|
Re: نقالة لكل اسرة !!! (Re: علاء الدين حيموره)
|
من مركز جابر ابو العز بالخرطوم 2 قررت لي عملية جراحية تستوجب بنج كامل ولان وحدة الجراحة بمستشفى الخرطوم هي الجهة الوحيدة التي يمكنها ان تجري مثل هذه العملية لان بها وحدة لمرضى السكر ... ذهبنا برفقة اخواني ( الله يديهم الف عافية ) الى المستشفى وأمن طبيب الوحدة على اجراء العملية وعلي ان اجري الفحوصات اللازمة الى موعد العملية في تمام الساعة الخامسة من مساء نفس اليوم ( الثلاثاء الماضي ) ..... انتظرنا وكنت ثاني شخص في ترتيب العمليات .... وصلنا امام باب غرفة العمليات قبل نصف ساعة من المواعيد ... وانتظرنا الى ان بدأت العمليات واجريت العملية الاولى بعدها خرجت طبيبة من طاقم العملية وصاحت باعلى صوتها لكل الاخوة المنتظرين دورهم لاجراء العمليات بأن اي شخص لا يمتلك نقالة لن تجرى له العملية !!!!!
| |
|
|
|
|
|
|
Re: نقالة لكل اسرة !!! (Re: علاء الدين حيموره)
|
Quote: بأن اي شخص لا يمتلك نقالة لن تجرى له العملية |
علا اولا حمد ا لله على سلامتك وين الغيبه الطويله دى تانى والله ضحكت جد من الكلام الفوق دا اها ات عملت شنو ماكان تجيب كارو بى حمارا وتدخل بيه العمليه تحياتى
| |
|
|
|
|
|
|
Re: نقالة لكل اسرة !!! (Re: علاء الدين حيموره)
|
بدأ الشباب المرافقين لي رحلة البحث عن نقالة .... يجري مهند وراء مريض محمول على نقالة ... يسال الجماعة الجارين النقالة .. يا اخونا سلامتكم لكن المريض دا ماشي وين ؟؟؟ الجماعة يقولو ليه عنابر الباطنية ... يحس مهند بان المسافة بعيدة ... ينتظر مريض تاني ماري ومحمول على نقالة ويكرر نفس السؤال ..
غايتو ربك رب الخير ساعد مهند في الحصور على نقالة ... جاء جاري لي في استقبال العملية وبدأ الارهاق على وجهه لكنه سعيد بحصوله على نقالة ... ابتسم وقال لي اخيرا لقينا ليك نقالة ... حمدنا الله على حصولنا على نقالة فلولاها لن تجرى العملية ...
| |
|
|
|
|
|
|
Re: نقالة لكل اسرة !!! (Re: علاء الدين حيموره)
|
يعنى تانى الوحد يمشى المستشفى شايل لية نقاله معه ودرب وشاش طبى وغرفة عملية ودكتور
وكمان لو جاب معه مستشفى من النوع البتركب بره داك يكون ما قصر وفى النهاية غلطان المرحوم هو بمرض لية اصلا
حمد الله على السلامة
| |
|
|
|
|
|
|
Re: نقالة لكل اسرة !!! (Re: amir jabir)
|
Quote: يعنى تانى الوحد يمشى المستشفى شايل لية درب وشاش طبى |
يا حبيب هو اصلا الحاجات التي ذكرتها فوق دي كتبت في روشتة لشراءها من صيدلية المستشفى مضاف اليها حقن .....
تسلم
| |
|
|
|
|
|
|
Re: نقالة لكل اسرة !!! (Re: انعام حيمورة)
|
الحبيبة انعام
Quote: أبو ياسر حمد لله على السلامة ياخي
|
حقيقة كنتم بلسما لشفاي واحسست انني بكم اكون ... كل الدقائق التي كنتم ترافقوني فيها تمر وانا في غمرة السعادة ... متناسيا الالم وانا اتابع تحركاتكم الماكوكية ولا اجد من الكلمات ما اعبر به ....
تسلمو يارب من كل بلاء
| |
|
|
|
|
|
|
Re: نقالة لكل اسرة !!! (Re: علاء الدين حيموره)
|
الف حمدا على السلامة و ربنا يتم ليك عافيتك.
امريكا و اسرائيل سبب مصائب السودان لاننا نطبق الشريعة و الما عجبو ينفصل.
الناس في تطبيق شريعة وانت في حقنة و نقالة
عالم همها الدنيا الفانية.
.
هوي يا ناس انا ما كوز لكن اتوقع الكيزان و معاهم الكوزة المشهورة يجو بي هنا فقلت اسبقهم اقول كلامهم فيوفروا ليهم شوية كضب يستعملوه في بوستات دينق و تراجي.
| |
|
|
|
|
|
|
Re: نقالة لكل اسرة !!! (Re: ابو جهينة)
|
Quote: النقالة قبل الخبز أحياناً ( شعار جديد ) يا علاء
|
الريس / ابو جهينة
تحياتي ليك ولكل الشباب بالرياض ومتعهم الله بالصحة والعافية
فعلا بعد ما شفتو دا بقت النقالة قبل اي حاجة زاتو مش الخبز بس ...
اتمنى من تنادينا تبنى مشروع 100 نقالة لحوادث الخرطوم
| |
|
|
|
|
|
|
Re: نقالة لكل اسرة !!! (Re: عبد الدائم سيد أحمد)
|
الظريف / عبد الدائم سيدا احمد
تحياتي ليك وربنا يقبل حمدك
والله يا عبد الدائم الغرض من البوست دا انو الناس تشوف ليها اي طريقة لدعم المستشفى بعدد وافر للنقالات لانو بالجد المريض ما عندو ذنب في هذا التقصير وهذا بمثابة نداء لكل الناس في المساهمة لهذا العمل الخيري والناقص كتير بس ربك يلطف ...
تسلم وتحياتي للاسرة
| |
|
|
|
|
|
|
Re: نقالة لكل اسرة !!! (Re: ادريس خليفة علم الهدي)
|
الحبيب / ادريس
تحياتي ليك يا راقيQuote: ألف سلامة يا حبيب وما تشوف شر
خارج النص: بقيت تمرض لمن تعمل عملية ... انت دكتور نجيب هاجر ولا شنو؟؟ |
تعرف دكتور نجيب في السودان زاتو عايز نقالة ...
تسلم وتحياتي للاسرة الكريمة
| |
|
|
|
|
|
|
Re: نقالة لكل اسرة !!! (Re: محمد عيسي محمد)
|
الحبيب / محمد عيسى
الف تحية وحمدا لله على معرفة احوالك وحقيقة تلك ايام لا تنسى وستظل عالقة في الوجدان ...
ارجو الاتصال لو سنحت لك الفرصة ...
00249913565234
كل كل الود
| |
|
|
|
|
|
|
|