|
|
|
 Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن (Re: Abuelgassim Gor)
|
يادكتورقور
العيدمبارك عليك والوليدات وسيدة حواء..
طيبين يعودعليكم بالخير والبركات
تى شيرتات قال ..
ياعمك الجلابية محمداك والتوب ..انت جلكنته خلاس ..
محمدومنتصر كبروك ..
وبكرة غالية تختها ليك عديل وتبقيك جدو قور
انت بعد ده زول أجاويد ومواجبات وحقو تمسكه من الكبرى ..فى دى خلى ولدنا ناذر يديك منظر..
اغنية من النوع الختررى ..
ياااخى انت من زمن أدينى حقنه
ياحاج صلاتك بالنبى
__
اسمع ..الخروف كييييف
وماتقول شنب وتوب..
هيييع الحاجات دى ماعندها تكاليف برضك
جهبز الخروف الماخمج والفحم والشطة الخضراء وخليك جاهز
| |
  
|
|
|
|
|
|
|
|
Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن (Re: محمد عكاشة)
|
عمنا قور ..
كل عام وإنت بخير ..
أول حاجة أنا السنة دي عزابي في البيت .. جهز الشية جاي اتغدى معاك في العيد
Quote: نحن جيل الخنفس والشارلتون
جيلكم دا كلو صلع .... |
خنفس شنو يا عمنا .. ؟؟!! أمال الصلع دي الورثنا ليها منو ؟!!
بعدين يا خي جلاليب شنو ومراكيب شنو في الحر دا ..؟!! أنحنا ناس مواكبين العولمة ..!!
الجلابية دي غايتو لبستها مرتين .. مرة في عرسي يوم البطان ومرة في عرس لؤي قبل كم شهر ..
هسي كدي يب لي الإستايل دا :
بلا جلابية بلا بطيخ ..!!!
| |
|
|
|
|
|
|
|
|
|
Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن (Re: ناذر محمد الخليفة)
|
يا ولدى ناذر
حسى اللابسو دا شنو
أنا قايلو قرمصيص ...
عولمتكم تلبس الرجال القرمصيص ....
العيد مبارك عليك وعلى اسرتكم الكريمة
| Quote: أول حاجة أنا السنة دي عزابي في البيت .. جهز الشية جاي اتغدى معاك في العيد |
أنا عارفك قاعد تعمل فى ( التبره برا ..حالات البيت بلا مره)
والله عووود يا ولدى دا اسمو الاستعمار الاستيطانى ....أسأل عمك
تانى مافى عزوبية ليك ...
| Quote: خنفس شنو يا عمنا .. ؟؟!! أمال الصلع دي الورثنا ليها منو ؟!! |
الصلع دا من أفاعيلكم ...مرقت الدجاج وأكل البوش ..والشنو ..شنو داك ما عارف
والله نحن من شدة كنا خنافيس لغاية ما تقدر تشوف القاش ..
قاشنا عريض من الردف للصرة !!
شارلستون وجزمة كعب عالى ...
حسى قلبتو لينا ( جى فايس)
ياهو قلتها بعضمة لسانك
السنة دى ما تجى العيد ...
بجيك ويحلنا الله ...
خاصة بعد ما بقيت ما بتظهر فى معهد الموسيقى
| |
|
|
|
|
|
|
|
|
|
Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن (Re: محمد عكاشة)
|
Quote: يادكتورقور
العيدمبارك عليك والوليدات وسيدة حواء..
طيبين يعودعليكم بالخير والبركات
تى شيرتات قال ..
ياعمك الجلابية محمداك والتوب ..انت جلكنته خلاس ..
محمدومنتصر كبروك ..
وبكرة غالية تختها ليك عديل وتبقيك جدو قور
انت بعد ده زول أجاويد ومواجبات وحقو تمسكه من الكبرى ..فى دى خلى ولدنا ناذر يديك منظر..
اغنية من النوع الختررى ..
ياااخى انت من زمن أدينى حقنه
ياحاج صلاتك بالنبى
__
اسمع ..الخروف كييييف
وماتقول شنب وتوب..
هيييع الحاجات دى ماعندها تكاليف برضك
جهبز الخروف الماخمج والفحم والشطة الخضراء وخليك جاهز |
هييع الخروف تمام ومعاه شريحة زين هدية!!
كل شيئ جاهز
والعيد مبروك عليك وعلى الأسرة
البس جلابيتك وملفحتك الماخمج
ومرحبابك ...
شطه وأم فتفت....
وقول الشربوت ....الشربوت
يا زول هوى والله عمك لسه نارو حيه ..
واجبات شنوه ..
أنا ومحمد ومنتصر نقوم الصباح فى سباق على التى شيرتات ..
غالية طوالى تلفح ليك توب الحاجة
يا زول هوى
| |
|
|
|
|
|
|
| |
Abuelgassim Gor
الطيب رحمه قريمان
محمد عكاشة
ناذر محمد الخليفة
لؤى
فيس بوك
تويتر
انستقرام
يوتيوب
بنتيريست