخيرا من أين يربط الرجل؟
تسلم شاديييي
حمد
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
Quote: دعني أستصحب كلام (س) وأسال كيف يتم اختيار القيادي في الجالية .. هل هو العمامة الكبيرة
- الفل سووت - اللهف والشفط - النفاق وطق الحنك في عباد الله إم تغطية لأفعاله القبيحة؟؟ يا حمد يا خوي
تسلم يا رايق |
يا حمد يا خوي المشكلة لا في اختيار و لا في معيار الاختيار فقد يكون الشخص المختار بصفات طيبة جدا و تكون الحاشية المطبلة هي التي افسدته او يكون هو الذي افسد الحاشية المهم الاسباب متعددة و متنوعة و يمكن لو اختاروني اكون العن من الكل
تسلم يا غالي
| Quote: اخي شادول سلام ديل كلهم مركبين ماكينة مدير جوازات نفخ في الفارغة ...ولكن رايك في الكلام الفوق دة شنو ؟؟؟؟؟ |
يا استاذ عتيق اولا عاطر تحياتي . حتي مدير الجوازات ما يقدر يسفرك الا بخباثة و طبعا استفسار استاذي الجليل حمد ابراهيممهم جدا بس ليه نعلق مشاكلنا علي شماعات تبين ضعفنا او زهدنا في التقيير لماذا لا تشارك انت في الاختيار و غيرنا و غيرنا حتي نمحص و نفحص و نختار الاحسن و احيلك ايضا الي كلام استاذنا فيصل عثمان الحسن انا اعتقد وجود اشخاص مثل اعضاء هذا المنبر داخل الجالية ستكون الامور علي المكشوف و ستجد اجابة علي كل ما تستفسر عنه و تشكر للمرور الكريم .
Quote: المكتوب أعلاه مقروء مع تجاربنا وما سمعناه يؤكد أن هناك خلل كبير فى تربيتنا لم يفلح حتى الدين بكل زخمه وتعاليمه الصارمة فى اصلاحه , لا أدرى كيف يجلس الانسان ويخطط من اجل ان يؤذى انسان مثله لديه تطلعات وآمال وأسرة , اضافة للظروف الطاردة التى يتميز بها وطننا والتى يعلمها القاصى والدانى , لا اعتقد ان الخلاف السياسى وحده مبررا كافيا لالحاق الاذى بالناس فلا بد من توافر ظروف اخرى لتحقيق ذلك الغرض , يعنى لا بد من وجود الانسان المهيا نفسيا لتسبيب الاضرار للآخرين , ولتاكيد رؤيتى نحن فى الغرب ظروفنا متشابهة بمعنى الذى يتعرض للأذى والمتسبب فيه كلاهما معارض للنظام كما نسمع , ورغم ذلك تمارس هذه العادة الذميمة وان كان بشكل مختلف عما يحدث فى البلدان العربية , حيث لا تدخل سفارات النظام طرف وانما من يمارسون ذلك القبح هم بعض الذين نسبوا انفسهم للعمل الانسانى الذى أتوه حفاة عراة من كل فضيلة ونخوة , لذا لم يصمدوا حيال استحقاقات تلك القيم والمفاهيم الراقية , وسرعان ما انجرفوا خلف اهوائهم تقودهم نفوس خربة وضمائر تالفة ومارسوا كل ما تيلالهم من سوء , فكانت النتيجة محزنة ومؤسفة .
أتمنى ان يستمر هذا البوست , واتمنى ان يتداخل أصحاب الاختصاص من علماء نفس وغيرهم لسبر اغوار هذه الممارسات , حتى نتمكن من حصار هذه الظاهرة المدمرة |
كلام جميل يا استاذ فيصل معك نتمني ذلك .
| |
|
|
|
|
|
|
|
|
|
Re: انا والله اسفرك ( كلام يدل علي الجهل والافتراء......... صح ) (Re: عبد القادر شادول)
|
Quote: إذا أفرتضنا أن صاحبكم (س) فعلا عاوز يتوب ويكفر عن ذنوبه المعشعشة، ويعترف بكل شيء أمام أي
حشد- فالمنبر العام بسودانيزاون لاين - هو الحشد الملا ئم لذلك، وفيه كل شرائح السودانيين
والإعتراف سيد الفضيلة، فليقل - أولا: عن أسمه بالكامل
ثانيا: عن كل من كان معه وما فعلوه بعباد الله بالتفصيل الممل
فهذا البوح الفصيح ليك أو عليك - أخاف عليك أن صمت أن تتضاعف ذنوبك!
أمل أن لا يكون السبب والفورة دي _ حمل كاذب - وتحامل، لأن الناس ديل همشوك
حسب تفسيرات محمد علي حسن.
وأخيرا من أين يربط الرجل؟ |
انا ما استاذنت الرجل لكن و الله عشان خاطرك بسألو و اشوف ردو
و كان لقيت بوست جديد بعنوان عن هذه الافعال فاغرف انو الراجل وافق و اختار هذا المنبر الرائع ليحكي له و يتطهر فيه
| |
|
|
|
|
|
|
| |
عبد القادر شادول
تاج السر محمد حامد
Hassan Makkawi
بشير حسـن بشـير
عبد الدائم سيد أحمد
البشير دفع الله
حمد إبراهيم محمد
يوسف محمد يوسف
صلاح غريبة
عوض عبدالله طه
مجدي عبدالرحيم فضل
عبدالفتاح أبوشيمة
أمير فتحي
هالة الأقرع
صلاح حمد
معتصم ود الجمام
فيس بوك
تويتر
انستقرام
يوتيوب
بنتيريست