|
|
|
 Re: يا اخوانا في منو ما عندو موضوع يوم الأحد في أمستردام ؟!! (Re: أمين محمد سليمان)
|
العزيز أمين
تحياتي
البوست دا أول مره أشوفوا اليوم السبت والواحد شغال ويكند والله من كتره ماخجلان ومتحسر لمن قربت أعمل رايح من البوست لوكنت فتحت البوست في بدايه الاسبوع لكنا قمنا معك بالواجب لكن الله غالب برنامج عمل الاسبوع طلع ووقعنا عليهوا ماباليد حيله ولو في امكانيه تغيير الحجز ليوم اخر لوماشالتك هولندا يشيلك الراس ياعزيز وفي كل الحالات برسل ليك تلفوني في الخاص لوماقدر الله لنا أن نلتقيك فماتنسانا في العوده من صالح الغشوات فمعرفه الرجال كنوز .
Quote: وألذ
حاجة تكون بليل، والله جنات الله في الأرض
ففي أمستردام حورٌ مقصورات في الخيام
يطمسهن الإنس والجان. وإنت بعلامة صلاتك
دي يا أمين ما أظن أمستردام بتنفع معاك
أمسترادام دي عايزة زول بتاع بنات وبتاع
سيجارة.
|
النذير ياحبيب أسع دي ما أشانه سمعه عديل كده
| |
 
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: فايزودالقاضي)
|
Quote: المنبر ده مفروض يؤرشف كل ستة شهور لكن ولأن اللاموضوعيين مالينو بالهتش من الكلام فلذلك الارشفة كل تلاتة شهور ..
ربنا يصبرنا ..
ابوالريش ودالقاضي
ــــــــــــــــــــــــــــــــــــ
انا ودالقاضي ماترد على مكالماتي ؟!!! |
يا فايز والله عدم الموضوع كعب لكن ١٠ ساعات في أمستردام الله و رقبتي أكعب منها !!!
موبايلي رايح ليهو أكتر من عشره يوم ، مدور بحق الرجل الأبيض : برسلو ليك في الموبايل !!!
| |
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: أمين محمد سليمان)
|
Quote: يا ياسر شايفك إتخطيت مرحلة الانبعاج الزوجي و دخلت في البعديها : ياخي ده حميش نيران منك مبالغ فيو !!
بعدين يا أخوي ماليزيا شنو البمشيها أنا ؟ هو أنا قلت رايي ساي بلوني بل العرديب كان مشيت ليهم بالدرب بقطعو لي لساني ده !!! |
بدل الكلام الكتير ده أرسل جزء من تمن التزكرة، وخلينا نقضي "ترانزيطّك" في هنا وحبور..
____
أنا عندي صديق في أمستردام، لكن ما بينفّع معاك لأنو بتاع شربة، وقد تجده في عالم آخر غير عالمك هذا..
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: فايزودالقاضي)
|
Quote: بدل الكلام الكتير ده أرسل جزء من تمن التزكرة، وخلينا نقضي "ترانزيطّك" في هنا وحبور..
____
أنا عندي صديق في أمستردام، لكن ما بينفّع معاك لأنو بتاع شربة، وقد تجده في عالم آخر غير عالمك هذا.. |
الحمد لله إنت ما في هولندا كان (قاولتني ) علي جيتي دي !!
بالله بتاع الشربه ده أبعدو مني لانو أنا ما ناقص !!
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: أمين محمد سليمان)
|
Quote: بعدين يا أخوي ماليزيا شنو البمشيها أنا ؟
هو أنا قلت رايي ساي بلوني بل العرديب كان مشيت ليهم بالدرب بقطعو لي لساني ده !!! |
....
...
....يازول ما تلاوز ...مافيها قطع لسان .... و لا عرديب ....ولا بطيخ ....و لا اي حاجه....
....
... الحكايه كلها ....
....
....
....لا تتجاوز فردة كبك بتاع شوايقه .... قديم ...مسبوك في مسبك ورش السكه حديد بعطبره ...
....و الفرده التانيه حنرسلا قبل و صولك اذا ربك سهل الطريق ....عشان تكون الحكايه بالجنبين ....
....
....
.....وبعدين ... الشلوخ من قمة منتصف الراس ... و حتي اخمس الحنك ....
.....
....... يعني الحكايه حتكون معاك كويسه بالصلعه ....
....
... و كل الحيفرق .... حيتغيّر ..... التاتو.... و الاسم بالمنبر ......
.....
.....
.... بدل ... الياسمين ...الاستثنائي .......
.....
.....حتكون البعاتي ....الاستثنائي ...
....
....
.....و يا ماليزيا ما دخلك شر ....
....
....
....
...
...
....
....
....
....
...
....لكن .... لقيتك بتفصل .... ســـرررررريع !!!!!
____________________________________
كل سنه و انتو طيبين
....
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: محمد البشرى الخضر)
|
سلام يا د. أمين
والله ما عارفك جادي وللأ بتهظر
المهم، أخوك مر بتجربة نفس تجربتك
دي في مطار أمستردام، والله عبد العزيز
خطاب ما قصر معاي كلو كلو وبرضو هيثم
منصور إتصل وأبدى استعداده للمساعدة
وشباب نفاخر بهم الشمس.
لكن يا أمين ما ح تلقي أي زول فاضي
نسبة لوفاة العزيز سمندلاوي وكلهم في
الويكند بشدوا الرحال لأوسلو.
بالمناسبة امستردام واضحة جداً، ما عليك
إلا في المطار، تخت شنطتتك في فندق المطار
اسمو Yotel إيجار أربعة ساعات تقريباً في حدود
35 يورو، وتطلع من المطار، أنصحك ما تركب
القطار لوحدك، فالقطار على الرغم من إنو
رخيص 4 يورو تقريياً (ماشي وجاي) إلا أنه
بجهجهك، علشان كدا بنصحك تركب تاكسي
في حدود 45 يورو ماشي و 45 يورو جاي
وقول ليهو وديني الـ Dam Square وألذ
حاجة تكون بليل، والله جنات الله في الأرض
ففي أمستردام حورٌ مقصورات في الخيام
يطمسهن الإنس والجان. وإنت بعلامة صلاتك
دي يا أمين ما أظن أمستردام بتنفع معاك
أمسترادام دي عايزة زول بتاع بنات وبتاع
سيجارة.
تحياتي ونتمنى لك رحلة سعيدة
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: النذير حجازي)
|
النذير يا حبيبنا ، شكرا علي الوصف التفصيلي ...
لكن دي ما عجبتي : Quote: أنصحك ما تركب
القطار لوحدك، فالقطار على الرغم من إنو
رخيص 4 يورو تقريياً (ماشي وجاي) إلا أنه
بجهجهك، علشان كدا بنصحك تركب تاكسي
في حدود 45 يورو ماشي و 45 يورو جاي
وقول ليهو وديني الـ Dam Square وألذ
حاجة تكون بليل، |
ياخي المثل بقول ليك بص مجهجه باربعه أحسن من تكسي مضمون بتسعين !!!
علامة الصلاه دي شغل بتاع تمويه و غواصات ممكن تسال منو حبيبنا صلاح جادات
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: النذير حجازي)
|
والله يا النذير حيّرتناQuote: ففي أمستردام حورٌ مقصورات في الخيام
يطمسهن الإنس والجان. |
حورك المطموسات ديل نعلّهن اقتباس من الآية الكريمة (فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنسٌ قَبْلَهُمْ وَلا جَانٌّ)
أو(حُورٌ مَّقْصُورَاتٌ فِي الْخِيَامِ * فَبِأَيِّ آلاَءِ رَبِّكُمَا تُكَذِّبَانِ * لَمْ يَطْمِثْهُنَّ إِنسٌ قَبْلَهُمْ وَلا جَانٌّ)
غايتو دي تمشي تتبوبر بيها في الفور أول إلاّ حسن موسى يمسّكك باسويردك في يدك ومعاه كاريكاتير
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: عوض عبدالله طه)
|
Quote: مفروض أقعد في أمستردام اربعه ساعات تحولت ل ١٠ ساعات نسبة لتغيير الحجز : ما عايز أتبله في المطار ولا الفندق من الصباح لحدي الليل و لمدة ١٠ ساعات :
قلت أشوف في منو في أمستردام ما عندو موضوع يوم الأحد عشان أفكها فيهو !! |
يا عمك كان تعمله كتموتو
وتمشي تفتش السوداني القالوا
عرس في بوست ذو اليد داك .
وبرضوا كان تشوف لينا الكازينوا
داك رحل من امريكا لي هولندا
متين !!!؟
حمور ده عالم تالت سااااي
كان عايز يتعنكل بالحركات
ساااااي في العالم الاول
تجده غير مؤهل البته.
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: سفيان بشير نابرى)
|
أخونا الباهي ود الباهي ، سلام و كل عام و أنت و من معك بخير و صحه و عافيه Quote: البوست دا أول مره أشوفوا اليوم السبت والواحد شغال ويكند والله من كتره ماخجلان ومتحسر لمن قربت أعمل رايح من البوست لوكنت فتحت البوست في بدايه الاسبوع لكنا قمنا معك بالواجب لكن الله غالب برنامج عمل الاسبوع طلع ووقعنا عليهوا ماباليد حيله ولو في امكانيه تغيير الحجز ليوم اخر لوماشالتك هولندا يشيلك الراس ياعزيز وفي كل الحالات برسل ليك تلفوني في الخاص لوماقدر الله لنا أن نلتقيك فماتنسانا في العوده من صالح الغشوات فمعرفه الرجال كنوز .
|
ياخي تكفي كلماتك الطيبات : بالنسبه لي إنت وصلت تب : باقي حق المواصلات بس
لقيت تلفونك و إن شاء الله اتصل عليك للسلام ...
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: أمين محمد سليمان)
|
Quote: يا عمك كان تعمله كتموتو
وتمشي تفتش السوداني القالوا
عرس في بوست ذو اليد داك .
وبرضوا كان تشوف لينا الكازينوا
داك رحل من امريكا لي هولندا
متين !!!؟
حمور ده عالم تالت سااااي
كان عايز يتعنكل بالحركات
ساااااي في العالم الاول
تجده غير مؤهل البته. |
يا سفيان ياخي بوست ذو اليد ده أنا كنت متابعو لحدي ما جاب ليه صور و روابط بعداك رفعت يدي منو ، مداخلات حمور فيهو بتترسل لي فاكسات !!
وكلامك عن حمور فعلا سليم : هذا الحمور غير مؤهل لاي شئ حتي لعضوية أخوات عزه أو كما قال شيخنا ذو اليد قدس الله سره !!!
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: محمد عبدالرحمن محمد)
|
صدقت يا مطرطش يلحق جنكاتو ولا جنكات ود اختو
اتاريه ياسر طيفور لما كان في السودان قال راجع كندا عن طريق الدوحة
قلت ليه تعال بي دبي قال المواعيد ما مناسبة و الحجز الوحيد المناسب عن طريق امريكا و انا امريكا دي الله بيني و بينها ما داير يغشاها نهائي
في وقتها انا ما وقعت لي
اتاريه مضارف على جنكاته
هييييييع يا الجعلي كلو ولا بعبصة الخواجة للجنكات 
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: خدر)
|
يا طارق والله أبيت اضرب ليكم إنت و عادل الباهي مخصوص ...
وصلت تعبان جنازه : بالله تقول جاي بكرعيني : نمت و الوطه إتاخرت لو عايز أخش البلد لانو قايم بعد ساعتين إن شاء الله ، الباهي عارفو شغال و قلت لو ضربت ليك تصر علي أخش و بقي مافي وقت ...
بضرب أتونس معاك لمن أصل إن شاء الله
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: حمور زيادة)
|
Quote: يا طارق والله أبيت اضرب ليكم إنت و عادل الباهي مخصوص ...
وصلت تعبان جنازه : بالله تقول جاي بكرعيني : نمت و الوطه إتاخرت لو عايز أخش البلد لانو قايم بعد ساعتين إن شاء الله ، الباهي عارفو شغال و قلت لو ضربت ليك تصر علي أخش و بقي مافي وقت ...
بضرب أتونس معاك لمن أصل إن شاء الله |
خالك دورو ميت يا حمور و بخييييييييل
قول ليهو .. الكون ده انا حايمو بي كراع كـــــلب .. كل يوم في بلد
كان الدرب جابني جنب بيتك السلام ما بديك ليهو يا ابصلعة يا بخيل
حمور
دورو ميت خالك ده .. خجلت ليهو والله
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: محمد البشرى الخضر)
|
تعرف يا ودالبشرى
أمين ده من طلع قرار التفتيش المستقيم والدائري، بقى كل يومين تلاتة من مطار لمطار..
___
حرامي دخل بيت عزابة، العزابة مسكو الحرامي وسوو ليهو، الحرامي كلّم صاحبو، يقوم صاحبو يمشي للعزابة طمعاً في العِقاب، لا السرقة. العزابة دقوهو دق شديد.. الحرامي قال للعزابة ماهو المعيار ناس تسوو ليهم وناس تدقوهم.. المعيار، المعيار يا عمّك!
أما إذا دار محور سؤالك عن سبب عودتي عن طريق الدوحة، فأنا يا صاحب لم أدخل أمريكا جواً من قبل سبتمبر 11، فكيف أدخلها جواً بعد أن أصبح التفتيش عميقاً..
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: أمين محمد سليمان)
|
| Quote: يا طارق ياخي إنت يقومو ليك مخصوص من بلاد سام حبيبنا للزياره و التبرك ما يجوك غشوه عابره !! |
يا دكتور يعني احنا طوالي في حالة تسوي بي ايدك يغلب اجاويدك
تاني بالله اكتب البوست في ملف ويرد و رسلو لحمور يراجعو قبل ما تنزلو 
بالنسبة لموضوع التفتيش يعني عايز تغالط سودانيزاونلاين ؟!!!
خلاص مش كُتب في مكان ما في زمان ما هنا انو جنكاتك اتحبّشت
خلاص دي حقيقة تاريخية ما تتعب روحك بالنفي
| |
|
|
|
|
|
|
|
|
|
Re: يا اخوانا في منو ما عندو موضوع يوم الأحد في أمستردام ؟!! (Re: محمد البشرى الخضر)
|
Quote: للمره المليون يا ياسر و البشري و اسامه و حلب لب : الشغل ده بعملو للاشقاء الزوار من دول العالم الثالث و ما شابه :
نحن أسياد بلد نقعد نقوم علي كيفنا
وأنحنا الفوق رقاب الناس مجرب سيفنا
و اوباما العزيز ما برضي بحبيشنا !!! |
أصالة عن نفسي و نيابة عن الأخت جانيت نابوليتانو وزيرة الأمن الداخلي بالشقيقة الولايات المتحدة الأمريكية أنفي نفيا قاطعا الوارد أعلاه على لسان الدكتور مهندس أمين محمد سليمان حيث أن الإجراءات الأمنية الجديدة لا تستثني المواطنين الأمريكيين و لو بقو من أصول سودانية و كمان مسلمين دي بالنسبة لأبطالنا الرابضين في المطارات فرصة لا تضيع للقيام بواجبهم.
سلامات ايا أمين و حمدا لله على السلامة.
| |
|
|
|
|
|
|
| |
أمين محمد سليمان
حمور زيادة
عادل الباهي عبدالرازق
Yassir Tayfour
فايزودالقاضي
محمد عبدالرحمن محمد
Amjed
Hololy
محمد البشرى الخضر
ABUHUSSEIN
النذير حجازي
عوض عبدالله طه
سفيان بشير نابرى
خدر
أسامة الفضل
Ashraf el-Halabi
Elawad
فيس بوك
تويتر
انستقرام
يوتيوب
بنتيريست