|
|
|
 Re: مذيعة ما محجبة في فضائية السودان! (Re: Tragie Mustafa)
|
Quote: الحمد لله يا اشرف ان تأدب الجماعه لهذه الدرجه
ليعرفوا بان السودان ليس لهم لوحدهم. |
يعني يا أم حازم المسألة دي ما تمبراري جوب،
متأكدة إنها بيرمننت، وحنشوف الأبنوسة دي لو حصل الانفصال تذيع النشرة الجوية لأحوال الطقس للمدن من حلفا لكادوقلي؟
| |
 
|
|
|
|
|
|
|
|
Re: مذيعة ما محجبة في فضائية السودان! (Re: Ashraf el-Halabi)
|
Quote: في إطار جهود التلفزيون (الوحدو جذبوية)، ظهرت اليوم المذيعة إنجلينا لارفيك، وهي تمارس عملها كمذيعة للنشرة الجوية، الجدير بالذكر أن إذاعة النشرة الجوية كانت مُحتكرة من قبل الشماليين أمثال سيد نعمان أو المستلبين أمثال سيد درمان كافي.
وتأتي هذه الخطوة وسط حملة مسعورة يقوم بها بعض منسوبي الموقع المشبوه (سودانيز اولاين)، والذي يلمحون لإحتمال أن تكون هذه الخطوة في إطار خوف المؤتمر الوطني من فقدان بترول الجنوب.
وفي رده على مسألة عدم إجبار أنجلينا على لبس الحجاب، أجاب وزير الإعلام إن فقه الضرورة يعطينا الحق في فرض الحجاب على البعض والتغاضي عن البعض، ولكنه أكد في نفس الوقت أنه إستثنى إنجلينا من قرار (الحقن)، مضيفاً أنه سيشرف بنفسه على عملية حصولها على (الحقنة) لو تطلب الأمر. (اس ام سي) |
الحلبي إزيك
يا خي قصة تكتب الكلام بتاعك وتعمل ليهو إقتباس دي لذيذة خلاس
| |
|
|
|
|
|
|
|
|
|
Re: مذيعة ما محجبة في فضائية السودان! (Re: ود الخليفه)
|
Quote: لو عمر الجزلي نقلوهو تلفزيون جوبا ولاsstv ولاشنو كده
ولو الجنوبيين ذاعو نشره 3 وادوهم نشره عشره لغايه نهايه الارسال
بحصل شنو؟؟؟ |
ما بحصل شي يا ود الخليفة، لكن بس المسألة ما تكون علوق شدة
والمذاكرة كانت تكون بعد توقيع نيفاشا مباشرة، مش ليلة الامتحان!
| |
|
|
|
|
|
|
|
|
|
Re: مذيعة ما محجبة في فضائية السودان! (Re: الصادق اسماعيل)
|
| Quote: يا خي قصة تكتب الكلام بتاعك وتعمل ليهو إقتباس دي لذيذة خلاس |
يا بو الصا مقتبسك دا كست البورد دا لي أرشيف 2001 سما أرض ما لقيتو
يا مان كلامك دا كاتبو في الخور؟
كنت عايز أشوف التاريخ عشان أعرف انجلينا دي هُيِّرت بتين
عشان ما أكون ظلمت نفسي والحضاريين ديل بظني أنهم هيروها في إطار سياسة (الوحدة المجذوبة) وحييي وكدا
لو عندك تاريخ نجيض برنا بيه وأمرقنا من الظن الآثم يا ود اسمعيل
| |
|
|
|
|
|
|
|
|
|
Re: مذيعة ما محجبة في فضائية السودان! (Re: Ashraf el-Halabi)
|
الحلبي
ياخ إنت ما تفتيحة ولا شنو؟
إتبع الخطوات التالية
إضغط على أيقونة الرد (تجدها في أسفل الصفحة علي اليسار)
في الصفحة التي ستظهر لك، أكتب الكلام الذي تريد أن تكتبه
بعد ذلك ظللذ الكلام الذي كتبته
إضغط الفأرة على اليمين، ستظهر لك عدة خيارات، إضغط على الخيار (Cut)
بعد ذلك وفي أعلي صفحة الرد إضغط على الإيقونة (إقتباس)
ستظهر لك صفحة جديدة
في الصفحة الجديدة إضغط على أيقونة (Reset)، ثم إضغط الفأرة على اليمين
ستظر لك خيارات مرة أخري إضغط على الخيار (Paste)، سينتقل ما كتبته على الصفحة الجديدة
إضغط على (OK) في الصفحة الجديدة (صفحة الإقتباس) وسيظهر كلامك غير المُقتَبَس في شكل كلام (مُقتَبَس).
مش قلت ليك يا حلبي الحكاية دي لذيذة جداً
Quote: كنت عايز أشوف التاريخ عشان أعرف انجلينا دي هُيِّرت بتين
عشان ما أكون ظلمت نفسي والحضاريين ديل بظني أنهم هيروها في إطار سياسة (الوحدة المجذوبة) وحييي وكدا
لو عندك تاريخ نجيض برنا بيه وأمرقنا من الظن الآثم يا ود اسمعيل |
بعيند يا حلبي في جماعتنا الحضاريين ديل ظن ساكت العوجة ما بتجيك، وأزيدك من الشعر بيت، جماعتك ديل لو كتبت فيهم حاجة سيئة كان ما كانوا بيعملوها فذلك لأمرٍ في غاية البساطة وهو أنهم لم يسمعوا بها وسيفعلونها في أول سانحة.
| |
|
|
|
|
|
|
|
|
|
Re: مذيعة ما محجبة في فضائية السودان! (Re: الصادق اسماعيل)
|
| Quote: وسيظهر كلامك غير المُقتَبَس في شكل كلام (مُقتَبَس). |
تقول لي الجماعة ديل!!؟
ياخ إنتا ذاتك فقت "سوء الظن العريض"
يا مان أنا طلعت فارة ساي! ههههه
| Quote: بعدين يا حلبي في جماعتنا الحضاريين ديل ظن ساكت العوجة ما بتجيك، وأزيدك من الشعر بيت، جماعتك ديل لو كتبت فيهم حاجة سيئة كان ما كانوا بيعملوها فذلك لأمرٍ في غاية البساطة وهو أنهم لم يسمعوا بها وسيفعلونها في أول سانحة. |
بالظبط يا بو الصا،
"إنهم يفوقون سوء الظن العريض" دي القاعدة الشغال بيها مع الناس ديل، وأصلاً ما قعد تجلي معاي،
لكن عاوز أعرف تاريخ الهايرينق عشان أستمتع 100% بظني دا
| |
|
|
|
|
|
|
|
|
|
Re: مذيعة ما محجبة في فضائية السودان! (Re: الصادق اسماعيل)
|
يعني استمتع براحتي؟
إتفضل معاي
يا بو الصا أنا ما من متابعي الفضائية لكن باضطر أخشها لأنو عندي قريبتي شغالة هناك
ولما تكون شغالة بتشد لي سلك وبتلح أتابع شغلها عشان قالت قعد تستفيد من ملاحظاتي
أها فجأتن لقيت ليك انجلينا (المرفوع عنها الحجاب) دي!!
شي الله يا بو جابرة
لو تم تهييرها إبان حملة (علوق الشدة): حي أنا تاني
ولو تم تفييرها بعد خراب سوبا -لا قدر الله- كمان حي أنا من أسي 
| |
|
|
|
|
|
|
|
|
|
Re: مذيعة ما محجبة في فضائية السودان! (Re: الصادق اسماعيل)
|
Quote: المستلبين أمثال سيد درمان كافي.
|
الأخ الصادق إسماعيل.. من الإقتباس الذي أتيت انت به أنا إقتبست إقتباسي في هذا البوست.. ممكن أعرف منو الكتب الكلام الإنت الجبت منه الإقتباس دا؟ عشان أقدر أرد عليه بما يناسب كلامه عن الأخ سيد درمان كافي؟ وياريت بالمرة توريني كلمة (مستلب) معناها شنو بالعربي؟
كبـَّـاشي الصــَّافي
| |
|
|
|
|
|
|
|
|
Re: مذيعة ما محجبة في فضائية السودان! (Re: cantona_1)
|
كلمة مستلب هي كلمة مقصود بها الشخص الذي يدعى العروبة وهي كلمة يستعملها (بشاشا بكثرة) لكل السودانين الذي لا ينتمون للسودان النيلي الوسطىويعتقد أن مستغلون بواسطة (الجلابة).
والكلام في مجمله للسخرية مما تفعله الجبهة وقد كتبته أنا بشكل تخيلي، والعبارات المستعملة ليست مقصودة كتوصيف، وإنما نوع من الكتابة الساخرة، وقد ذيلت الخبر كمقتبس وأوضحت ذلك، وإستعمال الأسماء الحقيقية وخاصية الإقتباس لإضفاء نوع من اجدية على السخرية ليس إلاز
ليس المقصود هو الإنتقاص من الرعيل الأول من رواد إدارة الإرصاد الجوي والذين حسب معلوماتى عنهم قد أسهموا إسهاماًُ كبيراً في هذا المجال، وتلقوا دراسات داخل وخارج السودان وعادوا وأسهموا في تقديم إحصاءات ساهمت في القدر البسيط من التنمية الذي نراه هنا، وأنشأوا محطات لرصد الأجواء والأمطار في أماكن نائية من السودان لم يسمع بها أحد. وأتمنى حقيقة لو توفرت لنا معلومات عن هؤلاء الرواد لتكريمهم على الأقل لما قدموه من خدمة.
| |
|
|
|
|
|
|
|
|
|
Re: مذيعة ما محجبة في فضائية السودان! (Re: الصادق اسماعيل)
|
يا اشرف والصادق واحد موصيني اقول ليكم
: دي حسادة كيزان جايبنها يحندكونا بيها :
اللهم قد شمشرت فاشهد.
بت زي وجع الضهر : اللهم زدها جمالا يفيض ويغرقنا كلنا ....
غايتو البلد بعد الانفصال الا يقعدو فيها اولياء الله في الارض ديل براهم.... ومعاهم الترابي كية فيهو .
| |
|
|
|
|
|
|
|
|
|
Re: مذيعة ما محجبة في فضائية السودان! (Re: محمد البشرى الخضر)
|
| Quote: يا خي قصة تكتب الكلام بتاعك وتعمل ليهو إقتباس دي لذيذة خلاس |
عجيب يا الصادق 
ياخي خليك في جنس دا و كتر منو
وسيبك من المتابعة
الحلبي ازيك
لكن المذيعة دي ما دمار عديل كدا (كامل الحقوق محفوظة لبت الماحي) 
_________________________
ياخي بلد توجع القلب
بدل (الوظيفة) تكون حسب (المؤهل) و (الخبرة)
موش حسب (القبيلة) و (الجهة) و (ال gender)
ولابسة حجاب و لا ما لابسة حجاب الخ....
يعني المذيعة دي ما كانت تحلم بالوظيفة دي لولا (الوحدة الجاذبة) ؟!!
فتأمل 
| |
|
|
|
|
|
|
|
|
|
Re: مذيعة ما محجبة في فضائية السودان! (Re: khaleel)
|
Quote: بعيدا من موضوع البوست زمان لمن عبد الله خيار كان بذيع النشره الجويه
كان الفاصل المداري دايما بمر بابي حمد واعلي درجه حراره في ابو نعامه
بالله الجديد شنو؟ |
الجديد يا ود الخليفة إنو بقى مافي أي (خيارات) لأنو الفاصل المداري بقى يمر بأبي جابرة وأعلى درجة حرارة في أبو حمامة
| |
|
|
|
|
|
|
|
|
|
Re: مذيعة ما محجبة في فضائية السودان! (Re: Ashraf el-Halabi)
|
| Quote: بأبي جابرة وأعلى درجة حرارة في أبو حمامة |
عشان كدة ذو اليد قال قادين جغرافيا
الفاصل المداري يمر بفلج وابيي واعلى درجة حرارة في كافوري وامتداد ناصر (قريب من اوماك) لوووووووووول
وحدة جاذبة بعد ايه اللي جاي تقول عليه
تخيل ان هذه الابنوسة وغيرها من الابنوسات (هييرت) في عام 2005 كيف سيكون وضعنا؟
ــــــــ
تحياتي يا حلبي
| |
|
|
|
|
|
|
|
|
|
Re: مذيعة ما محجبة في فضائية السودان! (Re: محمد إبراهيم علي)
|
| Quote: تخيل ان هذه الابنوسة وغيرها من الابنوسات (هييرت) في عام 2005 كيف سيكون وضعنا؟ |
يا الله يا ود إبراهيم،
تخيلت وأديت ربي العجب!
ياخ برنامج الوحدة الجاذبة لو كان إتنفذ في وقتو داك كان بلدنا يكون أسي صاغ سليم من نيمولي لي حلفا
والملاعين ديل ذاتم قاعدين على نفس كراسيهم في الشمال لأنو ما في أقوى منهم حالياً
لكن "ماذا نفعل مع الطفاسة" والاستعلاء؟
| |
|
|
|
|
|
|
| |
Ashraf el-Halabi
Tragie Mustafa
ذواليد سليمان مصطفى
الصادق اسماعيل
ود الخليفه
amir jabir
cantona_1
Osama Mohammed
محمد البشرى الخضر
حاتم علي
khaleel
محمد إبراهيم علي
فيس بوك
تويتر
انستقرام
يوتيوب
بنتيريست