|
|
 محتاجه محامى فى السودان
|
دايره اسجل الرابطه البديرها رسمى فى منظمة العون الانسانى
فمنو ممكن يساعدنى فى اجراءاتها
وجزاكم الله خيرا
ملحوظه على قول منو ما متذكره
:)))))))
محامى ياخد الشيله كلها وكله بحسابه ان شاء الله
|
|
 
|
|
|
|
|
|
|
|
Re: محتاجه محامى فى السودان (Re: رانيه محمد الشيخ)
|
صحيح نسيت اكتب من يجد فى نفسه البتاع
زحيت مخيخى يمين وشمال اتذكرها ما قدرت
لكن هى بتتقال فى هذه الحالات
عموما هو لمن يلقى نفسه حيعرفها ويبقى يواصلنى فى البرفوته
ثمح
والله الموضوع مهم وجادى
وهى من سنة 2002 وعندنا شهادات تقدير وصور وخطابات بتثبت العمل التم تنفيذه
وبالنسبه لجمعيه العموميه ولا مجلس الاداره متوفرين لمن بهناك
وللمقر لو بتنفع استضافه فى شركه يبقى كده مابقى لينا غير الختم زول يطوع ويصممه لى كده بمزاج
يناسب اسم الرابطه ..................قلوب سودانيه نابضه
| |
|
|
|
|
|
|
|
|
|
Re: محتاجه محامى فى السودان (Re: willeim andrea)
|
رانية
تحياتي
ولا اطنها تحتاج الي محامي
فقد سبق لنا تسجيل منظمة تنادينا وللضمان ممكن تراسلي رئيسها العوض المسلمي او ترسلي ليهو الذين يودون التسجيل للمنظمة وهو مابقصر وبوريهم كل الخطوات والشروط
| |
|
|
|
|
|
|
|
|
Re: محتاجه محامى فى السودان (Re: رانيه محمد الشيخ)
|
العزيزه رانيا
تحياتي
قلتي دايره ( دايره اسجل الرابطه البديرها ((رسمى ))فى منظمة العون الانسانى)
سمح .. من باب لولوة المحامين هاكي الفلفله دي.........................
عشان قلتي بديرها (رسمي) ... انا افتكرتك قاصده انو مدير المنظمة هو الفريق مهندس (محمد احمد رسمي ) الامين العام للمجلس الاعلي للتدريب المهني والتلمذه الصناعيه بالسودان.... ما ياهو؟!
فد كلمة دايره تتطفش منك مؤسسة بي حالها عموما يا زوله ما تشيلي هم وتصريها لي تقولي بروف المجذوب داير يخم مؤسستي ... بالبلدي كدي انا قصدت المداعبه خصوصا انو الفريق رسمي انو > ريافي - زي حبوبتي الله يرحمها قاعدة تقول احمر الحمره الاباها المهدي < عشان ما (نقول أضان زرقا واضان حمرا وتجينا مكرره من فوق) راجل حمش وواحد من الناس القلائل اللاقوني في السودان العارفين نفسهم بعملوا في شنو.. صادق في لسانه ، امين مع نفسه ومع الاخرين وانا والشهاده لله احبه لله لله لانو بالاضافه للكلام الفوق ده كلو مطمبجا بانو دامرابي (يعني من ناس الدامر ) اصيل مأصل ومفصل
الواحد بتوقع من الفريق رسمي كعسكري ومتجوعل و ابو بنات يكون شاكم بناتو والناس الشغالين تحتو شكمة تقطعهم الهواء . لكن شوف العين البسال منو الله يوم الموقف العظيم ، الرجل اداري من الدرجة الاولي وزياده علي كدي هو في منتهي الرقه والتحضر مع بناتو ... ومع العاملين معه من نواب ومساعدين ومديرين لغاية فراشات ومراسلات المؤسسه ... ربنا يكرموا في الدارين
نرجع للكلام الجد
ارجو ان تتفضلي بايضاح ماهية هذه المنظمة ؟ (مقرها الرئيسي وفروعها ان وجدت ، نوعيه نشاطها ، تركيبتها ، عضويتها ، من هم اعضاء مجلس الامناء ومن هم مديريها ، كيف يتم تمويلها )
اين هي الان ومتي واين وكيف تم تسجيلها الابتدائي ؟
وهل القصد تسجيلها في السودان فقط ....ام التسجيل في مكان اخر من العالم زي المملكة المتحده مثلا ؟
عموما اذا كنتي ترين حساسيه المعلومات اعلاه فيمكن موافاتي بها إذا رغبتي علي بريدي الخاص [email protected] وساحاول معاونتك في كلا الحالتين بعون الله
ولك حبي وتقديري
| |
|
|
|
|
|
|
|
|
|
Re: محتاجه محامى فى السودان (Re: محمد مصطفي مجذوب)
|
Quote:
ارجو ان تتفضلي بايضاح ماهية هذه المنظمة ؟ (مقرها الرئيسي وفروعها ان وجدت ، نوعيه نشاطها
، تركيبتها ، عضويتها ، من هم اعضاء مجلس الامناء ومن هم مديريها ، كيف يتم تمويلها )
اين هي الان ومتي واين وكيف تم تسجيلها الابتدائي ؟ |
في الأنتظار والتحايا للجميع
____________________________
| |
|
|
|
|
|
|
|
|
|
Re: محتاجه محامى فى السودان (Re: رانيه محمد الشيخ)
|
نبدأ بشكل اجمالى نعرفكم بمنظمتنا لتوضيح سبب رغبتنا فى تسجيلها اخيرا وطلبى فى مساعدة محامى
قلوب سودانيه نابضه بفعل الخير
رابطتنا وبلا فخر من اوائل الروابط (كان ما كانت الاولى ) الإتأسست من موقع سودانت 2002 كرابطه خيريه انترنتيه
بدينا خطوه خطوه وشعارنا كان
بلسان العديد نتحدث
وبعيون الكثير نرى
بيد المسكين نتودد
وبدموع الطفل بنّكوى
مصدر تبرعاتنا سودانىىىىىىى بحت
من اعضاء منتدى سودانيت ومن اقربائهم وزملائهم ومحبين الخير الفى محيطهم
ومن ايضا مواقع ومنتديات سودانيه اخرى
اللى كان من اوائل المواقع الإتعاملنا معاها فى سنه من السنين سودانيز اونلاين فى شغل كيس الصائم مع بت الاحفاد وسودانيه 2000
وكان عندنا متبرعين هنا مازالوا متوجدين للأن كتر الله خيرهم دعموا فكرتنا وشغلنا كتير
وايضا منتدى بوابة كسلا من المنتديات الدايما بتحب تشاركنا اعمالنا
ومنتدى على سعد على
ومنظمة شباب نت الخيريه
,,,,,,,,,,,,,,,,,,,,,,
شغلنا مقسم لثلاث انواع:-
الاول الشغل المستمر وهو بيتمثل فى كفالة اليتيم
والثانى الشغل الموسمى متمثل فى كيس الصائم وفرحة العيدين واحيانا عيد اليتيم
والثالث الشغل الوقتى اللى بيكون على حسب احتياج علاجى او دراسى او إيعاشى
,,,,,,,,,,,,,,,,,,,,
شغلنا حتى وقتنا الحالى ماله وجود رسمى لان اساس شغلنا خيرى بحت
بنزل الاحتياج فى المنتديات المتواصلين فيها بجانب منتدانا الاصلى وبنبدأ بلم التبرعات ثم تنفيذ الاحتياج وانزال بعد كده المستندات والصور المرفقه للعمل فى نفس المنتديات لاكمال الصوره
عشان كده بنحس بمرونه فيه
والبيتعاملوا معانا من سنين نحمد الله على ثقتهم فينا
حتى الجهات البتقدم ليهم الخدمات من المايقوما ودور الايواء ودور المسنين ومستشفى جعفر بن عوف ومدينة الامل واطفال سجن امدرمان
بنكون مرجع ليهم لاى احتياج زى حاليا فى زواج فتاه من فتيات دور الايواء وعايزين نوفر ليهم طاوله وطرابيز صغيره فى تاسيس البيت زى ما قبال كده برضو ساهمنا فى زواج الاخريات منهم
اسمنا فى لوحة الشرف لدور المسنين نحتل المركز الثالث
اول شهادة تقديره من دور الايواء التابعه للمايقوما
(عدل بواسطة رانيه محمد الشيخ on 12-06-2010, 11:59 AM)
(عدل بواسطة رانيه محمد الشيخ on 12-06-2010, 12:03 PM)
| |
|
|
|
|
|
|
|
|
|
Re: محتاجه محامى فى السودان (Re: رانيه محمد الشيخ)
|
عمل نزل فى جريدة الانتباهه سنه 2007 من طرف زميل لينا مفااااااااااااااااجئه
ولو كان سئلنى الرأى,,, كان رفضت ينزل لان عمل الخير اصله خير والامور دى بتخلى الزول يلاوز بينه وبين نفسه ان هدفه يصبح اتجاه اخر
| |
|
|
|
|
|
|
|
|
|
Re: محتاجه محامى فى السودان (Re: رانيه محمد الشيخ)
|
طبعا لو واصلت انزل الصور الا تخلص بعد اسبوع
دى قريب التسع سنين ومن اروع التسع سنين فى حياتى
الاتعلمت ان اى حاجه فى حياتنا ممكن نطوعها للخير
وبرغم كتير بينظر للشبكه العنكبوتيه على انها سلبيه اكثر من ايجابيه
لكن بيد كل انسان يكسب ايجابيتها ويبتعد من سلبيتها
....
مبلغ التبرعات الوصلت له من بدينا الى الأن ما قادره احصره
برغم عندى كل المستندات بالمبالغ المستلمه والتكاليف ومصاريف التنفيذ من بدينا والصور
لان انا بستلم القروش المتبرع بيها
بلم المطوعين فى تنفيذ العمل معاى من المنتدى او من خارجه
بنمشى ننفذه ونشيل المستندات والصور وبجى انزلها
وبكده بنرجع تانى من الاول فى كل شغل
عشان كده بقول ليكم هو مرن وبيحقق الغايه الخيريه صافيه
لا داخلين فى جهجهة مقر ولا اجتماعات شهريه لانى جربتها
ولقيت انى بصرف عربى اكتر ما بنفذ ودى عندى فيها مشكله
بحب العمل
وبعشق النتيجه
اصلو ما عندى صبر لانى ارسم واخطط واناقش ودا يماطل ودا يعترض ودا يتفلسف
واحتمال دا عيب برضو مودرنى فى اتجاهات اخرى
....
سبب احتياجنا حاليا للتسجيل لان التبرعات بقيت بتجى بصعوبه ما زى زمان
الروابط كترت
ولكل منتدى جانب خيرى
والكل عايز يلم تبرعات
وفكرنا نشوف لينا مصدر دخل ثابت لهذه التبرعات
زى وقف خيرى
وعشان نقدر نعمله لازم وجود رسمى وشهادة تسجيل
وانا لصراحه شغلى ما سامح لى اتحاوم فى المفوضيه وامشى واجى وقالوا فيها سليت روح
دايره محامى او محاميه تشيل منى هذا العبء ونتحاسب نقدا لان دا شغغغغغغغغغغغغغغل
بكده فى اى استفسار اخر يا غاليين
| |
|
|
|
|
|
|
|
|
|
Re: محتاجه محامى فى السودان (Re: Mubarak Eltayeb)
|
تسلم يا غالى
وبرغم انا وضحت لبكرى اول ما طلبت العضويه انى ما جايه هنا اعلن عن رابطتى ولا الم تبرعات ليها ولا حتى حنزل احتياج مهما حصل تابع ليها
انا جيت هنا زى زى اى مشترك
لانى محترمه وجود رابطه وناس مختصه هنا فى موضوع الخير
لكن حبيت اجاوب التساؤلات الاطرحت بكل امانه
| |
|
|
|
|
|
|
|
|
|
Re: محتاجه محامى فى السودان (Re: عبدالفتاح أبوشيمة)
|
ويلى انت شوحت بالورقه وقولت لى هاكى وحشرتها فى جيبك تانى ولا شنوووووووووووووو
حسى لا لميت فى طرف وليد لا فى طرف القولت عليه
بابا الغالى
انتو العلمتونا الخير وزرعتوا فينا
انتو الساس والراس
انتو الله يخليكم لينا ويحفظكم
| |
|
|
|
|
|
|
|
|
|
Re: محتاجه محامى فى السودان (Re: رانيه محمد الشيخ)
|
Quote: هاك دا تلفون صديقي الدكتور القاضي (خالد المبشر ) وممكن تكوني في اتصال معه لكي يرتب كل امورك القانونية
بس تقولي انا من طرف وليد |
مولانا دكتور خالد مبشر علما فى راسه نار وهو نوارة المحاكم بحرى .
لكن نحن حاضرين ومتخصصين وده مجالنا المطلوب ويمكن الرجوع للبروفائيل وممكن نساعد.
عبدالرحيم / المحامى والمستشار القانونى
| |
|
|
|
|
|
|
|
|
|
Re: محتاجه محامى فى السودان (Re: عبد الرحيم محمد عبد الرحيم)
|
| Quote: برغم هى شكلها تريقه لكن حمشيها |
ما تريقة والله بل منتهى الجدية أنا ال كنت فاكرك ما جادة لأنه الاسم غريب شوية
قلوب سودانية نابضة : كل قلوب الشعوب نابضة المصرية الافغانية الاثيوبية الخ
بعدين ما وضحتى من الاول شىء من الضؤ على الكيان أهدافه مقره انشطته تمويله الخ
وللمزيد من الجدية : المطلوب :
1/ طلب من الجمعية معنون باسم السيد المفوض .
2/ نسخة من دسنور للجمعية .
3/ تكوين لجنة تمهيدية ( كشف باسماء وعناوين ووظائف وهواتف أعضاءها )
4/ كشف باسماء الجمعية العمومية بذات السياق أعلاه ( عناوين وظائف هواتف الخ )
5/ تأسيس مقر ( ارفاق ما يفيد بوجود مقر )
6/ سداد الرسوم المقررة بعد استيفاء الاشكال الادارية أعلاه
7/ الدعوة لجمعية عمومية للاجازة النهائية للدستور وانتخاب اللجنة التنفيذية ( بحضور مندوب من المفوضية بعد الموافقة )
هذه الاجراءات المطلوبة وفقا لآخر ممتابعتى وخاضعة لتبدل أحوال البلد الذى هو كل يوم على حال
مع شكرى وتقديرى
| |
|
|
|
|
|
|
|
|
|
Re: محتاجه محامى فى السودان (Re: سمير شيخ ادريس)
|
Quote: ياسلام عليك يارانيه
ربنا يوفقك دائما في عمل الخير
هاك دا تلفون صديقي الدكتور القاضي (خالد المبشر ) 00249919112628 وممكن تكوني في اتصال معه لكي يرتب كل امورك القانونية
بس تقولي انا من طرف وليد .
ثمح
------------------------------------
معليش يارانية دا الكبر يابتي |
عبد الرحيم محمد عبد الرحيم
Quote: مولانا دكتور خالد مبشر علما فى راسه نار وهو نوارة المحاكم بحرى .
لكن نحن حاضرين ومتخصصين وده مجالنا المطلوب ويمكن الرجوع للبروفائيل وممكن نساعد.
عبدالرحيم / المحامى والمستشار القانونى |
شكرا بالله ماتقصروا مع اختنا رانيه
| |
|
|
|
|
|
|
|
|
|
Re: محتاجه محامى فى السودان (Re: وليد عبد اللطيف)
|
طبعا يا غاليين
مشكووووووووووووووووووووووره لطيش على التعاون وحاليا بقيت الاسماء كتير
وحضطر ابدى من اول متطوع وهو الاخ ياسر معتصم
عشان ما تبقى خير وفقوس
ولو ياسر طشه حقلب على البعدى طوالى
ثمح
يديكم الف الف عافيه
| |
|
|
|
|
|
|
| |
سمير شيخ ادريس
ياسر معتصم
willeim andrea
عمر صديق
محمد مصطفي مجذوب
محمد عثمان محمد طه
mayada kamal
الكباشى عبد الله الرقيق
Mubarak Eltayeb
وليد عبد اللطيف
عبدالفتاح أبوشيمة
عبد الرحيم محمد عبد الرحيم
فيس بوك
تويتر
انستقرام
يوتيوب
بنتيريست